麗香園冰室 (興華廣場) (已結業)

其實係一間好普通嘅茶餐廳，不過冷氣唔夠，坐喺門口位置超級熱，一路食一路要撥扇。下午茶時段去，叫咗一個迷你星洲炒米、雞扒腸仔飯、雞翼沙律茶餐，味道都OK，最特別係飲檸蜜唔使加錢，好少餐廳有。…查看更多

下午茶時間來吃，有點餓點的魚香茄子飯出乎意料很好吃，夠火侯，有咸魚香，飯份量好像相比正餐少一點，不過我單吃茄子都飽了。附上上次我點了芝士焗茄子的照片我以為是有飯的，原來真的是焗茄子😂不錯啦…查看更多

好耐冇去食，諗住同老公去試下，入到去安排坐係最篤尾位，見到啱啱有卡位，諗住走去坐，点知比個戴眼镜平頭裝既呼喝（似叫狗，全場人望過嚟）末執枱呀小姐！！！跟住我就話吾使咁大聲我聽到既，之後我哋氣冲冲就走咗我想講柴灣吾係得你一間餐廳囉，唔怪之得啲人寧願遠d返大陸食都唔使係度受氣🤬🤬…查看更多

好耐無去過麗香園，早市時段，一入去職員就叫我搭枱，眼見入面有幾枱都單人坐，但仲有空枱，點解要我搭枱呢？點餐後叫侍應拎杯水，原來而家變得自助化左，點餐熱水又自助，唔明啲樓面有咩工作，眼見地下黑色一撻撻勁污糟，啲櫈又有跡，仲有連放餐具嘅櫃都捆黑邊，衞生情況真係有待改善再講下食物方面，都係正常野，係多士唔熱，仲有啲碟好陳舊。雖然柴灣選擇不多，但改善下衞生問題先再幫襯…查看更多

幾乎每日都黎食，原本呢度都算係飯堂之一，菜式價錢算合理，味道好一般，環境衛生比較差，服務態度要睇呀姐心情，時好時壞，原本要求唔高都無咩所謂，但今日黎食飯，竟然碗飯變咗（珍珠飯）.......中式小菜配珍珠米......唔知邊條白痴諗出嚟，真心接受唔到，立痴痴咁，唔知點食，我只想好好地咁食一餐飯，可唔可以比返碗正常既絲苗米我食得唔得？？唔好意思，珍珠飯我真係食唔到，再見了..............…查看更多

第一次食，見佢menu好多選擇。除了午餐餐牌之外，各樣意粉焗飯都有。連三文治，炸脾，薯條，沙律都應有盡有。午餐餐牌亦分為包例湯和飲品或者包嘢飲嘅。我朋友就叫咗一個肉醬意粉啦，我就叫咗一個牛魔王炒飯。開頭睇佢個英文睇吓牛魔王有啲乜嘢。 不過發現佢串錯字。ox tongue 寫咗xo tongue ,不過都唔係重點。重點係佢冇寫住係辣椒炒，仲要係每一啖都有個辣椒。 超級辣！只能夠盡量撇走啲辣椒。 而且嗰啲牛肉完全冇味道好似就咁白烚。如果食得辣嘅人應該會覺得好食嘅，除咗啲牛肉 …查看更多

普通茶餐廳的比較出色下午茶下午茶我自己鍾意食炸雞脾因為鍾意佢啖啖肉，同埋佢好定唔好一睇個size 巳經知一半啦！麗香園呢隻就大大隻，一望都知炸的唔錯沙律都不過不失Okay. 收貨…查看更多

門口見到員工件衫寫住用心去做，咁咪入去試吓，點知又係去咗間地獄餐廳！叫咗個兒童餐有薯條，第一口薯條咬落去凍，心知不妙，同夥計講話個薯條凍，佢話幫我整熱佢，1分鐘之後個薯條真係整熱咗，果然高效率，但係搵鬼食咩，你攞個微波爐去叮！到我個主菜，咖喱雞扒魚柳飯，我諗佢咖喱汁應該唔係好夠，溝水！魚柳同雞排一樣，搵微波爐去叮，應該所有嘢之前整好晒！點解我連續兩日都去咗地點餐廳！…查看更多

今晚吃辣的心又起了，去到附近嘅餐廳叫左個口水雞，再加多杯凍檸茶，我覺得呢個係絕配，食辣嘢我多數都會叫凍檸茶㗎喇。呢度啲凍檸茶都會落成三四片檸檬，係好正宗，同足料嘅凍檸茶。今日的雞唔夠平時嫩口，有少少鞋。佢平時啲雞都係比較嫩嘅，但係相對骨就會多啲，不過就唔會唔夠飽因為都幾大份。 另外佢個口水雞嘅辣汁真係教得好好，我覺得正宗得泥又唔會太辣。我好鍾意上面嗰啲好似豆瓣醬咁嘅嘢，有時啲餐廳慳皮起上嚟真係會淨係落辣油就算，呢間就唔會的，啲醬總係好夠料。…查看更多

