麵屋一平安

營業中

休息中

行開尖東，發現原來幸福中心都有麵屋一平安！先前係美麗華商場食過，拉麵好食，而且環境和服務都不錯！今次試下幸福中心呢間分店啦~入到去，裝修不太感覺到日本風… 比較像港式裝修…坐下不久，服務員好快拎左茶黎！上次係美麗華分店食過豬骨湯底，今次就試下豉油拉麵~~~食拉麵當然先試湯，豉油湯底不太咸，沒什麼特別~拉麵煙韌彈牙，麵質不錯！！叉燒肥瘦適中~但竟然有菜心？？第一次食日本拉麵有菜心… 可能日本拉麵真係有時會加菜心，但個人而言覺得加左菜心變得港式化了…整體來說，幸福中心分店似乎有點港式化，或者可能只是因為選錯拉麵，不太適合自己口味…

2018年，還再提以1999年世界末日為背景的《千年女王》，連自己也覺得過時。不過，這間在地庫B1層，要從地面落兩層才到的拉麵店，實在太有「三食拉麵堂」（三食ラーメン堂）的風味。即使卡通裏，雪野老夫婦的店子開在兩幢高樓大廈之間的狹䙜中，而不是地庫，但那種隱藏在大城市不顯眼一角的情懷，如出一轍。就連室內佈置，也如20世紀七八十年代那樣。下午一時半，店內並不擠擁，只有幾枱客，大都是單身的中年漢，情景就如日本上班族工餘時在居酒屋打躉那種感覺。招牌菜長崎拉麵（只限周一至四午市）大大碗，店員不忘叮囑可點辣醬。湯底味道比較淡，但不是淡而無味，而是平淡中見甘香。喜歡濃味湯底的老饕或許不合心意，但重口味不應是衡量拉麵湯底優劣的唯一標準吧。大大碗的麵有蝦有肉片還有大量的菜，但蝦和肉片都沒有什麼味道，是否正宗亦無從得知，幸好麵很爽口彈牙，扳回不少分數。如果只憑拉麵和八爪魚丸評價，本來只能給OK而矣；但這些老店的吸引力除了味道外，主要還是重溫那種情懷，就像到華富邨的冰室那樣。如果吃不慣老味道的，恐怕要去同系的新分店了。

這間食店在1984已經在香港紮根，營業了三十餘年，好像在十多年前才開了幾間分店，不過在下還是最喜歡到總店惠顧，因為位於地庫，有點尋找隱世小店的感覺嘛。這裡會是香港第一間拉麵店嗎？枝豆鹹鹹的其實很適合佐酒，這天沒有酒，當成開胃小吃也不錯。炒野菜日本料理除了沙律以外，純菜蔬就好像只有這個了吧？酒煮蜆大隻且鮮甜帶酒香沒沙，這款幾乎是小的到式食店也必點的。鉄板豆腐滋滋作響的鐵板上是超嫩滑的豆腐，淡淡的豆腐上加上鹹香木魚絲更添美味。汁焼魷魚筒原隻魷魚筒端上來時已切成一圈圈狀，蘸著的汁帶甜美，質感富彈性具嚼勁。串焼冬菇目測狀似燒得有點乾，但竟然仍然保留少計汁啊！鹵蛋拉麵內只有半顆蛋不夠分享，追家一客，索性每人也吃半顆吧，軟綿的他帶著少許鹹味。熊本豬骨湯拉麵平常多數點什菜滿滿的長崎拉麵，這次試試這款，湯底不是現在盛行的豚骨濃湯，感覺較輕盈，麵條白色直身那款，不是小的那茶，叉燒鬆軟，如果湯底熱一更好。

冬至一家四口包括4歲及1歲囝去尖東睇燈飾、唔使迫但諗住無啖好食去食大x樂搞掂，點知見到招牌係拉麵館就膽粗粗試下!要明白…湊住d細佬搵間family friendly嘅餐廳食又唔可以太迫人又唔可以太貴都幾難!我地6點9到達未太多人，到8點走就啱啱滿座!先唔講食住，講family friendly嘅態度已經一流、d兒童椅超級舒服又有保護帶，難得!細囝扭計職員又知道大囝鍾意食紫菜，私人每個小朋友醒兩塊壽司紫菜俾佢地慢慢食、好讓做阿媽嘅我可以火速專心食左我個麵，感激!仲有臨尾俾杯滾水我去洗返bb食具，很好!水怪嘅我，係咁飲水佢好快係咁添返水，好好好好!廁所方面、好似酒店廁所咁靚!!!食物方面，老公要左炸雞排定食，佢話d雞排有肉汁、正!我就要左豉油拉麵、有d鹹所以最後用滾水做湯底family friendly!!!各媽媽可以試下!

lunch食左豬骨湯拉麵配鰻魚飯日本餐廳咁既垃圾服務仲好意思收服務費真係得啖笑你話食物質素高有態度我冇野講但個拉麵7十幾蚊茶記level 飯又爛blacklist

Quick tst east lunch . Key indicator for a good Japanese Resturant is "Japanese client" !! I m surprised with this place, they have a up scale version in Mira. Ramen was pretty good and they have a lot of selection ranging from hot bento set, rice bowl, ramen to daily special. Definitely good quality for the dollar. High recommend if u work in the area .

