鳴橋燒肉料理

好彩加咗$40有得揀下啲正常啲嘅刺身⋯⋯唔係真係餓住走韓燒：通風一般，身上帶味走就預咗㗎啦，但啲牛肉嘅色唔係黑就係橙紅⋯⋯啲fd仲問係咪攞嚟開爐用嘅下欄肉蝦就大隻但啲肉係霉嘅～多春魚正常～元貝都係不太新鮮豬肉同雞翼就正常～感覺好似學生時期食漢x苑咁～有圖有真相～大家自己評價啦刺身：甜蝦、帶子同馬刀貝唔錯～但叫到第三round就差咗了～無晒味:(其他：唔好坐、漏單（得幾五六張枱咋）、同隔離枱黐得近可讚嘅地方包括有即炸嘅天婦羅（味道就唔好計啦）、可以openrice訂座、有低糖嘅CC但呢啲真係值二百幾三百蚊位咩？想像唔到點解佢仲生存到⋯⋯…查看更多

今日同朋友係油麻地行行下街見到呢間燒肉店，好似好耐都無試過，就入左去試下。入到去，間店好有舊日本feel，搞到我好想去旅行添!雖然座位唔算多，但都鬆動，最中意佢個抽風設備，完全聞唔到燒嘢嘅氣味。寫完單後，上菜都上得快。肉類種類都多，最鐘意佢個牛柳粒，好多汁，好快熟，勤d快，密d食💪🏻另外仲有雞翼，味道岩岩好，唔會太重，千萬唔好煮太耐，咁先可以令雞皮包會嫩滑既肉。燒肉方面仲有好多款，又羊架，豬頸肉，牛舌，牛肋肉等等。燒野方面，唔只有肉，仲有其他食物選擇，最正有海鮮，虎蝦大大隻，多春魚，小墨魚，青口等等。仲有好多其他食物，新鮮既刺身，仲有熱辣辣炸物，烏冬，飯等等。整體嚟講，性價比都唔錯。…查看更多

好耐無食燒肉了，今次同朋友黎食旺角呢間燒肉🥰任食燒肉真係飽到死！200幾蚊有羊架同埋虎蝦食算係好抵食架啦！仲有刺身任食 真係抵到爛！😬刺身特別推介帶子！好新鮮，都幾鮮甜下。甜蝦都值得食，都係幾鮮甜🥰仲有當然食海鮮啦，我一個人已經食左好多隻虎蝦，大大隻，質感又幾好。鐘意食羊既人一定要試下羊架，羊本身獨特既味已經夠吸引😬仲有天婦羅等等既炸物，又多幾樣選擇，天婦羅炸得幾脆蝦，入面d蝦又大大隻，大家都記得要食😋…查看更多

呢間燒肉店係放題形式，除左燒肉之外，仲有海鮮燒，肉類方面有豬牛雞羊，配上唔同嘅醃製方法，七味、地獄就比較重口味啲，想保留原汁原味就揀鹽燒，肉類推介一口和牛、牛肋肉，入口鬆化，油而不膩，海鮮就非帆立貝莫屬。另外間嘢有刺身、炸物，刺身都新鮮同鮮甜，必食三文魚、帶子，炸物唔會粉厚，推介蝦天婦羅，大隻，唔錯。原本都帶定支衣物香薰噴霧，但間店嘅抽風設備好好，燒完個件衫都唔會有味。每個爐都會放張牛油紙，燒既時候唔會燒得太乾同易燶…查看更多

呢間可以任食燒肉，仲有刺身可以任食，呢個pattern好似唔多見，非常啱我地食😂同fd一早bk定，因為係2小時任食，而座位都好快full，最好就book定先，遲黎就有排等。食物種類都好多，除左肉類同刺身，仲有炸物、海鮮、甜品、飯同粥，好多嘢食～天婦羅唔錯，即叫即炸，夠鬆脆👍燒虎蝦同帆立貝，可以任食虎蝦好正🥰蝦肉夠實又嫩，唔錯～肉類都相當唔錯，牛舌、豬頸肉、五花肉、牛柳粒、牛肋肉都好食，肉質嫩，不斷encore呢幾樣～叫左地獄牛舌，地獄係辣味，偏鹹味唔係好辣都幾好食嘅～刺身都唔錯，北寄貝，甜蝦同帶子，幾鮮甜～…查看更多

