鮮芋仙 (荃新天地)

營業中

休息中

一個人行街行到攰，係荃新天地諗住食個糖水，先知原來之前食個間執咗，開咗呢間鮮芋仙就試下啦叫咗個熱《招牌豆漿豆花》$48。入面有豆腐花，有芋頭，有珍珠，有芋圓，豆漿湯底唔會太甜，一般出面飲豆漿質地一樣，珍珠係細細粒我鐘意，珍珠亦唔會甜到搶晒d 味，個芋頭最好食，粉粉地少少甜甜地好味，芋圓無特別食唔到有味，最差係個豆腐花鞋口，唔滑，口感感覺好實好似好多石膏粉咁，我要熱嘅，佢係用 d 熱豆漿浸住，但入面係凍嘅。下次會試下其它，如果店舖清潔可以抺多小小就好啦，張枱黐立立

作為煙韌控既我，點可能唔食鮮芋仙？好耐以前係深圳食過一次，覺得平靚正，佢係香港開分店我係好開心既雖然預左價位一定會係貴 D，但勝在係香港容易去，今日黎完全唔洗等位，但買完野食之後，就突然勁多人，而且佢地要自己搵位同等位兩個女仔，叫左一碗仙草冰沙4號加粉粿，一碗冰芋圓4號加仙草，同埋Q麻糬布丁併盤🤣明明食完正餐都忍唔住叫，不枉我地係煙韌控二人組珍珠屬於細粒既，好煙韌，有咬口，質感好好。芋圓慢慢咬，會食得出有芋頭既香味，又夠曬煙韌，最正係個芋頭，非常好食，粉糯，勁重香甜芋頭味，真心好鍾意食佢既芋頭呀！係香港芋頭做唔到既味道。仙草唔苦，好嫩滑，好動感～成碗食完真係好幸福好飽足，整體唔會好甜，感覺幾好。呢個併盤就唔太建議叫，一黎多數佢呢度既甜品都已經會跟珍珠，二黎佢既布丁雖然滑溜，但有種大陸味？？？Q 麻糬夠曬 Q 彈彈　好正呀！下次黎可以單獨叫～

如果18區都有鮮芋仙就好～ 肥廿磅不是夢🤡🍨 招牌仙草沙冰 $45 +$6 芋頭$45食碗甜品好似有啲貴，但佢係大碗的，兩個人食都得～ 咁計一啲都唔貴🤤 呢個招牌我係超級推薦！每碗都會跟一個小奶精，加入之後每啖仙草芋圓都有奶香味🥛 芋圓煙韌有味道，而且仙草底下係仙草冰，所以唔會因為溶冰而變淡，食到最後都係好濃仙草味🤤🤤🤤 🍮 布丁Q麻糬牛奶冰 $52有雞蛋布丁同杏仁布丁，雞蛋嗰個正常味道，個人極討厭杏仁所以冇試🤨 配料有小芋圓、麻糬同冬瓜凍+ vanilla 🍦，牛奶冰都算重味～ 不過都係不及仙草沙冰好食🤤🤤

第一次食「鮮芋仙」係係澳洲，個陣係我初嘗又愛上taro ball嘅時候所以返到香港見到有都會好有感覺其實本身已經係樓上食飽左，但係知道地下有間Meet Fresh, 真係按捺不住感覺都好乾爽，冇啲立痴痴嘅感覺lol, 澳洲我食個間其實係有點立xD 唔知係咪因為要處理好多糖水嘅關係^^" Anyway, 環境咁舒服，我覺得下次一定要堂食試下！同埋堂食望落係大碗好多同朋友各自都Order左份芋圓4號，料有紅豆、珍珠同芋頭。冇錯係芋圓，大大舊芋頭！拎到返屋企都仲暖，影埋就開動啦！唔知係咪我見識少，我覺得有大大舊芋頭係好難得唔知有冇其他鋪頭都有呢？底嘅紅豆湯甜度ok, 唔會死甜到好快唔想繼續食..但佢啲芋圓又好似唔算太有趙頭..我個人會希望有得咬多幾下。佢寫得出黎嘅料都夠多，係夠我感到滿足嘅等外賣嘅速度都ok, 兜個圈5分鐘返黎就有得拎

鮮芋仙-食完峰壽司未夠飽，行黎食鮮芋仙。作為荃灣人都係第一次食！一去到見到好多人排隊😭我地都打定輸數買外賣，點知見到原來裡面都有兩檯空位😛-朋友叫左招牌仙草沙冰同豆花5號仙草滑喐喐，加上沙冰吸晒啲汁！好食！芋圓5號既沙冰就淡啲，湯圓好細粒，差啲以為係芋圓🥴芋圓軟軟地又有咬口，有淡淡既芋泥味，唔錯！-我自己就嗌左豆花2號。上碟個樣比圖片差好遠😭樣衰好多，朋友仲話似老火湯。食落都係一般般，唔需要再食

