鮨葵

營業中

休息中

🍣壽司盛盒（4-5人）$488✔️全部壽司都新鮮，份量都足😚✔️讓人驚喜嘅: 厚切三文魚腩、厚厚鮮甜嘅杋立貝😋😋😋✔️炸蝦卷外賣都冇淋到👍🏻✔️其他壽司屬正常水準🤣✔️每人百幾蚊12件壽司算係咁👻-Sheung Shui sushi take away!-Fresh and enough for 4-5 ppl!-recommendations: fatty salmon and fatty scallop-$12/sushi~nice price打卡度Igable: 7.5/10美食度Taste: 7.9/10 翻兜度 Worth revisiting: 8.5/10

慶祝母親節，叫外賣自取，叫咗三個定食，一個刺身拼盤，好多壽司，兩條rolls。特別推介原條鰻魚飯，各款壽司都唔錯。原本叫咗青瓜小卷同蟹棒小卷俾小朋友食，但係佢哋食到太多Wasabi不過佢哋好喜歡個滑蛋吉列豬扒飯定食。

新年冇去拜年，等疫症緩和先見面，幾日假期好hea，友人同我一樣都係咁呀，見初四大家咁得閒不如約出來食飯，真係太耐冇見了，北區之友人想食壽司，推介鮨葵，黃店，必支持呢。店子好易搵，因為個門面，下午去到，已有人等位，果然幾受歡迎。等左一陣就有位，量體溫、清潔雙手可入去了（果時仲未到初七唔洗登記住）。餐廳是小小的店子，新年時段，一入去見到文宣及揮春，仲要有鬼滅～讚！內堂有大屏風做隔板，甚有和風之感，加上2人空間夠大，坐得舒適。餐牌，午餐時段，有set lunch ，太耐冇食壽司，一於食好點，要了壽司十貫。附味沙律、味噌湯、茶碗蒸蛋及甜品。午市套餐-壽司十貫，$136，壽司有三文魚、吞拿魚、八爪魚、魷魚、希靈魚、蟹棒、海膽、蟹籽及櫻花魷魚等。刺身賣相普通，感覺唔夠光澤，食落冇乜鮮味，水準一般，海膽及蟹籽味道正常水準。甜玉子，印有鮨葵店子，賣相幾靚，味道正常。埋單時唔記得有包甜品，冇食到，據聞係迷你雪米糍。份量豐富的午餐，今次食壽司，食物水準一般，不過唔知熟食會唔會好味點，服務態度幾好，坐得幾舒服，太想食壽司，滿足一下，同友人聚下吹下水，愉快的一餐。

之前啲朋友食過話都OK嘅但係我今次食完發覺冇一樣野係值得一讚嘅無論係招呼態度同埋嘢食簡直唔收貨啲職員問嘢唔識答Hea住做食到一肚氣啲嘢食又唔係咁新鮮位置又坐得唔舒服唔會再幫襯

上水有一條街都是餐廳的集中地,更有不少黃店都在附近。今天有緣再來上水,就與朋友嘗試一間金黃門面的壽司小店。價錢便宜就可以食到魚生 / 壽司 / DON飯,沒有加一服務費,相當划算~午餐A - 豬軟骨豆乳鍋 & 茶碗蒸蛋 & 沙律 & 麵豉湯  55元  3.3/5分1. 沙律的生菜欠新鮮 / 茶碗蒸蛋有驚喜 / 麵豉湯好熱好正常2. 豬軟骨好入味,切成細塊在鍋中; 豆乳鍋偏淡會健康一些; 米飯如果是珍珠米就好啦三色魚生飯 & 茶碗蒸蛋 & 沙律 & 麵豉湯  84元   3.5/5分醋飯似乎太濕,可能因為醋量過多; 魚生和帶子等味道可以接受,不會太失望/期望。總結是一間味道中等,價錢相宜的小店,絕對是上水區難得一見!