本來想食好燒式，但大熱天時等左30分鐘仲未有位，確實有啲氣餒。行下附近見到呢間燒肉放題，21:00後$188/位，見時間差唔多，中途轉機！一行三人，有一個遲到，侍應介紹完開始點野食，侍應強調，一定要寫枱號。我地第一次入左五張紙，有一張唔記得寫，俾侍應話，「今次我幫你寫，下次記得要寫返」。第二次入三張紙，朋友唔記得寫，侍應話「你冇寫呀」，朋友寫返。第三次入紙，到我唔記得寫，「你寫返先俾我」。我明白多客時入單唔寫枱號係會好亂，但第二次入紙個陣，全場已得返我一枱客！唔記得寫冇問題，寫返好閒，但態度好啲得唔得？遲到個個遲左一個鐘，22:00到，全場得我一枱，中國好侍應22:25己經叫我last order，仲要企係我面前等我地填紙，「實在太友善了」。好彩今次入單全部記得填枱號，唔係又俾人鬧。入完單成個人放鬆返晒，唔駛驚俾人閙了，之後飲飲食食眨吓眼半個鐘，仲燒緊一爐野，個侍應準時23:00走埋黎話夠鐘，我地問佢可唔可以食埋爐入面啲食物，佢個態度差到一個點話「快啲啦，夠鐘喇」。注意，全場得我一枱客，由入第二張紙開始一直都係我一枱客！全場得我一枱，包場！食剩一爐野服務真係差到一個點，我以後都唔會再去！仲有，我係21:02入去，佢收我正價$208一位，當時太嬲冇check單，各位巴絲下次去小心啲記住check單！認住呢間燒肉放題，慎入！…查看更多

成日經過朗豪坊呢邊，經過見到呢間日本小店，今日終於一試。入到去裝修有舊日本風味，座位坐得幾舒服。一入到餐廳店員就招呼好好，立即比放題紙我哋點菜。基本上呢度嘅放題應有盡有，刺身、肉類、熟食、甜品、飲品，多種選擇。味噌湯幾清甜，都唔錯！仲叫咗啲刺身食，樣樣都好新鮮，放題質素幾好！肉類叫咗羊架、牛肋肉、豚拖羅、一口蒜香腸。肉類幾新鮮，肉質唔錯！蒜香腸有台式風味。叫咗雞軟骨，燒雞軟骨就算叫一人份量都好多，但係真係好好食！燒到好香脆，又有咬口。炸蝦天婦羅，新鮮炸起香脆！甜薯亦都幾好味！海鮮類揀咗虎蝦、帆立貝、多春魚及小墨魚。我鍾意食虎蝦，夠大隻爽口！多春魚要燒耐少少先夠香脆！…查看更多

午市有定食或放題，我哋就揀咗放題。放題選擇有好多有刺身燒肉、炸物、湯飯類飲品及甜品全部都係任食。刺身我哋叫咗三文魚、北寄貝、馬刀貝、帶子、甜蝦，刺身夠新鮮，質素唔錯！三文魚夠肥美；北寄貝、馬刀貝夠爽口！帶子雖然唔係厚切，但係都好鮮甜！甜蝦有應有嘅水準，夠鮮甜！前菜揀咗中華沙律及螺肉，亦都相當夠凍夠新鮮！肉類就算豬、牛、雞、羊亦都好多選擇。當然我最鍾意食牛，牛舌、牛肋肉、一口和牛全部牛味都幾香。我最鍾意食牛舌及牛肋肉。豬揀咗豚背肋及豚拖羅。豚背肋我覺得肥瘦適中，最好食！豚拖羅就相對地較多肥肉，適合鍾意食肥肉嘅朋友。整體上放題嘅質素都唔錯！小店驚喜！…查看更多

中午只得我一枱放題，加了$40，但食物選擇不多，刺身來得超慢，質素一般，肉類不太新鮮，同等價錢，附近好多選擇，雪糕只是一小球，叫了幾球，之後再叫，侍應已經黑口面。…查看更多

水呢間旺角日式放題店，竟然食到日本小店放題果份人情味老闆一開始忙於招呼大家，但當大家都食得7788，老闆開始輕鬆D，佢就同各客人傾下計，問下我地對食物意見，感覺好似去左日本小店咁，好親切～　疫情飛唔到，喺度食左放題當去左！見到有人話　＂旺角呢間餐廳算係平價高質嘅燒肉店＂，食過後表示絕對認同！首先，最特別嘅係.....個爐有張吸油紙，好體貼，咁就唔洗成日叫人黎換塊燒板，又唔會痴到Ｄ食物燶晒，～值得一讚其次係，法式香草羊架，超厚肉，超大舊，超入味，仲唔羶唔韌第三，我覺得必點係呢個 "芝士麻吉燒"，芝心漏晒出黎，有點像芝士年糕感覺，好正除左呢2款最吸精，仲有其他好多款食物選擇！魚生新鮮，都算多款海鮮方面，要讚下隻蝦，好多時燒完都好貼殼，好難去食，但呢道好新鮮好易剝，啖啖肉！我地仲點左帶子肉類方面，鹽燒雞翼，秘製牛柳肉，鹽燒牛肋肉，呢三款係不斷番點又番點，真係好入味好正整體黎講，除左燒肉，佢地嘅和食都係有水準，所以好啱鍾意和食放題，又想食燒肉嘅朋友！最重要係甜品雪糕係任食 而家好多放題每人限1件，呢道仲有綠茶，芝麻味雪糕，真係好日本呢～！ＭENU~好多款選擇！我地加左 $40 升級食左羊架，安格斯牛肋肉，日本帶子／帆立貝，海蝦，加一後每日都係 $273，性價比高！最緊要無吹過我地走！呢份人情味食到尾都好安落！…查看更多