鮮芋仙 💛荃灣💛-🔍 布甸Q麻薯牛奶冰 $52有QQ布甸😋 有雲呢拿雪糕配搭牛奶冰，超滿足🤤 明明本來好熱，食到一半已經成身變咗冰🥶 超大份量🤤 建議兩個人一齊分嚟食會好啲 。不過可惜夜晚去到，佢話麻薯已經賣晒所以變咗芋圓... 呢一個位就有啲咁都可惜了😢-🔍 芋圓紫米粥 （熱）$42穩陣暖身紫米粥，配搭彈牙嘅芋圓😋 芋圓份量仲要好足🤤女士穩陣之選-食物質素：7/10回頭指數：7/10-📍 鮮芋仙 (荃灣)荃灣楊屋道1號荃新天地一期地下G46號舖

每次夜晚經過 都會見到超長人龍 台灣過江龍 係有保證啲嘅🥳鮮芋仙主打芋圓同仙草 入到去拎個靚位 再去counter買飛 unun腳就開餐！.👉🏻芋圓4號($45)我地兩個女仔去食 一齊share都好飽😛本身想試下牛奶冰 但真係太大碗 驚食唔晒 最後決定叫呢個～芋頭口感綿密 甜度啱啱好珍珠同芋圓都幾煙韌 有咬口芋圓番薯味比較重紅豆軟硬度適中 但味道偏甜最底有刨冰 入面嘅糖漿食落唔會太甜 ok！———————————鮮芋仙 @meetfreshhongkong 荃灣楊屋道1號荃新天地一期地下G46號舖

台灣人氣芋圓甜品分店，位於荃新天地一期地下，有一排窗邊位，無論外出是晴是雨，都可以邊吃邊賞人生百態，一樂也。假日經常滿座，想找位要看彩數。招牌仙草沙冰$45，有芋圓、仙草凍、仙草冰，是炎夏佳品。甜品附上一小奶油，可按個人口味淋在仙草吃，味道即時提升。仙草下內藏仙草沙冰，清甜冰爽。芋圓爽口，甜道剛好，整體不會過甜，份量足，芋圓控不能錯過。𣎴能飛台灣，可以來懷念一下台灣的味道。荃灣黃店之一，要多多支持啊！

放大假無得去旅行，唯有同👦🏻食下台灣野扮去左台灣✈️.今日去左試荃灣既 #黃店💛 鮮芋仙✨🔸芋薯圓Q麻糬牛奶冰 $52 個牛奶冰比想像中大盤！兩個人share都食唔曬🤣先講冰底，底層有加左牛奶，上面有淋左黑糖漿，仲有一大球vanilla 雪糕，每啖冰都有甜甜既味道💕 配料有芋薯圓、冬瓜凍、小芋圓同芋頭（q麻糬賣晒所以轉左芋頭）個人超鐘意佢個芋頭！蒸得淋得黎唔會淋到好似芋泥咁，但又好綿😆兩舊完全唔夠喉啊🤣🤣🤣另外芋薯圓我都大推！外皮係地瓜皮，內餡係芋泥，超正😍😍（明明有5粒👦🏻竟然偷偷食左3粒！😤）覺得依個牛奶冰雖然無台灣果啲咁誇張咁多料，但都幾好食、好消暑❄️本來都幾期待個q麻糬🙈賣晒唯有希望下次食到啦～.🔸花生麻糬 $8/粒Qq控因為無得食q麻糬所以叫左個花生麻糬試下～ 唔同香港果啲入面係糯米皮花生粒粒同椰絲，佢依個係黑糖皮加花生醬餡～ 個人無好鐘意黑糖皮🙈 所以覺得依個只係還好😗

嚟到荃灣食完飯，想食個甜品。就特登去咗荃新天地食呢間好出名嘅鮮芋仙。一去到已經見到好多人排長龍，滿晒座。疫情期間雖然有少少間隔版，但係我同枱唔識陌生人中間完全冇板🥺而且客人多到，已經完全放棄咗探熱等等嘅防禦措施。每一款甜品都差不多$45-$70，分量唔算少，但係個質量真係慘不忍睹。我哋叫咗一個紅豆湯芋圓，同埋一個招牌仙草沙冰。紅豆湯超級稀，完全冇味咁滯。入邊有啲花生同細細粒嘅黑糖珍珠。佢哋嘅芋圓係做得唔錯㗎😭但感覺所有材料都冇一個混合嘅味道，好似都係隨便將材料放埋一齊咁嘅感覺。我就望住人龍，唔明白點解會咁受歡迎🥺。因為我覺得真係可以再做好啲咖！仙草沙冰反而好少少，份量都好大，但係味道都唔會話特別出眾。食唔出一份誠意😥大家會唔會係因為呢個所謂名氣而嚟呢？有待改進🙏🏻

