鴻運燒烤煌

營業中

休息中

體驗很差 只收現金我哋14個人Expect 要比成$3000現金已經好唔合理入到去仲要每一樣嘢都要加錢（都係收現金）大佬邊有咁多現金 差d要搵人籌錢先食到飯咁🙂星期六雖然入場費只需「$200」但開爐費每個$50 （包一包炭+蜜糖1支）飲品卡2張 好似有兩支野飲？其實樽裝茶計兩張卡😂另外買飲品要$20支如果想要其他基本嘢所有所有都係加錢同加錢蒜蓉$20燒烤網$40牛油$10 紙碟都要一蚊五個入場話可以燒五個鐘但係啲炭兩個鐘都冇已經冇晒😂😂加炭?一係就重新開個新開爐加多$50一係就只買炭$40包 但可能都燒唔到兩個鐘架香港地係咪仲有咁多燒烤場咁樣運作？希望不如直接收貴d唔好做咁多小動作🙂

去完林村順路去燒烤場燒烤，冇咗麥師傅都唔知邊間好食，試呢間後覺得很不錯值得推介，人手足夠，服務態度很好有禮貌，補食物很快，如沒有要求也會很快補上，去大埔大尾督燒烤真心推介。💗💗🥰🥰一至四價錢，老人家有樂遊卡$120，成人$180。開爐費$50。假日貴$20提提大家此場不包紙巾。場內購買$10／包。包2罐飲品及部份樽裝飲品，飲品選擇很多。最好自行帶牛油和調味料，因為他們提供錫紙盤1大1細可焗菜食，可惜沒任何調味料提供。沒有影凍肉櫃，我好似考試咁背書🤣🤣，用記憶寫出嚟，可能有錯漏請見諒。肉類：雞翼（香茅，麻辣，咖哩，黑椒，燒汁，南乳），豬扒，火雞腎，金沙骨，雞軟骨，燒汁一口牛，牛扒，芝麻豚肉粒，咖哩魷魚，豬頸肉。丸類：芝士波波丸，紅腸，芝士腸，厨師腸，台灣腸仔（原味，黑椒），墨魚丸，貢丸，龍蝦丸，魚腐，燒賣，芝士丸，牛丸。。。。菜類：茄子，香菇，蕃茄仔，脆肉瓜，青尖椒，三色椒，金姑菜，南瓜，娃娃菜。白麵包，焗蕃薯（淋甜），焗粟米（一般）叉，碟，筷子，竹籤，手套可取。飲品每人2罐有罐裝或部份樽裝， 選擇很多。有燒烤叉，1包炭，1個夾，蜜糖1樽。厠所衛生ok, 可能少人入場，是藍色流動洗手間，

年初四約左一班朋友踩單車加BBQ，搵左好多間都好貴而且兒童遊樂設施又唔開，小朋友好難坐定定陪大人燒烤。朋友搵到呢間鴻運，仲可以電話留位，留位費$250。好慶幸有留位，今日全場爆滿,無得walk in 。我哋踩完單車就直接過嚟，係門口排一陣就俾錢入場，俾現金。座位自選，開爐$50,我哋即刻分工合作，男嘅擺嘢，女嘅攞嘢食，小朋友自己去充氣彈床玩食物質素都幾好，豬、牛、雞、面包、腸仔一應俱全。我個人特別推薦魷魚、孜然雞翼同台灣腸，好好食。飲品入場時每人贈送一罐汽水，之後就自費，大家可以帶個網嚟燒，我哋就乜都無預備，係果度買左一個燒烤網$40、一盒仔牛油$10、額外一包炭$40。都可以接受嘅燒左5個鐘個口無停過

踩完單車，順便去bbq, 其實都試過幾間，今次係附近就試下呢間，點之就中伏，一入到去其實個埸好大，星期一唔多人，場地都幾乾淨，對海，$160一位包一款野飲任食，另$50 開爐費。搵左位就出去拎野食，丸類都齊，肉類都係豬牛雞，竟然冇蕃薯，粟米，bbq 冇粟米真係差啲，肉類有雪味，而且應該醃得太耐，肉嘅質地好怪，任食bbq黎講，食物真係要改善，同埋應該refill 番，冇下次啦。

