影片
以上資料只供參考, 請與餐廳確認詳情
招牌菜
呢晚10點幾，唔知食乜好，隨意點下手機，睇吓有乜好食，見到老麥呢個餐有優惠，兩件炸雞，一包中薯條，一杯飲品，$37，而且可以用信用卡支付，合哂心水，於是入到去，搵個空位點餐，用埋送餐服務。老麥出餐速度係快嘅，嗰餐好快準確送到嚟，呢種服務質素值得其他快餐店學習。個人覺得老麥眾多飲品中，熱檸茶係最好味，於是當晚自然揀咗佢，當然有人認為佢哋嘅咖啡先至係最出色，但我個人唔識品嚐，所以即使可以加$9.9轉椰香鮮奶咖啡，以及升級薯條，我都不為所動。之前一直不覺得老麥嘅炸雞好食，直至最近才改觀，相比KFC，老麥嘅炸雞少了雪味，而且包裹的漿粉與雞件更緊緻，唔似得KFC咁，一咬就皮肉分離；比對豪大大，老麥嘅炸雞更多汁，雖然比豪大大為辣，但由於汁多而且保持時間較長，就以呢晚為例，我慢慢食完包薯條，先至食雞，啲雞依然係脆口，依然好多汁，所以老麥仍比豪大大好。老麥推出手機應用程式，對佢哋嘅生意絕對有幫助，就好似呢一晚，如果無程式，我諗我好大機會唔幫襯，但佢哋嘅程式真係要改善下，比如話我每次落單，都要重新搵分店，先至可訂餐，又唔可以隨時睇返之前訂餐記錄，呢方面大家樂做得比佢好。話時話，有無人諗過點解凍飲可以加大，熱飲唔可以；凍飲可以有大杯裝，但熱飲只有細杯裝？
繼續閱讀
今日去左麥當勞食早餐，餐廳坐滿人，要搵位很難，我叫了一分早晨全餐，入面有2塊麵包，一塊蛋，一塊豬柳，薯餅同奶茶，雞蛋十分乾，不好吃，薯餅又不夠熱同脆，整體感覺都是一般般的，比其他麥當勞難吃
繼續閱讀
琴日7月27號係McGirddle 係香港第一日出現嘅日子網上有好多唔同嘅留言例如啲包唔夠熱、同日本嘅味道天淵之別、個包太甜。。。咁我自己都湊下熱鬧去試一試，到底係咪咁吸引？用Apps大概三個字到就已經可以攞而去到餐廳嘅時候攞已經準備就緒包身都尚算熱，見到有煙出嘅 味道上唔錯，亦都冇想像中咁甜之後可以再食🤣🤣🤣🤣真係似熱香餅夾住漢堡扒同雞蛋🤫🤫可惜自己未試過日本嘅版本，唔知有啲乜嘢分別😂😂
繼續閱讀
臨走新年公司比較忙，所以凌晨先收到工，返到屋企樓下覺得肚餓，屋村附近茶餐廳，所有都關晒門，好在落車位置有間麥當勞，仲要二十四小時營業，準備落車前5分鐘，網上落單比錢，唔使等就可以攞到，又可以早啲回家！叫咗麥樂雞餐+飲芬達汽水，蘋果批+魚柳包！物價高漲的關係，雖然是特價餐，但是都係比以前貴了好多，但是質素就越來越差😰，份量越來越縮水🫣，唯一可以講就真係比較方便，薯條真係比較好食，分店全港九都有總有一間在附近！
繼續閱讀
近日經過麥記，見到新包有新配搭推出，就係三文魚堡，再加多片菠蘿，由於自己好鍾意菠蘿，一見到這個配搭立即就被吸引，所以今晚晚餐就試新包。之前我已經試過只係三文魚堡，但今次加多片菠蘿，味道應該幾清新，打開個盒，見到個包賣相麻麻，不過我覺得味道緊要，三文魚炸得夠熱，而片菠蘿就凍，食落又冷又熱，感覺幾得意，但加左菠蘿個包就變得無咁乾，菠蘿又多汁又甜，令到食個包無咁油膩，同時又增加胃口，整體上都值得一試。唔知下次仲有冇其他新配搭再帶來驚喜😅
繼續閱讀