麥奀雲吞麵世家 (V City)

舊同事約食飯，在Vcity 商場行行走走，見到麥奀記，同事就說想不到商場有正宗細蓉餐廳，問我有沒有吃過，我說沒有，他就說帶我去食「正宗雲吞」。首創鮮蝦雲吞皮薄餡靚，但係細隻，一啖食得晒。雲吞皮又滑又薄，包住成隻蝦🍤，蝦仔新鮮爽口，係好味。不過雲吞細隻左少少，一啖可以放晒入口。一碗8粒，我倆一人4粒，我嘗鮮，他懷舊。舊同事說湯底應該是用大地魚熬製而成，喝了兩小勺，喝不到有魚味，只是覺得很鹹。鮮蝦淨水餃水餃比雲吞大了差不多一倍，所以一碗少了2隻，有6隻。而薄皮內除了蝦🍤，還有豬肉、木耳條。木耳條爽脆，令整個水餃口感較豐富及多層次。湯底和雲吞應該一樣，一個字：鹹，不覺得有大地魚味，只是鹹。皮蛋瘦肉粥舊同事叫的粥，我吃了一口。粥底稠密且綿滑，一小勺放入口，不用咀嚼即可吞嚥，這質地我喜歡，但稍嫌鹹了少少。同事卻不喜歡這質地，說口感像BB仔的米糊，他嫌粥底太稠杰，糊在口裏，他說粥應該是一些粥水，並可以看到米粒，米粒軟淋淋而不爛。皮蛋和瘦肉正常，味道中挺。黃沙豬肝粥這是我叫的粥，粥底一樣，軟滑及稠密。同事吃了一口，不喜歡，我就喜歡這粥底。豬肝我也喜歡，一片比勺子大，還好吧，而且新鮮有咬感。我慢慢地一勺一勺地吃，一邊吃一邊聯天，感覺悠閑，不過也很吃完，只能說瓷碗不大。總結就二人叫了4碗主食，一共二百多元。份量是够，但是以中式餐食來說，性價比是貴的。如果沒有這懷舊同事，我一定不會去這餐廳嘗鮮。…查看更多

以前係中環食過，記得當時味道係可以既，不過對比同類型餐廳既話佢價錢算係偏高。最近見佢係元朗屯門都開咗分店，今日經過v city呢間就入去試吓啦，我叫咗2碗雲吞河其中一碗係加底，落完單無幾耐就上啦，店員2碗一齊上既，當時佢一放低我望落去2碗野到心諗真係有分別咩？邊碗先係加底😂？，因為店員主動將2碗各分別放係我哋2人面前，所以我都無多問，估計佢係分好咗。咁就開始食啦，味道方面無特別，雲吞係我係香港見過最細粒，成粒雲吞就好似為咗hea你而面世既出品。仲有佢啲辣椒油唔知點解要問佢拎先有，唔知係咪因為佢本身舖頭有賣辣椒油覺得值錢所以要收埋，最後食完成碗嘢係唔夠飽咁離場，埋單102。👎總括嚟講開分店做啲咁嘅出品，根本係做壞自己牌頭，同樣價錢我相信呢啲區有更好既選擇，雖然係老字號但係性價比太低啦。…查看更多

今日去咗屯門V city呢間麥奀雲吞麵度食嘢。過年趕工趕到甩肺，費事用腦叫咗一個二人餐。兩個細蓉，一個淨水餃同埋蠔油芥蘭。套餐價$168。另外拍檔加$5叫咗個豆漿。呢間雲吞麵保持到水準；正宗廣東雲吞麵，雲吞細細粒；鹼水麵底有咬口。水餃都好味大大粒有五粒，蠔油芥蘭綠油油非常鮮甜。份量係細啲，對我哋男士嚟講只係下午茶份量，貴精不.貴多啦。拍檔買多咗支大地魚粉，埋單二百幾蚊，一分錢一分貨。年尾趕工咁辛苦老虎蟹都要對自己好啲。…查看更多