去過不少燒烤場，非常推介鴻運燒烤場，鴻運無論環境 （很有心思的佈置，有很多打卡位）；配套（停車位充足，各種用具也齊全）；娛樂(有小朋友水池，彈床，有大朋友的夾公仔機，籃球機）；食物（食物新鮮，乾淨，種類也多）衛生，也是水準之上，絕對值得推薦

今日家庭同樂日，睇完單車之後搵咗一個燒烤場有好多水上活動玩嘅，我哋晏晝就喺嗰度租咗直立版玩，玩到黃昏嘅時候就開始燒嘢食，佢嗰邊嘅燒烤場除咗有好多娛樂設施之外，仲係喺海邊附近，個景色非常靚。由於我哋玩咗水上活動非常肚餓，我哋今次就食咗好多燒肉，我哋最鍾意嘅就係燒豬扒、雞扒、雞翼等等，我哋除咗燒好多扒類之外，仲有好多丸、腸仔等等。佢哋嘅嘢食都有醃好嘅，調味非常好食😋另外，嘢飲都有好多款式，佢哋就係另外收費嘅，例如有一啲涼茶清熱等等！如果同屋企有小朋友嚟燒嘢食又可以玩水上活動非常適合假日入嚟玩！

今日同朋友去踏單車之後去左大尾篤BBQ，最方便就係唔洗自己帶燒烤爐具及買野食，上網見到依個燒烤場好似係新開嘅，但係估唔到佢嘅嘢食都非常多款式選擇，而且佢哋啲燒烤爐都非常新淨👍🏻👍🏻同朋友踩完單車之後去燒嘢食已經係每次必定做嘅活動，今次我哋少咗好多肉類，譬如有豬扒、雞扒、雞翼等等，除咗肉類扒類之外，仲有好多丸等等。燒烤場嘅嘢飲就係另外收費嘅，佢哋嘅飲品類別亦都有好多，例如有一啲涼茶清熱等等！燒烤場除咗燒嘢食，仲有得外借水上活動嘅設施，例如獨木舟直立版等等，而且燒烤場嘅裝修亦都非常適合小朋友去玩樂

💛🤍🤎文末有特別食法、交通建議勁平5小時任玩任食BBQ🔥今日父親節，天氣都唔錯！唔知大家去咗邊呢？🤣大埔實在太多燒烤場，諗咗好耐...就決定去依間啦！依度近海，又有唔同設施玩😍仲有個小型動物園添🦚！今次純粹日常share，所以唔會重點介紹食物😛❣️每位收費❣️平日: 大人$160 小童$100其他日子: 大人$180 小童$110依個價錢包任食、任玩、飲品等等，如果要玩獨木舟或其他特別嘅設施就有另外收費😗不過價錢都唔貴😂🧡環境🧡環境近海，就算夏天都冇悶熱嘅感覺🥰場內有彈床、單車、籃球機、充氣彈床、兒童游泳池、攀石(部分有另外收費)，仲有好多打卡位呀！🤍位置🤍位置自由選擇，鍾意坐邊都得😎揀咗海景一流嘅位置，一邊燒嘢食一邊望住大海🌊真係正！揀定位之後，店員會幫手開爐😆唔使自己透爐嘅感覺真好😚燒烤爐旁會有張大枱，無論櫈定係枱，都好新淨同埋好乾淨😆❤️自助區❤️燒烤用具同埋嘢食都係自助形式，行過去自助區自己拎就得啦！鍾意食咩就夾咩😛夾唔到嘅會有店員幫忙！BTW依度refill速度好快😆💛食物💛食物嘅選擇比想像中豐富，有雞翼🐥、牛扒🐄、豬扒🐖、漢堡扒、腸仔、各款丸類、粟米🌽、金針菇、蕃薯🍠、多春魚、厚

