麥當勞 (廣源商場)

一向都喺度叫開豬柳蛋漢堡餐。唔知係咪冇乜人叫，通常個包都係叫先有人整，但係出餐都幾快，而且拎上手個包熱辣辣，啲芝士蓉落個肉度真係好好食，通常我會叫粟米，粟米都係熱辣辣，而且係甜甜地嘅。今次都係叫咗杯熱朱古力，都係新鮮沖，雖然都係平時嗰隻即沖朱古力，但係熱就係會加分。而且我好喜歡廣源邨呢個環境，一間麥當勞喺一個紅磚小屋裏便睇住出邊咁舒服嘅環境就會覺得冇平時食快餐咁急。不過唯一嘅缺點就係冇廁所用，而且附近都淨係得酒樓嘅廁所可以用。…查看更多

有日早過11點起身 即刻去麥當勞買咗個珍寶早餐外賣 等得唔係好耐好快就有 水準一如既往有炒蛋 兩塊熱香餅 兩塊鬆餅 1執豬柳 一個薯餅 仲有杯嘢飲 早餐嚟講十分之豐富 價錢亦都唔貴 十分好味…查看更多

6月去日本名古屋McDonald 個陣食咗一次McGriddle，後黎香港McDonald 又推出。不過一開頭勁多人排隊，等熱潮過咗我先再試。相比較日本嘅McGriddle，港版嘅相對乾身小小，pancake面亦冇咁甜McDonald 薯餅永遠都係我至愛，以前後早餐先有得食，依家因為McGriddle，所以連其他時段都有得食。薯餅新鮮炸出黎，仲好熱辣辣。一咬落去，好香脆可口！Americano (hot)，佢地咖啡性價比好高，一黎唔貴，二黎又唔苦澀…查看更多

友人係NewJeans粉絲🐰所以推出第二日就俾佢拉左去試食🤣結果出奇地不錯！我個人覺得係脆辣雞腿升級版 應該係咁啱嗰日啲雞都炸得不錯 咬落去嘅時候有肉汁噴出嚟😋最重點係個醬 少少甜幾開胃 煙燻味就冇喇🤣另外個包係比起平時嘅鬆軟少少～Shake shake薯條揀左蜂蜜牛油味🐝🍯就係大家熟悉嘅味道！係薯片嘅淡少少版本 本身驚聯乘嘅product會伏伏地 但整體係有驚喜嘅 值得一試🫶🏻/服務方面呢間M記lunchtime就會有一大批學生嚟幫襯🤣不過又出得幾快手，起碼我個餐係冇問題嘅，我朋友個餐仲俾多左包shake shake粉添😂係等餐個位塞到水泄不通咁…查看更多

天文台宣佈掛8號風球，喺得麥當勞次次都有開。shake shake薯條好似出咗一個月都冇就已經換成脆薯皇😭，可能係8號風球，所以脆薯皇都唔脆了，始終都係shake shake好食啲。.✨新出的Kitkat朱古力批，對比起之前曾出過的朱古力批，醬汁感覺少了很多，傳統朱古力批會有爆漿的效果，新出的這款乾爭爭ಠ_ಠ.✨蜜糖BBQ炸雞配可樂，優惠價$28，感覺抵食，沒有炸雞咁油膩✨芝士安格斯漢堡，味道不錯👍🏻…查看更多

近排麥當勞出左新口味既炸雞阿，鐘意試新野既我當然要拉埋朋友去試一試啦。🍴麥炸雞二人派對超值套餐$85套餐包含4件炸雞，2份中薯條，2杯汽水。炸雞我地就揀左新既爆蒜麥炸雞，雖然佢既外表同原味望落差唔多，但一咬落去就會食到蒜既味道，應該係表面有灑左蒜粉。表皮炸得算脆既，入面既肉唔會好乾，熱辣辣食都幾正，果然食炸野配埋冰凍既汽水就爽🤣整體黎講，味道不過不失啦，蒜味同炸雞唔係好夾，原味會好食d。同場加映，🤣🤣呢個先係重點…查看更多

夜晚食完飯，返到屋企樓下突然之間又覺得有少少肚餓，諗住去m記買少少嘢食，入到去睇下個menu，散叫個包或者雞翼，又好似唔係好抵，又驚唔夠飽，最後決定買個平餐食，最鍾意食雙層芝士漢堡餐，點知原來變番原價唔係平餐，所以最後轉食辣雞腿包餐，唔想咁熱氣唔要薯條轉咗粟米，最後都係想食埋雞翼，最後越叫越多，差啲想叫埋雞翼不過今日呢餐喜出望外，無論係粟米，雞腿包，雞翼，全部都要等，所以全部都係新鮮整出嚟，熱辣辣出曬煙，今餐麥當勞非常之滿足，雖然黎到快餐店食嘢，雖然製作需要時間，但係非常值得…查看更多

