麵全食

營業中

休息中

下晝兩點半過咗嚟金鐘，諗住睇下有咩食， 見到呢間主打食麵嘅餐廳就入去試下，食完之後覺得係物非所值。下晝兩點半係下午茶時間，我叫咗呢兜麻醬手撕雞三色撈米線，我suppose呢碗嘢係凍嘅，點知佢上到枱兜米線竟然係熱辣辣，真係第一次試，同埋佢啲麻醬都非常多，撈埋個米線一齊食呢其實有啲漏，所以我都只係食咗三分二就食唔落，同埋個餐有杯嘢飲送，我就叫咗一杯桂花蜜，係有桂花嘅香味 但有少少酸，整體嚟講一般般，以金鐘嚟講食一個下午茶62蚊，應該唔會再有第二次。

因為去APA睇show,所以就喺金鐘附近搵食。冇乜idea金鐘有咩食，求其行上金鐘廊睇，無意中見到呢間，又唔使等位所以就入去食。佢哋竟然有唔同湯或買揀，最驚喜係有個白胡椒湯底，仲有薯粉揀，唔使加錢。我揀咗腩肉、白蘿蔔、魚腐同埋墨魚春卷。碗粉一嚟到先飲啖湯，胡椒味超好味，同薯粉好襯，淨係個湯已經好鍾意。估唔到誤打誤撞入去食都有驚喜。價錢我覺得佢唔係算平，但金鐘呢個位嚟講佢又唔算好貴，至少我覺得抵食同好味過譚X。仲有，值得一讚呢度嘅服務員都好好，又有禮貌！

在這家餐廳品嚐了他們的酸辣湯，整體體驗頗具特色。湯底呈現誘人的橙紅色，散發出的香氣讓人期待。每一口湯都能感受到死辣的感覺，搭配豐富的配料，如肉丸和花生，讓人驚喜。肉丸的彈性十足，花生的香脆更添層次感，讓這碗湯變得更加豐富。不過，這道湯的價格相對較高，對於預算有限的食客來說，可能會有所考量。儘管味道不錯，但是否真的值得這個價位，仍然是一個問題。總體而言，這碗酸辣湯在味道上相當一般，而且高昂的價格可能讓一些食客卻步。如果你願意為伏味而付出，這道湯絕對不會讓你失望。建議來訪時，可以與朋友分享，這樣不僅能品嚐多樣的風味，還能分攤花費，享受更圓滿的用餐體驗。

【中西區】【麵全食】喺金鐘搵嘢食，我嘅習慣係行去灣仔嗰邊搵，之前都同大家探討過好幾間嗰邊嘅餐廳。不過今次就想喺返金鐘度食，始終呢邊都有唔少上班族嘅需求，我都要同大家一齊經歷。入去坐低就叫咗 $76 嘅「魚片頭切腩蔥頭拌粗麵」，標榜係用自家製全蛋麵嘅。食落都幾一般，樣樣嘢都冇特別，反而配嗰碗白湯嘅湯頭幾好。下午茶可以加 $3 飲「凍豆漿」，就加啦，都明知唔會有咩特別，不過點都有杯嘢飲飲吓咁解。加 $13 叫本月推介小食「脆炸魚皮」，反而呢碟可以，脆口得嚟魚味都濃，浸湯食都係幾好嘅。由於我覺得佢哋個湯先係成間餐廳最出色嘅嘢，所以特登叫埋 $26 嘅「清湯蘿蔔」考驗吓佢。結果都冇令我失望，煮得幾腍幾發揮到蘿蔔嘅甜味，成餐飯得呢碟比較有驚喜。個麵唔係話唔得，不過真係好平庸囉，話晒原價 $118 都要八八折先埋單 $103 喎。。。（地址：金鐘金鐘道93號Lab Concept金鐘廊1樓E07-E08號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #f

呢碗米線睇落簡單，但真係充滿驚喜～湯底係白胡椒湯，帶住少少辛香，第一啖就暖住成個胃，好似返到細個屋企咁親切！米線本身夠滑夠彈，口感啱啱好，正正就係港式米線嘅「柔中帶勁」味道。呢碗加埋牛肉、肉丸等配料，個個都好有咬口又夠鮮甜，每啖都食出唔同層次，唔會悶！另外嗰碗乾撈米線，又係另一種風格～啲燒肉同蔥油拌埋，香氣十足，好啱鍾意濃味嘅朋友！雖然冇湯底嗰種暖心感覺，但乾香油潤，好有滋味。呢間店仲有「自己搭配」嘅玩法，湯底、配料都可以自己揀，想試咩新口味都得～價錢唔算貴，份量都夠，食完真係心滿意足！

