鮨樂 (加連威大廈)

營業中

休息中

琴日老公同我去廣華覆診，嘩！而家廣華醫院勁靚，靚過私家醫院呀！覆完診就去搵食，本來打算去食韓國菜，點知去到門口，又覺得佢流流哋，仲要入座後得40分鐘，野食都未揀到就夠鐘啦🫠，所以打算去打邊爐，又點知，經過間日本菜，見到鵝肝溫泉蛋飯，有3塊鵝肝，都只係$128，咁就比佢吸引左😍。入到去，店員首先提醒我哋，舖頭唔收現金，可能上次遊客事件😂。餐廳裝修感覺舒服，有吧檯或普通檯選擇。我哋叫咗2個set lunch，一個係豐洲壽司盛御膳壽司拼盤、一個係香煎鵝肝配泉蛋丼，再加$28要咗個茶碗蒸。豐洲壽司盛御膳壽司拼盤+稻亭素麵 $188壽司🍣上面嘅魚生每一件都好新鮮、好肥美，共有12件加一件玉子燒，我最鍾意就係海膽壽司同吞拿魚壽司。海膽壽司嘅味道好鮮甜、吞拿魚好香魚油味。咪有件玉子燒嘅，其實我係一個好唔鍾意食玉子燒嘅人，但我老公食咗半嚿，話好好食，同出面嗰啲唔同，我就即管試吓，又真係幾好食喎，唔係死實實咁，唔錯。而稻亭素麵，湯底清甜，麵質有口感。面鼓湯（跟餐）我本來係勁鍾意飲面鼓湯嘅人，但呢碗面鼓湯，唔知點解覺得怪怪哋，佢又甜又咸，可能係我唔識嘢，放棄咗😂。沙律菜（跟餐）沙律菜好新鮮，配上麻醬，好好

- 壽司盛御膳：魚生都幾新鮮，而且好大片重點係每舊壽司都得好細舊飯，所以唔會食到好滯個餐仲包一碗仔烏冬，個湯係鰹魚湯烏冬係幼細版，都幾滑 - 江戶前丼：啲飯嘅份量有啲少，不過魚生都幾多其實魚生款同壽司盛嘅款都差唔多🤣 2個餐都包埋沙律同埋麵豉湯作為一間連鎖店，坐都坐得幾舒服嘅😌大家lunch想坐得舒舒服服都可以嚟呢間Btw, openrice訂檯叫某啲食物可以有半價 菜式：- 壽司盛御膳：$108- 江戶前丼（雜錦海鮮丼）：$118 味道：🤤🤤🤤🤤/5性價比：🤤🤤🤤🤤/5

本身嗰個牛肉紙火鍋，點知落單話無貨。唯有轉食9件壽司午餐。食物立即上枱，但好似一早已經擺好，魚生表面已風乾。麵豉湯偏鹹，沙律新鮮但冇味道。食正黑芝麻醬都係無味，唔係好明白點解？ 🤔🤔唯一可以欣賞就係就壽司飯比較細，同埋喺紅醋飯，比較在香港少見。可惜呢個門面，加呢個價錢，冇理由件卷物可以散到咁。見到都覺得質素一般，有點失望。好在無叫$238的壽司午餐。不收現金💰，一入門口不斷提醒。過程中侍應亦都好快手，有禮貌。

今日黎到尖沙咀「鮨樂」，呢間餐廳裝修光猛坐位舒適。11塊炙燒壽司中，我鐘意海膽壽司和炙蝦壽司。海膽壽司的味道非常鮮美，炙蝦壽司口感豐富，其他的壽司也都很好吃，每一款都鮮甜新鮮。沙律新鮮爽口，烏冬和海帶麵豉湯都很好吃。灸燒壽司盛御膳$238沙律烏冬海帶麵豉湯11塊炙燒壽司海膽壽司，蟹肉壽司，蟹柳圈2件，炙蝦壽司，三文魚壽司，吞拿魚壽司，帆立貝壽司，玉子，真蛸壽司，平目壽司鮨樂 (加連威大廈) (尖沙咀)尖沙咀加連威老道12號加連威大廈地舖

冬至日跟朋友lunch,可以book枱又要近公司又要吾貴,所以book左鮨樂。依度的店員個個都好有禮貌,講野溫柔到都聽吾清佢地講左d咩😂依度吾收現金,要留意依度只用電子支付。個度地方好寬闊,我地坐卡位坐得好舒服,我同朋友吾想煩一人選左一個set。我食特選壽司個set,佢都好快上,份量吾小,仲要有碗素麵。壽司的飯好少,但外面的魚、帶子等,都好大塊,質素高!性價比高。朋友食魚個set,不過佢個set要煎,所以比較遲上,我都吾記得影相。佢話煎得都不錯。諗住想走時,竟然仲有雪糕送~正~雪糕都好好味~

