鮮芋仙 (創紀之城五期(apm))

營業中

休息中

#灰到觀塘 #灰到食甜品本來嗰日係諗住同朋友去食芋圓控，但去到門口先知星期日冇開😮‍💨於是走去食鮮芋仙，但體驗就非常一般🥲-🔻芋薯圓q麻糬牛奶冰加焦糖布丁 $58+8個冰嘅size比我想像中大～好～多😲係足夠四個人食嘅份量💩然而當日只係我同一個朋友食🤣牛奶冰係粗粒狀，上面淋有黑糖汁，牛奶冰味道似森永牛奶糖，講真得好少範圍嘅冰食到有牛奶味，俾黑糖汁淋到嘅冰都好甜,食多幾啖已經好膩，我同朋友都慶幸中間嘅冰係無味嘅🤣可以解下膩😂麻糬口感Q糯，不過又係甜左啲🥴當日最大錯誤應該係叫左焦糖布丁，味道同黑糖冰一樣膩😮‍💨成盤我覺得好食嘅係芋薯圓同寒天，前者有芋泥包心，後者因為冇乜味可以解膩😂-👅食後感:整體甜度偏高，我又唔太好粗粒嘅冰，個人唔建議叫呢款🤧-👀個人喜愛度：3.5/10🔜回訪可能：❌（都係食返芋圓控🥴）-🚩 鮮芋仙 (觀塘)觀塘觀塘道418號創紀之城五期(apm)C層C-41號舖-#美食 #香港美食 #homekong #hongkong #hk #hkfood #foodie #hkfoodie #香港 #홍콩 #맛집 #홍콩맛잡 #dessert #甜品#디저트#taroball#芋

正所謂：「日出而作，日入而息」我就話APM日出日入都係咁多人，因為個個嚟到呢度都一定會去呢度「鮮芋仙」排隊買外賣。因為我真係好鍾意食芋圓，所以搭車嚟到都係值得嘅但係估唔到連外賣都咁多人排隊，好彩都買到我想食嘅嘢姐反而堂食嘅人會減少，始終係疫情關係，大家都比較想係屋企用餐加油啊！我相信喺入邊坐都應該好舒服個裝修真係好靚！好啦睇吓有咩食先，入面有手工芋圓，仙草芋圓，仲可以額外加配甜食另外仲有經典糖水舖必食嘅豆腐花同紅豆沙！啱晒鍾意食傳統甜品嘅人士當然仲有店舖嘅精選推介，不過我哋都係想叫個芋圓試下。話咁快終於帶咗佢返屋企啦！我叫咗個招牌仙草刨冰，估唔到「刨」咁好玩而且仲可以外賣攞走！因為太想食芋圓所以額外加咗芋圓粒粒都咁彈牙而且口感一流，太耐冇食真係好懷念～刨冰都好好味😋下次有機會可以試吓呢一度嘅堂食，同埋我相信仲有其他好嘅選擇可以試吓！

由於太耐冇去過台灣，突然之間好想食芋圓，所以今天決定在觀塘買外賣，避免堂食。雖然去到大概三點，但是買外賣的人已經很多，要排隊。原來唔一定要叫糖水，如果想一路行一路飲，可以叫茶飲，有得加小芋圓。見到推介的有布甸和芋圓，我決定兩個都要試由於住得比較遠，所以我外賣決定不選擇沙冰，而選擇豆腐花做底。由於這間店舖做外賣比較多，所以都有分流。外賣餐具有包裝，幾衛生。芒果布丁成日都見，奶茶布丁反而未見過，原來外賣時會分開用盒裝住的。布丁很有茶香味，入口嫩滑芋頭像芋泥一樣的綿綿，十分飽肚，外表沾滿香濃的豆漿，這個甜品又有得食，又有得飲。估唔到有珍珠奶茶的珍珠，很Q彈，每一啖口感豐富濃厚，充斥着不同食材的質感。豆花做底無論凍定熱都一樣咁滑，由於豆花浸淫在豆漿中，豆味額外昇華就算出面一般豆花店也不會用豆漿浸住。芋圓因為是手工制，所以即刻食，軟林林。如果是下午小食，一碗芋圓豆花加埋布丁其實都足夠三個人食。

Due to Covid restrictions you cannot eat in so right now it’s take out only. I’ll be writing this review on my takeout experience. Counter girl was very knowledgeable about the menu and friendly. I had quite a few orders in front of me, so I took a walk around the mall. Plenty to do to keep you entertained while you wait. The apple store, Yata, beauty etc. Then you go into the restaurant and to collect your food. There was someone there to make sure you get the right order. And the kitchen is ve

今日咁啱經過apm鮮芋仙就買咗個外賣試下。成日聽朋友話鮮芋仙d甜品好食又大份，今日終於有機會試到啦！中午去到都幾多人等緊外賣，但係排隊落單都算快。menu好多選擇，每款都可以再加唔同嘅配料，搞到有d選擇困難😂。收銀妹妹好友善，最後介紹咗我試個都算係熱門嘅“熱招牌豆漿豆花”。比完錢係門口等，大概10分鐘倒電視mon就show order number，跟住就入鋪頭攞，成個流程算方便。本身諗住叫得“熱招牌豆漿豆花”，最多料嘅應該係d豆花，但係估唔到有咁多配料（兩大舊芋頭+珍珠+好多芋圓）！😱😱自己覺得咁多嘢係芋圓同豆花最好味。d芋圓夠咬口，又唔會好似有d地方咁整到硬哂/浸到淋哂。豆花就夠滑又唔散。🤤 其實重點應該係個份量，一個男仔都差d食唔哂，下次可以直情當lunch食🤣總括嚟講：外賣落單方便+快，份量大又好食，重點要試d芋圓/豆花下次經過會試埋佢d飲品✌🏿

依家夜晚又冇得堂食了😭叫左個招牌仙草冰沙 + 紅豆 白玉湯圓外賣。大概等左15分鐘，見到同時間都唔少人排隊等餐，店員都好好禮貌叫我地耐心等候。超級大份，好足料，勁多紅豆係我嘅至愛。仙草冰沙都好食，我覺得不嬲鮮芋鮮嘅仙草都係最好食嘅！食晒成碗超滿足！一定會再幫襯😋Super generous portion! All the toppings were very tasty and overall it wasn't too sweet. I will come back to try other desserts!

