鮮芋仙 (Mikiki)

營業中

休息中

好開心新蒲崗終於開咗鮮芋仙啦⋯⋯唔使去其他地方吃啦！對於每個星期最少吃四次個我簡直開心到飛起⋯⋯最開心的店員服務好又有笑容，對客人好似朋友，特別推介紫薯小芋圓鮮奶！日式Q麻薯特別Q，芋薯圓Q麻薯牛奶冰也超級無敵好！當然呢D牛奶冰當然係堂吃啦！反正對於我呢D鮮芋仙迷來講！一級捧！

今日同屋企人去左新蒲崗嘅鮮芋仙食糖水，呢間店舖係我第一次食既，咁岩當日落住大雨，店員即刻提醒我小心地滑，因為我經常跌親，店員既慰問令我覺得十分親切，我都第一時間同佢講聲唔該呢個係一個加分位🥰🥰我地坐低之後叫左個招牌仙草沙冰，佢d芋圓真係出色，軟硬適中，仙草又滑，d仙草冰加埋d奶簡直係絕配！呢個一定係必新蒲崗鮮芋仙係我一定會再去光顧的餐廳🤤🤤

難得放假出街行下，經過鮮苧仙又口痕想食甜野，之前都食過幾次佢地唔同嘅甜品，覺得都好食而且係新蒲崗甜品選擇真係唔多，得舊式甜品鋪又唔係好吸引，佢地少有嘅台灣甜品，之前去過銅鑼灣同觀塘佢地嘅分店都好多人排隊要等好耐，而新蒲崗呢間可能新人少少地唔洗等咁耐，真係好好。去到左揀左杯仙草奶霜飲，收銀嘅係店長服務超nice有耐心講鮮唔同嘅產品。買完之後就揀左出面坐，係新蒲崗可以坐室外食甜品應該都係得佢地，等左陣杯野飲就黎左，飲品味道好好，望住出面車水馬龍嘅人感覺真係好好，咁樣嘅體驗真係好。

尋日突然間想食甜嘢 就走左去食鮮芋仙 入到去店員都好有禮貌 我問嘅問題都好耐心咁幫我解答我叫咗碗招牌仙草 啲仙草好滑 唔會話特別甜 對我黎講甜度啱啱好 夏天食返碗冰冰涼涼嘅甜品真係好正

今日返工放飯，唔想食正餐，就嚟咗食甜品🤤嗌咗碗招牌仙草冰沙，加珍珠同粉條。本身有一粒奶仔，但我唔鍾意食太甜就冇要。上餐好快👍啱晒我呢啲趕食飯嘅人🤣啲粉條同想像中唔同，好煙韌😳成碗嘢好足料，剩返少少食唔晒😂入邊嘅女店員亦都好好，見我剩低咗啲芋圓就問我係咪唔啱食（其實係我食唔晒🤣🥲）總體嚟講幾好嘅體驗🥰

以前都食開鮮芋仙 前排留意到喺mikiki開咗間 咁梗係要試下 由4月食到宜家 變咗我一個禮拜都會食一次嘅糖水鋪。甜品方面 我最鐘意食佢嘅豆腐花5號（花豆 白玉）佢嘅白玉好煙韌 好口感好好花豆好冧 甜但唔會漏🦾員工方面 呢間嘅員工無論 pt 定ft都好好招呼 我見有成身紋身嘅員工 真係值得讚賞 服務相當周到🙇🏻‍♂️🙇🏻‍♂️呢間我會一直食😝😝😝

收工行過見到新開嘅糖水舖就試下佢一入去就有個矮矮哋嘅男職員好有禮貌咁歡迎我哋，我當堂打個突，心諗使唔使咁好禮貌😂😂跟住落野嗰時問佢有咩推介，佢好俾心機咁介紹每款有咩唔同，詳盡到我嗌停佢，決定求其揀一樣，最後揀咗個花生粉芝麻湯圓+紅豆抹茶布甸。芝麻湯圓非常好味，個抹茶布甸亦都令到我眼前一亮，因為我平時都唔食抹茶嘅嘢，係絕對有驚喜， 絕對值得一試👍👍

