鴻仔記車仔麵 (禾塘咀街) (已結業)

今日行過光輝圍 見到依間野..下午茶就食車仔麵$35....餸就嗌左豬紅,大腸,瑞士汁雞翼尖＋腩汁(米線)...凍奶茶依碗車仔麵不得了....貨不對版...唔算太差 但一定唔係好食囉！米線變米粉？瑞士汁雞翼尖..d瑞士汁去左邊？🧐腩汁你又去左邊？杯凍奶茶正常 入到口 …查看更多

食咗四個餸覺得呢間野正正常常，都係街坊野，咁啱喺附近想食麵都可以一試四餸車仔麵都算足料肥牛——算係厚嗰啲，都肥豬紅——都幾多舊，味道同質地都唔錯泰式炸魚餅—-可能本身expect會有少少香茅味，出到嚟就唔係話好有味紅腸——都係正常水平凍雪梨蜜——叫咗少甜但係都係好甜…查看更多

車仔麵一向係香港人嘅至愛之一，今次經過光輝圍，亦懷念舊有港式風味，一於一試呢間喺香港唔少地方都有分店嘅鴻仔記車仔麵！// 豬大腸、墨魚卷、牛孖根、辣魷魚 //// 魚皮餃、酸齋、咸牛脷、墨魚卷 //整體嚟講餸菜無咩特別，醬料味道亦唔夠濃厚，只可算係一般街坊質素。如果要揀幾款比較突出嘅，會推薦咸牛脷同墨魚卷，而其他亦只能算不過不失。不過街坊食店嚟講選擇都相對多，亦有好多唔同小食、特飲選擇，如果經過亦可一試，性價比嚟講的確可接受。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️…查看更多

尼依到食4餸車仔麵真係超抵。4餸車仔麵(蠔皇花膠、炸醬、蟹柳、午餐肉、葱花、特量鴻仔辣汁、紅薯粉)，蠔皇花膠，煙韌有咬口，無炆到腍曬、爛曬，炆得幾入味;炸醬,調味唔會太重口味，味道幾清爽;蟹柳、午餐肉,份量都算多，味道中規中矩;特量鴻仔辣汁，味道唔算好辣，不過都夠惹味;紅薯粉，口感煙韌、幾掛汁。5餸車仔麵(冬菇、酸齋、泰式魚餅、咖喱魚蛋、蘿蔔、大量鴻仔辣汁、烏冬)，冬菇，炆得好腍，而且好大嚿;酸齋，味道酸甜、好開胃;泰式魚餅，摻和左D香料喺入面，味道好特別，魚香味濃;咖喱魚蛋，口感彈牙，咖喱味唔算太辣;蘿蔔，口感實中帶腍，味道清甜;大量鴻仔辣汁，鴻仔記獨有醬汁，必叫吖;烏冬，口感Q彈。鹽酥雞，炸粉、雞肉比例恰當，新鮮炸起好有肉汁，有孜然粉調味，整體幾香口。黑糖珍珠奶茶2杯，即係黑糖珍珠配港式奶茶，珍珠嘅黑糖味道濃郁，口感煙韌;奶茶茶底香濃，口感幼滑。…查看更多

放假留係屋企懶下休息下，晚餐就係網上外賣平台  order外賣  ，哩間野之前都叫過，無特別好食唔好食，正常車仔麵囉，今次黎到 一打開入面全都係不知明毛，初時我以為係一條半條頭髮都諗住算啦，睇清楚啲 係成碗勁多細細條不知明毛真係痴x線！！🤬🤬 莫講話宜家疫情嚴重，就算平常見到都會反胃，咁樣嘅衛生情況一定唔會再幫襯！永久black list ‼️見到都想嘔，檢查過 係入面都有勁多，捱肚餓都唔會食 成碗掉咗！😡😡😡…查看更多

介紹翻一間勁抵食既車仔麵🙈 嗌咗勁多野食除反開每人都係ard50-60蚊🤩🤩🤩-個人覺得佢個魚皮幾夠薄 浸落湯到仲有炸炸聲 勁脆卜卜唔會太厚或者好難咬😋 豬耳都整得幾入味 鍾意小辣既人可以trytry🙆🏻‍♀️加上佢真係好抵食 仲七間分店 如果住得近呢到食都不錯🤩-…查看更多