晚市外賣單有八折，叫左個天婦羅定食，原價$85，折後實收$74，當中有$6係外賣盒嘅，一個餐共三個外賣盒，即是收$2一個，其實ok,當餐廳支持環保，下次自攜食物盒好了。最好嘢係定食包味噌湯，餐廳可以俾包即沖粉個客返去自己沖就算？假設個客係買去公園仔食，冇熱水，咁點飲？將包乾粉倒落口，加水含暖，再吞？會唔會太過慳水慳力慳功夫？鮨葵，你剛開業嘅時候啲野好好食嫁，照現時狀況，又正值飲食業寒冬，會唔會諗下點解星期六晚市時間，會完全冇生意？大伏中一次就足以令個客唔會回頭嫁喇！

之前同男朋友去開上水，就是但入左一間店食。食材新鮮魚生無雪藏味，解凍都做得唔錯。但係份量唔係好夠，如果要飽肚就要叫多一兩樣食。 整體服務都唔錯，一舉手就有人過泥，唔會扮睇唔到。

平時經過上水舊墟都會見到有好大隻連豬做招牌嘅舖頭Search完發現原來係一間新開嘅黃店日本料理喺門口望到個Menu好似都幾吸引就入去試吓啦-［環境］好黃嘅小店 入面貼滿文宣-［食物質素］·炸天婦羅拼盤：水準一般 味道比較淡炸粉都幾厚主要都只係食到啲炸粉多過啲餡料·左口魚壽司：朋友表示入口即溶 呢個值得推介·海膽壽司：質素唔太好 海膽唔鮮甜仲有少少腥味·花之戀壽司：都做得唔太出色 蛋黃醬唔係好夠總括嚟講都幾失望 可能開頭對佢期望太大了食物質素一般 都係試一次就夠同區其他日本餐廳會有更好嘅選擇～-整體評分：3/5

之前都想食好耐架啦今日見到唔洗點等，就入去試下。入面D裝飾都幾得意，整得幾靚架。仲有D飲品餐牌，都幾搞笑。今次就點左「日替便當三段」試下，$96一個套餐，再叫多杯$28既「柚子心上依」。首先上左茶、湯同埋沙律先，冇咩特別。不過我見湯太熱等左一陣先飲，但冇提供匙羹所以D料沉左底，飲到最尾有D咸。然後就上刺身lu，有三文魚、帶子、甜蝦各兩件，都幾新鮮，而且三文魚切得幾厚，依落都淡淡肉，唔錯架。再跟住就有茶碗蒸，味道都OK既，但食落去同室溫差不多，唔夠暖。同埋表面唔光滑，賣相唔夠靚。食完頭先既野，就到汁煮豬軟骨啦。D肉好林，入口即溶，唔錯架，而且都好入味。白飯都同時送上，都幾大碗下。天婦羅都好大份，有兩隻蝦、一件芋頭、一南瓜、一件茄子，再加一件紫薯。咬落去好脆口，但係粉就比較多，我鍾意食D粉比較薄少少既天婦羅。當時亦叫左柚子飲品，冇乜特別，$28黎講都有D貴。同埋佢用幼身飲筒，好易俾D果肉卡住，如果改用粗身既話會更加好。佢地冇主動俾甜品，我俾單個陣先問到佢地拎，係維記雪米糍，今次佢俾既應該係芒果味。整體黎講D食物都OK，入面環境都坐得舒服，不過服務就一般啦。我入到店之後等左一陣先有店員出黎問

💛💛💛💛💛黃色經濟圈💛💛💛💛💛鮨葵係唯一一間有表態的上水黃色日式食肆👍🏻除咗支持手足，亦都支持醫護🖐🏻為dirty team同前線醫護免費提供n95口罩👏🏻👏🏻 今次係第二次幫襯☺️ 獨自吃飯又咁啱坐番第一次黎食的座位😂 落單後好快就送上沙律、味噌湯及茶碗蒸😋 沙律菜新鮮爽脆唔會霉霉爛爛，蕃茄仔脹卜卜，咬落鮮甜😋 味噌湯唔會太咸，仲食到海帶同切粒蟹柳😋 我最欣賞都係佢套餐包埋嘅茶碗蒸🤤 始終大多日式食肆提供的前茶都不是茶碗蒸😋😋 最喜歡就係食二鰹魚同味醂所製作的日式料理🤤🤤🤤 茶碗蒸內有一舊切半香菇，令成個茶碗蒸充滿香氣😋 除咗日式魚卷，食到底仲有蝦😋 好味😋$84 三色魚生飯（午市包沙律、味噌湯及茶碗蒸）免收加一✨每款刺身雖不是厚切，但亦有三片之多🤤每一塊口感一流😋食得出刺身好新鮮🤤蟹籽分量充足😋撈埋飯食口感豐富😋 飯底並唔係普通壽司白飯，係專登用豉油撈過的壽司飯，所以食落唔需要自行刻意加太多豉油伴飯吃😋有心思！玉子燒結實，唔會一夾就碎😋食落甜甜的😋呢個價錢呢個質素真係物超所值！

