鴛鴦奶茶 (匯貿中心)

營業中

休息中

石門近年開了很多食店，但提起早餐，鴛鴦奶茶會係第一間在我腦海閃過的。港式早餐 + 西式咖啡，呢個組合非一般茶記能提供。試完火腿蟹捧通、沙爹牛麵和五香肉丁麵後，首選，五香肉丁，五香肉丁有齊香同辣，而且同平日自己開罐頭有明顯分別，那兒的係一D都唔乾，食落仲覺得D肉滑添。而咖啡方面，我會加$4，order西式咖啡，臻子咖啡是必點的。西式咖啡同茶記最大分別是，少了苦澀味，多了陣陣奶香。不得不提，駕車去食的人要留意，石門近月俾人抄得好勁，我朝早10:00食完，已經見到PC係到抄緊牌，建議大家行路去。

邊個話工業區無好野食？工業區藍領上班人士多，但不等於他們對食物質素沒有要求，今日來到石門，由幾年前的食物沙漠，搖身一變成就為美食綠洲，要吃什麼菜式，幾乎都可以在京瑞廣場找得到。今日來去的地方，卻是工業大廈的食堂，名叫鴛鴦奶茶，這餐廳的裝修風格具loft 風，木色枱配上黑色金屬椅子，感覺十分舒服。它賣的早餐選擇配搭相當豐富，有歐陸早餐、韓式早餐、輕怡早餐和傳統的港式早餐，最後選了五香肉丁麵配多士午餐肉炒蛋，凍檸茶走甜，論麵，煮得不錯，而午餐肉有一整塊，而且厚切，十分吸引，蛋亦炒得很滑，成份早餐的分數有九十分以上，做得十分出色。

今早約咗個朋友，佢話帶我去一間環境不錯嘅快餐店食早餐，原來喺石門站，行入工廠區，一間唔起眼嘅快餐店，朋友唔講，隨時行過左都唔知行入去，果然環境唔錯，早餐分別有經典、輕便、歐美式早餐，同埋淨麵選擇我買左經典早餐，有2隻太陽蛋，半塊多士，一碗沙爹牛肉麵，加多抔奶茶，整體味道，份量都是適中，麵有多種款式選擇，更可以改為通粉，同一般快餐店安排一樣我朋友叫了歐美早餐，貴少少，也豐富少少，有一份雜菜沙律，茄汁豆一小碗，炒蛋，豬扒(可改牛扒，雞扒)，牛角飽，加杯咖啡，只是$40，不錯呀，牛角飽鬆脆，它的咖啡值得一試我們去的時間，过左返工時間，加上工廠區，所以人不多，環境不錯，坐得舒服，同朋友嘆住早餐傾吓計，非常好

-🦄鴛鴦奶茶-龍蝦湯海鮮煲配飯 Hkd62Rating🌕🌕🌕🌑🌑-好耐都冇同大家分享啲咩好野食喇🙈🙈🙈琴日就去左呢間鴛鴦奶茶🤭主要提供既啲西式餐飲其中有啲咩鰻魚蛋包飯🍳青醬意粉🍝等等都好似好吸引咁 但最後都叫左呢個煲🍲因為好想食啲暖笠笠既野暖下個胃😂💕-呢個煲都等左一段時間先有得食😵記住龍蝦湯係冇龍蝦架！😊龍蝦湯都冇龍蝦味架 係好似茄汁咁既味😀海鮮煲既海鮮都唔多 面頭一隻細青口好多粒細蜆 一塊魚柳一粒蝦🦐幾條魷魚🦑咁而蔬菜就比較多🥗幾舊蘿蔔薯仔同翠肉瓜蘿蔔薯仔好似味煮食咁 硬到傻左🤷🏻‍♀️🤦🏻‍♀️仲有2/3塊豆腐 但所有野配飯食就岩岩好飽喇-不過真係唔值$62囉 咁既質素😺😺😺雖然味道還可以接受👌🏻但海鮮煲冇咩海鮮係想點？-

星期六，發現銀包冇乜錢，又想食個All day breakfast, 鴛鴦奶茶幫到你！平民的價錢，尊貴的享受。。。我裝不下去了但說實話，真的挺不錯。地點有點奇怪，找到大廈後，面對入口，餐廳在右邊。早上11點，大概六成座位有人。裝修算西式，感覺挺舒服的。點了歐陸早餐及鴛鴦雞湯麵。歐陸早餐有嘴尖的老婆主力吃，炒蛋很滑，牛角包有雲呢拿同牛油的香味，咖啡沒有苦味，非常不錯。見下圖鴛鴦雞湯麵是港式的湯麵， 餐肉是高級貨，小弟最愛午餐肉，吃得出來是好貨！麵也剛剛好，抵讚。見下圖對了，凍鴛鴦真的超級好味，強烈推薦！

