影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
相關文章
去開大圍做野順便去咗大圍圍方鳥十，想自己一個夜晚靜靜地坐下食日本野。貪佢環境安靜舒服，坐得自在。本身想飲下酒但平日就留番下次先，叫左下面呢啲野食壽司赤身：厚切新鮮，無腥味。帆立貝：好鮮甜，鮮味濃。甜蝦：彈牙又爽口，好甜。玉子壽司：蛋香濃郁甜甜地，唔乾身。串燒五花腩：肥瘦適中，燒到香脆，夠惹味。白鱔：焦香重，肉質有彈性。大蔥雞肉串：雞肉滑，大蔥半焦帶甜，夾埋一流。天婦羅舞茸菇舞茸菇天婦羅外皮薄脆，咬落仲有清香菇味，唔覺油膩，特別有驚喜。整體食物好味材料新鮮，環境一流，價錢中等，但以質素嚟講都算抵。自己一個食冇壓力，下次會想再嚟同朋友可以飲埋酒同試埋其他菜式。
繼續閱讀
最近去咗鳥十食午餐，真係好抵食！百幾蚊就可以享受到前菜、沙律、小食同埋甜品，性價比高！百幾蚊除咗有一個丼飯之外，另外仲有5件壽司set，本身以為另外五件壽司都應該係啲比較普通嘅壽司，點知竟然有比較貴嘅選擇😍超驚喜佢哋嘅魚生非常新鮮，每一件都切得好厚，每一口都可以感受到魚肉嘅鮮甜，由擺盤都可以睇得出係花咗心思，完全冇腥味，真係好好食！總括來講，鳥十嘅午餐真係一個唔錯嘅選擇，無論係食物質素定係價錢，真係好值得一試。下次一定要再去，試下其他嘢！
繼續閱讀
今日下午我嚟到圍方呢間日本餐廳，想試下佢哋嘅午市套餐，真係非常抵食，價錢大概$130左右，包埋前菜、沙律、小食同埋甜品。首先，前菜嘅沙律新鮮，口感清脆，仲有少少醬汁，令我食得非常開心。接住就係我最期待嘅魚生飯，真係超級新鮮，魚生款式多到眼花繚亂。我選咗鰻魚，仲有一隻燒刺身，味道非常好，鰻魚肉質滑溜，配埋飯一齊食，簡直係完美！小食方面都有幾款，味道都唔錯，甜品就係一個清新嘅水果拼盤，食完之後心情都好好。最重要嘅係，呢間餐廳嘅服務非常好，員工都好有禮貌，令我感覺好受歡迎。總括來講，呢個午餐體驗非常滿意，絕對會再嚟試其他菜式！如果你鍾意日本料理，圍方呢間餐廳真係值得一試！
繼續閱讀
同朋友去咗大圍嘅圍方食lunch行過見到佢哋嘅lunch set都幾抵食刺身二百幾蚊左右超多款刺身，而且刺身都非常新鮮同埋厚而且仲有麵豉湯同茶碗蒸食我哋仲追加咗免治雞骨串！呢個超好食！但係佢哋晚餐比較貴，所以lunch set都不錯，而且好少人
繼續閱讀
念念不忘富山新鲜美味價廉的魚生，心想在香港應無法遇到。本來打算吃烏冬算了，還是錯有錯着去了，$158 有七款魚生的丼，最肥美是霧炙左口魚帶裙，份量是兩條長長的，似其他店祇是一小片，微炙的帶子特別鲜甜，蟹膏竟比東京的蟹道樂更滋味，吃來滿口蟹的鲜味，吞魚腩茸份量不少，十分肥美，拌醋飯吃是極品，特別要讚是鲜磨的秋葵，和精心的plating，送上的丼飯，真如藝術品，充滿誠意。這丼飯的確可以令香港人暫時去日本。
繼續閱讀