鮮選壽司

營業中

休息中

Donki呢間壽司店長期好似無咩人食甘，但試過就知道它很有質素。魚生同壽司係比壽司郎更勝一籌，可惜太少分店，想食都要特登去光顧。價錢就同壽司郎差不多，但飯會細舊D，魚生等等就大舊好多。最重要係食得出真好鮮甜，令人覺得好滿足！去過兩次都不多人，環境好舒服！

一直都想試Donki壽司好耐，行過見到無人就去試下，要講真嘅，食物質素就係普通普通啦。首先，壽司飯嘅口感同味道都唔太出眾。飯粒唔夠夠軟糯，亦冇咁香濃嘅醋味。有啲壽司飯都有啲乾哋，冇咩水分嘅感覺。然後，壽司嘅新鮮度亦都一般般。啲海鮮唔係特別新鮮，有啲肉質有啲軟爛嘅感覺。有啲壽司放嘅時間長咗，令味道唔夠鮮美。最後，壽司嘅創意同種類亦都唔太多。揀擇方面少咗啲特別嘅選項，冇咩驚喜。總括嚟講，呢間壽司鋪嘅食物質素真係普通普通，冇咩特別之處。如果你對壽司有啲高要求，可能要揀其他鋪啦。對比返下次都係食壽司郎，平啲又多啲款揀。

咁，今次我去咗間有傳聞嘅壽司店，覺得啱哂想食得好味又唔洗爆肚嘅朋友！首兩碟特選三文魚腩同埋招牌炙燒牛肉壽司，食落真係有驚喜！三文魚腩厚切得黎嘅油脂咁滑，一啖落去「咬落去嘅汁液豐富得滯」。炙燒牛肉就係另一番風味，肉質腍滑得點睛，加埋啲微焦嘅香氣，簡直係"香口得滯"！依家講返啲貝類，我揀咗磨刀貝同鮑魚，一咬落去真正鮮甜，而且貝肉彈牙，實在係"彈牙得很"。仲有個秘訣，大家記住要配埋啲醋飯，佢哋家嘅醋飯呢，真係「飯粒分明，酸甜適中」，完美襯托海鮮本身嘅美味。其他嘅選擇仲有鮮味彈牙嘅蝦太郎和厚切帶子，呢啲都好過癮，冇得輸。我就實在太鍾意帶子啲濃郁海味，爽口嘅感覺真係「一流」！要我形容，簡直係「爽滑得嚟味美」！總結，呢間壽司店嘅食物質素高，物超所值，啱晒成日邊度搵好東西食嘅市民。最後小小建議，唔該留啲位啊，下次我仲要返嚟繼續攻頂！🍣👅🔥

🍚鮮選壽司Donki之前開左間好似壽司郎既壽司鋪 今次就去試下🍚北寄貝 甜蝦 三文魚壽司三文魚壽司正常甜蝦賣相 味道ok少少北寄貝無咩特別🍚藍鰭吞拿魚赤身唯一好食過壽司郎既野👍🏻🍚吞拿魚他他 三文魚他他 帆立貝吞拿魚他他即係吞拿魚蓉 都ok三文魚他他都係1次算帆立貝好食🍚鮮選壽司荃灣大河道100號海之戀商場2樓2001號舖#日本野 #壽司 #日本 #荃灣#黃店 #openrice #foodie #foodphotography #食好西 #foodporn #food

作爲半個荃灣人 成日都唔知係荃灣食咩好 想食得light D 就打算食壽司 但係無奈壽司郎太多人 平價既選擇不多 之前食過黃埔分店既鮮選壽司 除左鰈魚裙邊厚身過壽司郎之外 其他壽司都麻麻地 無特別驚喜 不過都打算比多次機會荃灣分店 畢竟係第一間開在香港的分店估唔到有意外驚喜！今期主推係帆立貝壽司 話係厚切 估唔到真係好厚切 直接encore左多兩碟 厚到好誇張 同埋唔會腥 真係好滿足另一個要係鮮選壽司食既就係 鰈魚裙邊！因爲真係大份過壽司郎既好多 今次質素都好過黃埔分店 無論係熾燒定原味 都好有油香味 又係好滿足 每件壽司都很新鮮 更重要既係今次個飯都唔會好醋好酸 黃埔分店個飯落醋手重左 上次食都好酸 完全掩蓋左所有壽司既原味Overall 今次荃灣店鮮選壽司完全值得食！希望保持個質素呀！

難得去左荃灣，諗住試啲屋企附近無嘅嘢，話晒Donki d 壽司一向幾正，難得呢度有就想試下。可能已經過咗Lunch time所以4個人唔使等位直入，本身想叫個囡睇吓有乜食，點知一睇先發現唔對路。款式選擇本來就唔多，而可以俾小朋友食嘅種類更少。個Menu唔知係display 問題定點，睇落去唔係太吸引、不過又唔可以以貌取人，食咗先講。海之戀呢間送壽司🍣嘅只係最高兩行，所以每一下都要企起身，有時到咗都唔知。壽司細細同日本相似，不過就無特別好食，最後其實都無食到咩，埋單3百約蚊，決定去過第二度食

