麵館皇

那天，同太太二人一起去大埔辦好重要的事情後，就去了大埔中心一帶尋找地方食晚餐。不多大吃大喝，不想來來去去都吃茶餐廳的我們，真的令到我們諗爆頭。當我們行到昌運中心，我們被這一間《麵館皇》的出品吸引到了。簡單的北方拉麵餐，再加上藥膳湯底，的確啱晒我們想輕食同吃健康一點既主意。他們的灌湯拉麵，就是他們招牌的藥膳湯底了。而太太的素雜錦灌湯拉麵，全因為有個好湯底。而麵的伴料有木耳，紅蘿蔔，金菇同豆腐干，再加上青菜。以素食來說，這絕對是一個豐富的麵餐。再者，那香甜的藥膳湯底，更是值得飲過清光啊。一心想來個酸酸辣辣的北方口味的我，就點了一份酸辣湯雲吞。我個人覺得，酸辣湯是這一碗湯雲吞的主角。酸度足，辣度恰恰好。足料的湯底更令我有齋飲湯已經有飽肚的感覺。雲吞，是北方 style 的菜肉雲吞，配合這一個酸辣湯，吃起來更加之香滑。沒想到，晚餐的一碗麵會換來我們的大滿足。更感覺難得的，就是這中式麵館的麵湯底，係值得大家把其一飲而盡的啊。…查看更多

【大埔區】【麵館皇】又喺大埔搵嘢食，今次行經昌運中心，名物好似係食粉果呀，雞蛋仔呀嗰啲，不過都冇人排隊喇，應該都係熱潮過咗之類。而我就對呢間麵館皇有興趣，首先佢係喺沙田第一城開過而敗走咗，其次係好似之前冇乜印象呢頭有呢間嘢，唔知係咪新開，好奇嘅。為咗滿足自己嘅好奇心，就入去食返餐，又可以寫畀大家睇，何樂而不為呢？首先叫咗 $52 嘅「寧波三鮮手拉皮小雲吞」，嘩，小雲吞都賣到咁貴，咩料。原來佢係有三十隻，連埋紫菜、蛋絲，成碗嘢都幾大。味道方面，一啖一隻，啖啖肉，我覺得唔差嘅。跟住就嚟埋 $48 嘅「上海小籠包」，一籠有六隻，都係冇欺場。皮薄得嚟個餡幾有鮮味，最重要係佢湯汁份量幾好，唔會爆到周圍都係，但又唔會覺得佢汁少，啱啱好。加 $3 飲嘅「凍豆漿」略嫌淡口咗少少，有啲失色。埋單 $103，街坊生意合情合理吖。。。（地址：大埔安慈路4號昌運中心地下29號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followforfollowback #love #eat #openrice #instagram #xiaohongshu #1am大埔區 #大埔 #太和 #大埔墟 #麵館皇 #上海小籠包 #凍豆漿 #寧波三鮮手拉皮小雲吞 #1am1862 #1ambackup…查看更多

呢間上海麵店嘅酸辣湯都幾正宗，酸味同埋辣味都好平衡，入面啲料都幾豐富，有豬皮豆腐絲冬菇絲等等，一大碗都分到四至五小碗，幾抵飲。呢度啲棉用砂鍋上，上嘅時候仲滾下滾下咁樣，如果鍾意食熱辣辣嘅麵嘅朋友，呢間麵店就啱曬。佢嘅拉麵可以改刀削面，呢個係滑雞都上面，呢個係滑雞刀削麵，啲雞又未算係滑不過叫做唔埋咁啦。呢個係上海排骨拉麵，其實即係豬扒啦，豬扒同埋個麵分開相，五十幾蚊嚟講真係份量十足。呢個豬軟骨同樣係揀咗刀削麵，豬軟骨好鬼大舊，反而面嘅份量就比滑雞都上面少。整體幾好食，性價比算高。…查看更多

天氣熱熱哋胃口就自然冇咁好，本身就已經決定食碗麵就搞掂，點知呢間上海麵店竟然有冷麵，所以就叫嚟試下。佢呢度嘅冷面有三款，我就揀咗麻醬雞絲冷麵，未算好驚喜不過味道ok嘅，個麻醬都幾香，雞肉亦都算多，唯一缺點係個冷面唔係我想像中嗰隻冷麵。另外叫咗一客鍋貼，呢個整得幾好，鍋貼皮唔會好厚，亦都唔會煎得太燶，因為好怕煎到好燶會有一陣苦味，唯一缺點係油咗少少囉。再加杯豆漿，豐富的一餐。…查看更多

新店開張梗係要幫襯一下，試一試佢係龍定係蟲，坐低聽隔籬枱同老闆娘嘅對話先至知道原來佢哋喺銅鑼灣仲有一間分店。宮廷煎水餃其實就係普通嘅窩貼加隻蛋落去，味道又唔錯喎，煎餃嘅皮煎得好靚，而且入面嘅鮮肉餡料好新鮮，用鐵板熱住上保持住個溫度。冇諗過醉雞上海麵嘅醉雞會咁大碟，而且係會用雞髀肉再加雞髀旁邊一齊上，性價比極高。菜肉雲吞上海幼麵味道唔錯，菜肉雲吞新鮮好食，似係自己包嘅，而且雲吞個數量比想像之中多，好似都有五粒。佢呢度嘅豆漿味道唔錯，跟餐先至係$4杯，抵到爛。…查看更多

今日試咗呢一間位於大埔昌運中心嘅麵店，佢哋主打上海菜式，味道都幾正宗，而且價錢亦都相宜。食上海嘢點少得酸辣湯，而且酸辣湯往往就可以試到嗰間上海小館嘅食物是否正宗，呢度嘅酸辣湯味道唔錯，酸味同辣味都好balance，而且入面啲配料都幾豐富，味道亦都算正宗。小籠包一籠有六隻，坦白講呢個係有少少失望，最大原因就係佢唔係人手包嘅，似乎係機器倒模出嚟嗰種。另外再叫咗個菜肉雲吞上海麵，佢嘅菜肉雲吞好食，碗麵嘅份量亦都算大。…查看更多