鮮選壽司

營業中

休息中

剛剛喺Donki買嘢，派咗張傳單入去鮮選壽司堂食會送刺身，就同🤴🏻入去食飯啦！😄😄我陪🤴🏻剛剛掃咗街，所以唔點咁多嘢啦，同埋睇埋個價錢有啲揀唔落手😥😥～～～茶包～～～之前綠茶粉變咗做大大嘅茶包，以為好抵但飲落又苦又澀，仲要茶味係口腔停留好耐，唔識欣賞🥵🥵，飲咗兩杯特登抽起寧願淨係飲水😔😔～～～免費刺身～～～以人頭計共有2塊三文魚、2隻赤蝦+ 4塊生八爪魚片☺️☺️，三文魚同赤蝦都好新鮮，生八爪魚片好軟身同埋有啲難咬😶😶～～～櫻花🌸海老 鮮白飯魚～～～新款式壽司，櫻花海老雖然有海蝦味有啲乾乾地😗😗，白飯魚壽司就滑捋捋極濕潤，同海老有強烈嘅對比😙😙～～～藍鰭吞拿魚拼盤～～～王牌產品，吞拿魚入口即溶，油脂豐富，溶化喺舌頭上，要靜默1分鐘慢慢享受😋😋～～～烤日本牛里脊肉套餐～～～好貴😕😕！要$80得3舊但🤴🏻想食冇計😅😅，可惜牛味一般醬汁亦一般，超唔抵😑😑～～～開心果蛋糕🍰～～～超級細舊，手指大少少😐😐，開心果味一般但會feel到有少少開心果碎！😀😀～～～北海道牛奶雪糕🍦～～～超滑、超重奶味，有少少高級奶粉嘅口感！☺️☺️

其實由剛剛開始到現在營運咗一段時間，鮮選壽司真係未試過啲菜色係齊全（最少我未試過）本身選擇已經少，真係要邊樣無邊樣。今日去食晚餐見到推出新菜色好似海葡萄壽司和油甘魚鮫都係沽清。到最後食咗幾碟就走因為都唔知有乜好食。

大半年無黎食鮮選，都係記掛住哩到嘅火炙鰭邊(左口魚裙邊)，因為以前食都係覺得佢油脂好夠，又大塊，所以返黎回味下。今次夜晚差唔多 7 點半黎拎飛，等左一陣就入得，都有啲驚訝，因為以前要提早一兩個鐘過黎拎飛先有位。一連嗌左 3 碟火炙鰭邊，滿心期待等佢黎。等左兩個字，終於黎第一碟 點知.... 係咁嘅樣....其中一件舊飯得一半，塊左口魚邊仲碎上，好似跌左落街咁，有啲驚驚地。但係好彩地跟住黎埋另外兩碟，又正常喎。最後有職員埋黎見到，都話做咩舊壽司咁樣嘅 幫我地取消左佢，叫我地再嗌過一碟。其餘嘅左口魚都正常 油脂滿滿另外一個吐槽位就係有其他人都講過，個茶壺壞左 正常就咁推個出水口係斟唔到水，因為佢太肥。整體水準都比大半年前下降左，有待改進呢

第一次去係剛剛開張冇耐，有日經過見好少人排隊，就去等位試試，那次已經覺得唔好食兼⋯侍應掟碟落枱（一坐低發現個豉油碟好似冇洗咁有污漬，就問侍應拎個新嘅，佢係大牌檔式飛掟個碟仔落枱，勁大聲😒）事隔咗咁耐，上星期去行完Donki經過發現冇人等位，仲要係12點幾1點食飯時間～即管俾多次機會再去啦⋯⋯平日飯市時段但入面冇乜人，心諗冇乜客佢地應該唔會躁底啦⋯⋯但個menu大部份野都售罄⋯⋯包括佢期間限定嗰啲，12點幾1點就售罄？另外唔知幾時轉左用一個茶壺裝住一個乾嘅茶包咁樣俾客自己攞水斟落茶杯，但係個壺嘅設計係好有問題，正常斟茶係會俾滾水淥手+啲熱水流到成枱都係，後來發現到打斜個茶壺去裝水，勉強都裝到水，但隻手指就要夾喺個掣同個茶壺中間忍受住個熱力⋯⋯設計真係好反智⋯⋯（後來問侍應，打斜夾住手指呢個裝法確實係佢地建議裝水嘅方法）諗諗下，不如叫個侍應示範一下其實佢哋係點樣斟水啦，㩒個iPad叫侍應過嚟，個iPad 話「服務員馬上過來，請稍等」～等咗10分鐘，期間㩒多2次，完全冇人，結帳出去問佢地，收銀話唔好意思呀無人手（咁你唔「售罄」嗰個選項？）出到門口見到有人手㗎，坐喺門口玩緊手機📲⋯⋯唔會再食第

