麵屋武蔵 (新鴻基中心)

中午食飯找間拉麵試下只需要等10分鐘就可以入座入座後男侍應好有性格 唔係好理啲客😂雖然佢完全唔出聲應人 但仍然會幫你落單今日叫左：1）蟹籽沙律份量唔算好多 都適中沙律醬充足 但係蟹籽好少2）魚介沾麵中午套餐送氣水拉麵麵質煙煙韌韌 唔錯叉燒都好味 唔會乾或柴但係沾麵汁太稀 掛唔到係麵上面 有點可惜之前有食過黑蒜味的沾麵表現出色好多…查看更多

實在太肚餓，唯有食左飯先返屋企🫠呢間成日經過，睇落好似好貴，原來又未至於天價😅同埋仲有得用OpenRice pay 用埋cash$$，計落又好似幾抵食叫左一個拉麵同一個沾麵：沾麵湯濃得嚟有點兒太鹹😅湯可以再熱啲叉燒，普通，望見太多肥膏有啲唔開心，仲要係凝固嘅肥膏….麵都算夠暖嘅（起碼唔係冷麵先🙈），不過份量有點兒少，我就夠食唔會太飽，即係正常食量就食完可能會有啲空虛😓蔥花夠多，很香晚飯時間唔算多人，得三份一嘅枱有人，但係唔知點解等好耐🫠…查看更多

白武士豬骨魚芥還能說是可以，有一定層次但不是我喜歡的濃郁度醬油沒有帶出醬油湯的鮮和層次，被一股七味粉之類的香辛料蓋過，也勉強可以說是個人口味問題這黑沾麵倒是厲害了，沾醬上還有一團沒化開的豬油，我看着乘機試了一口黑色的沾汁底，一股芝麻味，心想不妙，希望攪拌混合起來ＯＫ罷。結果混合後吃起來，仿佛吃了個黑芝麻湯圓底，有粉團的澱粉感以及濃重的芝麻感？麵雖然不算香但也可以，凹紋設計加上濃厚的沾醬的確相當掛湯，可是我掛個這麼奇妙的湯底上去幹嘛？雖然是賣這個價格，但麵量本來也偏少，水準有點過份喔…查看更多

中午店好多位，但佢地人手嚴重不足，我企係出面等左15分鐘都冇人執位俾我，提左幾次，果位阿伯收銀竟然同我講唔得閒！嘩真係好態度！講真叫我坐低先再慢慢執位，我都仲接受到，佢講唔得閒時，係背住我，好敷衍、唔自在，呢種態度真係差到爆…查看更多

食物質素差，服務態度仲差，快啲執啦。附近翻工想搵間拉麵食，見到價錢好平過來試下，真係嬲到爆。拉麵就係超市貨，差過自己煮。但食物質素一般都唔緊要，店員真係非常無禮貌，講野好似講粗口。…查看更多

叫生薑豚肉飯職員：冇炒嘢我：姐係？職員：冇炒嘢我：……….心諗究竟你講緊咩？我：……….姐係冇生薑豚肉飯？職員：係我作為一個第一次黎既顧客冇炒嘢 你覺得我會明你講緊乜嘢？你大部分冇 你直接講有乜嘢迷得點解要我估冇炒嘢我點會知道咩係炒既 咩唔係？除左外賣自取menu第一個 …炒雞有個炒字我迷會知道最後，不好吃的，永遠不會再買，因為真的非常極度伏，沒有醬汁，沒有味道的溫泉蛋壽喜燒牛肉飯，價值$58.建議使用完整句子！！…查看更多

全場得一個人掃安心碼落單執枱送餐!! 平日7點鐘時段好多張枱都無執過，不停有客人舉手要求點餐，坐低起碼20分鐘先落到單。好惡劣！永不會再光顧強烈建議貴公司請多幾個人!!…查看更多

早幾日出咗一篇關於鬼金棒嘅食評後，我諗起對上一次食拉麵又印象深刻嘅已經係2021年食麵屋武藏，有幾個原因嘅其一，我哋係差唔多最後一組客人入去，我哋都唔係幾好意思，阻住人收工，但係入面嘅staff都無黑面，而且對我哋好有禮貌其二，一睇到個餐牌竟然有番茄🍅湯。嗰日又唔知點解胃口唔係好好，唔想食咁油膩，番茄湯對我係一個幾好嘅選擇。最後，嗰日係我一位同學離港前最後一餐，可能以後都只可以隔住個mon見到佢講返野食先，番茄湯似乎係香港變得common，但係勝在個湯夠濃，加上較幼身嘅拉麵，可以一下sh落個口到，又係一種情趣加上嗰陣都比較潮濕，食啲酸野開胃啲。服務方面，真係無得彈，我哋最後入去，唔可以要求咁多，但係都無人厭棄我哋，仲同我哋傾咗兩句 (可能最後一組客先至有時間咁做)最後嘅最後，有陣時一班人食飯，唔一定次次都食好貴，食好多野，環境可能更加重要…查看更多