呢個星期六晚上，約埋三五知己歎飯，餐廳選擇都算多元化，由經典舊派食堂到簡約時尚小店，不過今次我地選擇咗一間麵餐廳。🍲店面打理得干淨利落，服務員對賓客既招呼都親切得黎。我哋一坐低就迫唔及待地翻餐牌訂好咗想品嚐的食物。先試咗佢哋嘅白胡椒海鮮泡飯，海鮮鮮甜帶少少海的味道，胡椒香夠鼻，啖啖海鮮，真係有齊精鯛同埋鮮蝦，海鮮愛好者一定會鍾情。另外，個清湯蘿蔔牛腩湯底疑似家傳秘製，鮮香得舉世無雙，牛腩啖啖肉，煮得夠時間，入口軟化；啲蘿蔔吸晒湯靈魂，口感清甜得嚟不失咀嚼感。有一樣嘢絕對要推介，就係佢哋的滷水雞翼。雞翼滷得色香味俱全，食落薑味香氣撲鼻，肉質夠滑，真正絲滑得黎又唔會過於油膩。至於大胃王米線，真係一大碗，料多得嚟又香又夠味，上面有筍尖、牛展肉丸、墨魚丸等等，啖啖肉兼夠曬溫暖，寒冷天氣一食過癮。呢間店又一個好處就係飲品選擇多元化。杯青瓜豆漿都係特別之選，豆香中帶點爽脆青瓜，清新得黎又不失豆香，食完米線又解油膩。整體黎講，今次係一個滿足而又舒心既晚飯，絕對是打疑惑飯後一個滿意的決定。😊👏👌

其實呢度偏貴，呢碗嘢好似好豐富，但係嗌咗百幾蚊唔食麵食小菜，啲餸好多選擇，而且好多啱口味，上台都好靚仔好好味服務態度都唔錯，不過乜都加就會好貴🤣🤣蕃茄湯唔錯，蝦球加$19但係三粒雪下質素，蟹肉又係$19得少少，唔值得，車仔麵都係假平民食材性價比高！滷水牛腱好味雞翼大大隻兩隻，墨魚丸有三粒，雖然味精味，但係都彈牙唔會肥膏多服務態度唔錯喎，因為下午茶時間所以都冇咩人，水就要自助有檸檬水可以出去出面針有機會可以再試嘅，但係會嗌平啲同埋精準啲😂

第一次嚟食叫咗個清湯坑腩腩肉雙拼原味白湯米線，啲料每樣都得3、4片不在講，腩肉4塊有3塊係肥到接近一啲肉都無，根本淨係食緊一堆肥膏，淨低個塊啲肉超難咬，要用力先可以咬開兩半。而所謂清湯坑腩煮過龍超鞋，好似食緊柴咁，一啲都唔滑，而且無肉味，唔知食緊咩。仲有係自助落完單之後，交比侍應哥哥接單個陣，侍應哥哥仲拎住塊抹檯布嚟接單，抹到我隻手濕咗，塊布抹過咁多張檯係相當之污糟，邊可能揸住塊布嚟接呢樣接個樣，是次既用餐體驗令我應該唔會再返轉頭食了，而我亦都唔會推介朋友嚟試的。

🍴麵全食📍金鐘金鐘道93號Lab Concept金鐘廊1樓E07-E08號舖✨黑松露雲吞米線 $58米線Q彈有彈性雲吞皮薄肉多雲吞富有黑松露香味而且味道都好鮮美😚而且呢度嘅上菜速度好快岩灑係附近返工嘅上班族

-喺金鐘呢間都幾多人幫襯自己又幾鍾意食泡飯所以搵日晏晝就去試咗😋/泡飯可以自選材料今次揀咗魚片頭同蘿蔔份量都幾大碗清清地唔會太鹹係其中一間健康餐廳之選👍🏻

係金鐘返工，附近冇乜好選擇，湯飯已經成為我最愛。海鮮泡飯，60幾蚊左右👍🏻湯好鮮甜，蝦彈牙冇雪味👍🏻蘿蔔煮到好淋入曬味👏🏻面頭會有啲花生脆脆，好惹味👍🏻午飯之選！推薦

小弟喺中環返工，每次行行吓嚟到金鐘想買外賣嘅時候，一定會經過呢間麵全食。疫情之下有九折，六十零蚊算係正常價位。其實間野每amazing 既係，我永遠叫外賣企出門口等一兩個字就一定有得攞。我最鍾意佢個大胃王米線有齊晒:牛展、墨魚丸、牛丸、蝦、蘿蔔。佢哋一定會分湯，啲蝦好彈牙牛丸好多汁都係我至愛。

繼太古城嘅餃子駅 有陣陣強烈嘅伏味，金鐘呢一間都一樣相當之濃烈😵‍💫.其實真心唔好諗住金鐘區係獨市啲食物就可以咁求其，唔係樣樣放埋一齊就叫掂，講求食物質素、效率、服務、環境，通通都無，好戥金鐘上班💼嘅人可憐🥺———————————————————————————🍜切腩片頭撈粗💬碗湯白矇矇已經唔開胃，切腩都幾亁又韌，片頭比較正常少少🤏，唔好食亦食唔落，一啲都唔滿足，有無諗過消費者嘅感受😵‍💫

Last time I remembered it was fine, but this time the signature broth is soooo salty…. The thick egg noodle is salty too so I could not finish it at all.

等左超過半個鐘，2個字落單，8個字才拿到外賣，服務人員只處理現在外賣的，不會出路openrice的訂單，不會再支持，味道也難吃，分量少，非常差，看到有很多人都發出同樣聲音