行開APM，竟然見到呢度開分店。自己本身係Meet Fresh忠粉，所以走咗過去堂食！今次叫仙草冰沙3號（當然要加芋圓！😍）絕對無令人失望，因為試過幾次其他分店會煮衰咗啲芋圓，一係超硬，一係太軟。APM呢間係煮得恰到好處，同埋值得一提，感覺佢地份量特別大方，好飽肚😂雖然人多，但係 staff 都好有耐性，見佢地做得咁辛苦都好好禮貌，下次一定會返去再食😎

本人真係好鍾意食芋圓去過全港九好多地方食仙芋鮮嘅品質真係最有保證觀塘呢間新分店都唔例外叫咗個仙草4號「招牌仙草冰沙+芋薯圓」唔太甜，煙靭程度啱啱好仲叫咗碗返屋企比呀媽食不過服務員都有溫馨提示 warm reminder💡叫我地啲芋圓唔好擺過夜可惜阿媽夜晚話唔想食甜野最終都係第二日先食啲芋圓就硬身左 仙草其他就無事所以建議最好堂食或者即日食😋😋😋😋Definitely coming back whenever in APM!

Good atmosphere, 好 chill. 份量大, 味道唔錯。又平又抵食。服務幾好, 唔會太慢. 佢哋個紫米粥加雪糕好好食，係我最鍾意食嘅dish. 最鍾意食完個靚lunch嚟呢度食甜品

觀塘店唔會再幫襯！難食到不得了！買左個芋圓3號: 芋圓好韌，珍珠韌，花生正常。買左個招牌仙草沙冰: 芋圓好韌，糖水少，仙草正常兩樣既份量只有4分3滿，d冰又大又多，食左幾淡已經食唔落，唔知食緊d乜，好難食！我每星期最少買1次，經過每間分店都會買下，每間分店都好食，份量都好多滿哂，觀塘係第一次買，但以後都唔會再幫襯，同一間公司，唔明觀塘店點樣會整得咁難食，質數會差咁遠！門口收錢個職員好似未瞓醒咁，遊緊魂。

買咗外賣幾次，每次返到屋企都啲冰都已經溶咗一半都算份量仲要少好多。依次買完即刻打開嚟睇就已經溶咗一半，咁返到屋企咪全部都係水？原本就係因為中意食啲刨冰先叫，真係好失望。你地可唔可以諗方法改善吓，唔該

觀塘分店開左一段時間無咁多人買左個豆花4號食物質素普通唔算創新但唔太甜——————————————但自助形式完全冇服務店員亦冇禮貌唔收加一還好😩——————————————舖面整齊整體感覺普通無特別之處下次唔試

第一黎觀塘食, 雖然見到好多人排隊買外賣, 但見到個叫號牌只需要等10 張飛就到, 拿拿林就襟左張票, 跟手落去行超市。行左一大輪, 耐過預計勁多, 諗住死LA 實過晒號碼, 唔知有無得補飛呢?  點知行左大半個鐘 都只係郁左3 個號碼!!!跟住等左好耐好耐, 終於等到入座就知咩事,  個場細到呢~~~ 等10 個號碼其實要等全場清空一次先到我,仲要每人一定要食一樣, 就算叫果D 大刨冰都唔可以二人叫一個, 我見到有兩個女仔可能係第一次食大刨冰, 唔知有幾大碟, 拎完返黎O晒咀。糖水係幾好食既,  但呢間真係千其唔好堂食, 或請注意唔好以為少人等就好快, 隨時等死你。

日式Q 麻糬 ($42 by app)賣相：🐧🐧🐧味道：🐧🐧🐧🐧🐧外賣賣相不過不失，包裝尚算吸引。麻糬煙韌有咬口，不會"癡牙"。兩款口味各有特色，尤其黑糖味味道突出，甜度適中，加上黑糖漿亦不會過膩。芋圓紫米粥($55 by app)賣相：🐧🐧味道：🐧🐧🐧賣相平平無奇，跟一般糖水舖無異。紫米粥份量十足，大大碗兼紫米不會過少過稀，紫米不會過碎有咬口，可惜味道偏淡，略嫌未夠甜。芋圓份量偏少，彈牙可口，甜度適中。外送時間：🐧🐧🐧約35-40分鐘，跟預計外送時間吻合，沒有特別延誤。總括而言，麻糬芋圓確實值得一試。

見咁多人排就買外賣試下 啲friend全部都話好好食 食完其實好普通 珍珠冇咩味 芋圓有少少味 蕃薯園都係少少味 叫咗食得出嗰分別 但真係冇吹得咁好食 如果要等兩個鐘我真係唔會等 唔洗等嘅話可以試下 唔洗特登出去派 唔值得 嗌熱嘅紅豆湯好有八寶粥味 芋頭就正正常常 好就好在真係好大兜 自己一個真係食唔曬 45咁大兜都接受到嘅 但期望真係大咗啲