好耐冇來咁就再試下、之前食開佢有lunch set.咁坐底就問下（因枱面係冇lunch set餐牌）咁個女侍應就話冇餐既.咁我順理以為改左.照叫其他野！坐坐下有人來佢地又有餐叫.我都奇怪🤔.食完埋單順口問問（其實都係問下有冇都食左）點知佢地一個男侍應.態度其差.講到唔開佢事.係我問題！同佢講左一輪.有個高級d既出來講和！老實1）有set咁餐牌要擺出來！2）唔係個同事調左鋪唔知係借口（因lunch set 只有尼間有）！咁我都走人就算.最多唔來！唔係話補番飲品或小食就得！尼d係你間鋪成套整體問題！唉….失望！！！…查看更多

因為3號風球既關係，揀左呢間喺公司附近既餐廳叫外賣自取。由12:15開始叫order，12:33 系統顯示可取，點知去到餐廳等左半個鐘頭都未有。喺半開放廚房見到一堆煮好既外賣堆左喺到但冇人包裝送岀黎，只見送餐員一直只係送岀堂食。服務員仲態度差，追佢單就不斷話黎緊，完全冇理過發生咩事，亦冇幫手追單。我叫左豚角拉麵，個麵又生又硬份量又細，我一個女仔都食唔飽，個湯全部係油。一碗咁既拉麵要$85，一定唔會再幫襯！…查看更多

管理層真係要做下野Lunch hour 得一個staff 睇哂成個樓面負責哂收銀落單上菜 etc.有吉枱但都冇人手安排入座， 等左10分鐘先得閒安排入座唔知咩管理 + 做死人…查看更多

有日係會展附近要食野又唔知食咩好又唔想行返出d食野咁岩又見到呢間拉麵店就走左入去食喇麵屋武藏都多分店既講起集團式經營嘅話就一定會記起呢一間既然係集團式經營品質，出貨都會有保證所以都唔使怕會伏當日就叫以下呢個拉麵+飲品午餐set本身都好鐘意食蒜頭所以就叫咗呢一個蒜油湯底麵質煙靭係我鐘意食既口感唔會爛溶溶我最討厭就係咁呢個絕對唔會至於個湯底食完都唔會口渴有蒜味但又唔會搶口配合埋啲京蔥個味相當夾價錢都係可接受既讚讚讚讚…查看更多

一間連鎖日本拉麵店📍麵屋武藏🍜 因為係灣仔返工，而佢算易搵位所以就跟同事去左食lunch🤣味道不過不失，如果肚餓時經過或者放飯搵唔到其他餐廳位時，又想食個拉麵既，都可以入去食既😂不過佢既炸雞比拉麵出色🤣🤣1. 黑武骨拉麵 ⭐️⭐️⭐️2. 武藏唐揚炸雞⭐️⭐️⭐️⭐️🍽 環境 ⭐️⭐️⭐️🤵🏻‍♀️ 服務 ⭐️⭐️⭐️😋 味道 ⭐️⭐️⭐️💵 CP值 ⭐️⭐️⭐️🤓 Overall ⭐️⭐️⭐️😇 回頭度⭐️⭐️⭐️…查看更多

外賣自取有折扣！！不過等得有d耐都差唔多20分鐘整體黎講好好食！！炸蝦餅好脆口牛舌沙拉的牛舌都好厚身牛舌飯d汁同飯balance都唔錯值得一試加上可以試埋餃子我個人幾鍾意d餃子下次可以試下單點！…查看更多

出街食飯中伏真係勁唔開心，浪費時間金錢仲要唔開心地變肥🥲 希望可以幫大家減低中伏機會，唔好重蹈覆轍！本來滿心歡喜諗住夜晚去食拉麵，一出到去已經好黑仔咁落大雨，之係仲掛埋黑雨，仲要食咗so far覺得係人生暫時食過最難食嘅一碗拉麵...~𝓞𝓿𝓮𝓻𝓪𝓵𝓵~ ✨價錢:4/10👅味道:2/10🌌環境:6/10★蕃茄叉燒拉麵 ($85)碗拉麵一上到枱已經唔熱，大打折扣，蕃茄湯味勁淡無乜味，好似放咗好耐咁，而叉燒亦好柴，但重點係個麵質好一般，無咩質感同咬口，似係喺超市市場買嘅即食拉麵😀😀可一不可再了…查看更多