鮮活之味

營業中

休息中

今晚同同事食聖誕飯，佢知我鍾意食魚，所以帶咗我去觀塘工廈食鱔，仲要係特色製作，正！店子簡約舒適，座位整齊，環境企理。有數款飯類，另加錢可追加小食和飲品。鱔有蒸、灼和炸選擇，配搭不同口味，如蜜餞、韓式、日本芥末醬、豉汁等。朋友點蜜餞炸鮮鱔球飯配糖心蛋半隻轉蕎麥麵（$86+$10），冷蕎麥麵口感佳，蘸些泠麵汁，再拌勻隻香滑溏心蛋就更得！炸鮮鱔球炸得黃金靚仔，香脆不油膩，外層甜甜地，內爽嫩鮮美，非常味美！我要大盛花椒醬油汁鮮白鱔片飯轉麻醬花椒皮蛋伴烏冬（$68+$30+$23），份量十足，大滿足！鱔片薄身爽嫩，蒸得剛好。味道鮮味，配了花椒醬油汁，辣辣地，好惹味！麻醬花椒皮蛋伴烏冬相當大碗，皮蛋黏滑甘香；烏冬彈牙，每條都沾滿花椒麻醬，有些芝麻香，亦麻麻辣辣，仲越食越火辣，好過癮！小食係白灼秋葵秘製蔥油汁($24)翠緣爽嫩，配上蔥油汁，鹹香美味。

📍花椒豉油汁鮮白鱔片飯呢間餐廳白鱔出名，有唔同嘅整法。上次試過椒鹽唔錯，今次試蒸嘅🫶🏻 白鱔片好新鮮，配搭呢個醬汁非常惹味。 鱔肉嘅質地爽口彈牙，非常滿足😍😍📍白灼澳洲和牛撈油麵試咗新品，白灼澳洲和牛撈油麵牛肉揀咗大份 160g🥰 白灼到七成熟Keep到淋滑同牛肉味幾香濃，揀咗配微甜嘅蔥油汁😏油麵用甜豉油撈過，麵質彈牙😍📍椒鹽魷魚鬚炸漿甘香鬆脆，魷魚鬚爽口又夠味！下次都會再叫呢款小食，推介🤩📍白灼秋葵秘製蔥油汁秋葵非常爽脆，配上秘製蔥油汁，特別好食🥗🧋自家手沖支裝奶茶微甜，味道真係唔錯，非常之有奶茶香味

得閒過去駱駝漆搵下新餐廳，無意中發現咗一間叫做【鮮活之味】嘅餐廳。呢間餐廳主打融合風味，無論係創意配搭定係賣相擺盤，都透露住一種獨特嘅巧思。入到去後，環境以清新簡約為主氣氛都幾輕鬆愜意。▪️蜜餅炸鮮鱔球冷麵配糖心蛋半隻呢道菜一上枱，賣相已經非常吸引——鮮鱔球炸至金黃，外層酥脆而油香四溢，配搭另上用和式餐盒裝住冰涼嘅冷麵，簡直係一場口感與溫度嘅對比盛宴！蜜餅醬汁輕輕淋喺鱔球表面，甜中帶鹹，味道層次分明。冷麵本身彈牙爽滑，混合埋醬汁之後更加帶出鱔球嘅鮮味。半隻糖心蛋亦係點睛之筆，蛋黃溢出時猶如奶油咁柔滑，將每啖都昇華到另一層次！▪️安格斯牛五花拼韓式炸雞球丼主菜選咗安格斯牛五花拼韓式炸雞球丼，簡單直接嘅組合卻帶來意外驚喜。牛五花係日式牛丼常見嘅肥牛，油脂滲入飯粒，咬落口感濃郁，滿滿牛香。而韓式炸雞球外層炸得脆卜卜，雞肉嫩滑多汁，伴隨住略帶微辣嘅韓式醬料，味道鮮明得嚟又唔會搶去牛五花嘅風頭。整體飯底吸滿肉汁同醬汁，每一啖都相當滿足。▪️吉列炸蠔吉列炸蠔可以話係炸物愛好者嘅天堂。炸蠔外皮酥脆得嚟又唔會過重，輕輕咬開就可以見到飽滿嘅蠔肉。蠔肉鮮嫩多汁，帶住大海嘅自然鹹香，完全無腥味。配埋少少檸檬汁食，

