麥當勞 (信德中心)

剛落船,order 左外賣,有巨無霸,雙層芝士孖寶,九件麥樂雞兩盒雞翼...返到屋企之後,巨無霸同雙層芝士孖寶正常.但係麥樂雞及脆香雞翼到令人極之失望.這兩樣炸物都應該是翻炸的.外硬內乾.大鑊,中伏了,浪費了晚餐的quota.以後不敢再這間麥當勞買那兩樣東西了....…查看更多

雖然話係快餐店，但係呢一間M記嘅服務出奇地好，炸雞唔會擺好耐，外皮非常之香脆，薯條都唔會淋，出差速度好快，店舖乾淨，令我感到非常之驚喜，會再一次去食，推介大家！…查看更多

🌟早餐嚟講最方便就係食麥當勞，今日我就喺附近做嘢，所以就叫咗一個扭扭粉通粉嘅早餐，再加一件板燒雞腿，嘢飲就揀咗朱古力，同埋另外加兩塊薯餅。薯餅熱辣辣，整體上都合格，扭扭粉通粉，而家轉咗做紙碗，份量好似比以前少咗，整體嘅味道都好standard, 不過不失。好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟…查看更多

嗌咗杯$38岩鹽焦糖燕麥咖啡，懷疑俾咗一杯齋啡我，完全冇味，超難飲。記得好耐以前喺呢間麥當勞買過外賣，俾漏咗勁多嘢。以為隔咗咁多年有進步，點知都係依舊垃圾。嗌咗杯$38岩鹽焦糖燕麥咖啡，懷疑俾咗一杯齋啡我，完全冇味，超難飲。記得好耐以前喺呢間麥當勞買過外賣，俾漏咗勁多嘢。以為隔咗咁多年有進步，點知都係依舊垃圾。…查看更多

環境 9/10味道 7/10服務 7/10衛生 7/10性價比 7/10太可惜了！原本抱著龍蝦湯回歸期待的心情結果這次太失望了！龍蝦湯太淡了，龍蝦味不足扭扭薯不熱剛等待了20分鐘才被叫號碼人均消費$30-$200店名:McDonald’s地址：上環干諾道中168-200號信德中心2樓267號舖，港鐵上環站D出口電話：2975836…查看更多

McDonald's最新推出的脆雞巨無霸成為了眾多食客關注的焦點，這款新品在口感、味道和價值方面都贏得了廣大消費者的讚賞。以下是對脆雞巨無霸以及其他脆雞蛋包和早晨全餐的食評：🍔脆雞巨無霸：脆雞巨無霸是McDonald's最新推出的菜單之一，它結合了美味的脆雞、多汁的牛肉漢堡餡、酸黃瓜和特製醬料。這款漢堡的特色在於其獨特的口感和層次豐富的味道，給人一種驚喜和滿足的感覺。脆雞巨無霸的脆雞部分炸至酥脆金黃，外層酥脆，內裡嫩滑多汁，帶有香氣四溢的辣味。牛肉餡料鮮嫩多汁，與脆雞完美融合，增加了口感的豐富度。整體而言，脆雞巨無霸提供了一種獨特而令人愉悅的食用體驗，絕對值得一試。值得一提的是，在英國和澳洲，脆雞巨無霸已經取得了巨大的成功，甚至出現斷貨的情況。這反映出這款新品在當地消費者中的受歡迎程度和市場需求。🍳芝蛋脆雞飽：除了脆雞巨無霸，McDonald's的芝蛋脆雞飽也很好。芝蛋脆雞飽以酥脆的麥皮包裹著多汁的脆雞块，再加上特製醬料和美國大蛋，味道鮮美。芝蛋脆雞飽很早餐感, 口味喜好。脆雞的質量令人滿意，炸至酥脆的外層和多汁的內部使其成為一道經典的快餐選擇。🧇精選早晨套餐：McDonald's的精選早晨套餐是一個絕佳的選擇，特別是對於忙碌的早晨。它包括了熱辣辣豬柳、香滑炒蛋、烘得剛剛好的鬆餅加埋脆薯餅、煙肉、脆薯和一杯咖啡，組合豐富而均衡。MUFFIN早餐卷口感綿密，內裡包含著蛋和培根，加上脆薯條的配搭，味道豐富美味，讓人在早上開始新的一天時感到愉悅。McDonald's不僅提供了豐富多樣的口味選擇，而且在價值和美味方面都表現出色。這些美食絕對值得一試。…查看更多

說到炸雞自然想起其他以食雞為主題的快餐店，不會立刻想起麥當勞，但最近麥當勞都加入戰團，與別家比拼一下。令人意外的是不以炸雞出名的麥當勞做出來的炸雞都整得不錯👍🏻甚至有出色的表現。炸醬不算太厚，炸雞炸得不會太乾，咬下去時見見到及感覺得肉汁。…查看更多

