麵屋丸京

營業中

休息中

今晚因有約， 由沙田坐巴士去葵芳， 塞車埋站時見到有門口只得日文麵店， 抱住支持小店心態一試麵店門口位廚窗見到有三個大煲，入面應該係湯底， 似模似樣坐底點左叉燒麵， 唔使兩分鐘就送到。叉燒鋪滿， 不過太瘦，欠缺日本叉燒肥美香味，而且嚡口; 麵身硬，合心意; 湯底都清， 飲到一滴無剩。收73蚊已經是較親民， 無葵興芳想食日本麵， 係一個不錯選擇

拉麵店包裝做足，裝潢、落單、價錢、店員服務、卓上的調味品、還有店員一句句公式化日文，很努力去定位自己做的是「日本拉麵」，但麵做不好(做不到)，就成了A貨、淘寶貨，就同對面葵涌廣場一脈相承，仲有外面街市味傳入來。葵芳有「拉麵」食 ... 仲想點？

作為一名拉麵愛好者，自然希望試齊城中有名的拉麵店！此店毗鄰葵湧廣場，絕對係行完街醫肚既好地方！（假設在葵廣冇食得太飽）同朋友share兩碗拉麵既叉燒，叉燒係薄片、又係慢煮，所以唔嚡口，不錯。拉麵不粗不幼，浸耐咗都唔會腍曬，係有水準既麵。湯底我地揀咗濃湯，食開中等或淡口味會覺得好鹹。另外湯面上既豚背脂非常多，令到每啖湯都好油，建議可以選擇少豚背脂。最後要一提，我同朋友食完麵後既口渴感覺持續到翌日，可見湯中的味精非常不簡單。

很久沒有吃日式拉麵，一來本身更喜歡台北吃過牛肉麵的那種手工麵條，二來在港找到的日本拉麵，一係伏一係價錢高得有d過份，$9x一碗在所難免。路過葵芳，剛好有一家大眾好評的拉麵店。menu很簡單，只有四款。是次選了$68有半熟玉子和叉燒，通常在別家吃半熟玉子都要另外加錢，呢款變得更抵食。湯底：清湯底係豬骨加醬油調味，但感覺似單絕的醬油湯底，對本人來說清湯已經偏鹹，但還是喝得下那種。麵條：本身都好偏硬麵條，但硬到冇埋軟彈感，差d。玉子：正叉燒：瘦叉，但唔鞋，剛剛好，亮點。有日本local 普遍的水準，又未去到非食不可，路過想懷念下拉麵的味道，呢間係可以。

早兩日同男朋友慶祝生日， 但總嫌餐飯令佢唔夠滿足開心，加上睇到報導覺得唔錯， 就拉埋愛吃拉麵嘅男朋友過黎。每人食咗一碗極上拉麵， 好好味， 男朋友嘅清湯arm arm好, 我嘅濃湯就有d太濃加鹹， 麵質適中，開頭有d偏硬， 但食到尾變軟就剛好。配料足夠， 唔會好似坊間只得兩片唏噓嘅叉燒， 而且隻蛋仲夠流心又入味。男朋友食完過兩日又話想食， 得閒都再幫襯下

同公司同事食lunch，見有間新開拉麵店評價又好像不錯，便決定一試。這裡有4種款式選擇，其實只是叉燒與糖心蛋多與小的分別，而湯底有2種選擇，就是濃湯與清湯。湯底和一般食開的有點不一樣，是豚骨醬油湯底，喜歡濃味的我當然是選濃湯。湯底味道不錯，濃厚得來不會太咸，同時有豚骨和醬油的味道，麵條韌度還可以。叉燒很腍身，但太腍了點以致一夾起就散了。糖心蛋算不錯，頗入味而蛋黃夠流心。回到公司工作了一會突然很肚痛，開頭以為只是個人腸胃較為敏感，但之後同事問我有沒有肚痛，說他肚柯，才發現可能是lunch的拉麵引致。希望這只是個別事件，而不是店鋪衛生出現問題吧。

