麺匠八

營業中

休息中

點解做唔住係咁執真係有原因，難食，改咗名都係咁難食，已經開喺調景嶺呢個美食沙漠嗰度，都可以無客，真係唔該唸下點解。1）個盆4隻角發哂霉，我寧願無盆。反哂胃。2）我已經叫個貴嘅清湯和牛米線，嘩，塊‘’和牛‘’ 薄過張紙咁，又老又韌，真係想問佢係咪太和牛肉？碗嘢難食到一個點，早知過對面排隊食嗰2間，自己抵死唸住唔使等去食，點知捉蟲。3）嗰隻乳鴿，瘦到咩咁，話名頁椒乳鴿，但無花椒味，只另加幾粒花椒就算。4）奶茶......真係頂，我已經怕中蕉園所以叫多奶，點知都係咁難飲。啲樓面員工好禮貌，但食品實在難6，完全唔值呢個價錢。

1月9日中午去食豬軟骨拉麵。 女侍應服務態度差。豬軟骨拉麵，湯底唔夠熱，啲麵爛撻撻。之前間唔中都會去幫襯嘅。啲拉麵之前都可以接受，但係上個星期四食嗰碗豬肉軟骨拉麵，水準真係極之差。食咗兩啖，我就頂唔順，要去幫襯另外一間食肆。

琴晚叫左一碗叉燒拉麵外賣回家吃，但番到去一開先發現d叉燒全部燶的，根本食唔到，好好好離譜！！！咁都夠膽出俾個客，個廚師係唔係盲左，定因為係外賣單就可以亂黎😕😕咁當然要打電話落去要求換啦，叫職員送上黎又唔肯，又要自己行多轉拎，當時已經好肚餓了，唯有死死地氣食淨麵算，真係俾佢激死😤之前食過幾次都唔會咁，但今次真係太離譜啦！！！最後，職員只係叫留低電話，下次幫襯時再補一份叉燒喎，有咩用🥲🤷‍♀️

今日試咗一間日式拉麵店，味道不過不失，但價錢略高，所以lunch Time時間食客亦比較少，比起附近其他食店，這間拉麵店不用排隊，於是我和我的朋友就入去試試。我哋兩個人一個就叫咗唐揚雞塊拉麵，另一個都係食雞，但係就叫咗照燒雞扒拉麵，因為飲品要另外加錢，而且價錢亦唔係好化算，所以我哋兩個都一齊決定健健康康啲，飲免費提供嘅日式熱茶。兩碗拉麵都係豬骨濃湯湯底，味道正常發揮，雞扒同埋炸雞塊質素都OK嘅，如果唔想排隊又唔介意佢嘅價錢貴少少，其實都可以考慮呢間拉麵店。

拉麵體驗令人失望。售價100元一碗，但食材(預制)顯得平庸，麵底與超市冷凍拉麵無異，湯底也平平無奇，缺乏新鮮感和特色。沒有期待中的日式風味，期望中的高品質日式風味並未體現，性價比低，不推薦。😓

係附近諗住搵野食，見呢間裝修幾有特色，就決定入去試下。一入到去坐低，附近都有一兩檯客。店員聲稱9.30收工，8.30截單，我地8.入去，全部店員黑口黑面。咁我地都快快手諗好食咩就嗌。到野食上檯嗰陣個男店員一句野唔講，就咁啤住你等到你移開檯面既杯再放低野食。拉麵湯底完全係出前一丁豚骨湯底，炸豬趴極厚粉冇肉，炸雞極乾，雞胸肉黎。咁就六十幾蚊。未夠九點已經催我地走，埋單話轉付款方法就直接發脾氣大力丟低部收款機，又冇阻你收舖唔明點解個個男店員都咁燥。唔會再有下次。

