鮮芋仙 (荃新天地)

營業中

休息中

約咗朋友喺荃灣食飯，點知食唔飽，決定要去食碗糖水。行到鮮芋仙門口勁長龍，咁多人排隊，應該都唔會伏得去邊。入到去自己攞位，又唔係真係要等好耐喎！淨係門口嗰條隊買嘢先長。我同我朋友唔知死，一人叫一碗！痴線㗎，勁大碗。我個朋友仲要叫刨冰食(冇影相)，嗰冰三個人食都未必食得晒。我就叫咗碗芋圓、豆花、芋頭、紅豆。芋頭綿，香甜；紅豆半起沙，有得咬之餘又綿，不太甜；芋圓煙煙銀銀，番薯味重，反而芋頭味冇乜；豆腐花非常滑。CP值高！

鮮芋仙之前開幕嘅時候已經大排長龍，冇諗過去到而家市淡，夜晚食完飯想去食個甜品都係咁多人😭就算係兩個人，搵位係一個好大嘅困難！搵完位之後都要等15分鐘左右去排隊買嘢食，然後等嘢食等左15分鐘。。。不過毋庸置疑佢啲牛奶冰真係好好食尤其是佢個黑糖麻薯~煙韌得來勁香黑糖味💗另外仲有啲芋圓QQ粒，令一邊仲有芋圓泥係入面嘅芋圓呀！超彈牙😆❤️如果唔食黃色嘅呢個芋圓粒，就可以揀布丁🍮佢上面嗰個雪糕又係超濃郁嘅牛奶味！兩個人食其實都好飽，而且食到後尾好甜🤣🤣

最愛芋圓仙草💛平時飲台式飲品好鐘意加仙草😚係香港好食既芋圓都唔多，今次食到呢個仙草沙冰真係滿足哂我呀！！招牌仙草沙冰 $45(另加芋薯圓$6) //好大碗，足夠兩個人食！🤩沙冰好有仙草味，仙草份量好多，加埋奶油球更加好食！😋芋圓好煙韌彈牙，好有芋頭同蕃薯味！👍🏻芋薯圓好特別，外面係蕃薯，入面係芋泥！！🤩建議一啖食落口，唔好咬開一半慢慢咬，因為成粒食，芋頭味係超級濃郁🤩真係好正架！！🤩

🥢荃灣台灣人氣芋圓仙草凍🥢之前在銅鑼灣食過呢間店的芋圓，感覺不錯，今日經過荃灣分店，即刻試下係咪一樣好食🥢招牌仙草沙冰 $45一碗黑黑的仙草，上面共有14 粒芋圓，賣相實在不討好，呢款甜品會跟一個奶仔俾你加入仙草，仙草很滑溜，低層的沙冰是用仙草製成，入口棉滑，但味道極淡，有點失望🥢熱芋圓4號 $45 (芋頭，紅豆，珍珠）天然凍當然想食碗熱糖水滋潤一下，但呢碗的溫度完全係唔熱，只係暖暖地偏凍，食落大打折扣，雖然芋頭煮得很軟熟，但溫度令芋圓比較硬身🥢以$45 這個價錢，食到這個質素是完全失望，完全無想過熱糖水是微溫，冰沙淡身味道淡，完全影響了這個牌子的聲譽

身為芋圓愛好者，我終於有機會試下呢間，本身抱好大期望，話哂佢都咁出名丫嘛！熱芋圓紫米粥- 芋圓數量夠多，亦夠煙韌，但完全冇味道👎🏻另外豆花3號，有豆腐花、紅豆花生，都係一般。

自己上次食過第一次鮮芋仙之後，就成日對牛奶冰嘅味道念念不忘。所以今日又同朋友一齊嚟咗呢度上次就食咗招牌嘅芋薯圓Q麻薯牛奶冰，今次試吓其他嘢先！今次就叫咗布丁Q麻薯牛奶冰🍮，有睇上篇食評都知，呢度嘅布丁真係幾出色，今次呢款牛奶冰，除咗雞蛋布丁之外，仲有杏仁布丁、小芋圓、Q麻糬、同冬瓜凍！兩款布丁好滑溜，而杏仁布丁我就第一次食，之前唔係特別抗拒或者特別鍾意，今次試完之後就發覺原來杏仁嘅副產品都可以好好味，以後會繼續試更多杏仁味嘅產物！小芋圓、Q麻糬都係正常發揮，不過今次啲牛奶冰同冬瓜凍就唔及上次咁有味，但係都好食嘅！