在石門工業區一所工業大廈的地下，完全隠祕，如果不是上 “開飯啦” 睇睇石門還有什麼好食，完全不知道有這間工廈食堂。一入門口，已經很喜歡其復古加現代的工廠設計。灰色的石屎牆，襯托著一幅幅紅色的磚牆，木做的枱櫈，一排排整齊地擺放在中央。再加埋別緻的吊燈及極高的樓底，甚有特色。餐牌全陳列在入口左面的牆，選擇豐富，以西式為主，也有全日早餐，和唔同款式的甜品，價錢由$45到$65 不等，已包一杯飲品。購買方法同快餐店一樣，先去買票，然後看到自己票上的號碼，就可以去取食物，十分方便。我叫了日式咖哩流心芝士漢堡扒蛋包飯及熱檸茶（$60），聽聞好似唔錯。當我見到我個餐時，即刻流口水，完全想唔到食堂的食物賣相可以咁精緻👍🏻👍🏻👍🏻。說實話，這個賣相比沙田的「牧羊少年」好好多😜。味道亦一流，首先蛋炒得十分滑溜，咖哩汁香濃帶有微甜及辣，配飯簡直一流👍🏻👍🏻👍🏻。漢堡扒雖然不大，牛肉亦很juicy 及有牛味，最精采是加埋流心芝士，香而不膩，結果我食曬成碟飯。☺️☺️總結而言，鴛鴦不單止是我喜歡的飲品，更是我至愛菜館之一，只可惜我的寫字樓不在石門，否則一定常幫襯。

今日的天氣相當炎熱，又相當悶焗，本應沒有食慾的我，與同事到了這間熟悉的飯堂。一踏進門口，便被餐牌上的咖哩食品吸引，即時我在毫不猶豫的情況下，點了咖哩牛腩蛋包飯和凍檸茶，想刺激下自己的胃部之餘，亦令自己清醒一點。這個餐的咖哩汁，真是沒有令我失望。咖哩的濃度恰到好處，汁的份量足以令我完成整碟飯。當中的牛腩，夠香夠嫰，件件大大件，份量十足，每件牛腩起碼要分三口才能完成，配上薯仔和紅蘿蔔的配菜，夠晒飽肚。至於個蛋包，配上咖哩與白飯一起放進口裏，個層次感真是筆墨難以形容。每粒米的分明，咬感和口感都清楚利落，從未如此有過這感覺。這裏價錢公道合理，而且內裏的環境也舒適，店鋪更提供义電服務，非常細心體貼。

石門愈來愈多餐廳，唔熟路既都會走去京瑞果頭搵食，一到週末，就人山人海，又要等位....識路既，就會揀呢間門面唔起眼，招牌細細既鴛鴦奶茶！內面裝潢有特色，充滿工業風。大大個電視，唔係用來睇波，而係播放令人心擴神宜既大自然風光！皇點當然係食物啦！非一般茶餐廳，而係西餐特色！今次試下新野：豬仔脾配薯條，再加杯凍咖啡！豬條脾肉質嫰滑，配上介末醬一流！薯條夠香脆可口，絕對係好過麥當當啦！至於咖啡，竟然有茶餐廳風味！正！

位於沙田石門站的隱世飯堂，店鋪在中電大廈的對面，雖然門面絕不起眼，但到過此處用餐的人一定不少。此食市是以快餐自助形式，但其食物質素和種類與一般大企業的快餐不同。昨天，我們叫了一個煙燻三文魚沙律，白咖哩羊架飯，香煎豬扒配薯條。三文魚沙律所用的蔬菜新鮮，醬汁特別，令人醒神開胃。白咖喱羊架飯，羊肉鬆軟，飯的口感不俗，感覺到每一粒米的煙韌。而個香煎豬扒配薯條，豬扒煎得恰到好處，充滿肉汁，薯條更是條條粗狀，外脆內香，熱辣辣加點茄汁，美味非常。這間飯堂，每個月會定時更改菜式，有時更會惠9滿 60元，送一張 3元的早餐現金劵。其實，一個 50至60元加一杯飲品的快餐，有質素，好味道，簡直超值，夫復何求!

