鮮活之味

在香港的美食地圖上，駱駝漆以其獨特的料理風格和新鮮的食材，迅速吸引了眾多食客的目光。這裡的菜單融合了多種創意元素，讓人每一次光顧都有新的驚喜。最近我有幸品嚐到幾道招牌菜，體驗了一場味蕾的盛宴。首先登場的是叉燒慢煮雞胸拉麵，這道菜的湯底以濃蝦頭蕃茄為基礎，味道濃郁而不油膩。湯中蝦頭的鮮香與番茄的酸甜完美結合，令每一口都充滿層次感。慢煮的雞胸肉鮮嫩多汁，搭配彈牙的拉麵，讓人忍不住一口接一口。這道拉麵不僅在味道上表現優異，還在視覺上令人愉悅，湯面上的香料點綴，增添了不少色彩。接下來是拉絲芝脆飯丸，這道小食的外皮金黃酥脆，內裡則是柔軟的米飯與芝士。當我咬下第一口，內裡的芝士瞬間流出，帶來濃郁的奶香。飯丸的份量適中，兩粒剛好讓人感到滿足，卻又不會過於飽脹，適合加入濃湯享用，為整餐增添了趣味。然後是火炙牛板腱蕎麥冷麵，這道菜的牛肉經過火炙處理，外焦香而內嫩，與蕎麥冷麵的清爽口感形成了鮮明對比。牛肉的醬汁渗透到每一根麵條上，使整道菜品更添風味。搭配上新鮮的蔬菜，讓人感受到健康與美味的完美平衡。最後，牛油果沙律作為一道清新的配菜，為整餐帶來了恰到好處的清爽感。牛油果的滑順與沙律醬的酸甜相結合，讓人感到心情愉悅，這道沙律不僅是色彩繽紛的視覺享受，更是健康飲食的優選。總結來說，駱駝漆的每一道菜品都展現了對食材的尊重與創新的烹飪技術，無論是湯底的濃郁，還是小食的趣味，每一口都是對味蕾的極致挑逗。這家餐廳不僅是美食愛好者的天堂，也是希望探索新口味的食客必訪之地。期待下次再次造訪，繼續探索這裡更多的鮮活之味。…查看更多

嚟觀塘買嘢，行完就過咗去駱駝漆食晏，揀咗友人推介嘅「鮮活之味」。餐廳主打活鱔料理，本來打算一嚐佢哋嘅鱔球同鱔片，點知嚟到發現已經全部售罄，既來之則安之，就一於試下餐廳嘅其他出品。點咗 2 款小食，日式餃子 同 蒜蓉牛油雞翼。餃子外皮煎到金黃香脆，內餡飽滿多汁，香口又唔油膩，美味！雞翼即點即製，上桌時仍熱辣辣，面頭鋪咗層薄薄嘅蒜蓉同芝麻，入口皮脆肉嫩，吃時更帶陣陣牛油香，煞是誘人。主食揀咗白灼澳洲和牛撈油麵(160g)配蔥油汁 同 鐵板燒玉子鰻魚定食。和牛切到厚薄適中，灼至啱啱熟，入口肉味超香濃。油麵用豉油撈過，麵質爽彈有嚼勁。鰻魚以鐵板上，面頭淋上蛋漿，拌勻同吃，鰻魚肉厚肥美，入口富油脂香，配埋滑蛋同醬汁一齊食，口感同味道都好豐富。加配飲品：雀巢濃香焙煎咖啡+$9、雀巢特濃香滑咖啡+$9 …查看更多

呢間鮮活之味我朋友超級推介，佢喺觀塘返工成日推薦好嘢食俾我，所以今次專登放假過嚟試吓👍🏻食物 :- 極尚濃蝦湯拉麵 主打嘅王牌！超濃蝦湯配上彈牙拉麵，用料好足，有蝦帶子叉燒雞肉，仲有啲啱啱煮熟嘅蝦味精華，打卡又好，入口更加驚艷！- 火炙牛板腱拉麵 見到有火炙牛，屋企人都好鍾意食牛，所以每樣都叫一款試吓，好豐富口感嘅，香滑嘅牛板腱燒到半熟，配上煙韌嘅麵條，啖啖牛味加埋湯底，一流嘅滿足感。另外加左芝脆飯丸兩粒＋糖心蛋半隻飯丸外脆內軟，夾埋裡面啲芝士，咬開嗰刻真係好正🙌🏻再加埋蝦湯兩種食法👍🏻糖心蛋熟得啱啱好，蛋黃流心一啲都唔簡單。- 南蠻炸雞餅配碎蛋沙律 外脆內嫩嘅炸雞🍗配埋少少酸甜口嘅碎蛋沙律👍🏻- 自家手沖支裝奶茶 試埋佢哋自家手沖奶茶，入口順滑又唔會太甜，無論配拉麵定小食，都perfect match！整體嚟講 : 雖然係隱世小店，但最出名嘅「極尚濃蝦湯拉麵」講緊嗰個湯底，純正蝦味濃香得嚟又唔會膩，絕對係試過難忘！火炙牛板腱都好好食，性價比好高，下次一定會再嚟食🤪…查看更多