呢間麥記有埋mc cafe，想飲靚啡可以加錢落單人數唔算多，成個流程10分鐘內搞掂，啱曬我地趕翻工嘅打工仔👍🏿 係座位數有d少，疫情下臺面又棟曬膠板，如果堂食就唔係咁舒服早晨超值之選一個魚柳包加即磨啡都係$20 ja，咁平想點呀…查看更多

玉子同將軍一年一度嘅相遇，平時我都成日去上環信德中心覓食，因為屋企附近嘛，加上呢度又多選擇，餐廳種類好多，今次終於買到等左成年先有嘅玉子將軍漢堡😭，但真心失望😭，呢排港澳碼頭封咗關，人流少咗好多，所以更加應該即叫即整啦，好明顯我今次買嘅，係擺咗一段時間，唔夠熱之餘，個包只可以講係暖暖地，而且仲因為蒸氣，令到個包面有少少濕，醬又放得太多，影響晒成個口感，真係對呢間分店好失望😭😭唯有下次再試吓第二間分店啦！…查看更多

出發去澳門前，在這裡買了個外賣🥡，準備上船食，買了一份沙拉🥗$30+扭扭薯條🍟，這次的沙拉裡面的麵包脆怪怪的，不脆之餘還有點怪味道，所以挑了出來沒有吃。扭扭薯條還是很好吃的！…查看更多

由澳門返港有啲肚餓朋友有張麥記生日餐券於是用左去好快搵到位 唔駛點等餐券包括1. 4件麥樂雞* 鮮炸 外面好脆2. 一杯中雪梨茶* 平時少飲 但原來幾好飲3. 新地筒* 味道幾好另外再叫左兩隻脆香雞翼share，* 永遠都咁香脆，辣味岩岩好呀！整體黎講兩個人分享一齊食都幾好，又唔會太熱氣鋪頭增設左好多部自助落單機，同時又有收銀處，落單好快，上野食速度都幾快，價錢同出面麥記一樣，唔會因爲碼頭而加價加到好貴，所以出發前後肚餓都可以食。…查看更多

行商場行到有啲攰，媽媽張麥當勞買A送B卡又就嚟到期，所以決定去麥當勞食個下午茶。我媽咪之前研究過，最抵嘅配搭就係凍奶茶配兩個蘋果批，如果有新嘅批仲可以試添，但係都係最經典嘅蘋果批最好食。奶茶都可以加大，但係我哋怕飲唔晒。媽咪買完返嚟之後，可能嗰日太熱，飲咗幾啖奶茶就覺得唔係好夠凍，所以拎返出去加冰，職員都好好人加俾我地，加完冰又變返滿滿一杯奶茶哈哈！食食下甜嘢又想食d鹹嘢，咁啱做緊$10兩隻脆香雞翼，perfect！份量細細，啱啱好夠頂癮哈哈！咁就完成一個小小嘅下午茶，只係$26.5！…查看更多

#麥當勞 (上環)上環干諾道中168-200號信德中心2樓267號舖-----🍓草莓新地大窩夫筒（連 BOURBON 迷你白朱古力夾心曲奇）- $12 - 外淺粉雪糕配搭深粉雪糕筒 見到個樣都已經覺得sweet☺️味道方面 雪糕係非常濃郁ge草莓牛奶味 中意草莓奶ge朋友一定會愛上 而大窩夫筒一樣🍓味好出 非常香脆 就算單食 唔加雪糕 都好味 倒是朱古力夾心曲奇唔知係咪擺太耐 塊餅一d都唔脆 加落雪糕到 有少少畫蛇添足😨anyway ~ $12蚊黎講 整體呢個質素 B仔覺得好滿意😊-----👶🏻B仔整體評價：9/10個👍🏻👶🏻B仔抵食程度：9.5/10個👍🏻👶🏻B仔環境評分：外賣yo👶🏻B仔味道評分：9/10個👍🏻👶🏻B仔回頭機會：9/10個👍🏻-----#swallowhongkong跟住我一齊吞食香港啦！🤤#swallowsheungwan…查看更多

鋒味系列你有冇試過？今日放工行過，見餓餓地就買左一包中薯條加$2.5要左港式燒味shake shake粉一包。食落第一口，真係有d燒味ge感覺，個人覺得都幾好味可以一試…查看更多

對我黎講 謝生再次係香港嘅廣告出現都令我幾surprise!仲要將香港味道帶入去麥當勞都不得不比d掌聲麥記班marketing! 起碼吸引到我去試下呢個"霆鋒包"鋒味肉醬煎蛋安格斯牛堡不得不承認我有少少低估左呢個包食完係好滯好滯好滯!!!!平時間唔中食蘑菇安格斯都已經覺得好飽今次仲要加埋溜一溜嘅肉醬食完個包 薯條可以完全放低不過整體而言 肉醬加蛋同漢堡都係夾嘅!如果塊安格斯唔好做到咁厚的話個包近乎完美提提大家 如果想去食呢個包嘅朋友第一 要留一留肚第二 帶定濕紙巾 呢個包好易食到成手都係汁…查看更多