這天與朋友一家人去燒烤。BBQ準備的過程很麻煩，所以我們選擇去燒烤場。兩手空空去燒烤很爽！燒烤場提供的食物款式多樣，但似我這樣的懶惰🐷當然選擇漢堡扒、肉丸、紅腸及腸仔這些快熟食品！它們味道都很好，是平常好吃的味道。我們吃一點東西後，孩子便到附近遊玩，大人們則可以開始耐心燒雞翼及扒類。雞翼個頭不算細，扒類質量亦不錯；調味方面，它們不驚艷，是尋常不過不失的味道。整體來說，我覺得這個燒烤日很愉快、滿足！

政府放寬限聚令, 大家可以盡情去炭火燒烤, 今次來到 鴻運燒烤煌, 這裏除了燒烤, 亦是大眾開心樂園, 可以玩盡海陸項目.  停車場車位多.  也可由大埔墟火車站乘坐小巴.入埸收費 指示好清楚, 重有專人做安心出行檢查, 防疫功夫做足.燒烤座位分三區, 整齊, 清潔.  近海邊空氣好.設服務站, 有飲品區.另自助燒烤食品區, 雪柜分隔開, 各種肉類.   有醃好雞中翼, 牛排, 蒜蓉猪排, 金沙骨.........腸仔, 肉丸.....蔬菜, 栗米,  菰......自助調味料, 蜜糖....自助燒烤用具.有專人哥哥協助開爐.我們先取牛丸, 龍蝦丸, 燒賣, 魚蛋, 漢堡扒.爐具闊,  又有燒烤網. 地方真係大,  吃喝玩樂都舒服.雞翼, 豬扒, 咖喱魷魚, 好味.  用錫紙燴番薯好香甜. 小朋友玩樂設施好新式.  還有可以戲水的充氣滑梯.  跳彈床,  攀爬架, 障礙設施籃球🏀機, 夾公仔機, 重有電子琴.小童自駕單車.影相打卡位有: 大象.鞦韆.充氣波波.    海邊睇黃昏日落非常優美. 有飲有食, 開開心心足足五小時, 適合一家大細, 好朋友暢聚, 真係 吾願走.

自從朋友各有家庭，少左見面都在所難免，特別係有小朋友嘅朋友，因為有時出黎食飯，帶小朋友真係未必方便。出國無期，一般嘅報復性飯局已經滿足唔倒大家，所以今次就約左好耐冇見嘅朋友出黎BBQ，多啲時間傾計，又可以俾小朋友放電，一舉兩得。哩度最大賣點就係哩兩個大型吹氣嬉水池，仲有埋滑梯，見好多細路由黃昏玩到夜晚都冇離開過個嬉水池就知可以放倒幾多電啦！冇帶泳衣唔想濕身嘅，都仲有好多陸水遊樂設施，好似跳彈床、滑梯、平衡木......等等。如果落雨，都仲有夾公仔機同籃球機，不過就要另外收費。哩度分左幾個燒烤區，全部都有瓦遮頭同好多大風扇。佢另外仲有VIP房，除左可以自成一角之外，仲有冷氣添，相入面左邊嘅屋仔就係VIP區。哩度嘅任食BBQ限時5個鐘，平日一至四$160/人，五六日同假期就$180/人，本身包左一罐罐裝飲品或一枝樽裝水，新張期間Like同Share 社交平台仲可以每位減$10，另外開爐費$50包一包炭、蜜糖同燒烤用品。所有罐裝飲品都可以用飲品卡免費換領，汽水、涼茶、果汁都有。如果要再買野飲，各款枝裝野飲都係$10-15/枝，價錢都合理。食物方面一般大路野都有，腸、丸、豬牛雞、蔬菜同麵包都有