近日，我品嚐了他們的招牌菜——安格斯牛五花拼蜜餞鱔球，價位為$76，整體體驗令人滿意。首先，安格斯牛五花的質地相當柔嫩，油脂分佈均勻，燒烤後散發出誘人的香氣。每一口都能感受到肉質的鮮美與脂肪的香滑，搭配些許的鹽和胡椒，簡單卻恰到好處，讓人回味無窮。至於蜜餞鱔球，則是這道菜的另一亮點。外酥內嫩的鱔球，口感十分豐富，甜蜜的蜜餞醬汁為整道菜增添了一層甜香。鱔球的鮮味與牛五花的濃郁相互輝映，讓人不禁一口接著一口，無法自拔。此外，碗中的配料也很豐富，搭配了半熟的溏心蛋和新鮮的蔥花，營造出色香味俱全的效果。溏心蛋的流心與牛肉的香味融合，為菜餚增加了層次感。整體而言，這道安格斯牛五花拼蜜餞鱔球是一道值得推薦的美味，無論是肉食控還是喜愛多元口味的人，都能在這裡找到滿足的滋味。下次來到這裡，我一定會再點這道菜，重溫那份美好。

朋友介紹我去食一間食鱔嘅專門店，聽講呢度啲鱔片好新鮮，而且價錢唔貴，性價比高。安格斯牛五花拼韓式炸雞球丼牛肉好柔嫩，有少少醬汁調味，特別香甜！另外再拼香脆的韓式炸雞球，雞肉好juicy 。我仲轉左紫菜飯，口感豐富之餘仲好開胃。椒鹽鮮白鱔球飯雖然鱔球整咗椒鹽，但都食到鱔嘅鮮味！厲害！整體好香口！另外有埋半熟的糖心蛋，增添了香氣和口感的層次。今晚揀咗蕎麥麵，麵條好Q彈，食嘅時候仲感覺好似健康D。吉列炸蠔炸蠔新鮮，外酥內嫩，即叫即整，好鮮甜。整體而言，呢度出菜快，價錢唔貴又好食，絕對值得一試。

安格斯牛五花拼蜜餞鱔球（$76)蜜餞炸鱔球，丼飯有三大舊鱔球，非常厚肉，外脆內嫩，色澤金黃，搭配醬汁更加美味。與牛肉的鹹香形成對比，增加了整體的層次感。半熟蛋，味道不錯！蛋黃流心，增加了醬汁的濃郁感。安格斯牛五花有點取巧，似肥牛多d, 味道普通不過份量取勝，而且牛肉唔夠熱，有待改善。整體來說，鱔球相對突出！若再訪，會只揀炸鱔球大盛，會更滿足！

觀塘的一駱駝漆大廈一間專門提供鱔魚膳食的店鋪。餐廳裝修簡潔，店員服務態店良好。蒲燒鰻魚蕎麥面鰻魚好大條，肉嫩少骨，蒲燒後倒入秘制鰻魚醬汁，令鰻魚更入味。跟餐送上半只糖心蛋，飯餐仲可以轉為蕎麥面，面身彈牙，充滿和風感覺 。白灼秘製蔥油汁鮮白鱔片飯白鱔片好新鮮，簡單地配搭蔥油汁，已經好惹味，仲可以細味品嘗豐富的白鱔肉質感，送白飯一流。另外白飯飯量都好足夠。白灼秋葵秘制蔥油汁秋葵既清新又爽口，配上蔥油汁，帶出秋葵的清甜。飲品叫咗支裝綠茶和烏龍茶，可惜餐廳飲品選擇較少，只有可樂及2款茶。

炸鱔球真係要去食小菜嘅餐廳先會食到，仲要唔係間間小菜館都有‼️呢間主打食炸鱔球炸雞球，真係吸引到我喎有幾款炸球口味，蜜餞、椒鹽、韓式，我就揀左甜甜口味嘅蜜餞「蜜餞炸鱔球炸雞球」炸鱔球真係不得了肉質好爽彈，外層嘅粉漿好夠薄！雞球好嫩滑juicy，不過炸鱔球更為出色配埋甜甜嘅蜜餞汁，送飯一流～～🍱「澳洲安格斯牛五花拼蒲燒鰻魚」鰻魚比較多幼骨，食嘅時候要特別小心，牛五花肥瘦好適中，入口一啲都唔鞋「秘製蔥油秋葵」看似簡簡單單嘅秋葵，加入呢個秘製蔥油，簡直係畫龍點睛，蔥油味超級香❤️