今日去到荃灣行街，呢度真係好耐無黎過，發覺好多地方都變咗，附近嘅餐廳亦都多咗，以前你都食親嘅多數都係茶餐廳，但今次嚟到就見到好多好有特色唔同種類嘅餐廳，行完新開嘅激安之後就去咗葵涌搵嘢食，見同女朋友大家都唔係咁肚餓就走入咗一間食車仔麵嘅地方去到餐廳見到各式各樣嘅餸菜可以喺玻璃度見到，去到嘅時候亦都見到有好多客人進食緊今次就同女朋友帶咗兩碗車仔麵同埋一個小食，我就叫咗午餐肉豆卜同埋豬頭肉，午餐肉又香又大塊，豆腐卜索晒啲湯汁非常之入味，豬頭肉係車仔麵嘅餐廳比較罕見嘅，但係呢間餐廳做嘅豬頭肉非常之爽口同有咬口女朋友就叫左紫菜腐皮同埋牛舌，紫菜份量非常之多配合埋面一齊食非常之配合，腐皮唔會泰林又唔會太硬質地適中，牛舌食車仔麵亦都非常之罕見非常爽口同埋非常之有牛肉味最後我哋仲叫咗一個小食蜆介鯪魚球，鹹鹹地非常之好味，鯪魚非常之香脆爽口同埋彈牙…查看更多

今日去咗葵興嗰邊開會而且又非常之趕時間所以就見到一間車仔麵店就諗都冇諗就入咗去呢度有非常之經濟實惠嘅四餸麵只係$38咋所以我就好快咁樣就決定咗要食呢個四餸麵咁配菜方面我就叫咗紫菜腐皮雞絲同埋牛舌而麵我就叫咗米線我覺得佢個牛舌非常之好食係呢一個四餸麵入面仲要有三舊超大舊嘅牛舌真係超級抵食而且佢唔係淡茂茂嘅牛舌而係鹹牛脷 所以好好食除此之外我仲叫咗一個炸凌魚球一客有四大粒嘅凌魚球非常之抵食呀真係呢一間車仔麵店真係有驚喜…查看更多

今日拎完團購就喺工廈附近搵食都好少黎呢邊，又一個人求其揀左間車仔麵簡簡單單點知都俾我撞到間好野！間鋪都幾新式唔會殘殘舊舊咁畫好餸紙就交俾姐姐都幾多餸菜揀而且仲可以揀埋做酸辣麻辣湯底我就揀左比較少見嘅花膠做餸估唔到車仔麵都食得咁豪氣～😂另外就叫左蘿蔔黎試下花膠份量都唔少，當然唔會食到滿口立痴痴咁誇張但都算有啲咬口，仲幾入味添蘿蔔都幾唔錯夠爽甜，唔會成口渣👍我下午茶黎食仲抵！連野飲3餸，都只係$35!…查看更多

病病地想食清淡少少去左食碗車仔麵環境都幾乾淨企理唔會一陣油益味食物都幾多選擇連少見嘅蠔皇花膠同炸鵝肝都有！？都算有啲gimmick就試下個蠔皇花膠再揀多個蘿蔔，小雲耳同西洋菜夠晒清淡！揀左米粉，貪佢夠索湯🤤實而不華材料不會少，夠大碗揀左少少鴻仔記招牌辣汁調下味試下蠔皇花膠先～煙韌有咬口，炆得夠入味！咁嘅價錢算唔錯！蘿蔔幾清甜，無渣👍西洋菜同小雲耳就正常貨色配埋杯檸水，夠清喇啩仲有得揀利賓納喎，懷舊之選…查看更多

香港嘅街頭小食真係好精彩🌈好似碗仔翅、雞蛋仔、臭豆腐咁...呢啲先係香港人精神，個人至愛嘅車仔麵，今時今日仍然歷久常新，鍾意佢配搭多，無論早午晚、宵夜都可以飽下肚，過下口㽼👍👍👍今日去咗葵涌光輝圍，約咗朋友九點先食晚飯，見到鴻仔記車仔麵好有街坊feel，一於來個38蚊四餸麵打打底先😘落單紙唔會陌生，幾十款車仔餸任你配搭，用價錢分類，簡單又清楚，麵底醬汁有辣有唔辣，你想點就點🥢招牌推介嘅花膠唔會太冧，大大塊煙煙韌韌索晒上湯好入味喎，咖喱豬皮味道唔會太過搶，豬紅爽脆，墨魚丸唔會一舊粉咁，質素唔錯喎⭐️⭐️⭐️幾十蚊野可以有幾十款選擇，每一款食材都要獨立烹調處理，一碗車仔麵嘅誕生，真係要用心製作，街坊小店真係要多多支持，撐你呀「鴻仔記」👍👍👍…查看更多

