麗江雲南米線

地點都算易搵 食店內位置非常有限 如果怕迫可能就要考慮下🤔每人最低消費$50 嗌左腩肉、雞翼 (麻辣小辣湯底)腩肉做得不錯 腌得好夠味 但説不上驚喜雞翼見好多人都有嗌 所以都試下不過雞翼就好失望 雞翼係落單後好快就送上，應該係預先炸好左擺係到所以食既時候係凍既 炸雞翼凍左已經係唔好食湯底方面唔會好油膩感 佢既麻辣係last得比較耐同辣喉嚨個種 如果食唔到太辣建議揀微辣可能係有期望黎食 所以比較失望但如果同區選擇唔多既話 咁佢算較出色的…查看更多

頭先4點零左右想食米線見呢間好似唔錯，於是想入去，眼見到佢非繁忙時間 好鬼多大位，但個衰侍應呢 係都 要我 搭枱，好咁都算啦k，之後我坐底等佢落單，點知佢呢，走去服侍曬啲熟客先，一d好客之道都冇當我透明咁火都嚟到我發晒火想走佢至死死氣咁過來過落單，我二話不說，頭也不回地離開呢間所謂出名的店，原來係出名服務差…查看更多

小編今日來到天水圍一間米線店「麗江雲南米線」，是「香港米線關注組」票選米線第一名🥇被譽為「天水圍名物」🙌🏻 除了深受街坊支持，更有不少吃貨們遠道而來，位於新北江商場的店舖地方狹窄，中午排飛最少半小時⏰ 米線有麻辣、酸辣、清湯、小鍋湯底，每碗HK$30，提供多款米線配料，每款一律HK$7‼️ 配料包括辣腩肉、紅燒肥腸、豬紅、蘿蔔、炸醬、雞中翼、魚腐、翼尖、豬皮、豬耳、豬肚、豬潤、秀珍菇、豬脷、肥牛、紅腸等✨ 米線控必訪的人氣米線熱店🍜 「三拼酸辣米線」配料選了辣腩肉、紅燒肥腸、豬紅三拼吃出豬肉的極致🧡 麗江必食靈魂的酸辣湯底有芽菜、腐竹、酸菜、韭菜、炸醬，炸醬肉碎令湯底更有香，口感更豐富，湯底酸中帶麻，麻中帶辣🌶️ 招牌辣腩肉大大塊偏瘦，腩肉份量足料，大滿足，不肥膩而肉味極香濃🐷 紅燒肥腸，豬腸外層嫩滑，裡面帶嚼勁，香而不膩，豬紅大塊不易散開，口感順滑✨ 米線超順滑，吃到最後的米線幾乎夾不起，滑到要用匙羹撈起來吃🍜 各位米線控一定要朝聖的人氣米線小店🍜 🍽 ：酸辣米線(三拼）👅好味指數：8.5/10💰消費：HK$51📍地址：麗江雲南米線 (天水圍)天水圍天湖路1號嘉湖新北江商場一期1樓C45A號舖香港米線排行榜🍜1. 貴香園 （瘦腩肉、冬菇）🥇2. 麗江雲南米線（辣腩肉、紅燒肥腸，米線最滑）🥈3. 雲桂香米線（螺旋藻、冬菇）🥉4. 天星雲南米線（招牌腩肉）5. 景霖（鱈魚豆腐、鯊魚丸）6. 雲川百味 （豬頸肉）7. 肥仔雲南小鍋米線8. 雲貴軒（魚肉竹卷）9. 雲貴川（口水雞）10. 香格里拉米線專門店（雞肉，米線較滑）11. 麻辣川米線…查看更多

係影片分享平台都睇過幾次關於呢間野，所以今日去一探究竟，第一，侍應態度差，第二，味道真心難食，平時網上既評價吹得太大，今次去食真心令我太失望，所以可一不可再。…查看更多

呢間米線由細到大聽其他人講好食 其實截止2023年我都係未真正嘗試過呢間米線 因為聽講好食，但係見到門口咁多人排隊每次都望而卻步 然後有一次咁啱喺附近我就買外賣坐喺公園食，因為真係好想試吓係咩味 食完之後驚為天人呢個米線係我食過最好食嘅 完全係符合我嘅胃口 我叫嘅係小酸辣米線 雞丁 腩肉 湯底夠酸，唔係好辣 有蔥有芫荽食落去好香 然之後仲有啲炸醬 炒香晒嗰陣味撈埋落個面度食勁好食 然之後以後見到佢排隊我都會喺門口排隊就係為咗食呢間米線 有陣時排一個鐘，有陣時排半個鐘 但係係堂食真係好好食好多個面熱辣辣 同埋堂食份量比例控制得好啲 外賣嘅話個麵會好多咁 食極都食唔完咁然之後我差唔多每一日都去食，有陣時10:00校鬧鐘起身就係為咗食 點知去到都係要排隊不過最尾食完都覺得好滿足 而家每一日無胃口我就諗食麗江如果佢執笠我諗我會喊:)…查看更多