近日周末天氣不穩定, 一家人又想一起吃喝玩樂, 最理想是去有蓋的 BBQ 場, 吾怕落雨或晒太陽. 哥哥帶路去了 鴻運燒烤煌, 位於大埔汀角路, 設有停車場.燒烤場面對大海, 空氣清新空曠,  首先看見小朋友的歡樂天地,動感遊樂場, 跳彈床.夏天小朋友最愛的兒童嬉水梯.打咭景點很多,  有大象.夠浪漫,  的星星, 月亮, 太陽.可以海誓山盟的心心.佈置幽雅,  適合家庭, 朋友聚會.月兒彎彎的鞦韆.燒烤場分 A, B C 區, 座位整潔,  寬闊, 燒烤爐具齊, 員工會主動幫手開爐.任食燒烤五小時, 飲品包了一枝水/罐裝汽水, 飲品區有專人負責人管理. 啤酒, 果汁, 汽水 涼冰冰, 樣樣齊.自助用餐具, 手套, 蜜糖, 錫紙也有.食物方面肉類選擇多, 有黑椒西冷牛扒, 越式香茅豬扒, 日式照燒雞扒, 金沙骨, 叉燒粒, 雞翼, 咖喱魷魚, 漢堡扒, 多春魚, 丸類及蔬菜類 食物醃得入味, 金沙骨, 咖喱魷魚, 雞中翼多種調味,  方包, 蕃薯也有, 好豐富.可以用燒烤叉及燒烤網, 燒得更寫意.  食物好好味, 大家吃得好滋味,場內還有多部夾娃娃機, 打波機. 燒完又可以玩, 各式其

之前朋友相約，星期日去大埔燒嘢食，對於我嚟講，係怕麻煩攞東西，同埋遠咗D，因為我唔係住附近，自從東鐵開通到金鐘，我都沒有搭過，一於應約，到咗星期日我從屋企出發，去到金鐘直去大埔墟，再坐20C綠色小巴汀角路鴻運燒烤煌！落咗車行入燒烤場，已經被海景和場景設施吸引住，真係心曠神怡，即刻攞手機出嚟影吓相，仲有隻大笨象好似真嘅一樣，有吊欖鞦韆，還有用花花草草堆砌成一個心形拱門，好多打卡位！陽光普照嘅日子，好適合影靚相。另外一邊有孔雀有雌性同雄性，鄰近還有四隻大烏龜🐢欣賞完之後開始燒嘢食，食物有好多選擇係自助式，牛扒 豬扒 雞翼 製作得好入味，炭燒出嚟啲嘢真係好香，食都食多幾隻。再飲番幾啖啤酒，對住個海景和海風吹過嚟，人生一樂也！咖喱魷魚🦑係我個人最欣賞，亦都係推薦encore嘅。鴻運燒烤煌，可以給我渡過（超好）的大半天，下次一定再嚟過。

一燒嘢食就諗起去大美督，鍾意去燒烤場係因為好方便，唔駛自己買食物、買工具等等，懶人首選！燒烤場任食咩都有，非常方便！假日同屋企人去燒下嘢食，去吓戶外吸下新鮮空氣！呢個燒烤場環境好大，可以容納好多人。我哋去夜晚燒嘢食就冇咁熱，而且景觀幾開陽，景色都幾靚！燒烤場自助形式，入場俾咗錢之後就會有職員幫你開爐。之後你就可以去自助區度拎嘢食！每個燒烤爐隔離都有一張四人枱，燒完嘢食可以坐低慢慢食！自助區食物都有幾多款式揀，雪櫃幾衛生，食物一格格放好。除咗燒嘢食呢度都幾多嘢玩！有鞦韆、爬繩網、跳彈床之類，燒嘢食之餘，亦都幾啱小朋友放電。

呢間新開嘅BBQ場，環境夠大，而且有靚景望打卡影相📸️相當一流！假日可以去BBQ、而且仲好啱親子！因為嗰度有多款唔同嘅小遊樂場，有彈床、小水池、鞦韆等等，另外仲有夾公仔機及打籃球機！非常適合一家大細假日來玩！BBQ場門口設有大大空地可以泊車🚗🅿️，非常方便！BBQ場非常企理，而且通風夠，唔會太侷促！價錢：🍢5小時任燒星期一至四：大人$160/位、小童$100/位星期五至日及公眾假期：大人$180/位、小童$110/位食物款式基本上燒烤嘅都有，豬、牛、雞、香腸、丸、麵包、番薯、金菇、魷魚等等都有！最緊要係任食！飲品就每人包一罐！呢個環境，呢個價錢，假日嚟玩真係好抵！