鳳城1954 (MegaBox)

營業中

休息中

點了3個招牌點心: 咸水角、糯米雞、鮑魚燒賣，糯米雞……削，燒賣內的蝦……淡而無味！跟著是XO醬安格斯干炒河，河粉不是我心目中的厚、闊河粉，安格斯牛肉？唔似！傳統菜都做得差，下次不如去茶餐廳吧了！甜品原先想要西米焗布甸，但話賣哂喎！惟有要楊枝甘露啦！嘩！西米唔林、冇芒果肉、冇柚子肉！咁都算楊枝甘露？最後一提，嗰個戴黑口罩嘅經理串串貢，喺咁惡劣嘅環境下咁嘅服務態度，食肆嘅寒冬雪上加霜係事出有因嘅！

Mega box 都食到唔知有咩好食，都有一段時間無飲茶了，就入內嚐嚐。自設點心工場，可清楚看到製作的工序。環境擴闊，位與位有一定距離，坐得相當舒適。點心種類唔算太多，但有些點心賣相相當吸引，點可以唔下單嚐嚐。宮廷紅棗糕紅棗糕味香濃，口感彈牙煙韌，而又不會出現死甜的情況，熱㷫㷫...正。溶岩流沙包流沙包心心眼，賣相已經比佢吸引左，一口咬落去，更見流心香甜。牛肉腸牛肉腸比傳統吃到的不同，他們以牛肉包著，口感自然不同。咬起上來啖啖嫩滑的牛肉，添點鼓油，更加滋味。

點心師傅一邊整食物 一邊散播飛沫,疫情期間唔戴口罩,仲要開放式廚房客人看在眼內,令人不安嘔心😨🤢🤢另外,帶住手套整食物,下一秒倒垃圾, 情況 嚴重惡劣🤦剛剛東張西望還介紹呢間酒樓如何逆市求存但連基本衛生問題都唔做好！何來求存呀？🤷🤷

溶岩流沙包($46)流沙包外皮鬆軟，金黃色的奶皇流沙內餡飽滿，質感濃稠香甜，入口鹹鹹甜甜，香濃不膩。宮廷紅棗糕($36)上桌時飄出濃濃的紅棗香味，口感軟糯煙韌，每一口都棗香濃郁，味道清甜，嚼勁十足。胡椒豬肚雲吞湯 ($42)只有一塊豬肚太少了！不過有3粒雲吞，每粒都大大粒，而且非常足料。內餡的蝦爽口彈牙，有嚼勁，口感極佳。安格斯霸王(牛肉腸粉) ($52)腸粉尚算潤滑柔軟，但略嫌厚了點。牛肉使用了安格斯牛肉，入口牛味濃郁，軟嫩多汁，有嚼勁。

懷舊的鳳城酒家，來試懷舊食物點❤️因為差不多成三點食，店員稱有下午茶，其實下午茶只有幾款點心，選擇不多，其他點心也是正價的特搜蒸籠：有小🦐小賣，鮑魚燒賣，蝦餃，紅豆包，冬菇餃子略嫌冬菇餃子，味道鹹一點，其他也一般，來鳳城當然要食1954蝦多士，$20.一件太細件了，但味道真不錯。龍蝦湯鮮竹卷，味道濃郁金叵蘿蟹鉗，貴價食物$116，但口感麻麻，感覺蟹肉不足三式炸作，春卷腐皮卷，加中間唔知乜嘢卷，太油，普通，珍寶海參餃，海參在餃子上面，很特別。鳳城灌湯餃，湯搞皮層口餡料不足豬肉略嫌太多西米焗布甸蓮蓉不夠滑嘟嘟，不太甜但熱辣辣

食過多次Megabox 鳳城了，今次3大1小去食，假日時常都要排隊等位，平時會先訂位的，建議大家去時要訂座喔2020年1月1日去食，等位等了30mins....點了大約12樣點心，來的很快，推薦車仔腸粉蝦多士：蝦是彈牙的卡通包點很有特色，但是味道較新穎，綠茶味的包較甜，可當甜品食見到有腸的包以為是臘腸卷（其實是普通廚師腸）內裡環境都尚算OK, 不算太嘈及太窄服務正正常常，還可以吧最重要是，點心多款式，總有一款啱大人小朋友口味

第二次因爲同事生日去左鳳城飲茶，雖然依間唔係特別便宜，但點心都算幾出色，幾有心思，而且員工服務都幾好！今次又一行十一人，嗌到成枱都係點心，佢地既炸點心真係特別好食！有炸鮮奶，炸蝦多士，炸黃金豆豆等等。。。竟然今次既炸蓮藕有酸味，退單，雖然員工都處理得幾好，但希望唔好有下次啦始終食物質素真係好重要。當然唔少得可愛點心啦～味道普普通通啦！蝦餃都變身成彩虹蝦餃，真係要相影食先，覺得好靚🙈不過味道同樣都係同平時既蝦餃一樣，無咩特別。

鳳城原本以傳統順德菜出名,後來分支出這家店,新穎.味道不過不失.午餐時有好多位不用等,有4枱卡位可望風景,對關零炭天地.有特色.店面有意氣派,環境光猛整潔.即叫即整嘅包要細細啖咬,因為流心太熱..

