鳥元炸雞專門店

營業中

休息中

又來了，實在喜歡這裡的炸雞。單點一份炸雞似乎太放縱，最佳選擇係附2件炸雞，配主食。晚市人流不多，落單、等候制作、取餐、找坐位、品嚐美味炸雞。今次點鰻魚飯 $56，加$22 有炸雞2件及飲品。鰻魚斜切，不會太膩，醬汁適中，米飯不少。炸雞依舊出色：熱辣辣、薄薄的炸粉、肉汁豐富、肉質嫩滑、調味適中，價格合理，💯滿分。

日前在荃灣悅來坊 商場逛街.行經B1樓層， 我們無意中看見有間(鳥元炸雞專門店)地方清潔，擺設整齊， 我們 感到有些倦意便在這店歇一歇吃東西。打開餐牌點餐看看，這店不但有專門炸雞可吃，還有鰻魚和風牛肉飯，也有多款小食選擇。我先選了和風牛肉钣，牛肉份量適中，牛肉 厚薄均勻，有 咬口 ， 味道可口，大大碗飯量，足夠饱肚。朋友選了 溏心蛋蒲燒鰻魚飯， 蒲燒鰻魚 味道 鮮美， 再配合鰻魚汁， 鮮甜美味， 認真開胃。只需加$22便成為套餐，有3只 餃子和一杯飲品， 簡簡單單的美食 ，大家感到很飽足。

炸雞翼行咗一陣間，Ivy又話好攰同埋有少少肚餓，所以我哋走走咗去附近嘅商場食嘢，走咗去一間叫做鳥元炸雞專門店食下午茶。呢間餐廳唔使+1服務收費，叫完餐俾晒錢先至坐低慢慢食。一路食仲可以一路叉電話，即係幫電話充電，只要有帶條充電線來，就可以插落牆身嘅充電位，真係幾方便。Ivy表示自己好鍾意，因為佢部手機得返5%嘅電源，哈哈，食完個下午茶之後就變咗80%電源。我哋叫咗日式章魚燒5粒 ，$28。北海道南瓜餅$18 。糖心蛋$10。炸雞翼5件$30。檸檬茶$12。買單就$120。 ( 我哋全部都share食嘅，只係檸檬茶同埋糖心蛋我哋再叫多一份，食完都其實覺得幾飽)平均每個人夾$60。先講日式章魚燒，尺寸大細同平時食嗰啲差唔多，不過粉漿嘅味道同埋口感就比較接近喺日本旅行食嗰啲。至於北海道南瓜餅就外皮鬆脆，一咬落去裏面有好重嘅南瓜蓉味，調味料嘅配搭都適中，保留到南瓜原本嘅甜味。炸雞翼我都幾鍾意，炸漿調配得啱啱好，香脆可口。檸檬茶唔會好甜，飲落去幾清涼。

提及炸雞，每個人想起的炸雞都是不同的，因為不同國家的炸雞各有特色，各有千秋，而我和朋友便是日式唐揚炸雞愛好者，所以看到荃灣有這間鳥元炸雞專門店，就去品嘗一下他們的炸雞😋餐廳裝潢帶有日系風，餐牌也很有心思，印上了日本的畫和文字。既然餐廳叫炸雞專門店，餐牌第一頁當然是元祖唐揚炸雞，圖文並茂地介紹了唐揚炸雞的由來，相片十分吸引。除了炸雞外，還有不同的主食和小吃，有牛肉飯、鰻魚飯、咖哩飯、烏冬和意粉等，選擇很多，而小吃方面有炸物、小丸子和餃子等。點主食可加錢轉套餐，餐廳很有創意，五款套餐分別叫梅、蘭、竹、菊和松，有不同的小吃和飲品。我點了一個北海道芝士忌廉雞皇飯，再加錢轉配菊套餐，有兩大件炸雞和凍檸茶，適合想一次過品嘗主食和炸雞的客人，我朋友則點了溫泉蛋北海道芝士忌廉意粉和一件北海道南瓜炸薯餅。價錢相宜，份量很大，性價比非常高呢！北海道芝士忌廉雞皇飯是蓋飯，淋上了滿滿的北海道芝士忌廉汁，還有芝士粉在上面，令芝士味更香濃更突出，雞肉很多，肉質鮮嫩多汁，薯仔和紅蘿蔔軟熟清甜，我和朋友都忍不住一口接一口。溫泉蛋北海道芝士忌廉意粉是天使麵，我朋友加了一些餐廳的辣粉，想不到芝士忌廉汁和辣味也很搭，將溫柔