今日同屋企人食鮮選，食咗D壽司之後就試佢D甜品，果然又係畀壽司耽誤嘅甜品店。叫咗個心太軟配雪糕，雖然貴係貴D但堅好食，雪糕奶味夠濃配埋心太軟嘅朱古力味，好似食緊朱古力牛奶雪糕咁，不過心太軟一個人食成舊會好膩，同人share會好D。雪糕真係會忍唔住再叫。

之前聽個fd 講呢間野一般般，今日去試下佢。食落去比想像中好好多，個帆立貝fresh得黎份量又唔少，吞拿魚拼盤少貴但係好足味，其他野食都ok係份量差少少啫。整體嚟講完全冇個fd 講得咁差，下次如果行過荃灣西會再去食多次

鮮選壽司 (荃灣)菜式選項：🫡三文魚之鬼我哋叫咗唔同既三文魚。有普通三文魚12@2 三文魚腩22@2 可以見圖而知道有咩差別，口感都差幾遠，建議食三文魚腩。花之戀都係普普通通但相比壽司郎嘅質素，呢度三文魚唔太高。🫡藍鰭拖羅拼盤相對口感比較差，嗰日供應唔係太新鮮，比較梅，所以三件唔同部位嘅質素都一般👍🏽茶碗蒸蛋滑而味道唔係死鹹，料都豐富充足。👍🏽炸池魚炸物方面係幾好食，香脆可口池魚嘅質素都唔錯，對比之前壽司郎限定，呢樣值得可以試👍🏽火炙鰭邊呢個超大推，炙熱嘅火候超級啱啱好，魚方面完全無魚腥，而魚油係重嘅，配搭紫蘇葉份量，啱啱好唔會喧賓奪主個日weekend 下午行過唔洗排隊就入去試試，睇下同壽司郎有咩分別，但嗰日唔知點解Menu少咗好多嘢食，唔知係sold out 定係供應問題🤣整體嚟講鮮選價錢同質素上，鮮選有部份產品都較為出色，但係有啲就不過不失，咁樣對比壽司郎性比價同埋質素會好啲。---## 評分標準食物:3/5環境:3.5/5服務:3.5/5性比價: pp$150-200回購率:🫡地址：荃灣大河道100號海之戀商場2樓2001號舖

Miss L👩🏻好好幫我買咗嘢仲特登送過嚟荃灣俾我，咁搵埋🤴🏻一齊食飯啦！😊😊～～～雜錦天婦羅🍤配腐皮烏冬～～～唔食得生野嘅🤴🏻就只有呢個熟食丼適合佢，當中有四件炸物，炸蝦、炸生蠔、兩件薯蓉，送上枱時係剛剛炸好非常香脆，但就細舊左D😅😅，同埋只有腐皮烏冬，🤴🏻形容食完之後等於食咗陣風咁🌪️！🤣🤣～～～雜錦刺身迷你丼配腐皮烏冬～～～我呢個餐會跟埋個丼飯，係正常一碗飯嘅份量😚😚，雜錦刺身丼有三文魚、吞拿魚，夠新鮮就好味😋😋腐皮烏冬嘅腐皮就超級甜，湯底亦都唔錯，我食咗兩啖就俾埋🤴🏻食😁😁～～～迷你沙律🥗～～～真係非常非常迷你，我一啖都可以食晒😗😗，不過蔬菜🥬就好新鮮😚😚有一個吐槽位就係佢所提供嘅茶壺，好難裝到水，直接啲好似之前咁一個茶杯配一個茶包唔係更好咩？定係啲茶包真係咁貴要慳住用？🤨🤨

睇網上啲人話好多壽司店都係比壽司耽誤嘅甜品店。平時同小朋友去元氣食得多，今次換下口味去咗Donki嘅壽司店。小朋友鍾意食雪糕，所以臨走前一定會帶返幾杯，當鼓勵下佢良好嘅表現😂 幾鍾意呢度嘅雪糕味道。雖然得雲呢拿味，但其實佢入口都幾滑身，感覺又未去到死甜，咁好似幾健康。小朋友教話網上睇YouTube要加抹茶粉先至好食，果然冇講錯，落埋抹茶粉令到成個雪糕嘅味道同層次都升華咗去另一個Level。除咗雪糕之外，其實佢啲壽司都唔差，你見呢張相個賣相都幾靚仔。