螺頭湯用紫砂茶具上好特別，要用小茶杯飲湯😄蠔餅有驚喜，無麵粉味重料，炒菜心苗好入味又淋，蝦餅一般，蟹三弄還可以。個湯正。可能無咩客，服務好周到。口水雞走常。推介湯，菜芯苗同蠔餅.....

MegaBox一直都有好多飲茶點心嘅酒樓，但是由於質素越嚟越差，最後還有好多已經關門。所以今天嚟到個人覺得MegaBox比較好嘅一間中餐廳。佢嘅點心比起其他出邊酒樓會比較特別，其實選擇都算萬多，所以叫咗不同嘅點心比大家試吓。點心出品基本上都係有質素，大家食完都絕對冇投訴。比較想講嘅會係隻炸子雞，風城一直都係出名炸子雞，而今次亦沒有令大家失望。其實鳳城一直都係我在MegaBox嘅摰愛，不論是個人還是商務午餐或晚餐，一直都沒有令大家失望，所以一定會再來光臨。

完全超出預期既好食，估唔到由傳統做到新派菜都 可以咁特別，好出色既新派中式順德菜😋包羅萬有-好可愛既豬豬，唔捨得食呢，原本只想食奶皇包，但實在比隻豬吸引，所有就叫左包羅萬有，可以試哂3種味🤣甘筍鹹水角-賣相好特別呢，唔食甘荀既我都會有衝動試。腸粉-望落平平無奇嘅腸粉，食落去你就會估佢唔到😎炸蝦多士-得4件太少唔夠分呢，塊多士炸得好好，好鬆脆😛特色炸蠔餅-蠔肉一d都唔少，炸粉亦唔會過多👍🏻炸蓮藕餅-唔算太特別，但都可以一試。黃金四季豆-有鹹蛋黃既就絕對無得輸😆真心每樣都好出色，一定會再食🤤

知道鳳城來到九龍灣一段時間，今日試一試，四人可散點又或食套餐，最後選了食套餐。先來手撕雞，小碟不驚喜，之後上菜快，3D腸粉，即是齋腸，唔明點解叫3D？包羅萬有，以為係拼盆，原來只是雜錦包。最驚艷係咕嚕肉，真菠蘿盛汁，咕嚕肉炸得十分出色。好睇好食，包羅萬有中的綠茶流心包亦很特別。燒賣大件夾好味，但唔明點解得3粒，四人餐應該比四粒才對。招牌炒飯料多唔太油。總括而言，鳳城年青版，食物賣相精緻，味道保持。

本係叫媽咪睇下啱唔啱食，點知仔仔係門口見到豬仔形狀的包包就話要去這間。午餐時間仲有好多位，不用等，有3-4枱卡位可望風景，有特格的，但價錢頗貴即叫即整，豬仔形嘅包放上枱，仔仔已急不及待，抆隻耳仔黎食😂叫佢細細啖咬，佢唔聽，大大啖咬落去，結果裡面流心太熱，辣親咀仔炒飯有一大隻虎蝦，餘下的是海鮮配料+菠蘿，味道不錯，唔會好咸，飯可不到3-4碗鮑魚燒賣，每粒都有一隻超細的鮑魚在上面，大大舊的燒賣在下，咬口結實

今天陪兩老去飲茶，想找一間沒試過的酒樓，挑了這家在megabox的鳳城1954。約早上十一時去到，人不多，不用等位便能進。一看餐牌，發現都是非一般太傳統的中式點心，沒有正常的蝦餃燒賣，變了彩虹鮮蝦餃、櫻花蝦燒賣、鮑魚燒賣等，包類也沒有普通的，叉燒包都變成豬嘜，看來是想走潮流高檔路線。最後點心也選不了太多，要多了個欖角骨和招牌鳳城炒飯，反而不錯。- 豬嘜叉燒包，餡料不多，味道不突出，除外型外沒甚可取- 招牌鳳城水餃，正常之作- 胡椒豬肚雲吞湯，份量偏少- 春風得意腸，蝦春卷包腸粉皮，口感不錯，要趁熱吃- 欖角骨，份量足夠，酸酸甜甜配飯一流，雖則老人家略嫌太甜- 招牌鳳城炒飯，飯粒炒得夠乾身，四個人吃也有剩，不錯

鳳城這間老字號原本以傳統手法演繹順德菜, 但後來分支出新派嘅這家店～感覺新穎係打卡嘅不錯選擇，味道方面不過不失，但如果側重味道方面依然比較支持傳統嘅鳳城酒家更有水準～蝦多士份量只有很少，只得四件，多士很細塊所以顯得蝦好大隻，其實呢個根本係一口蝦多士，一啖食一個～甘筍鹹水角紅蘿蔔造型來作賣點，很吸引眼球～入邊嘅餡料唔多但外面皮層，表面薄薄地嘅一層脆而糯米嘅煙韌咬口，主要係食出面嗰層，入邊嘅餡相對多與少已經唔重要～蠔仔餅呢個煎得好油膩，份量亦算多，佢寫4位用，但實在好熱氣、油膩感好重，所以基本上六至八個分份量都可以，蠔餅煎得好散、好碎～包羅萬有（抹茶、奶黃、蓮蓉）呢個主要打卡，味道一般，沒有什麼特別～彩虹蝦餃蝦餃只有三粒，主要係皮面有暈染嘅少少七彩顏色，味道跟其他酒樓一般嘅蝦餃冇分別，餡料亦係一樣