自京瑞廣場食店越開越多，到鴛鴦lunch的次數也減少了。新歡雖吸引但亦不能忘遺舊愛。鴛鴦設於大廈内，條例所限門囗没有招牌，十分低調，室內燈光柔和及選用木材枱櫈，要自行點餐及取餐，走高格調茶記路線。葡式非洲烤鷄配薯條 $60即造所以order食物時已經通知要等10-15分鐘燒春鷄半隻，分量不多但雞肉嫩滑，有肉汁，葡式醬汁香濃惹味。但薯條過了火， 有點硬！咖哩牛腩蛋包飯 $58平日都常點的。日式咖哩味道帶甜，香濃不辣，牛腩入味及腍。分量不少。蛋沒過火，剛剛好半凝固做到滑蛋的效果。鴛鴦定價比同區餐廳高但食物款式選擇及食物質數高是值的！

今天跟朋友來這吃早餐，我之前都不知道這兒有間餐廳呢!一走進去，環境佈局不錯，空間大，不會逼狹。早餐也有好多選擇，港式同歐陸都有！經典早餐$33 連熱飲炒蛋、多士、午餐肉份量好足，大大塊蕃茄湯豬柳米粉挺多蕃茄蓉的。$33就吃到一個豐富的足餐，很滿足呢！看到窩夫做緊優惠半價，好吸引，可惜下午茶才有。午餐的食物看著也不錯。整體來說，這算是石頭吃東西不錯的選擇，價錢合理，環境舒適，食物重類多元化！每次來都可以試下點不同的東西！

新公司位於石門, 如果唔係轉新工, 估計今世都無乜機會踏足石門呢塊土地～由於唔帶飯返工, 當然要公司附近覓食啦, 同事們長期幫襯《鴛鴦奶茶》我自然成為座上客啦～第一次食, 當然要揀最吸引的馬來咖哩系列, 羊扒是我的至愛, 賣相已經好吸引了, 咖哩味道勁勁勁香濃, 滿滿的椰汁香味配上軟硬適中的白飯🍚實在感動, 主角羊扒唔算太羶, 但極有羊味, 質素好高, 難怪工廈區夠膽收$65一個套餐, 不過同事女有單撈Apps, 可以儲積分換e-coupon, 每餐慳返$5都幾唔錯呀, 呢檔係水準保持極高的餐廳, 早餐我都常常幫襯～足料又乾淨, 環境又寬徜舒服, 星期六約朋友黎個Low Tea都唔失禮, 絕對值得推介～

今日難得同同事出街食飯, 去咗有一段時間冇去嘅鴛鴦奶茶; 冇來一排餐牌多咗好多選擇, 價錢同其他既差唔多, 不過唔會再咁悶蛋, 令我地茶餐廳之外多左好多好野選擇 今日食左個法式海鮮濃蝦湯窩配法包套餐連飲品 ($65), 雖然用熱窩上, 不過唔夠熱, 如果可以滾番兩滾先上窩就啱哂剛好轉冷既天氣去食; 材料都算多, 亦都唔係交行貨, 薯仔蘿蔔都好味. 亦有好多蝦蜆魷魚, 仲有好大隻既青口, 湯底就略為稀底, 如果可以濃稠D就成個套餐非常正; 呢度環境係石門區算係幾好, 選擇亦多, 希望下次來又可以多D驚喜

石門近年開左好多食肆，而且十分適合駕駛人士前往。早餐方面，鴛鴦奶茶會係我係呢區頭三位既選擇。如果兩個人來，一般我們會點一份經典早餐，內有一份多士配兩款自選食品：炒蛋、腸仔、午餐肉或火腿，再加一碗自選麵食，最後再配飲料。飲料除左一般港式選擇外，還有各款歐陸Latte，呢個就係我點解成日去既原因。出面去星XX,一杯已經要三四十元，而家$39， 已經有齊所有野。此外，呢度仲有其他歐陸式早餐，下次去開沙田，大家不妨來試下🤗

石門近排有好多新餐廳 ，不過朝早我仍最喜歡去呢間鴛鴦奶茶。除左環境好舒服， 又有wifi 外， 佢不停有新野食都係好主要既原因。近日 佢地出左個半唐番菠蘿牛，係牛角酥上面多左層菠蘿包既皮。 我本身通常黎呢度食all day breakfast 或 牛角酥做早餐， 於是試下。 真係一試難忘， 好好食，每日新鮮出爐， 牛角酥香， 菠蘿皮又脆， 好似朱古力酥咁 ， 好正！ 真係日日都要食過先安落！