平時食外賣壽司質量係幾好，今次第一次堂食，增添了一份期待。然而，當我開始品嚐他們的壽司時，我立即察覺到了問題。第一道上菜的是他們的招牌拖羅，應該是它們的拿手菜。然而，它散發出一股淡淡的腥味。我小心地嚐了一口，確定了我的直覺－這些拖羅明顯不新鮮。質地變得軟爛，味道也遠遠不及我預期的新鮮美味。接下來的幾道壽司也沒有讓我改變這個印象。帶子的味道過於酸澀，明顯失去了那種濃郁的鮮甜；鰻魚壽司的魚肉有點乾巴，缺乏彈性。我不禁開始懷疑這家餐廳的食材是否經過妥善的保存和處理。我決定向服務生反映這個問題，他們道歉並表示將重新為我準備其他的壽司。然而，即使新上菜的壽司在質地上稍微好一些，但整體來說還是無法達到我對新鮮壽司的期望。我感到非常失望。

Donki出品的鮮選壽司評價好壞參半，擋不住想吃壽司和不想排隊的心願，我們決定試試看！周末中午時段到訪直接入座，環境設施比想象中舊，點餐用的平板有少許不同，每次下單後都會看到「多謝你的柯打」 整體來説，三文魚味道不錯，壽司飯口感偏硬，而其他品種及菜式的味道則中規中矩，人均 $270 豐油三文魚 S37 | 魚油豐盈，味道甘香，肥而不膩 三文魚子 $27 | 鹹甜交織，沒有腥味 三文魚拖羅 $22 | 油脂分布第二多，性價比之選 蟹肉茶碗蒸 $37 | 蟹肉份量很多，蒸蛋入口細滑幼綿 火炙鰭邊 $22 | 醬汁濃郁，味道像蒲燒醬汁，十分開胃 貝類手握壽司3品 $30 | 肉質幼嫩帶咬口，味道清甜 檸檬茶 $17 | 味道酸酸甜甜且爽口，無苦澀味 ᐅ 藍鰭吞拿魚拼盤 $48 ᐅ 火炙三文魚 $15 ᐅ 烤油甘魚鹽醬 $10 ᐅ 蜆味噌湯 $27 | 蜆肉大大粒，可惜有沙 ᐅ 火炙矢藤羽太壽司 $17 ᐅ 炸牡蠣 $28 ᐅ 厚切三文魚 $22 ᐅ 三文魚壽司拼盤 $22 ᐅ 烤三文魚套餐(照燒醬) ＄23 ᐅ 玉子燒 $12 ᐅ 北海道夕張蜜瓜軟雪糕 $39 | 不易融化但小貴

今日平日就去左試donki既壽司，我知開左已經n咁耐，但我真係第一次食，記得開張個時排哂長龍，依加就真係冇之前咁多人啦，可能真係壽司郎好食啲，啲人都走去食壽司郎。今日平日都係等左一陣我就可以入去啦，入到去首先要睇下有咩食先啦，啲野同壽司郎都差唔多，但有少少唔同既，加上佢既size都唔太細，如果質素既話就一定壽司郎好啲，但呢間可以話唔差，但你話要再食就要再諗諗，因為佢啲分店都唔算太就腳，除非佢再開分店啦。

#20230625 🤍📍 鮮選壽司 荃灣大河道100號海之戀商場2樓2001號舖 🍽️山頂｜銅鑼灣｜柴灣｜紅磡均有分店➖➖➖➖➖➖➖➖➖➖➖➖➖➖➖➖➖➖#茶碗蒸 $17#蟹肉茶碗蒸 $37💭 $17有一碗真係算抵，入面有蝦🦐青豆、鳴門卷、帶子好豐富🤩蛋唔會蒸得老抵讚，唯一要挑剔係多左啲水搞到個蛋有啲削，不過🐷覺得可以接受，反而個蟹肉茶碗蒸就唔多抵，個蛋係無分別，就係多左面頭啲蟹肉，但就貴成$20🥶所以寧願叫多個普通既食算.#藍鰭吞拿魚拼盤 $48#蝦三味 $27#貝類手握壽司3貫 $30💭 壽司選擇唔算多，啲期間限定有9成都售完係咩玩法，🐷去果陣先夜晚7點鬆啲😰啲三件裝既壽司係唔錯，魚生新鮮，除返開其實唔貴，又試到唔同款既壽司👍🏼個拖羅幾得，🐷後尾都叫多左碟🤩.#北寄貝 #味付腐皮 #飛魚子 #玉子燒 #山葵八爪魚 $12#蟹味噌 $17#原條海鰻 $27💭 呢度既壽司飯係偏凍同偏硬，如果鐘意食暖飯既朋友就唔太岩喇😅大部份🐷試過既都唔錯，可以推薦，係個玉子同蟹味噌唔多推薦🫣玉子濕得濟好似發水海綿咁🧽而蟹味噌唔夠幼滑，有啲鞋口🦀.#蟹肉奶油可樂餅 $18💭 小食呢度有啲居酒屋既款揀，例如