駱駝漆3座最多食市 LUNCH通常12點就多人到爆尤其依加其中一部LIFT維修 等LIFT時間加長 識地步嘅建議行前D搭貨LIFT上阿呢間鮮活之味之前嘅白鱔餐好出名 佢哋係由原材料做起 親自採購嘅 同慢煮屋係同公司🍜極上濃蝦湯拉麵呢碗拉麵貴就貴在個湯底 濃蝦湯係屋企整都認真唔易呢碗濃蝦湯嘅蝦味係好濃郁嘅 有蝦、雞胸、五花腩片🥢蔥油汁和牛撈麵呢碗麵個面底好似油麵咁 牛肉望落係好新鮮好似手切牛分量好足好大碟 性價比較高見OPENRICE好多人嚟到無鱔食都覺得好失望不過我相信無論係人定餐廳 對於面對每一個過渡期都會有一D負面嘅嘢發生比D時間餐廳調整 相信之後會有更多驚喜…查看更多

👧🏻😋👅🍽✨鮮活靚料濃湯拉麵🥰-🍜 駱駝漆3座直上11樓呢間闊落明亮服務好嘅拉麵店，拉麵、拌麵、冷麵我哋全部試晒，勁出色完全冇伏🫡-▪️極尚濃蝦湯拉麵 $92🦐 用大量蝦殼蝦膏炒香湯底勁濃郁！有雞胸、蝦、帶子、叉燒，呢個份量嘅餸同質素嘅湯底先對得住$92價錢🙏🏻🐖 $22 叉燒三片 會另上，乾身食更香口，同浸湯食軟滑吸咗少少蕃茄蝦湯係兩種感覺🫕 $10 拉絲芝脆飯丸2粒 餐廳教學用蕃茄湯浸滿去食更濕潤係好聰明嘅做法，只可話$5粒真係冇投訴！▫️蔥油汁和牛撈麵 $68🥩 和牛勁多一絲絲半熟軟滑而有咬口，必揀花椒汁麻香十足，自家新鮮即製如果有得賣，我會買兩樽返屋企▪️慢煮雞胸蕎麥冷麵 $58🐓 個雞胸不得了勁滑勁鮮甜，加埋青瓜點蕎麥麵汁好清新…查看更多

之前在駱駝漆大廈搵食時發現呢間鮮活之味，所以就放咗喺要食嘅清單之內，終於抽到時間嚟食，一定要試吓呢度嘅招牌湯底—蝦湯。今次點選擇嘅食物包括：火焰牛板腱拉麵極尚濃蝦湯拉麵吉列炸蠔南蠻炸雞配碎蛋沙律極尚濃蝦湯拉麵到嘅時候即時試咗啖湯先，入口完全充滿蝦味，媲美食緊一隻隻蝦嘅感覺。完全飲到停唔到口。火焰牛板腱拉麵嘅牛板腱薄切，燒咗嘅牛板腱添加咗一份焦香味。吉列炸蠔香脆唔會過火南蠻炸雞配碎蛋沙律雞肉都嫩滑有肉汁愛蝦之人真係唔可以錯過。…查看更多

服務差，或者根本冇服務可言，企咗喺門口成分鐘都冇人出嚟話俾你聽點樣排隊，使唔使攞飛或使唔使登記……上菜超慢，lunch真係唔使去，食具洗得唔乾淨（有相：隻匙羹有啲唔知湯定汁嘅橙色嘅漬喺度，匙羹個窿發霉嘅，個食盆濕立立見到都唔開胃🤮 ）蝦湯完全冇味，又冇蝦味又冇蕃茄味，仲話自己係濃蝦湯，個麪我揀咗標準麨質，但結果係超腍，仲衰過自己煮公仔overdone, 完全唔知自己食緊啲乜。成個駱駝漆未試過食到一間咁差嘅食店。🙅‍♀️🙅‍♀️…查看更多