上星期因去幸福中心食生日飯，無意中發現B1層有間「麵屋一平安」喎！一直都以為只有美麗華商場一間，但那間太受歡迎，如不是六點左右食，都唔會浪費時間等位。今晚去開尖沙咀，即行去尖東試試有無唔同先！哈哈，都係嗰句，幸福中心真係人跡稀少、冷冷清清。原來要搭𨋢先可到B1層的一平安。餐廳裝修舊而不殘，好有日本風味，所以比起新裝修的美麗華店，我更鍾意這裡！晚上平日，但居然都有七成客左右，當中好多係日本人。服務方面，好欣賞應侍哥哥仔，非常主動幫客人添茶，值得一贊食物方面，因為唔係超肚餓，兩個人兩個主食+菜+飲品。特製豉油拉麵 － 好豐富、湯底好好味，麵質又一流，超正！滑蛋豬扒飯 － 不是很多汁嘅滑蛋，啱哂口味，一樣好味！ 炒野菜 － 日式炒菜一般都唔會太油，好爽口好味。總括，食物保持一平安好水準，而且餐廳更舒服，一間尖東舊餐廳、我的新食點啦！

去尖沙咀行吓下好鬼肚餓......早入去呢間麵店都試吓啦見到咁多拉麵心情為之興奮好老實講....個豬扒飯雖然細啲.....分量真係唔係幾夠我一個人食.....不過勝在塊豬扒夠鬆軟..... 可惜豬扒份量太少.....食完我都仲想食多塊至於個面嘅湯底都幾好.....我都飲晒啲湯....因為個湯豬骨味好濃又係令我飽到上心口......經過今個星期周圍去周圍食......我已經肥咗10磅我已經超過200大關點算點算你地話點算

第一次食佢既長崎拉麵應該係十年前了，當時長崎都唔知喺邊，淨係知道喺日本鍾意呢個湯麵好多餸好多菜，食到尾都仲有餸，個湯甜到可以飲曬，諗起都好回味因為香港而家都好多拉麵店，要食拉麵真係好方便，加上少去尖沙咀，已經有好幾年無黎呢度了，是晚要聽演唱會，一於重遊舊地星期五晚比較多人，無再見到一個個日本人一支公喺度開餐Encore 長崎拉麵，黎到個樣好似同以前無咩分別，可惜飲左少少湯已經覺得咸，愈食愈咸既感覺令我地心情由期待跌落谷底客人多了係米食物質素反而會下降呢？！

特製豉油豬骨湯拉麵湯頭入口濃厚，不會太咸不過不失！飲完不會有口渴的感覺！ 拉麵是幼麵有嚼勁！日本鹵蛋半隻，蛋黃有點過熟，無太多鹵水味，但是入口蛋白好滑！特別是有一隻鶉春蛋！2件豬腩肉，比較乾巴巴！2片叉燒，由於脂肪比較多所以有點油膩！小量竹筍，菠菜，蔥花同一片紫菜！整碗拉麵份量十足！$88 加一 都十分抵食！驚喜是竹筍無渣，味道十分突出！ 店員都幾細心知道我大肚，會自動送上熱水而且會自覺加水給你！店舖環境有點像日本的居酒屋，感覺不錯！

以我了解間店開左二十幾年，所以出品我都有信心，份量合理，有二樣野食既set簡，不過價錢唔算話好平，都係$70-90左右。主打拉麵味道可以，不過最推介豬腩飯好好味。香濃既豬腩飯真係最合我既口味，仲有流心蛋幼身拉麵湯底唔算話濃，不過都味道可以

係尖東街頭要搵日本菜唔難,但係地庫既日本菜就未見過,行落去既時候,仲會經過夜總會門口。不過咁，去到就即刻有位。味道仲好唔錯。叫左串燒 拉麵沙律 同 蛋卷。當中拉麵沙律最值得推介, 口感清爽, 揉合了冷麵及沙律的精髓，感覺健康,夏天食一流。另外,仲有串燒同多款不同的飲品,三五知己吹水一流!

熊本熊開心分享套餐 $78套餐包一碗細拉麵，味道淡淡既。紫菜印左熊本熊個樣，飲哂啲湯，碗底有個小腳印。另外仲有三款小食，炸雞粒、薯角、粟米。炸物香脆。撥開雞粒，我最期待既畫面出現啦！熊本熊！！！碗底碟底充滿驚喜，記得食哂啲野食啦！

環境感覺幾好,有小小日式居酒屋感覺.有提供日本漫畫比食客.講反食物先.Lunch set 有拉麵套餐叫左個細鼓油拉麵配迷你葱花牛舌飯.可能因為lunch time, 所以出得比較慢同有小小亂.細豉油拉麵,係ok嘅,男人大概六七啖就食曬. 個麵本身就不過不失,塊叉燒可以香啲,至於肥瘦就因個人喜好而異喇.個牛舌食,ok嘅,但係個味就好似好香港style咁,小小似蒜蓉汁加燒汁.塊牛舌切很薄所以冇根,但係口感差小小,如果可以燒一燒先再出會再好食啲.

喜愛食拉麵的我，平時都好鍾意周圍搵拉麵店去食，對於這間歷史悠久的拉麵店，我都食過幾次啦，這間老店裝修不是很好，沒有大電視，沒有音樂，有的是一個傳統的味道。我坐低後第一時間點了長崎拉麵。麵到了，依舊都係咁足料，有蝦，鮮魷，蜆肉，什菜，湯非常濃味，但係濃而不咸，不是一個味精湯的感覺，而麵質非常彈牙，極有口感！真係非常好味，員工服務又好，之後一定會再黎！！