鮮芋仙 (Mikiki)

營業中

休息中

相中右邊個碗仙草味清，紅豆靚，整體不太甜，好味又大碗，有機會再食，常食也成。相中左邊個碗豆漿芋泥就唔得啦，兩個食材勉強放在一起，毫無交流。食物同愛情一樣，無感情，就不浪漫。

第一次堂食鮮芋仙！星期六晚上八點幾嚟到只係需要等十幾分鐘，都唔算等得太耐。宜家先知道原來鮮芋仙叫一碗糖水兩個人share食都可以，唔使最低消費，對於想食少少糖水又怕太肥嘅女仔來講好貼心。熱豆漿豆花2號$42- 我哋額愛各加$8加咗芋頭同芋圓。本身豆花2號入面有地瓜薏米同豆腐花，我揀咗豆漿糖水底，入面嘅材料比較難影得靚，不過放入口好味道就得啦！豆漿糖水淡淡地唔甜，好好飲，相對地糖水材料就甜啲，感覺用左糖水煲過，所以配合埋淡豆漿啱啱好。個人覺得芋頭最好食，好甜好綿密，芋圓都好煙韌，唔錯！

翻屋企一打開成盒芋圓總共40粒芋圓 得3粒係地瓜圓 全盒都係紫色...正常應該係一半紫芋圓一半地瓜圓...今次連接近一半都唔係得3粒會唔會過份左啲...點解咁樣都可以出比個客

香港夏天愈黎愈熱，行到一身汗，食刨冰最消暑今次叫左布丁Q麻糬牛奶冰 和 芋薯圓Q麻糬牛奶冰，每份都大大碟，兩個人食一碟都飽晒牛奶冰鮮甜有奶香，布丁有雞蛋和杏仁味，又滑又動L芋薯圓有五粒，有芋香，口感不錯其他配料例如小芋圓、黑糖味及原味麻糬條等配牛奶冰一齊食，增加口感

首先入去環境非常好，員工服務態度很好，糖水好好味啊叫左碗招牌芋圓6號，好大碗分量又足，食完都好飽好滿足，下次帶一家大小來，小朋友應該會好鐘意，下次試另一個招牌仙草6號，睇圖都好想食

新蒲崗要食甜品，選擇吾多，但近期開左間鮮芋仙，有我喜歡吃芋圓5 號6 號，另外仲有飲品，堂食和外賣都有，我近排經常都去買，佢哋員工都有禮貌，最起碼我又多咗吃甜品機會

是咁的，今日約左個客係mikiki商場，早左50分鐘到左，見有啲時間就試下呢間叫鮮芋仙既野，我未試過係香港食芋圓之類既野，對上食都係幾年前同幾條女去台灣食。 一入去，隻腳都未落地就聽到店員歡迎你，唔知以為去左日本台灣咁，咁親切！之後就帶位入座，睇見地方細細乾淨企理，唔會覺得衛生好差咁，幾舒服，有番到屋企既感覺睇下menu，叫店員推介下。當堂嚇一跳，因為店員應該對自己公司食物好熟悉，講到我叫停佢先停，好詳盡解釋。之後就叫咗個芋圓4號。食物一黎到，賣相唔錯，芋圓q彈q彈！不解釋！整體食物質素，環境衛生，店員服務到位！意思不到既驚喜好慶幸早到左等個客，如果都唔會知道呢間芋圓係香港咁高質

叫左個芋圓2號，好足料！加咗奶之後更加好味！地瓜好大舊！芋圓又非常之煙韌！店內環境夠光猛，店員亦都好親切！可以話係一次好好嘅體驗！想食鮮芋既話，不妨黎試一試！！

心情不太好，所以想食下啲開心野，返屋企見到有間糖水鋪就入左去試下，第一次食唔知食咩好，收銀姐姐就同我介紹左唔同既糖水比我，見佢咁有誠意叫我食仙草系列，我就試下。仙草好好食，芋頭都好味。 見到收銀姐姐好好笑容，個人都開心曬😉😉

聽同事講mikiki開咗鮮芋鮮，放工即刻去試😚然後呢排咁熱，所以叫咗杯奶霜仙草冰沙🤪不過估唔到係咁多人，叫外賣要排隊😂好在啲員工都幾高效率，特別係戴眼鏡個經理，又nice又快手腳👍🏼至於杯野呢，唔知係咪關天氣熱事，有啲雪中送炭嘅感覺🤣飲慣少甜嘅我覺得甜度啱啱好，又有仙草又有冰，超正！仲有個一啲都唔邪惡嘅奶霜起面，飲完成杯都冇乜罪惡感🥳希望下次唔洗排咁耐隊😙不過似乎冇乜可能。。。因為真心正🤩下次堂食試埋個芋圓先😊

同男朋友行街 行到㷫烚烚 係附近搵到間鮮芋仙 入面座位唔多 但勝在唔洗等位又唔會太逼坐低之後叫左一碗芋圓6號加仙草 原本預成碗野都會好甜 因為平時食過個啲都偏甜 但呢款又唔會太甜 幾啱啲唔中意食太甜既女仔 等大概五分鐘左右就有 唔會等太耐 一上到台見到成碗滿哂 好似唔洗錢咁 份量足 唔會太少 2個女仔一齊share都得 芋圓大大粒又彈牙 珍珠甜度適中 仙草滑溜超好食 員工有禮貌 主動問食物啱唔啱食 有咩改進 呢個位值得一讚👍🏼會再黎幫襯

岩岩打完比賽 減完磅 緊係想食碗甜野 慰勞吓自己啦 係附近行行下見到間糖水舖 行近先知係鮮芋仙 見到啲環境好乾淨就入咗去 坐低左唔知食咩好就叫左招牌仙草冰沙 超好食 好耐無食過咁好食既仙草 如果下次經過會再食。

咁啱經過見到冇乜人，就抱住平常心態去試下，先叫咗杯冬瓜茶消消署，再幫女友叫咗個店主推介芋圓4号，嚟到份量都算多，足料，而味道方面都合格，冇話好甜，價錢都合理，值得再試

好開心新蒲崗終於開咗鮮芋仙啦⋯⋯唔使去其他地方吃啦！對於每個星期最少吃四次個我簡直開心到飛起⋯⋯最開心的店員服務好又有笑容，對客人好似朋友，特別推介紫薯小芋圓鮮奶！日式Q麻薯特別Q，芋薯圓Q麻薯牛奶冰也超級無敵好！當然呢D牛奶冰當然係堂吃啦！反正對於我呢D鮮芋仙迷來講！一級捧！

今日同屋企人去左新蒲崗嘅鮮芋仙食糖水，呢間店舖係我第一次食既，咁岩當日落住大雨，店員即刻提醒我小心地滑，因為我經常跌親，店員既慰問令我覺得十分親切，我都第一時間同佢講聲唔該呢個係一個加分位🥰🥰我地坐低之後叫左個招牌仙草沙冰，佢d芋圓真係出色，軟硬適中，仙草又滑，d仙草冰加埋d奶簡直係絕配！呢個一定係必新蒲崗鮮芋仙係我一定會再去光顧的餐廳🤤🤤