自己好少過嚟荃灣呢一邊，今日要拎架車嚟整，經過呢間車仔麵店，啱晒，醫下個五臟廟先😬親切的店名，盡顯地道情懷，主打車仔麵，車仔麵始終係香港人集體回憶，每次去完外國旅行，返香港都會好懷念呢個港式食品🥰呢間車仔麵店，保留左劃紙仔嘅傳統，食物種類頗多，都係一啲耳熟能詳嘅食物，四餸麵都係$38，嗱嗱聲揀餸先😬揀咗冬菇、豆卜、豬紅和蘿蔔，首先講吓個麵底，都算爽口，而且冇鹼水味，特登試吓過清湯，入口清甜，之後冇口渴感覺，雖然冬菇唔算好大隻，不過就夠甜又入味，蘿蔔入口清甜冇喳，豆卜又夠豆味，整體不錯👍🏻意猶未盡，試埋佢哋個腸粉餐$26，有齊四樣至愛腸粉、魚蛋、燒賣、豬皮，一次過滿足四個願望，抵食又好味😋環境方面，乾淨企理，見到好多揸車搵食嘅朋友都會入嚟幫襯，全部都係熟客仔，證明呢度口碑都唔錯，下次有機會過嚟，都會再嚟幫襯🤗…查看更多

在葵青區搵食好難，而且想食碗麵更難，葵青區朋友介紹我去一間連鎖式車仔麵店，名叫「鴻仔記車仔麵」，出名有花膠的麵店。4餸麵售價$38，豬大腸、豬紅、咖喱魚蛋、齋麵筋是我個人喜歡選擇，加埋腩汁及鴻仔辣汁倍感惹味，為了減肥只好轉做菜底，轉走任何粉麵，麵店都可做到。食物質素方面，豬大腸肥美，鹵汁浸透了整個豬大腸，味道不錯，質感彈牙。豬紅及齋麵筋也正常合格，咖喱魚蛋細細粒，懷舊風味十足。朋友就點了蠔皇花膠、蘿蔔、豬耳、小雲耳加瑞士汁，轉走粉麵轉菜底比較健康。蠔皇花膠爽身彈牙，微微淋身，蘿蔔夠甜，豬耳脆口及小雲耳都很爽脆，這樣配搭也不錯。小食推薦孜然雞翼，即叫即炸，雞翼香口肥美，啖啖滋味，回吃率甚高，每碟$26有4隻，價錢合理。…查看更多

今日來到葵涌看到人流不少的鴻仔記車仔麵決定一試，但對於食飯時間，真的全滿座，只好回頭再吃。車仔麵當然是先選麵食，再選配餸。過了食飯時間，人群突然全消失，真是匆匆的來匆匆的走。分了兩款麵餐$38 - 可選4餸、及自己配搭配料。車仔麵店除基本的麵餐外，更有酸辣、麻辣米線、以及飯餐供應。還有下午茶優惠。凍奶茶茶味夠濃，入口透心涼。$38 - 可選4餸餐貢丸、豬腸、午餐肉、菜心配米線。其中豬腸爽口彈牙，午餐肉厚身大塊，抵食。…查看更多

鴻仔記一間位於葵涌光輝圍嘅車仔麵，招牌大大，相當易揾。店內間隔同一般麵店差唔多，但整體上裝修略帶新穎，所以都令人覺得乾淨企理。煮麵廚房雖然唔算大，但就好似魔法盒咁，可以變出多種類食物首先睇吓鴻仔記嘅鎮店車仔麵，價錢正常，選擇也算多，個人特別推介鮑汁花膠，而牛舌更唔係每間車仔麵可以揾到嘅餸。秘製牛双筋骨膠感極重唔好錯過。另外只要好好利用4餸麵點餐就可以以優惠價食到滿足嘅一餐。點解話佢廚房係魔法盒，因為老闆為配合食客所須，就連酸辣，麻辣米線都做埋而無飯不歡嘅客人都有飯食為你供應，只夠佢做言歸正傳我碗麵黎啦，牛腩，豬紅，西洋菜，花膠，咖哩魚蛋，有幾種醬料比你配搭，不同辣度，而我就揀左比較大路嘅沙嗲醬，香辣惹味，牛腩同花膠都各有千秋，腩肉炆到剛剛到位，淋身得黎又略帶咬口，而且十分入味，豬紅也不過不失，但魚蛋相信會有進步空間。女皇就揀左花膠，牛双筋，冬茹，蘿蔔，所以餸麵份量剛好 ，連佢都話最後我被牆上海報吸引點左蒜泥白肉，味道也算不錯，但同傳統有所出入，多左份麻香，但個人應為過油，如果減少油份就更加完美。凍鴛鴦，(選擇汽水會好啲),其實唔係差，只係欠缺茶餐廳風味。…查看更多