今日有事要去調景嶺，係商場經過呢間拉麵舖就入咗去，環境都整潔。因為唔太肚餓就淨係叫咗啲小食，唔使等好耐就嚟到。雞軟骨好脆，好香口👍🏻👍🏻鯖魚都唔算多骨，落咗檸檬都不錯。而家做緊全日優惠同學生優惠，都幾抵食。

調景嶺站的食店數目不多，味道也麻麻地⋯⋯今日試下間開業不久的【麵匠八】。【麵匠八】沒有什麼光環，加上兩間分店都位於將軍澳區，明顯是本土扮日式拉麵店，主攻街坊客人。【麵匠八】菜單簡單，只有小食丶6款丼飯及 8款拉麵。日本拉麵店一碗拉麵超過一百元非常普遍，但是【麵匠八】的食物價錢非常超值，一碗拉麵只不過五丶六十元！黑鬼叉燒拉麵($66)  手機下單，拉麵配料按個人口味加減。呈上的拉麵份量十足，不用加錢已經有紫菜及蛋。叉燒有三片，每片都有相當厚度，不過小編反而覺得太厚叉燒不夠軟淋影響口感。湯頭味道不太濃厚，入口竟然跟出前一丁的黑蒜味差不多，沒有期望下至少容易入口不伏。麵條不叫爽口彈牙，至少沒有鹼水味。咖喱吉列豬扒飯（$66） 一個字形容：「平」！尤其與日式吉列豬扒飯名店比較，動輒HK$200 以上一份、選用日本產名種黑豚炮製的吉列豬扒飯，一碟就已經等於3碟的價錢，味道當然不能苛求。麵粉 / 雞蛋 / 麵包糠脆皮同豬扒完全分離，麵包糠亦太零碎，完全沒有香脆口感。豬扒雖然腍身，但入口粗嚡、冇肉汁，太瘦、欠缺油脂及油香，更加沒有豚肉鮮味。咖喱汁味道亦很一般，顏色唔漂亮、太稀身；明顯沒有用上肉骨熬煮

第一次食尼間 滿懷期待，真係好普通。我懷疑係咪料理包整出黎：1、麵軟硬冇得揀2、湯底食唔到一d鮮味（我叫左原味）3、小食淨係得炸物4、嘅溏心蛋都整得生過人話好食嘅，行遠d多食幾間吧😅

放假又周圍揾野食，今日系屋企附近揾到呢間餐廳，見到見到餐牌菜式多樣，忍唔住要入去試下！ ////吉列炸蝦⭐以鮮嫩的大蝦為主料，外層裹上了金黃酥脆的吉列炸粉，脆脆的口感令人難以抵擋。蝦肉的鮮嫩多汁，同時外層的炸粉給予了蝦肉更多的層次感和口感變化。////忌廉粟米流心脆餅⭐外面是一層濃鬱的芡汁，夾雜著芡汁的甜味，鹹甜得宜。忌廉粟米流心效果讓人充滿了驚喜和滿足感。忌廉的豐富奶香和粟米的自然甜味相互融合，帶來了一種滑嫩口感和迷人的甜味。////黑鬼叉燒拉麵⭐以烤制得香脆外皮和多汁鮮嫩的叉燒為特色。叉燒肉質鮮嫩，外層烤制得金黃香脆，肉汁和醬汁充分融合。真系滿足曬我呢個大胃王。真係一間我會不斷想去食既餐廳，環境舒服，食物高質，大家都快d黎試下啦！

麵匠八位於調景嶺商場中，主打日本拉麵，環境舒適而有日本設計，性價比極高！❤️麺匠八〰️評分指數:環境:⭐️⭐️⭐️⭐️⭐️（5星滿分）食物:⭐️⭐️⭐️⭐️⭐️（5星滿分）服務:⭐️⭐️⭐️⭐️⭐️（5星滿分）主食就揀咗全店我認為最吸引嘅「黑鬼叉燒拉麵」！大大碗嘅拉麵真係夠晒飽，湯底方面都好濃，但係濃得嚟又唔會太油膩！叉燒大大塊，一啖湯一啖拉麵一啖叉燒，超Perfect😘甜品我就叫左呢個好吸引嘅「鮮奶芋頭芋圓」，冇諗過咁大碗，真係好足料呀！鮮奶飲落牛奶味好濃，唔知係咪用咗3.6牛乳真係好好飲！芋頭都好綿密，食到天然嘅甜味。而芋圓方面都覺得非常之煙靭有咬口😋