柴灣開左一段時間都冇黎食過，週末中午就同家人來試試。餐牌看起來跟金記冰室的如出一轍🤔不知道是否同一個集團，剛好今日的午市套餐不太吸引，我們便選擇了三個常餐😬✨蔥油豬扒撈麵配娃娃菜 (3.5/5) $53豬扒唔太大塊，質素正常蔥油撈公仔麵幾好食 不過個面有啲少濃湯娃娃菜嘅湯底我爸好鍾意😂✨生炸雞髀即食麵配火腿 + 烚蛋沙律 (4/5) $57雞髀唔算大隻，炸到個皮好脆，肉質唔會炸到乾晒 剛剛好應該係烚蛋 + 薯仔雜果沙律先啱😂有兩球都幾多✨沙嗲牛肉米粉配煎蛋 + 牛油多士 (3.8/5) $52沙嗲牛肉比較韌，沙嗲湯底食到有一粒粒花生都幾濃幾好食，個米粉份量有啲少煎雙蛋要熟蛋正常水準，牛油多士要咗多油多烘，上到枱發現係剛剛好😂😂‼️熱杏仁霜(5/5)杯杏霜係我有史以來喺茶餐廳飲過最最最杰的😲😲我用木棒攪拌完全係糊狀，但係飲落又唔係太甜，個質地好似杏仁糊咁，冇諗過過杯飲品係會飽肚🤣🤣熱鴛鴦 (3/5)其實味道唔差，不過真係完全比杯熱杏霜比下去，相比之下即刻覺得唔夠濃郁，茶底唔夠厚🫢…查看更多

想食咕嚕肉所以去咗依間冰室試下先點知俾我見到有啲新意嘅晚餐揀係齋嚟架就係 咕嚕素雞飯 依個素雞就唔係時下啲新式齋鋪咁要扮雞嘅質感佢係一舊舊炸過嘅面筋嚟 外脆內軟 唔扮雞反而同咕嚕肥肉質感似我覺得好好味 因為我覺得成個口感同味道都似足咕嚕肥肉 唯一覺得佢過酸 可以稍微調整就更加好 這是晚餐 所以包埋中湯或羅宋湯 我揀咗後者 同樣地又係過酸了 都需要略略調一調個酸度囉 成個湯都好濃郁不過佢唔杰身 但個味係好唔錯 只要微調一下就完美總括嚟講 依間晚餐係合格之上 可以再次幫襯試下其他菜式呢…查看更多

已有段時間沒有踏入柴灣，今日過去做野，做晒所有事情又到下午茶時段麗香園有蛋撻菠蘿油，但今日好肚子，睇下茶餐仲有飯類選擇用QR code落單十分方便快捷四川重慶口水雞飯配凍檸檬菜蜜雖則是茶餐，但份量卻滿滿，仲有我最喜歡的雞翼部位，雞肉嫩滑而辣度剛好，會令人食完一啖又一啖。近來已習慣要飲檸檬水養生，睇到menu飲品有檸檬菜蜜就點來試試， 檸檬酸味配上菜蜜十分夾，甜酸味道十分恰當甜品總是有另一個胃，又叫來酥皮蛋撻，蛋香濃外皮鬆化，很滿足…查看更多

成日行過商場都被門口嘅麵包蛋撻櫃吸引今日終於同屋企人嚟試下😊用QR code點餐 但枱上同時有傳統餐牌啱曬我呢啲鍾意睇圖嘅人😆都顧及到屋邨商場嘅老人家 唔擅長用手機下午茶餐牌厚厚一本，種類選擇好多👍🏻同埋難得茶餐廳每枱都有一壺熱水，很貼心手機點餐時，每一項都提供客製化麵可以揀淋啲硬啲，蛋嘅整法，麵包烘底清晰 簡單 易用仿鮑魚絲火腿即食麵 $49即食麵硬度適中，不會過淋或過硬湯底香口，不會淡而無味 （有啲似一丁）配炒蛋 牛油多士多士厚身，麵包算鬆軟凍檸茶作為每日都要飲一杯凍檸茶走甜嘅人十分喜歡呢種長細的冰塊茶底香濃，檸檬新鮮，酸而不澀給予高分👍🏻👍🏻👍🏻👍🏻👍🏻屋企人叫咗沙嗲牛肉麵 凍荷蘭谷咕牛肉夠淋 谷咕亦濃濃的可可味 👍🏻加配咗個牛油皮蛋撻曲奇皮脆，牛油味啱啱好，蛋夠香滑 雖然比出面貴少少，但非常值得試下次要再嚟試下菠蘿油…查看更多

鹹牛肉炒蛋菠蘿包🤌🏻平民茶記純粹醫肚，本身唔會抱有太高期望，不過佢呢個菠蘿包麵包烘得啱啱好，菠蘿皮上枱仍然香酥，所以唔建議外賣至於鹹牛肉、雞蛋加埋好難輸，炒蛋有蛋汁軟滑，咬落去充滿著蛋汁、牛肉味同脆香嘅菠蘿皮，茶記嚟講算做得唔錯，每次嚟都忍唔住叫蕃茄鮮牛通粉🤌🏻茄牛通最出名一定係中環個間，呢間湯底偏清淡，但至少有粒粒蕃茄，牛肉唔韌，但40幾蚊呢個質素性價比不算高🚩 麗香園冰室 (興華廣場) (柴灣)柴灣環翠道11號興華廣場一期1樓115-116號舖#addifoodie #addifoodie柴灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 …查看更多

今日早上十一点幾做完exercise來到柴灣，係麗香園食個late breakfast。打開QR code order 左個早餐。店内光光猛猛、乾乾凈净，坐得舒服，可慢慢享用個餐。✨豬肝米粉套餐$46明明在下單叫淋D, 但米粉依然偏硬，湯底唔係好熱，姜絲、葱絲和辣椒粒都有落，豬肝4片，唔係好大塊又唔係厚，爽爽地，好好食又唔係，普普通通啦。跟餐件多士乾且硬，唔係好新鮮但acceptable，煎雙蛋味道一般，唔係用湖北蛋，冇乜蛋味，奶茶偏濃，要叫阿姐加奶。As a conclusion, 食物味道一般，環境、服務都唔錯。…查看更多