不斷有人排隊 好多人揀外賣 堂食都有八成爆 坐得幾舒服 雖然好多人 不過店員都幾快手 等左5分鐘左右*第一次食 所以揀左招牌的芋薯圓Q麻糬牛奶冰$52攞左牛奶冰的第一樣要做嘅野就係打卡！🍧有煉奶同糖醬淋喺面 份量唔多 啲冰食到最底係單純的水味🍨牛奶雪糕 似雪芭 唔係雪糕咁滑嘅質地 味道似雲呢拿同牛奶味的混合味🍠芋薯圓 五粒似湯圓的波波 外表係蕃薯圓 煙韌好食 裏面係芋頭蓉 感覺好新奇🍠小芋圓 煙韌 不過太細粒 食唔出有芋圓味🍧Q麻糬 有八碌 四紫四白 食落好似係一樣味 或者係我食冰食到牙凍冰冰 食唔出分別😂🍧冬瓜凍 冬瓜茶但係係凍L版超級大份 2個大食的人share啱啱好(偷食左隔離碗仙草 好食好動L 試左粒正常size的芋圓 同迷你版唔同 食得出有味)

其實已經好少係香港食芋圓，因為次次食親都係失望。但係今次聽到唔少人都大讚呢間鮮芋仙，所以夜媽媽又餓餓地就試吓啦。店舖內雖然都有唔少嘅座位，但係都座無虛席，而且排隊嘅人龍都唔短。我地排咗差唔多十分鐘到就落到單啦。始終製作需時，叫完嘢食員工就比個咇咇機我地返位等，等佢地整好再出嚟取餐。雖然當日好凍，但都阻止唔到我地想食牛奶冰嘅決心！呢個芋薯圓Q麻糬牛奶冰有啲大粒嘅芋圓，亦都有啲細細粒嘅。另外都有啲類似椰果粒嘅粒粒，仲有啲黑色黑糖麻糬同埋白色嘅牛奶麻糬。啲冰同雪糕都有好濃嘅牛奶味，完全係真材實料嘅。Q麻糬雞蛋布甸拼盤就無咩特別，啲麻糬加咗少少粉咁樣仲乾身，不過個雞蛋布甸就好厚料，上面仲加咗啲珍珠。除非係好想食雞蛋布甸，如果唔係有其他更好嘅選擇。之後我地仲叫咗個熱芋圓4號，其實姐係熱紅豆湯，入面有紅豆、珍珠、芋頭。紅豆同珍珠都係正常發揮，而啲芋頭就好出色！芋頭好粉，食落有入口即化嘅感覺，同紅豆湯好夾！如果無咁多quota食哂咁多樣嘢，又或者係第一次嚟食嘅話，十分推介食牛奶冰！覺得連我自己以後每次嚟親都會係一樣必點嘅Item

上個月黎食過一次，對佢嘅芋圓同芋頭念念不忘😍特別係芋頭，煮得夠淋，入口軟綿，叫芋泥較為貼切😆冰芋圓4號同上次叫同一款🤗配料有芋頭、紅豆、珍珠。芋圓煙韌彈牙紅豆軟糯、甜度剛剛好👍🏻珍珠細粒Q彈最期待的芋頭⋯今次比較失望🥺未煮得夠淋，個心仲係硬硬地😔👇🏻失準了刨冰🍧份量都多，加左糖漿，不會太甜，但溶得比較快。下次會試下熱食，熱食係配紅豆湯的🤔😀希望下次食到好味芋頭🙏🏻😍

💛近排中左芋圓毒.但都係大角咀芋圓一好食·🥣芋圓紫米粥（$42）見到咁水咁稀有d失望🙍🏼‍♀️我寧願去食普通糖水鋪既紫米露⋯ 好彩芋圓還好～·🥣芋圓4號（$45）熱食配紅豆湯.又係好水好稀😐家姐表示芋頭最好食，香軟細滑.·📍鮮芋仙荃灣楊屋道1號荃新天地一期地下G46號鋪