最近我同朋友去咗一間叫「鮮活之味」嘅餐廳，真係有啲驚喜！呢度主打新鮮嘅白鱔，佢哋嘅白鱔飯真係吸引到我哋。首先我哋嗌咗花椒醬油汁鮮白鱔片飯 大盛。呢個嘅白鱔片切得薄薄地，鮮嫩得來又帶有一啲花椒嘅香味，配合醬油汁，真係好開胃。飯底吸收咗汁液，食落去每一口都充滿咗海鮮嘅鮮味，唔食唔得！跟住我哋又嗌咗另一個白灼秘製蔥油汁鮮白鱔片飯 大盛。呢道菜可以話係一個簡單但又好有味道嘅選擇。白灼嘅白鱔片保持咗原汁原味，加上秘製嘅蔥油汁，味道香滑，根本停唔到口。飯粒同樣吸收咗醬汁，食完之後覺得飽滿又滿足。整體嚟講，「鮮活之味」嘅食物不單止新鮮，味道仲係一流，無論係想食重口味定係清淡嘅選擇都有得滿足。下次再有機會，我一定會再嚟嗌吓其他菜式！…查看更多

觀塘一直以來給人的感覺都是「好多人」，但同樣亦很多小店、餐廳。而駱駝漆有很多食肆，平時午飯都會來到這大廈，我發現了這間不錯的小店，剛好朋友約吃飯，下班就來到 「鮮活之味」啦！很久沒有試過這麼早吃晚餐，下班立刻走過去 。由於今天午餐比較晚吃，所以就點拉麵啦。🕊️ 盛宴濃蝦湯拉麵 + 烏龍茶 「盛宴」真的沒有改錯名，有很多材料，例如大蝦、帶子、雞胸、糖心蛋等等。店主好貼心，蝦已經去殼，可以大口大口的吃，很彈牙！帶子煎過一點點，肉質鮮甜，好吃的東西一定要跟朋友分享，所以我給了一半朋友試試。另外，雞胸不韌喔。重點是蝦湯底真的好濃郁，有很重的蝦味。🕊️ 海佬雞胸濃蝦湯拉麵 + 綠茶 朋友點了這個海佬雞胸，有蝦、雞胸和糖心蛋。見她都吃得讚口不絕。我們兩都是點拉麵，店主亦好貼心，可以挑選麵質，我們都選了標準，麵質不錯，有咬口。🕊️ 日式餃子（4隻）另外，我們點了四隻餃子share，餃子炸得好脆口，但裏頭依然keep到肉汁，不會覺得太乾。最後我們都跟餐點了支裝茶，可以消消膩，因為真係吃得很飽呀！由濃郁的蝦湯底，到貼心的食材製作（去蝦殼），好吃且價錢不算貴，CP值高。…查看更多

在觀塘遇到間好好味的蝦湯底拉麵，就是駱駝漆大廈第三座的鮮活之味。有拉麵、蕎麥麵、撈麵選擇南蠻炸雞配碎蛋沙律$38 已有一大塊雞扒份量，外皮香脆，啖啖肉又嫩滑。火炙牛板腱蕎麥冷麵牛板腱入口肉味濃郁，嫩滑中帶點嚼口。爽口的蕎麥冷麵浸在鰹魚汁清新開胃。盛宴濃蝦湯拉麵賣相好吸引，先呷一口湯底，蝦味濃郁出眾，幼身拉麵吸湯一流。蝦肉已去殼夠貼心，輕易食到彈牙蝦肉。半肥瘦叉燒入口即溶、帶子啖啖肉、雞胸肉也好嫩滑。…查看更多

以前這間餐廳主打以鱔魚為主食的不同料理，甚有特色。最近想再去品嚐鱔片的鮮活之味，豈料已經轉了餐牌。店名依舊，內涵卻完全轉變了。餐牌變成了一些不知是港式還是日式的麵食，還有一些小食，不過選擇並不多。葱油汁和牛撈麵 ($68) ★★★★★這裏的撈麵及拌麵使用的麵質是很接近油麵(但韌度較油麵低)，賠上中式的葱油及豉油非常夾。而且鮮牛肉片非常嫩及有牛味，而且有很多片，非常抵食。日式叉燒拌麵 ($65) ★★★✰✰同一款麵質配以甜醬油、蔥碎及大量炸蒜，感覺不是太夾，而且蒜味太濃加上温泉蛋感覺有點膩。叉燒明顯較接近港式叉燒多於日式叉燒。日本刺身帶子西柚青瓜沙律 ($38)  ★★★★✰沙律放在半個西柚之上有新意，帶子感覺算新鮮，其餘配料是很普遍的沙律材料。拉絲芝脆飯丸 ($6) ★★★✰✰餐牌上推薦的小食，就是一塊厚炸皮包裹一球飯粒及蘸上芝士，整體沒什麼味道，不算是個好嘗試。整體來説，失望在於本來此店正如店名所言，是提供鮮活之味，現在卻變成賣麵食。雖然菜式有些新意，但味道不見非常驚豔。…查看更多

