麵屋一鳴

營業中

休息中

係大角咀呢條唔顯眼既小巷裏面 人流唔算多 但樹立左好多高質數既街坊小店！！呢間拉麵店開左唔係好耐 今次係第一次黎食🤍💛好有驚喜年輕既老闆好用心服務我地 仲會一齊傾偈 感覺佢好用心經營呢間小店街坊既意見佢都好願意去聽 努力改良食譜！呢份熱情我好欣賞！！難得有後生仔咁比心機服務街坊 一定撐！❤️‍🔥🤩🤩慢煮雞胸雞白湯烏冬🍜 83.77/100Lunch set只係$60-70 有麵有野飲有沙律 好足料！雞胸唔會好柴 但滑啲會再好食啲🤣🤣雞白湯飲左唔會渴喉嚨👍🏻👍🏻高質烏冬唔係平時既粗烏冬 比較幼既 但食落幾新奇😋會經常黎食！！推爆比附近街坊！

一到店就俾咗我哋兩個人兩客沙律雖然冇好大份但好有誠意　其次佢嘅水係加咗冰同青檸檬倒出嚟就係凍檸水但唔會有冰粒喺夏天嚟講真係好體貼　嗌咗一個US牛肉拉麵加雞肉沙律　牛肉拉麵湯底醬油味（$68）湯底有層次食落係雞湯濃郁嘅肉味而冇味精👍🏻食完唔會口渴配料比較中式：成塊黑木耳、竹筍但都有好食嘅糖心蛋至於個簿切牛肉雖然係有啲簿但食落都有三四啖　雞肉沙律（$28）鋪滿一層慢煮嘅雞肉條嫩而唔柴　所有味道未必特別驚艷但食得出全部都係心機

今日路經舊公司探班，見到附近開咗拉麵店就入去試下，未夠6:00比較易有位坐唔食牛嘅我就點咗「低溫雞肉拉麵」麻辣味，再追加汁煮廣島蠔。湯底夠熱，雞肉口感不錯，汁煮蠔幾特別只係平民價嘅幾十蚊一碗拉麵可能真係大角嘴或深水埗先至有食飽飽大滿足至有力揸車回家💪

門面木牌 + 藍色掛布已經好有日本風情，內部係簡單全白裝修，乾淨企理。家庭式經營小店，好有親切感每個拉麵都會附送一小碟胡麻醬沙律，可以醒醒胃準備食麵 ~○ 𝐔 𝐒 牛 肉 薄 切 拉 麵 // $68依度嘅拉麵主打濃厚雞白湯，但都有幾種口味可以選擇：醬油味、鹽味、麻辣味。選用薄切美國牛肩胛肉肉味濃，厚薄均勻，非常粉嫩，肉汁豐富。揀左醬油湯底非常香濃，啖啖骨膠原精華。半熟溏心蛋好亦好出色，流心蛋黃同熱湯混合，口感變得更濃郁。每款拉麵都附送青蔥、洋蔥、味付筍、芽菜、木耳；另外可以按個人喜好加配汁煮廣島蠔 / 低溫雞肉 / 薄切牛肉 / 豚肉叉燒 / 溏心蛋 / 芽菜 / 紫菜。○ 豚 肉 叉 燒 拉 麵 // $58特登揀左鹽味湯底配厚切叉燒，豬肉肉質軟腍帶點韌性，惹味十足！配合爽滑有韌勁既麵條，食落清爽鮮味。○ 燒 雞 中 翼 // $30雞翼搭配鹽作簡單調味，保留雞肉既原汁原味唔不油膩。金黃色既雞皮帶有微焦香，肉質嫩滑超級 ᴊᴜɪᴄʏ。○ 甜 煮 南 瓜 // $20被糖漿包裹住既南瓜色澤金黃，煮熟後南瓜變得軟糯，口感順滑，天然甜味冇被蓋過，加上糖煮黑豆感覺清新健康，推介食完拉麵作為飯

老闆好好人，一坐低就請我地食沙律。拉麵唔加底都夠食，雞肉都夠汁同滑。湯食得出係新鮮煲，夠香味。配菜都有足夠份量。麵身唔會太淋，食落都有彈性。碗都有已經熱定。沙律正常正常，加麻醬ok 開胃舖頭環境好乾淨，比大角咀其他餐廳衛生乾淨好多。