喺一期地下，萬寧附近一入去就係counter要自己搵定位先至去order然後等取餐職員好似好忙咁等咗一陣先落到order由於冇位又唔想等就點杯飲品行住街飲點了小芋圓冬瓜茶冇指定少甜少冰就睇吓原本的比例係點樣小芋圓有咬口，正！！ 😍😋同食一般正常size的芋圓差不多口感仲要咁細粒芋圓都真係食到芋頭碎粒！冬瓜茶唔甜～～最怕冬瓜茶一般都勁勁勁甜大大杯，雖然冰就多咗dd，但都可接受下次少人d再去堂食 😊

中伏，裝修靚~ 嘢食超普通，雪糕係雀巢既，下面個冰底超多，冰粒又粗。價錢偏貴，6蚊加芋圓得7粒，食一更得3粒 食呢個比我感覺就好似食日本料理d刺身食完再食底果座冰山咁幾厚冰，料就薄薄一層，其他菜式唔知，但呢個真心伏，希望可以比其他人參考下。兩個人食唔到一半已選擇放棄

［荃灣］鮮芋仙.芋圓4號(紅豆、芋頭、珍珠）食剩指數 0/100😋芋圓同地瓜圓好彈牙煙韌唔會食落一舊粉紅豆好軟甜度都夠芋頭夾落去好似唔夠蓉但食落又好甜一啲都唔硬珍珠就正常水準細粒彈牙食完唔會好飽.咁今次我係食凍食刨冰加黑糖漿溶得都幾快要快食😂佢個黑糖都唔算太甜台式甜品黎講都ok如果熱食佢就係跟紅豆湯好似都多人叫.唯一要話吓既係佢地既執枱速度有啲慢搵位果陣見到好多枱都係食完既碗無人執如果改落埋就更好～

今晚我地去左荃灣分店試食，叫左個芋圓4號，有紅豆珍珠芋頭，仲叫左個仙草。第一次食已經比佢個芋頭深深吸引，非常之香芋頭味同好粉，咬落去已經溶化晒甘濟，果然係賣點。其次係佢果啲珍珠亦都非常有咬口，配合埋紅豆都好match既。紅豆食落口唔算非常之硬，味道就偏甜。個湯整得唔錯，飲落唔會話好甜好漏既感覺。最後再配合埋仙草，成個感覺一暖一凍甘，口感非常正。依家份量我認為可以夠兩個人食，情侶share一份我覺得好夠!!

落單，叫左熱芋薯圓紫米粥同凍仙草。等左好耐，對面後叫野既人都拎左同食埋都未有聲氣。我同個fd等左半個幾鐘，忍吾住出去問，個fd話職員話要等多等。等多10分鐘，到我出去問，佢地都係話等等。甘我忍吾住話等左就泥9個字了，佢先認真幫我望下單，然後話張飛既貼紙已拎走左，有同事整緊。甘我又問其實係等咩啦，(因為見後上既都有仙草果款甜品，我以為係我個紫米粥，可能賣晒一輪要煮)，可吾可以上左其中一款先，甘都叫有的野食住先吖嘛~佢又話吾得，要一齊整。都已經有的激氣了，但冇計，唯有企係到望住佢地，可能見我企響到，有壓力先急急腳整。吾洗五分鐘的野就拎得。最後用左50分鐘先食到谷鬼氣。可能甘樣已經減左好多分，所以出左泥既紫米粥我覺得好一般，冇普通紫米露好食，又吾似八寶粥既質地，好水好稀，然後個粥又加左的紅豆，講係紅豆湯就差吾多，講真都有的失望，食既時候我真係有一刻以為佢比錯左係紅豆湯，但細睇過係有紫米。芋圓果的就正正常常，冇話特別好食。我fd個仙草冰佢話好食。👌佢食過銅鑼灣話好食，結果呢間佢都話吾會泥，因為等好耐。(銅鑼灣新開都冇等過甘耐。)仲有，我第一次食呢，吾多了解，係顧客食完自己執好定點🤔佢冇指示，又