最近喺觀塘食到間好味又健康嘅小店，超推薦比大家😍 講緊嘅就係駱駝漆嘅「鮮活之味」🍅！ 呢度嘅嘢食都係用心製造，間中仲會推出新產品😚 食咗好幾次都唔厭！🦐 海佬雞胸濃蝦湯拉麵（$72）今次我揀咗海佬雞胸濃湯麵🍜，轉蕎麥麵+$8更健康！再加咗$32有三大片牛板腱🐮！ 雞胸同牛板腱都係高蛋白質低脂肪嘅健康肉類，加入蕃茄濃湯夠晒入味，好夠香🥰 🧋自家手沖支裝奶茶 （+$12）呢度仲有樽裝嘅奶茶，仲係自家製㗎😚鮮活之味📍觀塘開源道60號駱駝漆大廈第三座11樓G室…查看更多

📍 鮮活之味 (香港)｜觀塘清新日式午餐體驗觀塘駱駝漆大廈嘅「鮮活之味」，環境乾淨簡約，而且燈光好光猛，令人一入門就感覺舒服放鬆😆今次午餐我揀咗火炙牛板腱蕎麥冷麵配烏龍茶，一個清新組合。啱晒咁熱天氣嘅時間食。🤣🥢 火炙牛板腱蕎麥冷麵 $72 牛板腱火炙至微熟，❤️❤️肉味濃郁但唔會過肥，入口啖啖香氣🤤配搭嘅蕎麥冷麵爽滑彈牙，冰涼口感喺炎熱天氣特別加分❤️再加埋醬汁嘅微鹹和風味，整體味道層次分明，份量亦相當足夠，食完有飽足感但唔會太膩。🍵 跟餐就叫左烏龍茶（枝） 係瓶裝烏龍茶，茶味清爽，夠解膩，與牛肉冷麵嘅油香形成好好平衡，係一個貼心又實用嘅配搭。除咗冷麵之外，我見到佢哋而家仲有推出一個都頗為人氣嘅蕃茄拉麵系列下次有機會嘅話我都會再試吓！…查看更多

見社交平台有人推薦就嚟試下營業時間寫住星期六12:00開門到達舖頭既時候12:22見到門口寫住休息但入面有光上舖頭社交平台 又冇通知唔開/遲開然後有其他人直接拉開門問完入去就跟住入去入到去發現係原本慢煮屋的舖頭鮮活之味應該就係副線餐廳如果想要社交平台 同款的蕃茄蝦湯係要另外加$6火炙牛板腱拉麵慢煮屋本身出品既牛都唔錯結果成碗嘢得個牛好食個蕃茄蝦湯好淡味，蝦味唔出如果唔落埋櫻花蝦係唔會有鹹味麵質揀左普通，但出到嚟偏淋蔥油和牛拌麵上面層牛肉就係慢煮屋餐單既牛加佢個甜甜嘅汁下面既蔥油就係就蔥再淋上一啲油就完事所以唔係想像中既有蔥香甜甜既牛汁再加蔥油加醬汁感覺上唔係太夾而且店舖提供既杯係油既然後就係最不愉快的服務體驗了我同朋友一食完麵個下個店員快速走嚟即刻問食完未就收走左但又唔係有人等位然後朋友負責俾錢（八達通）我就行出去等等左一陣都未見到朋友就望番入去睇下跟住就見到店員黑哂面揮手要我入番去原來係朋友八達通拍唔到（有餘額的）然後拍左幾次都唔成功店員就失去耐性最後朋友轉左其他就付款成功左…查看更多

入到場叫左個牛拉麵，網上睇到片介紹用蝦頭煮蝦湯諗住黎試下心機野，點知係茄膏湯完全冇蝦味仲加左好多糖，成個湯收到結哂 搞唔掂係個幾片牛正常d 個蛋未入味白蛋 免中伏千其唔好試…查看更多