鮮活之味

營業中

休息中

觀塘返工的朋友介紹，話駱駝漆大廈入面開左間專食鱔的餐廳，是晚就同家人黎試下😋呢區晚市一向較靜，連駱駝漆大廈都唔使排隊等𨋢真係有啲意外，上到餐廳，有三枱客人食緊，老闆禮貌招呼，話隨便坐同用qr code落單。其實餐廳只有老闆一人，又煮又上菜又收銀，仲要接外賣單，真係好忙，係咁忙情況下都出黎斟水比我地，仲略略介紹下個餐牌，有誠意😆⭐蜜餞炸鱔球飯配溏心蛋半隻餐牌有好幾款都想食，最後家人叫左炸鱔球飯。蜜餞口味甜甜的，鱔球炸得香口，肉質鮮美彈牙，件件都係center cut㗎。⭐真蒲燒鮮鰻魚飯配溏心蛋半隻自己就叫左呢款日式鰻魚飯，同樣用上新鮮鱔肉，厚身肥美，美中不足係有細骨，呢個要小心食。⭐牛油蒜香雞翼見口痕叫左份雞翼，一客三隻，炸得香脆，果真有牛油同蒜頭香，仲加左七味粉帶少少辣勁，正😋⭐炸餃子仲有炸餃子，係日式餃子黎，呢個有四隻😋⭐可樂 & 綠茶跟餐仲有優惠價加飲品，食完野飲啖凍飲，嘆😋食得出啲鱔係新鮮貨，多口問兩句，原來老闆家人做街市批發，攞貨平啲先做到呢個價，佢仲話啲鱔放水缸養兩日所以無泥味，哦哦，長知識了🤭

朋友約會晚飯在「鮮活之味」，店鋪主打多國菜，位置在工廈，室內環境設計簡潔光亮，而且價錢實惠。蜜餞炸雞球飯~包含香酥和蜜味的蜜餞炸雞球，最宜送酒下飯，飯面薄薄的醬汁 ，豐富了煙靭軟糯的白米飯，口感更美味可口。南乳脆香腩肉飯配溏心蛋~南乳脆香腩肉很像吉列豬扒，脆香肉嫩的腩肉加入南乳，味道更上一層樓。 溏心蛋做得很具水準，甘香滑溜。真蒲燒鮮鰻魚飯配溏心蛋~ 鮮鰻魚肉的鮮甜軟嫩口感與滋味醬汁配合得天衣無縫。冰凍綠茶及香濃咖啡 紐約芝士蛋糕~ 經典口味，連不愛吃芝士的我也喜歡呢。蘋果金寶芝士蛋糕~粒粒蘋果多一份甜甜酸酸果味，的確很解膩開胃。由主菜到甜品都很有滿足感，下次再來要賞味鮮白鱔了！

這天晚上我約了家人去觀塘吃晚飯，經過網上的推薦，我們便決定來到這間多國菜餐廳試一試，店內環境明亮和清潔衛生，餐廳非常細心，有無線上網提供，餐廳會播放音樂椒鹽炸鱔球飯配糖心蛋半隻($126)炸鱔球外脆內嫩，非常新鮮，用椒鹽調味，脆中帶一點鹹，份量非常多，糖心蛋軟綿綿，湯底是用白鱔骨熬製，經過長時間熬製，魚的鮮甜味十分突出，非常入味，而且不放味精，飲完不會口渴，白菜爽口微彈，秋葵十分新鮮蒲燒鮮鰻魚飯配糖心蛋($138)用蔥花和芝麻粒灑面，青瓜絲爽口，車厘茄鮮甜，鰻魚非常軟身，非常新鮮，糖心蛋軟綿綿，份量非常多可樂zero($7)套餐可以加配罐裝無糖可樂綠茶($9)支裝綠茶，只需要加$9，十分合理整體來說，食物的質素非常高，食物的份量非常多，食物的選擇多，食物的用料非常新鮮，食物的賣相非常吸引，價錢相對合理，而店員亦有良好的服務態度和積極，所以我認為這間餐廳是值得再去惠顧