食完飯路過見到有間新開噶甜品店，几多人排隊便去試一下，雖然人多但是都唔洗等好耐，試著左推薦芋圓六號同個招牌仙草都幾多料加埋個奶perfect價錢又經濟又實惠值得推薦，服務態度非常好

下午同女朋友新蒲崗行街，見到鮮芋仙冇乜人 入去坐陣食糖水抖下。。去到門口見到個肥肥地男職員整緊外賣 諗住等佢整完外賣先叫佢 廢事阻住佢做。但個男職員見到我地喺門口等緊 佢放低手頭上嘅外賣 走過黎好有親切禮貌 問我地幾位。。呢度要加分 因為平時係我樓下間鮮芋仙d員工態度吾係幾好 一入到坐低 馬上叫左個招牌仙草沙冰芋圓Q彈..仙草嫩滑..甜度吾會死甜 好食😋鮮芋仙開左好多間分店但比人感覺越嚟越差呢間糖水高質過其他分店 下次行街經過再嚟食👍🏻總括嚟講 糖水高質 服務態度 最緊要唔使等位

今日試左鮮芋仙，店好易揾到。個人比較鍾意食芋圓。知道開左鮮芋仙真係好開心呀。店員好nice呀。甜品黎講咁大份性價比真係好高。芋圓3號好好味😋。會keep住幫襯👍

堂食同外賣都試過，見門面同環境唔錯入去試下。Counter果位哥哥幾有禮貌，會同我詳細解釋一下餐單上面ge食物。佢知我住得遠，會建議我仙草轉走冰廢事融曬，呢個位幾warm。

昨晚（17/5/2022）同朋友在Mikiki飯聚，路過見門面不錯，甜品相片好吸引，飯後便來到這店食甜品。由於已達九時多，好多人飯後都喜愛食甜品，要等位。取籌後，先看看食評，只得一差評，細看有部份是因為籌號，再看看自己籌號，真是需改善，紙張細，籌號號碼都細，一唔小心掉了都唔知。入店後先派發餐牌，後購票，甜品有店員送上枱。甜品款式都多共點了4款甜品，都唔錯疫情關係，餐飲處所的堂食時間只可至晚上九時五十九分，店員十分忙處理外賣，在接近時間亦有禮貌提示。

諗住新開去同媽媽試下，去到已經見到有兩三張枱係吉嘅，以為即刻有得walk in入去坐，點知攞完飛都係要等成6至7張枱。個女帶位後生女職員全程黑哂面！好似全世界得罪佢咁，講野又細聲兼冇禮貌。重點係！！！！！！我未試過攞飛會係一張丁屎咁大粒嘅紙仔，拎完張飛都怕佢比風吹走，個女職員喺張白紙角落寫完再好辛苦搣隻角比我，會唔會孤寒得滯？！店面明顯唔夠人，一個女嘅做派飛加樓面，另一個男仔就淨係負責包嗰啲外賣，但我地等咗5分鐘已經開始現人龍，舖出面已經有超過10個人等緊，有吉枱店員都唔人入，到有客人真係走咗又唔執枱翻枱比等緊嘅客人。再過多一陣，有個戴眼鏡有紋身肥肥地嘅藍職員返嚟，見佢一返嚟就走入counter睇個等位list，以為佢會幫吓手疏導出面等緊嘅客人，點知佢睇完就走返入廚房幫手整外賣，但等緊啲客人都開始已經鼓譟問幾時有得入。到我媽媽入去問個樓面男職員幾時有得入，個男仔係完全無視我媽媽然後行開繼續執佢嘅外賣。大前提係係咪出面嘅客人重要啲呢？唔係叫你唔做外賣，但係係咪應該要嚟咗出面嘅客人先呢？如果你淨係做外賣不如唔好做Walk in，有枱又唔比客人入，樓面職員又唔夠，個女職員又黑面，樓面男職員又