🍣🍣🍣🍣🍣🍣🍣餐廳名: 鮮選壽司地區: 荃灣評語:蝦三味 HK$27藍鰭吞拿魚中拖羅 HK$27鰻魚 HK$22山葵八爪魚 HK$12油甘魚 HK$22火炙鰭邊 HK$17飛魚子 HK$17三文魚 HK$12結論: 鮮選壽司係有新鮮磨既山葵做招徠 佢既山葵的確唔錯 夜晚唔洗點排隊 入座後bar枱座位夠闊 壽司選擇唔係好多 當時季節食物係三文魚 都叫左碟黎食 但都係得一張相 係平板點完餐好快有得食 食落唔算超新鮮 叫做合格偏上 如果唔想排大隊又想堂食壽司 呢間可以考慮下

Donki開咗壽司店都有一段小時間，見到好多人嘅評價都係一半半。但係我都係好堅持想去食一次😂食完嘅感覺就係不會有第二次！刺身都係新鮮嘅只不過佢嘅飯少油🥲食完個胃有少少唔太舒服😕真係食過就算了😗

平時食壽司就食得多啦，難得今日終於撞到冇人等位既鮮選壽司入到去座位，職員好有耐心推介邊種壽司同介紹返邊種壽司適合小朋友，之後呢就到我地自己選食個三文魚子壽司真係放到滿滿的三文魚子厚砌三文魚壽司三種唔同的蝦壽司依個吞拿魚拖羅三拼職員推介，一試難忘入口即溶，簡直係同日本當地食既一樣口感花之戀壽司蟹子放到滿滿炙燒三文魚幾香口分唔清三文魚同三文魚腩壽司了！三文魚親子壽司好好味鮮選壽司既壽司口感同味道同日本當地既味道一樣咁鮮，好懷念日本當地壽司可以係度食返嗰種味道

讚1 啲壽司飯既溫度 整體係好過壽司郎2 吞拿魚腩幾夠油份 油甘魚既質感都有光澤3 夠晒少人 等都唔使等彈1 真係叫乜無乜 十幾樣嘢都話sold out 想叫個啤酒都要等三四個字 上檯仲要暖

🥹本來抱有期待地去食 以為至少有donki嘅質數 入到去點餐 見到有手機點餐覺得幾好 因為唔係搶住一部機點餐 跟住發現menu有N樣嘢係SOLD OUT(手機唔會顯示SOLD OUT) 不過我果時入座係1223🫥野食黎到就係惡夢嘅開始🫠坦白講 我食完 覺得碟碟差唔多味 因為壽司飯嘅味道太重亦偏鹹 而且飯會散#藍鰭吞拿魚拼盤 只有最肥嘅拖羅有些少油脂香 其他不予置評🫠#三文魚 冇油脂香 食落去冇味🥲#日本產池魚 魚本身係偏腥 不過有薑同壽司飯嘅味道配搭 整體平衡翻#生八爪魚 #玉子燒 一般 都係冇咩味🥹#日本產帆立貝 見到係一整隻係幾開心 味道一般唔算甜#吞拿魚他他 個紫菜係脆嘅 個茶壺非常不智 好難斟水 🤦🏻‍♀️同埋取消左迴轉壽司嘅服務 有啲可惜 氣氛差啲最後用20分鐘食完 就想快啲走🥹唔會有下次👋

食完完全無滿足嘅感覺，奇怪的安排，明明勁多檯，但唔安排人入坐，以滿足排隊嘅現象。首先，飲品（包括酒類飲品或汽水）全部sold out。第二，茶壺裝水時，出熱水口同個茶壺位置唔對，要將茶壺斜放先裝到水第三，有刺生嘅壽司，舊飯係比較溫暖，熟食嘅壽司飯較為清涼。同埋舊飯係酸左少少第四，有部分壽司碟上有黑色一點點第五，食物方面- 藍鰭吞拿魚拼盤 - 同donki超市外賣比下去。- 日本產池魚 - 薑味太重明明同donki壽司一樣，但外賣好食過堂食