頻撲咗成個星期，終於可以唞一唞🫠 一覺醒來，電視已經播緊午間新聞🙂‍↕️🙂‍↔️ 個肚餓到打晒鼓嘅我，梳洗過後… 馬上出去搵食😁 聽朋友講，#駱駝漆大廈 最近開咗間 #鰻魚專門店 鮮活之味，啱晒我呢個 #鰻魚控 ♥️ 咁啱呢排屋企啲護膚品用晒，過去食個late lunch順晒路🤭 嚟到三座嘅地下，lift lobby排滿等上樓開餐嘅人龍，場面好熱鬧🥳 餐廳大門裝飾得有點日本風，裝修簡約，傢俬都以白色似為主，感覺都幾舒服♥️ 餐牌上嘅食物都以 #鰻魚 為主，蒸嘅、燒嘅，椒鹽、韓式… 樣樣有齊🤤 如果唔鍾意食魚嘅，又可以揀 #炸雞、#腩肉 之類，選擇都唔少😃 今日我就點咗個 #豉汁白鱔片飯，配 #麻辣白肉 同 #牛油蒜香雞翼 做 #小食 🤤 啖啖肉嘅 #白鱔片 絕對無泥味，配埋 #特製嘅蒜蓉豆豉粒辣椒絲醬汁，非常惹味屋企🤤 連平時唔食飯嘅我，都忍唔住成配白飯連汁啪晒落肚😅 至於佢哋嘅小食都相當唔錯，#雞翼 皮脆肉嫩，雞皮甜甜地好香口🤤 #麻辣白肉 一啖一口，濃濃嘅蒜香配埋啲辣汁，如果有埋支啤酒就更加一流😎同老闆傾開偈，先知道佢啲 #鰻魚原材料 係直送嘅，免咗中間人嘅利潤，怪不得可以做得咁平，

呢間大推🤌🏻🐉咁平得唔得㗎癡線‼️鍾意食鱔一定唔可以錯過，呢間主打做$58白鱔片飯套餐，滿足晒鱔控口癮🤤仲有做豬、牛、雞飯，最平係$38燒牛肉金菇飯🍛一問店主Felix @catng1982 原來呢間餐廳係慢煮屋副線，原慢煮屋無執，搬咗去4樓😂Felix有批發新鮮白鱔來源，所以先做到咁平，每個餐由切魚烹煮都親自操刀，feel到佢對每份餐都有份熱誠。真心，出面食鱔閒閒地都講緊百幾蚊碟，仲要多數係單一豉汁蒸，呢度淨係汁煮都有4款，連炸鱔球都有4款任君選擇💃🏻點可以放過佢。.1️⃣🌶️花椒醬油汁鮮白鱔片飯($58)(可加+$30鱔片增量)58雞但一啲都唔hea你。首先店主一捧個餐出嚟，都未擺落枱，陣花椒味直撲鼻窿👃🏻攏盤一洗中式蒸白鱔嘅平實賣相，變成仿日式嘅精緻排場，胃口🆙‼️數一數都有13塊薄切成蝴蝶形嘅白鱔片，食落鱔皮爽脆、鱔肉鮮味有彈性，同餐廳名「鮮活」一樣，將食材最raw最新鮮嘅味道釋出嚟，個汁唔會濃到蓋過鱔味，恰巧增添辣勁，個汁我索性撈埋飯😋飯就正正常常啦，咬爆芝麻粒會更香。湯就應該係味噌湯，清清哋幾解油感。會覆桌‼️‼️.性價比：🌕🌕🌕🌕🌕美味度：🌕🌕🌕🌕🌖獨特性：🌕🌕🌕🌕🌑.📍鮮活之味(觀塘

随便揾間試，估唔到有驚喜，11樓店專攻不同口味白鱔/鳗鱼飯。試左個花椒白鱔片飯，加10蚊轉個鳝鱼骨誵嘅湯，湯相當鲜甜(老板話賣哂就無)，個花椒汁無搶走鱔片的鮮味，超正！另一半食蒲燒鳗鱼飯配糖心蛋，條鳗鱼不是冰鲜果種，所以有小骨但好厚肉，好鲜甜 ！飯粒口感都好正，食完成餐飯D濕疹都無爆，証明無落味精 ！肯定变本人食堂😋😋

叫左牛肉飯，花椒鱔片飯轉魚湯，椒鹽雞球飯，有水準，好食！椒鹽好多時食第一啖覺得好好味，食到底覺得太咸，但呢度唔會覺得咸之餘，第一啖又唔會覺得淡！好食！最重要係服務好好，過左繁忙時間，店員同廚師出黎同我地傾計，好食之餘仲食得好開心！一定會再黎！

同朋友行過，好特別嘅小店。用新鮮饅魚為主打菜式，有不同嘅配搭，啱晒非常喜歡食鰻魚既我和朋友，於是選擇一試……竟然饅魚有咁多種食法，真係樣樣都想試。於是我哋就叫左「蜜餞炸鱔球」、「日式芥辣醬油鮮白鳝片」、「韓式鮮白鱔球」，嘩！真係好鮮美呀！外脆內軟，口感一流，仲要價錢比出面食鰻魚飯平，真係要一試再試，值得大大力推介。🎉👍👍😋😋😋😋😋😋💜P.S.:雖然小店在工業區駱駝漆大廈3期，但星期日都有開㗎！