調景嶺有一間我最深愛嘅日本拉麵店叫做麵匠八❤️每當我一想食拉麵或者諗唔到食咩嘅時候就會嚟到呢間餐廳！❤️酸湯肥牛拉麵太想食啲酸酸辣辣嘅拉麵就叫咗呢款酸湯肥牛拉麵，肥牛大大塊，而且好薄，仲食到啲牛肉嘅香味，吸收湯底一流！拉麵嘅份量都夠多，細食嘅話可能仲食唔晒。❤️抹茶珍珠鮮奶比呢一間店舖嘅特色飲品吸引，有好多唔同嘅款式，但係因為抹茶控嘅我都係決定要試吓佢呢款抹茶珍珠鮮奶。抹茶味甜得來仲有甘香嘅味道，珍珠好煙靭，口感豐富！呢度嘅拉麵或者飲品都相當之唔錯，絕對唔會令我失望！

我想同大家分享呢間拉麵店我同朋友鍾意食咩✨✨味噌雞扒拉麵、黑鬼叉燒拉麵拉麵我哋就分別叫咗一款味噌雞扒拉麵同埋黑鬼叉燒拉麵。兩碗拉麵麵質都係一樣，偏向有咬口煙靭嘅口感，而湯底方面都一樣好濃郁。味噌雞扒係另上嘅，醬汁好入味，雞扒都好滑。叉燒大大塊又好吸收到湯汁嘅精髓。✨芒果梳打QQ、提子啫喱冰冰兩杯特飲嘅味道都唔錯，芒果梳打同埋提子冰都唔會有假甜味，真係飲到本身生果嘅味道，甜度都啱啱好。不過我最鍾意嘅就係呢兩杯飲品嘅配料，QQ同埋啫喱都好好食！飲緊好飲嘅果汁嘅同事仲有啲嘢咬下！正！

一家人想找一間食市可以坐多一會兒，便選了來試這間新開張的日式食堂。一坐下，看到外面的街坊很多都是想看看的好奇眼神行過。今次要了吉列豬排拉麵，燒雞排拉麵和餃子拉麵，而飲品便要了珍珠奶茶和芒果啫喱冰冰。吉列豬排是做得不錯的，特飲是有一定水準的，和附近特飲店有差不多的水平。所以，以加$12和$15的價格，是我覺得很好的。今次的彩蛋便來介紹附近的特飲店，在地鐵出口便有天仁，二十步便到貢茶。附近有VTC和明愛，還有幾間中學，平時一到放學時間都有很長龍在等特飲。

聽屋企人講TKO Gateway入面有間幾抵食嘅日本嘢，食過幾次都唔錯～我就未試過，今晚就同細佬試吓先🙈💠提子啫喱冰冰💠大大杯很okay~加咗蒟蒻口感更qq，冰凍嘢飲幾時飲都啱feel❄️💠吉列炸蝦💠炸蝦好得wor!入面真係有隻正常size嘅蝦，唔係得炸皮然後隻蝦細細隻咁，依點我哋十分欣賞🙊💠黑鬼叉燒拉麵💠黑蒜油湯底，蒜香氣足夠🧄拉麵重麵粉香，口感煙韌唔會過腍，特別掛湯🐵💠酸湯肥牛拉麵💠好似好獵奇，原來都幾夾🙈酸湯中和咗肥牛嘅油膩感，飲落好順口，我真係飲哂啲湯～