平時我都幾中意去Donki買野食，而Donki係荃灣更開埋壽司🍣店，叫做《鮮選壽司》，行完Donki決定黎試下😋‣ 藍鰭吞拿魚拼盤 ($37)‣ 火炙藍鰭吞拿魚赤身 ($22) ‣ 藍鰭吞拿魚大拖羅 ($27) 三款壽司都係選用高級食材藍鰭吞拿魚，當中最滿意就係大拖羅😘油脂味豐富，入口即溶，好正🤤‣ 三文魚拖羅 ($22)‣ 厚切三文魚 ($22) 呢兩款三文魚壽司各有特色，三文魚拖羅同樣油脂豐富口感一流，而厚切三文魚就大大啖三文魚肉，大滿足😍‣ 日本產帆立貝照燒 ($22)‣ 火炙赤蝦 ($22) ‣ 火炙海鰻 ($17) ‣ 油甘魚 ($22) 呢幾款味道都唔錯而且夠新鮮，不過整體黎講都係偏薄同細塊～💭 C͟o͟n͟c͟l͟u͟s͟i͟o͟n͟食物質素唔錯，可惜壽司款式偏少；佢價錢係比壽司郎平，但同樣份量都比壽司郎細～未試過既不妨一試，不過我自己就試過一次就夠了～💰Total: $258 ($129/pp 已包括10%服務費)📍鮮選壽司｜@荃灣大河道100號海之戀商場2樓2001號舖（到訪分店）銅鑼灣百德新街22-26號名珠城1樓山頂山頂道118號山頂廣場1樓113號舖柴灣小西灣道28號藍灣廣場1樓1

諗住係donki壽司唔會太伏，估唔到咁差！食物，衛生同服務都強差人意！首先入到去，枱面冇茶冇杯，叫極都冇人理，等左好耐終於俾左壺茶，但係都冇杯😑 最後要自己去拎。拎到返黎抹下個杯，仲抹到有漬！好污糟！1. 茶壺係茶包，唔係抹茶粉。2. 出水位同茶壺有段距離，好難加水。3. 第二次加水亦因茶壺過熱無法加水。之後叫嘢食，勁多嘢sold out 😑 嗰陣先5pm！最後求其嗌左幾碟三文魚，叫左三文魚拖羅($22)同普通三文魚($12)。普通三文魚有腥臭味，食得出唔新鮮，食落去仲有根🤮嬲得滯冇影相，淨係想快d走。同一個價錢有更好嘅選擇，一定唔會再去！

好久未去過壽司郎以外嘅地方食壽司啦，今日黎咗依間由Donki 開嘅鮮選壽司。因為好多都sold out😂😂😂😂叫咗入口鮮得黎帶一點甜嘅嘅三文魚，爽口唔韌嘅北寄貝同埋中咗化骨綿掌嘅鰻魚總體感覺ok。PS:個wasabi唔錯

donki開左迴轉壽司好耐架啦，由佢開業到依家，終於黎到打卡啦👏👏👏👏唔知係咪已經過左熱潮又多左分店定係下午茶時間，好驚喜可以直入🎉🎉🎉🎉餐廳氛圍好貼近日本喔，環境都好好，杯茶好清新，係新幹線送壽司黎架，好得意丫😍😍😍叫左三文魚，吞拿魚，帶子壽司壽司飯比壽司朗好食喔，但係呢都易散開，要練好筷子功丫。材料新鮮，好食既，性價比上就不過不失啦，唔係好高，但食材新鮮，所以都可以既😊😊😊😊

食開壽司郎最壽司🍣🍣🍣🍣🍣總要試埋香港同類型既迴轉壽司⋯⋯⋯係由Don Don Donki集團開既鮮選壽司🍣🍣🍣🍣🍣熱食選擇比壽司郎少，所以呢點係有失望既其餘壽司都比同Don Don Donki 外賣壽司好似唔差得遠，所以呢點有少少失望🥲🥲🥲🥲🥲但整體係還好啦🫢🫢🫢🫢🫢不過不得不提既係⋯鮮選壽司既拖羅性價比高，係唔錯既體驗，呢方面比其他同類型既壽司店優勝架👍🏻👍🏻👍🏻👍🏻