鰹烏冬 (駱駝漆大廈第三座)

🧊冷酢橘烏冬（$78）🦪廣島牡蠣烏冬（$120）跟餐+$38 骨付雞鰹烏冬嘅麵底係每日新鮮製造，食落彈牙，軟硬適中，呢個天氣真係好岩食冷烏冬，比起熱湯嘅更加煙靭！湯的味道屬於清香類，但鹹度絕對夠👍🏻骨付雞有小編2個拳頭咁大，食落肉質嫩滑，已經落咗七味粉，甜甜辣辣！廣島蠔都有少少驚喜，雖然偏細隻，食落好鮮甜☺️不過呢度整體環境係比我想像中差咗少少，想試烏冬嘅可以考慮其他分店！…查看更多

位於駱駝漆工廈三期2樓嗰間人氣烏冬「鰹烏冬」，依家搬咗上11樓仍然人氣鼎盛，自家製烏冬超彈牙，鰹魚湯底夠鮮味，骨付雞醃得入味，外皮卜卜脆內𥚃肉質嫩滑多汁，整體好食。美中不足我覺得就貴咗少少，如果平啲就好啦，不過我呢啲忠實fans都係會繼續幫襯。…查看更多

係觀塘工廠大廈既名物次次飯點都要排隊想食真係要早啲黎佢地自設工場係同一座大廈 真係確保食親既都係新鮮烏冬每一條都超級煙韌 而且有季節限定 成日都有唔同口味選擇不過配菜就黎黎去去都係個幾樣不過貴精不貴多啦黑胡椒粒拌蛋烏冬 配原隻烤魷魚粗磨胡椒粒辛香撲鼻拌入蘭王蛋後包裹住彈力十足既手打烏冬濃郁蛋香中又帶有微嗆既顆粒感魷魚外層脆帶香 入面軟嫩鮮甜 鰹魚湯咖喱烏冬湯底濃郁但意外地清爽鰹魚既煙燻味完美地中和左咖喱既辛辣夏一烏冬手打烏冬冰鎮後口感超彈牙咬落去感受到彈跳既勁道…查看更多

食過無數次但唔會專登排隊 因為主食款式比較小不過經過觀塘想食碗靚烏冬會一試再試有多款口味 亦有時令湯底岩晒成日想試新野既我湯烏冬（熱）  - 鯖魚湯底：清澈鮮甜，帶淡淡魚香但口味偏清淡，重口味者覺得不夠濃郁  - 咖哩湯底：日式甜咖哩風格，微辣濃稠 有啲過黏適合搭配天婦羅  - 冷烏冬：有好幾款我最中意係明太子醬配上酸蘿蔔麵條冰鎮後更彈牙 夏日首選搭配嘅煮食多數選擇雞髀 調味比較清淡之前亦有試過日式大魷魚 味道正常希望以後會多加幾款主食…查看更多

⁂⁎◝#觀塘🇭🇰 觀塘名物烏冬店⁎◜⁂.一直都知呢間烏冬店好出名 但無試過呢晚平日8點半黎到都full house要排隊 坐就坐得唔係幾舒服啦全部都係圓木櫈但食物都唔錯既 都唔貴 街坊價幾抵食.✧鰹魚湯白味噌鍋仔燒烏冬 $80俾佢個鍋吸引左🤣 但食落唔驚艷鏗魚湯有啲淡 無咩味 但配料算多加配左個雞翼 雞翼都普普通通 無咩特別.✧蕃茄凍湯烏冬 $68呢個烏冬好食！烏冬好彈牙 同之前喺大阪食到既超好味烏冬店有得揮蕃茄湯好濃郁 唔係好稀既湯底每啖烏冬都可以食到好濃稠既蕃茄湯加埋檸檬汁 青瓜 蟹籽 口感更加豐富😋.✧金菇牛肉卷 $42有6件大大件金菇牛肉卷見到枱枱都有嗌 係幾好食既 又大件..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 3.5/5𝘙𝘦𝘷𝘪𝘴𝘪𝘵: maybe*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍鏗烏冬🗺️觀塘開源道60號駱駝漆大廈第三座11樓O室..#mytaste_觀塘 #mytaste_日本菜 …查看更多