想試呢間米線好耐，見佢咁出名，呢日嚟食揀咗4點零嗰啲時間，不過都重係好多人，一個人嚟就同人搭枱，畀想像中迫，佢哋將啲大桶喺枱與枱中間拉嚟拉去，令到條路好油好跣，食食吓重有店員講話隔離食店捉到隻老鼠⋯⋯（當堂毛管戙，心諗：捉咗咁無事啦啩）我坐嘅枱可能正對廚房嗰邊，所以抹完都重係好肥立立，用消毒紙巾抹都抹唔走啲油漬，點咗腩肉、豬膶、生菜，小酸辣，嚟到個生菜得兩三條，腩肉切得唔靚好難咬，豬膶就幾好切得薄啲肯定係熟嘅，而個湯底就⋯⋯（本身係我最期待嗰part) 好水好稀，冇乜酸味、得少少辣味，肉碎都冇乜⋯⋯坦白講好失望，如果我畀分，香港嘅米線店入面十大不入:(FYI 我比較鍾意食（屯門）雲川、（荃灣）雲南過橋米線、（元朗）貴川，可能食開呢幾間比較濃味，厚身湯底同埋餸都好食，所以呢間，試過就算了，況且衛生情況真係⋯⋯唉…查看更多

麗江雲南米線係天水圍不嬲出名，我必叫腩肉同肥腸。當日去到，餐廳真係好逼，位唔多，仲有好多人排隊等位，所以最後決定叫外賣，拎返屋企慢慢食。佢哋嘅米線真係料多到爆。米線本身好滑，質感非常好，唔會煮到爛爛地，食落仲保持到彈性，口感一流。最值得一提嘅係個腩肉，初初睇落去顏色有啲深，仲以為會唔會好柴，但一咬落去就發現完全唔係咁，反而愈咬愈香，食落完全唔覺得油膩。至於肥腸，處理得好乾淨，冇腥味，口感爽脆，配埋湯底一齊食，真係好正！雖然餐廳環境比較逼，堂食可能會比較擠迫，但外賣返屋企食同樣滿足，一樣可以享受到佢哋高質素嘅米線。…查看更多

份量足夠，服務正常，一分錢一分貨，有些評論說態度不好，老實說做街坊生意仔想要五星級服務也不現實，對生客可能比較冷淡，但見有熟客說食了十幾年，也開得還笑，感覺態度沒什麼問題。味道很好，食完不會口渴，清湯也很濃郁。堂食位置十分擠迫，到3-4點仍滿座，只能選擇外賣，等候時間合理。沒有分湯，搭車回到家中米線依然彈牙，沒有淋，湯也沒有少。總結好過大多雲字頭的米線店，也絕對好過各連鎖米線品牌，推薦再次光顧，只要是住附近的話。…查看更多

一直吃左咁耐，環境差對住個廁所，無咩服務都算，今次比個老闆娘激死，難怪咁多人鍾意北上咯，價錢貴，食物除左湯底可以外，滴蒜泥白肉真心難吃，非常硬，柴個，個滴店員又來左好多個新伙計，不知道寫錯單定老闆娘計錯數，埋單幫襯開無認真體單，埋完感覺不對路，還以為加左價，翻去問個老闆娘問長問短，然後補翻少找個錢比我直接低頭看手機無理會過我，搞到我好似過來白撞咁，以後再也不會幫襯，寧願吃譚仔或者翻深圳吃咯，服務態度好，做錯野起碼人地會認咯！好的服務態度真的非常重要‼️！…查看更多

麗江雲南米線係入去天水圍必食嘅名物，舖頭雖然唔大，但小食同米線都好高質，所以經常都大排長龍，受盡天水圍嘅街坊歡迎～炸醬酸辣米線💰HK$37酸辣湯底酸辣兼具！炸醬份量多而且係另上嘅，可以一啖炸醬一啖米線咁一齊食，正啊～炸醬豬紅雞肉麻辣米線💰HK$51麻辣湯底令啲米線每一啖都帶來麻麻嘅口感！豬紅口感嫩滑，雞肉亦柔嫩多汁，吸收哂麻辣湯底嘅味道～蒜泥白肉💰HK$34蒜泥白肉與別不同，肉質偏瘦唔肥膩，醬汁味道偏甜，配埋蒜泥一齊食，味道有驚喜～麻辣雞💰HK$38係必食嘅招牌小食之一，幾乎每枱都會叫一碟！雞件表面佈滿辣粉，肉質鮮嫩，麻辣惹味！餐廳亦相當之貼心，另外附上骨碟比客人吐骨～…查看更多