[ 鮮活之味 ]觀塘 駱駝漆大廈 出名多嘢食，今次介紹俾中意食「魚」嘅大家，特別係白鱔🐟！呢間食店專食鮮白鱔、炸鮮鱔球，仲有安格斯牛五花、蒲燒鰻魚等菜式，丼飯/麵食只係人均$100內性價比高。小食✿ 椒鹽魷魚鬚 $38 🦑炸粉超脆，加埋炸蒜令到魷魚鬚好香口。主食 跟白飯 (𨍭蕎麥麵+$10、轉稻庭烏冬/紫菜飯+$12、轉🆕花椒皮蛋芝麻醬熱撈烏冬 +$22)✿ 花椒醬油汁鮮白鱔片飯 $68平時食開豉汁蒸白鱔，呢個夠特別用花椒醬油汁蒸煮，醬油汁帶花椒麻辣味道，調味剛好唔會搶走白鱔片嘅原本鮮味，以呢個價錢白鱔份量都幾多下👍！✿ 安格斯牛五花拼蜜餞鱔球丼飯 $76除咗蒸鮮白鱔片，呢度另一種做法係炸鱔球，有蜜餞/韓式/椒鹽3種口味，外層香脆內裡啖啖肉，肉質鮮嫩彈牙😋。另外拼安格斯牛五花，牛肉份量夠多，有魚又有牛肉好豐富。✿ 韓式炸雞球飯 $56炸雞球都不錯，同炸鱔球一樣炸得脆卜卜。總結🫦 呢間食店嘅鮮白鱔、炸鮮鱔球夠哂特色，會食魚嘅朋友必定中意食😍！就算唔食魚都有牛肉、雞肉選擇。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鮮活之味地址：觀塘開源道60號駱駝漆大廈第三座11樓G室電話：54

跟朋友來到鮮活之味食午餐，原來這裡是吃白鱔的專門店。我們叫了2個白鱔套餐，一個是白灼秘製蔥油汁鮮白鱔片飯，及豉汁鮮白鱔片飯，跟餐可加錢點飲品及小食。我們叫了椒鹽魷魚鬚，及吉列生蠔(3隻)，飲品叫了雀巢特濃香滑咖啡，及烏龍茶。白鱔片新鮮美味，營養豐富，口感滑嫩，無論白灼或豉汁都同樣好味。小食方面，一樣很有驚喜，椒鹽魷魚鬚惹味，粉漿非常薄，外皮脆卜卜，魷魚鮮味。吉列生蠔亦香脆滋味，一邊吃一邊有蠔汁溢出，蠔味十足。值得一提的是，店員非常親切細心，為我們解說每款白鱔的食法，原來白鱔有這麼多的煮法，下次再來試試其他的菜式。

試試觀塘駱駝漆新嘢 竟然有⭐️麻醬花椒皮蛋拌烏冬跟餐加$22👍🏻表面鋪咗一層皮蛋 帶有少少花椒香👍🏻大量麻醬汁超濃厚 緊緊包住每條烏冬兩樣嘢加埋 味道出奇地好夾如果平時鍾意麻醬嘅朋友 一定鍾意呢一個撈烏冬.仲有新出日式牛肉丼飯 估唔到都幾大碗足料用左安格斯牛五花肉 加埋韓式炸雞球$68表面仲有流心蛋‼️佢哋炸雞球 同小食吉列炸蠔都好出色👍🏻咬開炸蠔勁juicy 係肉眼可見喺度流汁.除此之外 一定要試試佢哋招牌新鮮鱔球料理⭐️白灼秘製蔥油汁鮮白鱔片飯$68😋簡單白灼蔥油已經好惹味 用蔥油汁送飯一流😋最能夠感受到白鱔嘅鮮味⭐️蜜錢鳝球拼雞球飯$86👍🏻醬汁甜甜地 炸鱔球肉質更加爽彈如果鍾意食鱔肉朋友 一定要嚟試試‼️你哋又覺得點呢？.#hkfunfoodrecord窮遊香港#hkfunfoodrecord_觀塘.#鮮活之味 (觀塘) @freshhomekitchen 地址：觀塘開源道60號駱駝漆大廈第三座11樓G室..#飲食 #美食 #hk #香港 #food #hkfood #hkfoodie #hkfoodies #hkfoodblogger #hkblogger #香港美食 #牛頭角美食