**🍚超级美味！牛筋牛腩饭，吃货们别错过！😋**今天终于来打卡心心念念的牛筋牛腩饭了，一口下去，简直太惊艳了！🤩牛筋软糯有嚼劲，牛腩鲜嫩多汁，搭配香浓的米饭，每一口都是满满的幸福感。🍛这家店的牛筋牛腩饭真是让人欲罢不能，吃货们千万别错过啊！👍#美食…查看更多

星期六晚又唔算好肚餓，天氣又有d 涼，決定去附近食番碗粥。係新墟附近又唔想食一粥面同海皇粥店，就行去Vcity 見到麥奀有粥食，就入去試一試。叫左個艇仔粥同黃沙豬肝粥，個粥底都唔錯。唔會太稀同太杰。粥入面ge 材料都幾靚，尤其是本人最愛ge魷魚好有鮮味。 😋不過價錢都唔平，兩碗粥都食左$13x。…查看更多

小朋友剛剛感冒好返，諗住食得清淡啲，繁忙時間又唔使點等位，就去咗呢間食雲吞麵，雲吞麵叫咗加底，另外牛肉麵是標準，一向都喜歡它的湯底，但面的份量真的不多，算是食量少的我，加大了的雲吞麵感覺也是剛剛飽，雲吞和牛肉也很新鮮，如果雲吞能更大粒就好了…查看更多

晚市去, 得幾個人, 性價比極低 貴夾唔飽.食左個 牛腩撈面,  勁少牛腩, 平時撈面 係 2個面底. 依間野得一個,雲吞只有同波子一樣大細.雖然 湯底係好味, 但份量實在太少預一個14歲青年 要食 2 碟先夠性價比極低 貴夾唔飽.…查看更多

第一次寫食評，估唔到係負評，好似好有名牛肉麵，個碗細到我都唔知道係一碗標準嘅牛肉，好彩佢叫錯咗，咁我即刻轉加底啦，點不知個碗大咗入邊嘅內容都係一樣咁少，食完好似食咗風一樣，即刻走人出去食好嘢算啦，所以食一次就算啦唔好有下次！希望佢有所改善，否則都唔會再有下次幫襯…查看更多

今日行過Vcity見佢新開張所以去試下蝦籽撈麵$63撈麵鋪滿蝦籽，但麵既份量超細就算細食嘅女仔食都會唔夠飽撈麵係選用鴨蛋麵，質地十分爽口帶有韌性但成個麵好乾，麵有配一碗上湯，忍唔住落咗少少湯落去個麵度，但就沖走晒啲蝦籽🥲世家雲吞麵$45份量都係超級細碗，就算小朋友都好難會食得飽麵質質地爽口，冇鹼水味，湯底鮮甜可口雲吞皮夠薄，但唔太大粒，份量唔多總括而言，係幾好味但貴夾唔飽，性價比低到唔會想再幫襯。…查看更多

牛筋雲吞 $52Beef Tendon & Wonton好味指數 3/5 🍭🍭🍭{點了這款是小食 牛筋不錯 好入味好腍 有大約4件 雲吞方面很細粒 約有4粒 皮薄餡少 入口感覺不到太多味道 就食完 性價比不高}上湯水餃麵 (標準) $55Shrimp & Pork Dumpling Noodles (standard)好味指數 2/5 🍭🍭{標準既上湯水餃麵約是平常的飯碗大小 感覺很小🫥 很快就食完 但價錢和其實餐廳一樣 不划算 味道方面 水餃細粒但比雲吞好 皮薄用上新鮮既蝦肉和豬肉 味道還好 一碗有3粒 麵很爽口}…查看更多

$40幾蚊先得一碗勁細碗嘅雲吞麵，個碗細到好似飲茶嗰啲碗仔咁，上咗枱真係眼都突埋，以為佢嚟錯嘢，搞到好似自己好寒酸咁，都算，啲雲吞勁細粒，細到好似冇肉咁⋯以為啲味道有咩咁巴閉，點知⋯味道好普通，出面是旦一間雲吞麵麵唔會差過佢，食完我諗只有七成飽，即刻要叫多個m記餐先夠飽，香港地咁多雲吞麵舖，都好食過佢，而且一定夠飽。至於環境，兩個人食要同人搭枱，如果係街邊鋪都算，大商場都要搭枱，仲要幾迫，真係俾錢買難受，超伏，大家真係唔洗去試…查看更多