雖然只是五月天 , 但天氣都非常酷熱 .... 有種熱 , 是由內到外 , 再由外至內 .... 這是什麼玩法 ~要化解這種熱 , 非要吃一碗刨冰不可 ; 來自台灣的連鎖店 鮮芋仙 , 是我吃刨冰的第一選擇 ~Menu ~這家店舖其實除了刨冰之外 , 還有很多特色飲料以供選擇 ~仙草甘茶 (冰) : 可能大家都會知道 , 台灣燒仙草是最能解暑的 , 據聞也能清熱毒 ; 這杯仙草甘茶 , 味道微甜 , 又帶有燒仙草的回甘 , 能解渴解暑 , 超合筆者口味 ~招牌仙草冰沙 (4號) : 叫得招牌 , 就肯定是店方推介 , 或是人氣之選 ; 這個沙冰包括了沙冰、仙草、芋頭、紅豆、珍珠 ; 吃起上來, 種種食材的味道都很匹配 , 堪稱為黃金配搭 ; 質地糯糯的台灣芋頭 , 甜蜜飽滿的紅豆 , Q韌彈牙的珍珠 , 滑嫩甘香的鮮草 , 透心涼的沙冰 .... 味道甜蜜又有回甘味 , 吃過之後 , 實在透心涼 , 體內暑熱全消 , 又頭好壯壯起來 ~本篇完 ~

食完午餐行過荃新天地，發現原來有鮮芋仙嘅分店，喜出望外，前排剛進軍香港嘅時候幾乎日日喺社交網站俾佢洗版，一直好想試，擇日不如撞日，一行四人即刻衝入去朝聖。店面唔算大，我哋揀咗向住商場內園嘅單行位坐低，揀好食物之後要先到收銀處點餐付款，食物準備好再出去自取。甜品選擇唔算多亦唔算少，主打芋圓同仙草，加入唔同嘅配料成為唔同嘅組合。一直想試呢個喺IG經常出現嘅布丁Q麻糬牛奶冰，賣相唔錯，用嚟打卡一流，估唔到出到嚟份量超大，兩個人分享都嫌多，三個人分就剛剛好，性價比超高！面頭係香濃細滑嘅牛奶雪糕，再淋上黑糖漿，配料有雞蛋布丁、小芋圓、Q麻糬同冬瓜凍。配料份量好多，鋪滿哂成份刨冰，從另一個角度睇效果依然澎湃。Q麻糬質感偏腍，黑白兩種Q麻糬食落差唔多，口感似香蕉糕，略嫌偏腍少少，而且味道過甜，感覺麻麻。小芋圓雖然細細粒，但口感煙韌，食得出淡淡嘅芋頭同地瓜味，芋圓果然係品牌嘅主打，冇令人失望。冬瓜凍甜度適中，味道似冬瓜茶，口感介乎啫喱同蒟蒻中間，感覺清新消暑。呢個組合本身有雞蛋布丁同杏仁布丁各一件，但杏仁布丁已經賣哂，所以兩件都係雞蛋布丁，有少少失望。雞蛋布丁口感嫩滑，甜度適中，但蛋味唔算香濃，中規中

今日同女朋友出荃灣行街，去左荃灣廣場食完中午飯後，經過荃新天地鮮芋先有新野，睇睇先，原來係豆腐花芋圓，咁我當然想試試，價錢都係$45，當時大約2:00左右，見到都有2-3枱客人食緊，估唔到咁早有人食甜品，好快就到有啦都好足料，我最鍾意食嗰個就係芋頭蓉，真係好多地方都食唔到，芋圓我就覺得一般般，但係我女朋友話都唔錯，至於豆腐花方面，唯一美中不足嘅就是豆腐花本身已經有甜，冇得自己加糖，如果有黃糖就更好，所以最好味嘅就係芋頭蓉，今次叫咗凍嘅可能熱會好飲啲，下次會再試下

之前食過銅鑼灣個間真係好多人，幾多點去都會排長龍，今次去開荃灣就試下呢間分店🤪夏天真係成日都要食冰野降降溫.芋薯圓Q麻糬牛奶冰 $52 8.5/10見到實物都幾震撼🤪$52有齊雲呢拿雪糕、牛奶冰底、冬瓜凍、黑糖和牛奶麻糬條、迷你小芋圓、仲有芋薯圓，呢個分量真係要Happy Share，牛奶冰幾香濃，雖然未去到綿綿冰，但冰底都算幻細同埋碎，我鍾意食麻糬條🥰煙煙靭靭，有咬口同口感，不過黑糖味比較甜，我較喜歡牛奶味，另外仲有一款少見既芋薯圓，表皮係橙色蕃薯味道，包住芋泥，味道幾特別，但我偏好正常版既芋圓多d🤤食完真係好飽

疫情期間相信你聽唔少人在大叫：好想去旅行🧳其中一個唔知會否包括我😭😭😭其中想念的地方當然是台灣啦！於是今天還未吃晚飯，也要留肚先到這裏吃芋圓。其實附近有不少甜品店，但說到最地道最台灣味的我絕對會選這家。而且份量十足，很台灣的感覺。大大碗的，令人非常滿足。所以才要留肚，先吃芋圓再吃晚餐。基本上我一人吃一碗會太多，一定要找人Share，然後補個簡單的小吃就可以當一餐了。沒得去旅行，食住先當去了。是日大滿足！