蜜糖BBQ麥炸雞🍗其實很好食，甜甜d加埋BBQ味道。不過呢次俾我嘅就burn咗。員工係備餐時應該多注意⚠️。薯條都係呢個味啦，只係睇係唔係岩岩出爐，如果係就會香脆很多。如果唔係岩岩出爐嘅fries，咁就有d酥過頭，有種隨便落油澆熱就算數。豬柳蛋漢堡套餐係鋪頭櫃檯直接買係35港紙；週一至週五工作日係麥當勞app上落單，coupon使用，會平d嘅。我個人鍾意此漢堡嘅麵包，軟軟黏黏嘅。但也有人唔係好鍾意呢種包既口感。雞蛋煎得唔錯，唔係流心架。廣源呢間店鋪係領餐嘅時候，最好即刻check晒d嘢齊唔齊，因為總會有遺漏d嘢嘅事情發生。…查看更多

麥當勞包 juicy軟嫩嘅 百分百純牛肉 ，和香脆的煎蛋， 加上鬆軟嘅芝麻麵包 ，配上清爽嘅 洋蔥， 新鮮生菜 ，切絲的紅蘿蔔，入味酸瓜 ，搭配上香濃芝士和秘製醬汁，再食埋脆脆嘅薯條和冰冰嘅可樂， 感覺非常滿足。…查看更多

麥當勞新出咗下午茶，16蚊A+B。初初以為要用A+B卡，點知唔駛，就咁自選配就得。我就試咗個麥芝蛋脆雞包，平時早餐食麥芝蛋，見下午茶加咗雞，就試下。味道好食，多咗件雞，飽肚啲。熱奶茶唔太甜，幾好…查看更多

無飯食,麥當當緊係首選孖芝餐返左黎,至愛天氣涼涼地就飲熱朱,但好可惜變左味道,其實上一次都覺得唔同左味,但唔肯定今次再飲都一樣,以前係好濃既朱古力味,好香,而家係淡左似水,就好似茶記既華田落唔夠粉果種味唔知係朱古力粉既原材料變左cheap野,定係份量調整過,好失望孖芝包砌得好靚,但成張包裝紙上都超油,一拎上手油晒,而且包係唔熱既,芝士無溶過,今日無咩人所以薯條亦唔熱希望麥當勞既朱古力會變返以前咁!…查看更多

特登行去買麥當勞,諗住試謝霆峰個肉醬煎蛋包同奶茶麥旋風,麥當勞app有coupon可以6蚊買奶茶麥旋風開定晒coupon頁面qr code, 唔洗浪費時間,同個收銀講用呢個優惠,佢唔知點做就試嘟個qr code, 但無反應,我話呢個係麥當勞app,可以用$6買奶茶麥旋風,之後佢直接係收銀機落單,$8.5,搞左好耐都唔得一直都係$8.5,然後望住我好似想局我比錢咁叫佢搵經理幫手,一黎就知佢禁少左野,去到比錢我用微訊,嘟完張單又變返$8.5! 搞左陣都唔得,叫我等陣…痴線佢要等到0個客先理我!一直有人黎我等左10分鐘有多!最後又係搵經理,一早搵咪得囉!即刻退返2.5比我! 不知所謂,仲話高科技唔識用!培訓下前線啦咁大間公司!…查看更多

打開wechat望下coupon, 我同阿媽都有張10蚊卷未用,所以今日晚餐就決定係麥當勞食coupon係之前用wechat送既,買滿$20可以當$10用,精明消費者既我,當然分開2次買買左一個板燒雞腿包餐,另外散買2件脆香雞翼+豬柳蛋漢堡share食得一個收銀一個執餐,排左5~10分鐘,薯條唔係白side side未熟算好彩😂2個包都砌得好整齊,朱古力新地係麥麥聽個app送既見到有同謝霆峰合作出左個新包,下次再試…查看更多

一個山竹十號風球既來臨,出面橫風橫雨,亦無阻我落街食野既意欲XD 沿路行去麥當勞,都見好多樹吹斷左…陰公,我諗有3分1既樹斷左樓下好幾間食肆都有開,不過最方便唔洗等都係首選麥當勞,去到見到有50%以上滿座10號風球既人手仲多過平時,點解會咁?買完等一陣就拎得,好快 可能人少同經理係度,d飽整得幾好,起碼唔係成件肉飛左出黎,薯條亦唔會生勾勾不過薯條真係好少…有時細薯個量都比中薯多…希望可以改善下,尤其個hea男仲少!…查看更多

夜晚11點…樓下麥當勞都仲係超多人,但員工超小,眼見只有1個經理,1個廚房,1個收銀,1個負責執餐每個客人點完餐,收銀哥哥就會先整好飲品/甜品比執餐既人,就係因為咁我杯新地溶晒…負責執餐&炸薯條個員工一向做咩位都hea底,又成日鬧新人,薯條全白唔夠熟,亦裝超少薯條,每次都唔想見到佢係薯條位!比人放左10分鐘先出到餐既新地,原本係裝到掂到個蓋,到手時已經溶晒,成杯得返中心果忽唔係水狀shake shake薯條每年得1,2次所以必食,我係就咁買粉$2.5,因為加大薯條一樣咁少,無必要加大,玉子牛堡正常,砌得好靚好難得…查看更多