今日同朋友去荃灣悅來坊行街 ，見到間炸雞店唔錯喎，去試下先 ！試過都好喜出望外，要推介下......坐位都幾濶落，點餐後就即製炸雞夠曬香脆熱辣我朋友叫左牛肉豚肉海軍咖哩飯 $62和風牛肉,豚肉配上海軍咖喱牛肉份量夠多咖哩係日本咖哩磚嘅香甜味，帶微辣裡面有肉粒,薯仔,蕃茄,洋蔥加埋白飯啖啖食唔停跟餐加左22蚊叫左炸雞同檸檬茶炸雞係必點嘅即叫即炸雞塊好厚肉好嫰滑，唔會好濃味炸皮好香脆又唔覺好油膩好正㗎！檸檬茶就係已經較好味唔可以要少冰少甜不過都夠濃夠香嘅，唔算好甜我叫左溏心蛋墨魚餅手打烏冬$522塊看似平平無奇嘅墨魚餅咬落去就即刻食唔停喇.....墨魚餅有粒粒墨魚，好有咬口烏冬就夠香滑彈牙仲配埋全隻溏心蛋添湯底都好清甜，不加味精加左12蚊，揀左泡菜同凍檸茶泡菜份量唔算好多但味道唔錯唔算好辣，唔食得辣都食到滿滿日本風味嘅炸雞店仲要價錢適中好值得再次Encore !

呢間鳥元炸雞專門店位於荃灣近大窩口嘅悅來坊，即係熊貓酒店下面嘅商場，每次我去行Aeon其實都會經過呢間不起眼嘅日式餐廳，每次都好想試下佢嘅炸雞好唔好食，呢一日終於去咗喇😆 但係我今次竟然冇叫佢招牌嘅炸雞，而係叫做一個方便嘅日式照燒雞飯，雖然係咁但一樣有驚喜喎！😂 其實原本對佢同埋想平平無奇既照燒雞冇乜期望，點知嚟到照燒雞係新鮮碳燒嘅，配上醬汁非常鮮味可口！同場仲加映一隻溏心蛋，雖然食店平凡但係食物好有誠意👍

啱啱喺呢個商場行完$12店同埋AEON正當唔知食乜好嘅時候見到呢間餐廳下午茶時間入邊一個客都冇🍂記得OpenRice個app有自取優惠$28 order 左三件雞加凍檸檬茶個雞扒返到屋企仲係熱嘅仲要3塊其實份量都唔細每一塊有手掌咁大塊👍👍外脆內軟⋯⋯雞扒肉入面仲保留住肉汁另外，雞肉醃得好入味檸檬茶叫咗走冰小甜（好大杯）配埋個雞扒食剛好去咗啲油膩感食完都幾飽肚$28 性價比實在太高❤️下次有機會會想試埋佢嘅章魚小丸子😆

鳥元炸雞專門店 荃灣和風牛肉豚肉咖哩飯$58咖哩食得出係日本嘅咖哩味，令我好懷念日本😋豚肉同牛肉都唔錯，但係食到最尾幾啖飯唔夠咖哩汁，希望咖哩汁可以多番少少👍墨魚餅湯烏冬$48手打烏冬食落去好彈牙，墨魚餅完全有驚喜🥰食落去好新鮮！有粒粒嘅墨魚！烏冬入面仲有原隻一隻嘅蛋👍👍👍炸雞兩件加罐裝可樂$20加$20有得轉套餐，包兩件炸雞同埋一個嘢飲。炸雞好新鮮！係即炸，咬落去仲有肉汁🥰🥰🥰🥰

位於悅來坊地庫，KFC 旁的鳥元炸雞專門店，炸雞果然不同凡響。在收銀處點餐，獲發給呼叫器，顧客在兩個相連的店舖找座位，等候呼叫器閃爍，到收銀處取餐。因為一心想試這裡的炸雞，所以今晚選了炸雞（2件）併免治牛肉飯，$58不需加一。大大的一碗飯，醬汁用蕃茄醬、牛肉碎、紅蘿蔔、洋蔥煮成，濃郁好下飯，但米飯份量太多，實在無法吃完。大大件的雞塊，表面炸得金黃，食落香脆，脆漿只是薄薄一層，裡面熱騰騰，雞肉有汁，肉質幼滑，調味可以輕一點更好。不愧是炸雞專門店。

唐揚炸雞：超級大件，每件雞都大過拳頭，外皮脆卜卜，肉多汁，又嫰滑，100分，而且勁抵食，食個飯已經好飽，加埋炸雞都是幾十元，荃灣街坊真係幸福。豬肉咖哩飯：日式咖哩味，甜甜地易入口，一點也不辣，薯仔豚肉紅蘿蔔都很多，飯用珍珠米，而且粒粒分明，配咖哩非常好吃。墨魚餅手打烏冬：烏冬和墨魚都是用好的食材，烏冬煙韌有彈性，墨魚餅咬得到很多墨魚，有彈性又不腥，是日本魚餅的味道。昆布多到好像不用錢，實在太豐富。