今日突登去支持一下小店，星期六日要等位，所以都無去過，見今日無人排，就試下啦，好多時小店都特別有heart，但呢一間um⋯⋯今日點左個壽司烏冬午餐，其實食物係正常，壽司都算新鮮，烏冬係滑嗰種日本貨，湯低清清地，都ok，不過員工態度就好差，(其中一位女士，應該資深啲嗰位)無招呼、無禮貌，連埋單到找錢都係好似得罪左佢咁，我承認因為支持黃店先去幫襯，不過作為消費者都想有一點點嘅招呼，確實食物正常，但態度惡劣，我都唔會再去，我會再搵第二間黃色小店

放工約朋友食飯，朋友推薦呢間咁我就試下！由於太餓關係，咩都唔記得影但呢餐真係幾好味！首先一試豚肉燒，味香肉嫩，如果配飯更一流！明太子雞翼，味濃有少辣，雞鎚部分無骨，啖啖肉，個人認為味太濃有少少膩到最好食既壽司！真係已經忍唔住食左幾件，入面大推係左口魚邊！真係好好食！食完再忍唔全叫多兩客，肉鮮調味清新，少少灸燒令佢更香更好味😍飲品方面其實都係唔同水果味既梳打但由於個名好得意又叫左兩杯味道上就係水果梳打，少少甜但都係接受範圍內無影係燒蕃薯仔，牛油菠菜，呢兩樣都好好食！大推！總結而言，由於我地散叫關係，今餐都唔算平，不過就食物質素而言，係完全值得！真係可以一試

上水的良心小店不算多，但勝在夠集中，多數位於著名的水貨集中地，多得武漢肺炎光復上水，我才敢再入石湖墟。 離遠已經見到超大隻連豬，比左手邊的招牌燈箱還耀眼 XD 九州魚生沙律 $76大熱天時，先來個沙律。 魚生與沙律菜都很新鮮，而且份量夠大，足夠3-4人用。 三文魚刺身（半磅）$98厚切三文魚刺身份量十足，色澤油亮，入口軟綿，非常鮮味。 鐵板軟骨棒餃子 $45鐵板餃子夠熱辣，外層煎得很香脆。軟骨餡料夠咬口，帶著juicy肉汁。 炸富山小海老 $45外面的日本餐廳也不常見的炸小蝦，這裹也有，果然令人驚喜。 小海老每隻都脹卜卜的，炸得香口之餘，內裹帶點點肉，口感甚佳，用來送啤酒一流！ 軟殻蟹卷 $72 軟殼蟹卷炸得香脆，但飯粒略為鬆散。 函館雜錦丼 $138鮨葵的刺身從來不令我失望，這個刺身丼也一如期望。喜歡其壽司飯醋量適中，更一早拌好豉油，直接與刺身一起吃就可，夠貼心。一直喊光復上水，但絕來未成功。一場武漢肺炎，卻可笑地讓此區變回平靜。鮨葵雖然空間不算大，但坐得舒適、同聲同氣，才令我百吃不厭。P.S. 小店座位及人手都不多，如果book了位可能也要稍候一會。希望大家諒解

其實好少會專登打食評寫唔好食嘅嘢 但今次真係難食得有少少過份。叫左個咖喱豬扒飯，原本諗住應該係好普通的午餐會正正常常，想唔到豬扒同皮原來可以完全分開🤔 完全感覺唔到外層炸過，但係成份豬扒又乾到咬唔到。其他湯同燉蛋一樣係好淡好難食，個湯似水多過湯。當日雖然好肚餓，但係都係冇食哂。因為上菜時賣相都唔好，所以就冇影相了。雖然係有特別原因才會揀佢黎食，但係如果咁難食都唔會有下次。：（如果大家都係要去食，千祈唔好叫豬扒。

上水日式小店，店舖面積雖然不大，疫情之下，每張餐桌之間有高逾六呎的木板間開，座位仍是闊落舒適。餐牌食品選擇算是很多，我們點了兩個定食、一些壽司、反卷，三人分食已是足夠有餘。滑蛋吉列豬扒飯定食，吉列豬扒味道不錯，拌飯的醬汁也充足好味，白飯很多，吃不完有點浪費。野菜牛肉鍋，雖然鍋仔細細，牛肉卻不少，味道不錯。定食配有麵豉湯、茶碗蒸和甜品，茶碗蒸值得一讚，用料充足，蒸蛋又香又滑；甜品只是一粒獨立包裝雪米糍，有點令人失望。壽司定價偏貴，不過質素不錯，既新鮮外表也好看。最後點了兩杯抵抗失戀特飲，頗有心思，味道不錯。