下雨天不想煮飯，落雨濕濕又諗唔到食乜，於是決定去燒一燒佢，驅走下啲悶氣。入到餐廳覺得裝修有日本風格，紅黑色門面配上木框，去唔到日本都可以感受下日本既氣息☺️一入舖頭店員好熱情咁招呼，立即為我在燒烤爐上鋪上牛油紙，作用是防止食物燒焦，岩晒我😎店員亦有細心指導我燒烤食物的次序，先燒肉類，令油脂溢出，再燒燒海鮮。虎蝦新鮮生猛，而且十分大隻，長過我手掌好多架！肉質鮮嫩，燒烤過後肉質依然爽口彈牙，必叫！通常吃燒肉我都必點龍脷柳，果然冇令我失望，魚肉嫩滑，即使燒烤過後依然唔會一夾就散，肉質結實有咬口。肉類選擇多，適合食肉獸🤩七味豚拖羅及一口和牛絕對是我不斷回點的食物，豚拖羅燒烤過後，油脂部分有少少焦香，香味突出。而一口和牛則油脂分佈平均，每一啖都有豐富的牛味，但絕不會過膩。刺身也是相當不錯的，能吃得出新鮮的味道，三文魚口感綿軟清甜，魚油的香味充滿口腔。吃過肉類、刺身、天婦羅等美食後，臨走前記得點甜品，吃個雪糕清清味蕾🍦…查看更多

原本想夜晚帶女朋友去食烤肉，但佢話夜晚食咁多嘢好容易會肥，不如中午去食烤肉。又得喎，假日一訓醒就有好嘢食，正！餐廳位於旺角，交通方便，絕對唔難搵。揀呢間貪佢又有刺身食，又可以燒烤，一次過滿足2個願望😍餐廳環境舒適，職員會在鐵板上細心鋪上牛油紙，令食物不易燒燶，我的手殘女友表示很貼心，岩晒佢😂食物類別包括有肉類、海鮮、和食、飲品、甜品、炸物、湯、飯、刺身、野菜，食物應有盡有，總會一款啱心水。雖然係任食，但係刺身一啲都唔馬虎，刺身食得出好新鮮，仲有我最鍾意嘅帶子添！另一個我最鍾意嘅就係蝦蝦蝦，係超級大隻嘅虎蝦，燒完之後香噴噴，肉質都仲係咁爽口彈牙！炸蝦都係好出色，熱辣辣炸起就上枱，粉漿唔會厚，隻蝦仲好彈牙添！…查看更多

呢間野垃圾到一個點，一入到去就叫人加成40-50蚊去話咩可以食多d野，佢就俾咗份假假地嘅餐牌我哋睇，佢就營造到個感覺係未加嘢嘅時候就剩係得六七樣嘢可以嗌，加左就有多好多野食，但其實當你話要加嘅時候，佢就會比一份真正嘅menu你，你就會發現其實依家嗰少少錢其實只係加咗四五樣嘢食，但係本身佢個list度有好多嘢食。另外，佢成間舖得一個樓面，態度唔好之餘仲要我哋落嘅單佢基本上都送錯，一係送錯，一係漏單。無下次！！！…查看更多

旺角呢間餐廳算係平價高質嘅燒肉店😋雖然佢係燒肉放題但係同牛角嘅就有少少唔同，牛角就主打真係食肉，而呢間餐廳呢就滿足到一啲想食放題加燒肉嘅朋友啦！因為佢除咗有得燒肉之外，仲有好多唔同嘅嘢食，例如炸物、刺身同甜品等等，個人覺得佢嘅肉就一般般啦算叫做食得過，佢個刺身就食得出都算係新鮮係一個唔錯嘅選擇，炸物方面，食物出到嚟都係熱辣辣，應該係即刻炸，所以都唔錯！不過呢間餐廳地方唔算大，所以坐得有少少唔係咁舒服。不過總括來講佢二百幾蚊又有得燒肉，包埋海鮮仲有得放題，性價比來講都算唔錯都值得推介👍🏾…查看更多

今日終於可以約到花花妹妹食飯了。疫情關係，大家都少出街食飯，近排好少少，大家就約吓。為咗就大家放工，選了旺角砵蘭街鳴橋燒肉料理放題。啱晒大胃王花花妹妹。每位$208食兩個鐘，任飲任食60款。我地仲加咗$40升級食6款食物（日本帶子刺身，馬刀貝刺身，日本帆立貝，安格斯牛肋肉，香草羊架，海蝦）先介紹食物的馬刀貝，鮮味爽脆，日本帶子有5元大的羊架大大件，沒有羶味海蝦肉質彈牙安格斯牛肋肉軟滑有牛味再介紹吓係點餐紙上的食物炸物超甜一口蕃薯，細細粒容易食，又香甜南瓜天婦羅，甜甜的，南瓜味香濃燒物肉類秘制牛柳肉，肉質軟綿綿，加上黑椒味，佳配鹽燒雞翼，我最鐘意食。燒完仲有好多肉汁要特別介紹這款好好食嘅芝士麻吉燒, 蛋皮包年糕有芝士, 好煙"un"枝豆，應該是用水烚完再灑鹽，ok好食飲品都有9款這麼的選擇甜品就有4款，仲有我至愛嘅胡麻雪糕雪米糍…查看更多