疫情底下無得返鄉下，食物就是最好的安慰。不過喺香港食日本菜都頗貴，平民小食都是一個好好嘅選擇。因為近糧尾了⋯雖然主打炸雞，但主食選擇都好豐富，加錢轉套餐都有小食同飲品配搭，價錢經濟實惠。墨魚餅手打烏冬$48墨魚餅有兩大塊好滿足，彈牙同埋都食到粒粒墨魚，仲有好多海帶，所以湯蠻清香，用料十足。芝士忌廉雞皇飯$52夠大份，芝士汁同雞粒都好多，食到底都不會無汁配飯，對女士來說會有點多。這價位的質量還不錯～最後當然不少得炸雞，跟套餐一個叫炸雞同一個叫雞翼變相似拼盤，滿足女士們想試不同款的需求。炸雞水脆口之餘，粉漿都不會太厚，雞肉同雞翼都嫩口多汁。

呢間嘢啲炸雞真係好好食！！！！！！即叫即炸（所以要等炸粉唔會太厚仲有啲脆卜卜嘅嘢喺入面咬落去超juicy 啲雞汁咇哂出嚟我哋三個人叫咗個二人餐有炸雞仲有個烏冬、飯同南瓜餅前菜有沙律我哋另外再叫咗炸雞翼南瓜餅都好好味有南瓜甜烏冬好軟滑唔會一pat粉咁但時間嘅關係我只係影咗炸雞同雞翼雞翼新嘅之前冇都好味但我鍾意炸雞多啲😬不過有個遺憾係凍檸茶係沖好哂嘅冇得少甜嗰啲不過有肥仔可樂同零系可樂揀唔緊要啦食炸雞緊係配可樂嫁啦哈哈哈一定會再幫襯！

多次行過「鳥元炸雞專門店」都未有入內品嚐，剛巧今天路過時還未到午飯時間，店內比較清靜。原本來到炸雞專門店應該試下炸雞，但今天想吃別的，點了一個溏心蛋墨魚餅手打烏冬，看圖片都幾吸引。取餐時像缺少了什麼，但又好似冇問題。坐下，環顧四周好似日本地道餐廳的格局，嚐一口湯，清甜好味，墨魚餅彈牙爽口而且顏色漂亮，伴著大量的昆布，手打烏冬質感煙韌，食食下發現溏心蛋在下方，蛋好入味而且流心部份好有蛋香，整體來說是十分滿意。

食荃灣區好西已經食到去邊界位，今次哥係去食熊貓酒店...下面個商場既好西，日本野黎😛黑豚肉咖喱烏冬咖喱汁滿滿咁包滿成碟烏冬，中間仲要加隻溫泉蛋，一隻冇變壞，水汪汪嘅半熟溫泉蛋。聯畫溫泉蛋嘅蛋汁，加上咖喱汁淋上滑捋捋嘅讚岐烏冬，我開始想念家鄉了！日本章魚燒 5粒個因為太想念家鄉，叫咗呢個章魚燒，其實都唔知好唔好食，仲要特登加錢嗌。好彩佢冇令我失望，個口感仲有少少似日本食嗰啲章魚燒，唔會一嚿嚿粉喺入面。粉漿同章魚料嘅比例非常完美，喺香港真係好少食到。唐揚炸雞同時叫咗呢間店嘅招牌菜-唐揚炸雞，雞塊好大塊外脆內軟，仲好juicy！照燒鰻魚飯鰻魚雖然肉質唔係特別優質，但口感亦唔錯。鰻魚燒汁拌飯食特別開胃。Btw 呢到d EE店員仲好nice，服務好好，唔似得上次另一間荃灣所謂日本餐廳咁下面係部分menu 俾大家參考下

今日約了朋友去大窩口aeon購物，再順便在商場食飯。我們叫了一個溏心蛋蒲燒鰻魚飯，一個糖心蛋墨魚餅手打烏冬，再分別加20元叫了一個炸雞和炸雞翼套餐。鰻魚飯中的鰻魚份量算足，而且飯都比較多。鰻魚味道帶甜，而且有點膠質。至於烏冬因為沒有墨魚餅轉了魚餅，味道不會太鹹，口感都算是爽口。而且湯頭清而不淡味，味道不錯。炸雞夠大同有肉汁，而且外面脆熱。而雞翼𥚃面非常之滑，外皮同樣都是脆熱。整體而言主食味道不錯，而炸物做得相當出色。