今次跟家人再到訪「鮮活之味」~ 佢地嘅招牌鱔魚真係好好味！中式同日式製法都有。我地就揀了中式風味，醬油鮮白鱔同炸鮮鱔球。★花椒醬油汁鮮白鱔片飯（大盛）★這道飯的鮮片非常嫩滑，口感鮮美，花椒醬油汁增添了一層香氣和微微的麻感。珍珠米飯軟糯可口，吸收秘製醬汁，味道甜美。★蜜錢炸鮮鱔球飯★蜜錢炸鮮繕球飯搭配了半隻糖心蛋。炸鮮繕球外脆內嫩，口感彈牙。味道鮮美，配上帶有微甜的蜜錢醬，味道層次分明。★椒鹽魷魚鬚★椒鹽魷魚鬚炸得金黃酥脆，但份量較少。【鮮活之味】📌觀塘開源道60號駱駝漆大廈第三座11樓G室

好鐘意食魚，特別係鱔，中式做法又好多花款，今次去觀塘工業區呢間專食鱔嘅餐廳，除咗中式做法，仲可以日式鰻魚做法🥢椒鹽鮮白鱔球飯炸得超香脆，皮脆肉滑，而且好大碟，配糖心蛋，飯仲可以轉紫菜飯更豐富🥢白灼秘製蔥油汁鮮白鱔片飯簡單白灼製法，較健康正氣，配秘製蔥油汁好惹味，轉埋魚湯米線，魚湯幾好飲🥢椒鹽魷魚鬚一樣炸得好香口，肉質幾爽🥢白灼秋葵秘製蔥油汁簡單好食🚩鮮活之味 (觀塘)📍觀塘開源道60號駱駝漆大廈第三座11樓G室

同一位住九龍灣嘅朋友又到觀塘覓食，駱駝漆大廈向來系大家不二之選，原來戈度有一間餐廳專門以鱔入饌，令客人品嚐到高質白鱔菜式。✿ 牛油蒜香雞翼 $28諗起越南餐廳都會有呢道菜式🇻🇳喺呢度竟然都試到。牛油沾滿整隻雞翼，香氣十足，當中亦充滿蒜香🧄蒜蓉控不能錯過呢。✿ 真蒲燒鮮鰻魚飯 配糖心蛋半隻 $118蒲燒鮮鰻魚飯鰻魚表面沾滿鰻魚汁，鰻魚口感軟稔，經過蒲燒方法烹調後令其鰻魚同醬汁更入味🤎加$10有紫菜飯，通常有紫菜飯都會揀紫菜飯，海量紫菜加飯好開胃💚✿ 花椒醬油汁鮮白鱔片魚湯米線 $93花椒醬油汁配搭惹味🔥辣度對於食得辣嘅友人黎講恰到好處，我就覺得有啲辣，不過都幾好未至於食吾到👌🏼白鱔片好新鮮，每一口都食到香濃花椒醬油味🌶️魚湯米線魚湯清甜，有解辣作用。

起10/8嘅時候，同朋友走左去觀堂駱駝漆大厦，無意中見到有呢問專食鱔魚嘅店舖。當時雖然係午餐時候，但冇話特別多人，環境比較靜，格局比較似新裝修，但店員服務算ok。不過水要自己去吧台拿。當時就叫左個日式芥辣味同中版豉椒醬油味。鱔魚係切片上，都可以食到佢蒸魚特有嘅魚油香味同鱔魚特有嘅彈牙口感。日式芥辣味係甜醬油打底，然後外加一小堆芥辣放起碟側面等你自己混合。食落口味偏甜咸味，加左芥辣之後味道會更加復雜，係點精之筆。而中版則應該更加符合香港人嘅口味，係家常蒸魚嘅味道。個汁主打咸，鮮，辣，醬油嘅咸外加上辣椒同豆豉令到鱔魚嘅肥美更加突顯到出來，因此送飯一流。整體呢講食物質數高，價格親民，午市大約100以內，我記得好似60-80左右。份量唔係特別多，如果胃口較大嘅話有可能會覺得唔滿足，但正常應該係夠食。比較推薦。