今次「捐窿捐罅」黎到葵芳已一間叫「麵屋丸京」小小的店子裡面提供的位置唔多店內清一色只賣拉麵而湯底係用背脂濃湯所整出黎師傅在豚骨湯中加入了豚背脂并呷一口湯唔難嚐到粒粒豬油的口感湯底的味道和質感都相當濃稠只要稍為整一下湯的表面已經起了一層膠 味道同香港其他拉麵略有不同由於編者麵係透過「高登」平台去試所以遠道而來加上豚肉加大加蛋場面甚為壯觀雖然拉麵不設外賣但絕對值得親臨一試-濃厚豚骨半熟蛋拉麵 HKD837/10 😋😋😋😋😋😋😋

第一次寫食評，尤其愛好拉麵，細細個在日本食過拉擊之後，便愛上這食物，近年，拉麵風襲港，實在可喜可賀！！揾拉麵食揾到去葵芳⋯的確同傳聞一樣，c/p值好高！！小第㨂咗'極上拉麵'清湯一上枱，視覺爆燈 100分🎉🎉🎉粗略評價下：*麵質比一般粗，但又唔會太硬，適中。*湯㨂咗清湯（豬骨+醬油），頭段清甜，之後就稍鹹，但可接受。Ps:濃湯就冬天先好試（網上評）*叉燒，有成6塊，大大塊，肉味不錯，意外地比想中鬆軟好多，同嫩口😮*半熟蛋，蛋味不錯，連蛋白都軟軟的*䓤花同筍配埋碗麵，錦上添花🎉==地方就吊腳少少，但都值得一試，比到你日本風味～冇小食，專心做麵～只可㨂清or濃湯，其他一律師傅發板有機會，順路，會再試

不上Openrice的話也許不會知道葵芳有一間水準中上的拉麵店 – 麵屋丸京這裡座位不多，大約有10多個，而近門口位置放了一部冷風機，食客不用擔心街外的熱氣會攻入來。檯上有自助調味料供應，可惜辣醬不辣的，反而生蒜就令湯底多了份蒜香味。極上拉麵 $83相比起在香港很有名氣的拉麵店，麵屋丸京就抵食很多了，$83價錢有多塊叉燒又有一整隻半熟蛋。叉燒肉質軟滑，口味的確上盛。拉麵屬於粗身那種，比幼身拉麵更有口感。真‧叉燒拉麵 $88看著相片已覺得很吸引，叉燒紅紅白白真像櫻花顏色，，經真空低溫處理的叉燒果然比極上拉麵的叉燒更稔身。麵屋丸京絕對可以令我一去再去，平平地$60幾蚊已有交易，想食好點的話也不過是$80幾蚊，比出名的那一兩間拉麵店只得一兩塊叉燒抵食很多!

踏踏實實的做好一款食物，收取一個平靚正的價格，顧客是會找上門的。此店只有濃湯和清湯的選擇，不是重口味的我，毫無選擇困難症，就選了清湯。湯頭清得只有零星的油泡，醬油味香濃，可大口大口的飲用。豚肉粉嫰粉嫰的，賣相已預示了入口即溶的美味。配料非常簡單，只有筍條和清蔥。筍條粗壯，那股獨特的、臭臭的筍味異常突出，愛筍的人會吃得過癮。麵底一夾起，已知是屬結實彈牙類別，可慢慢品嚐，無須擔心在湯內浸久了會太腍。58大元一碗，真的平靚正。

呢間只得拉麵同 drink... 但每次都排長龍... 雖然婆仔唔特別喜愛食拉麵都想一試... 呢次特登早 d 去... 有位唔洗等~ 一座低店員推介呢款真。叉燒拉麵... 第一個諗法係... 其他叉燒假架... 哈~真。叉燒拉麵（濃湯）靚... 超吸引... 乜真空低溫整既叉燒咁靚既喂... 難怪係每日限定... 仲好食好多喎... 又唔咸... 加埋蔥花香好多... 加埋蒜仲正... 濃湯有少少咸... 同油比較多... 呢度既拉麵煮得好好食煮得岩岩好~ 無令婆仔失望... 成碗清晒~極上拉麵（濃湯 + 紫菜）同真。叉燒比的確係差少少既... 唔係唔好食... 但就似平時拉麵店個 d... 蛋煮得好靚唔錯~3 支箭汽水 / 波子汽水3 支箭好飲過波子汽水喎~