每隔一段時間都會掛住既米線！今日入開天水圍，一早已經諗好要食麗江， 選擇外賣返屋企食！舒舒服服！點了肥腸、腩肉微酸辣米線一如既往， 米線超滑， 會一啖一啖接住食，肥腸同腩肉都好入味！下次試埋個麻辣湯😀…查看更多

唔係第一次食麗江 佢唔係難食 但態度比較一般 甚至係好差 有時食食下會比佢地既員工叫 唔好意思 介唔介意幫我調一調位 座另外一邊？ 人地岩岩座低無耐 野食都未到就叫人轉位 咁都算啦 收銀個個應該係老闆娘 人地埋單既時候係用隻手去比錢同埋張單你 結果個位老闆娘明知人地比錢埋單 佢都淨係係到低頭計數 完全唔會理下個客 大佬呀 一個有基本禮貌嘅人見到人地埋單 但你暫時唔得閒 你都會開聲叫個客 麻煩等陣 或者講句你擺低 而唔係掛住低頭埋數 完全唔理個客 最好笑就係佢鋪頭既員工都見到呢個情形 都笑出聲 有無理過個客既感受？ 咁既小事都要人教 學咩人做老闆？本人係光顧左十二年既舊客 但係都忍唔住黎呢到講下D員工態度 特別係個老闆娘 如果大家想去食既話 就要忍受下要隨時調位 比人無視既感覺…查看更多

由中學開始已經好鍾意食麗江既過橋米線，成日同好朋友相約結伴去食😋但好朋友即將移民加拿大luuu🇨🇦🥲約定咗係佢一定要喺佢離開香港之前，最後一次亦都係回憶。我哋即組合，每人依然都係雞翼酸辣過橋米線🍜+蒜泥白肉+麻辣雞🐔依然都係好好食😋保持水準👍🏻👍🏻不過認真比起以前嘅份量明顯少咗😅以前米線份量比較滿，但係叫咁多嘢食都係飽肚😈兩人埋單都係一共$167，咁多年未有加價都算係性價比幾抵食👍🏻…查看更多

又係放假嘅節奏，梗係同女朋友出去食嘢啦🥰🥰🥰女朋友講過好多次好想去食麗江米線，佢話好好食，係學生時代嘅回憶😂冇辦法，咁我唯有同佢一齊去啦😎😎去到新北江商場，就見到麗江外面已經有六七個人排緊隊，而我同女朋友亦都等咗大約15分鐘就有得入去，先講佢個間舖頭係比較細亦都比較舊，所以會坐得有啲迫夾，不過好彩係咁炎熱嘅日子冷氣夠涼，而且亦都有開風扇，坐得尚算舒服😂😂之後我嗌咗一個麻辣豬腸蘿蔔米線，女朋友嗌咗酸辣雞翼米線，我哋外加咗一個麻辣雞同蒜泥白肉作為小食😋😋個米線一嚟到，望落個湯係比較淺色，並唔係好似其他米線咁樣咁濃稠，一飲落去好香嘅花椒味但係味道比較單一，而女朋友嗰碗嘅酸味好出，但唔太辣，麻辣雞唔算好辣，冇乜麻香味，而雞件斬得比較唔均勻，雞皮位置亦都好多肥膏😮‍💨蒜泥白肉就比較濃味，但我覺得蒜蓉唔太夠🥹🥹整體嚟講，呢間傳說中嘅米線唔係太啱我口味，可能我本身太過重口味🤣🤣而兩個米線加兩個小食再加兩杯嘢飲埋單$167，性價比算唔錯👍🏻…查看更多

平時經過見咁多人排，見今晚紅日得閒經過見佢排得幾個人就即管試下啦，買左個3餸米線同蒜泥白肉，返到屋企諗住試下啦，點知腩肉就柴嘅，豬腸又冇乜味，湯底唔得又淡，試下個蒜泥白肉仲衰，食咁多間冇一間好似佢咁厚嘅，柴到要夾硬吞先得，原本諗住唔浪費食物，想食埋佢架喇，但最後都係放棄，真心唔明點解咁多人排，我唔識得欣賞，一個字：伏！！！真心揸車去都覺得浪費左d油呀，新北江仲有大把好味嘅野食，無謂食佢食到谷鬼氣喇！！！…查看更多