濃湯真叉燒拉麵.真叉燒其實是經低溫烹煮的櫻色叉燒 每天限定20碗🍜 粉嫩的叉燒果然有點驚喜! 叉燒肉質非常嫩 口感軟滑 肉味濃😋👍🏼 湯底方面是豚骨醬油 有分濃或清 自覺還算重口味的我 選了濃湯😎 濃湯可見有一層油在面 還有背脂 直接喝 會有點咸 起初沒什麼問題 吃到一半便覺得油膩感太重 原來自己都不太受到😂 麵條是幼直麵 但比常見的幼直麵粗點點 麵條質感不軟 但再硬點會再合我口味😌 整體來說 推薦 特別是叉燒! 至於湯底 我想不能接受油膩感的我下次還是選清湯好了😂 價錢上也抵食 最平的$58有交易 而這碗最貴的真叉燒都只是$88 還要有那麼多片!京風味半熟蛋.吃拉麵 沒理由會缺少半熟蛋😈 半熟程度是我最愛的半熟啫喱狀 而非全流心😍 蛋味香濃 調味也恰當☺️

香港食店大多以選擇多見稱，等大家有種梗有一款啱食嘅方便，有時三五知己未必個個喜歡同一樣野食，選擇一多通常唸極都未決定到，但黎到葵芳li間麵店就好難出現li種情況，因為你只需要決定加抑或唔加，啱哂有選擇困難嘅我知道佢下晝12點開，預多左時間排隊，12點sharp就入得， 只有一張order sheet共4款拉麵，梗係揀又有蛋又有叉燒嘅濃厚半熟蛋拉麵！再加個桃梳打，原來無貨所以飲左三矢（=箭）梳打，唔錯gei。等左陣碗拉麵就黎了，好正宗嘅日本拉麵，一大ja葱，一片片叉燒加埋切好兩半嘅流心蛋～同order紙張相0出入， 飲第一啖湯，非常之濃香嘅豬骨精華，再一小勺湯加一箸拉麵，好爽口彈牙，係剛剛軟硬適中，流心蛋黃令整個拉麵錦上添花，每一口麵和湯都值得慢慢細味，日式叉燒片得好薄，感覺太過簿但係亦容易d索個湯底，食到尾會覺得唔飲唒個豬骨濃湯好浪費呢！0味精嘅料理真係可遇不可求啊當我地埋單後出面原來已有queue～

我同男友都點了同款的拉麵，就是濃厚半熟蛋拉麵 $68，食完剛好飽。湯底係豬骨味，選擇了濃厚的，所以味道好濃郁，雖然有豚脂粒，但飲時覺得清而不膩，濃味且不算咸，加辣椒油更惹味。麵質沒有硬度選擇，而且太硬身，比起平時我選擇的硬麵更加硬，吸湯汁度也不算高。叉燒是薄切的，肉味突出不油膩。最好味都是半熟蛋，蛋黃流心又夠香，好好食。

葵芳除左新都會比較貴價既食府，都好難搵到拉麵/日本野係平靚正，今次新開係智芳街個邊，一定要試下佢啦🏃🏿🏃🏿🏃🏿個日食咁岩落大雨，即係衝入去搵位坐低啦。店內環境都唔錯，新開冇耐正常都應該幾乾淨既。去到店員會話你知一碗拉麵用一張點餐紙，但比較失望既係呢間除左拉麵，都係得拉麵😂仲有叉燒同蛋，可能大食開，慣左兩個人食一定加返一兩個小食，希望遲下會有啦..唔係食落都dry dry地我媽就叫左清湯+普通份量叉燒，我就叫左濃湯+大份叉燒。大份量大概有五塊左右，都叫足料架但濃湯方面，味道偏咸，可能有味精，食落都要不停飲水。清湯味道還不錯，比濃湯更易接受，食開重口味先好叫濃湯喔。值得一提，店內免費提供檸檬水，呢樣抵讚因為我好鐘意飲，服務態度都幾好，又快手。不過質素就一般般，如果唔係突然想食拉麵又要揀葵芳，否則近期都未必會咁快再去👋🏿👋🏿👋🏿