啲人好想食海膽，記得呢間啲壽司刺身都好味！食好少少貴價平價都嗌一聲！佢呢個帶子真係好正！如圖所見因為太肚餓都冇幫啲魚生影近嘅咁太好呢度呀帶子係勁口勁大件！其他就正正常常南石跟沙律同埋麵豉湯，麵豉湯好好味！唔會死行，而且好多紫菜碎好香呢個就係貴價啲嘅壽司石，亦都有好大嘅燒帶子！燒過嘅赤蝦仲有我最期待嘅海膽，途中兩個軍艦都唔係特別大，但係非常之新鮮！最側邊嗰赤身都係厚燒好正架啲飯就係撈左赤操咁嘅紅紅地整體質素對得住價錢，環境舒服服務合格

上星期四出尖沙咀工作，早攪掂去食個靚lunch。響尖沙咀是但食個麵都幾十蚊，咁不如俾多少少食靚啲食好啲。響THE ONE對面街嘅鮨樂，我入座時大約12點仲早，所以個場比較清優，同場仲有2-3枱，都係內地客。揀咗午市嘅雜錦刺身飯，貪乜都有啲唔使唸。套餐有前菜，雜菜沙律，沙律菜新鮮爽脆，值得一讚，沙律汁唔係普通現成醬汁，配合得好好。味噌湯，有好多海帶，熱熱飲落好舒服。雜錦刺身飯，共有6款刺身各1件，大家都係厚切，份量十足，新鮮鮮甜。飯應該溝咗赤醋，所以飯紅紅啡啡的，但略嫌偏酸，有啲搶過刺身，唔係太啱我口味。甜品有雪糕，我揀咗雲尼拿味。個碗好靚，少少一球好滿足。

💖9月28日前消費滿$600用payme付款有9折，並送$50優惠券，下次消費滿$100就可以用，有效期至10月31日〰️（Sor太無動力打食評拖到依家）梅壽司盛盒 12件 💰328 ❤️‍🔥8.5/10分包括縞鰺，墨魚，海膽，松葉蟹爪，牡丹蝦，玉子，吞拿魚，大拖羅，油甘魚，平目魚，真鯛，帆立貝 所以魚類都好多油脂🤤海膽、蝦、貝鮮甜🫶🏻蟹爪蟹就唔太重〰️三文魚子軍艦 💰58 ❤️‍🔥10/10分超級大粒飽滿，咬落去爆汁嗰下好爽，好鮮甜😍海膽軍艦 💰88 ❤️‍🔥10/10分份量幾多，係目前食過最甜嘅海膽，食完佢會留香喺個口到好耐，認真，諗起都想再食💋岩蠔 💰58/隻 8折後 💰46.4/隻 ❤️‍🔥8/10分手掌咁大隻，好肥美，略嫌鮮甜味俾海水味蓋過咗，扣咗少少分🤧鹽燒軍曹魚魚鮫 💰128 ❤️‍🔥8/10分原來軍曹魚即係懵仔魚，難怪食落覺得好熟悉🤣外皮焦脆，魚香味濃💖⚜️兩人食 加一 9折後 💰700⚜️整體性價比 9/10分

其实这篇食记已经打过一遍了，但是被商家（？）拒绝刊登？我不理解为什么食客的中肯意见不能表达出来，因此我会重新申请一次，这次我会全文留档，直到能发出去为止。以下为原文：台风天想吃omakase，本来是想吃翔寿司的，但是没开门，正好看到了附近的鮨乐，之前也一直帮衬中环店的各种套餐，觉得质量不错，便想来试一下。进店翻了一下居然有omakase，600+的价位，想说试一下吧。首先说说吃完的整体感受，就还是普通或者回转寿司店的水平，不及一众omakase店，不值这个价钱，以后还是吃寿司餐就好。第一道是鮟鱇鱼肝，热的，我很少吃到鮟鱇鱼肝会腥，但这个就是腥的，感觉质量不如SOGO楼下买的袋装鮟鱇鱼肝。之后是响螺和赤目鱼刺身，响螺很好吃，脆且甜，赤目普通好吃。接下去的寿司是一起上的，师傅介绍的也又快又小声，努力分辨了一下有象鼻蚌 伊佐木 白身鱼 白身鱼 白虾 新鲜鲭鱼 梭子鱼 鲣鱼 海胆 赤身 中腹 大腹这几样。寿司就是他家寿司餐的水平，好吃的，但不是omakase这种，并且所有寿司也没有进行过调味，要靠自己点wasabi和酱油。最后有吞拿鱼茸卷物，玉子，汤和蜜瓜收尾。这些是正常。所以这家以后还是吃寿

第一次食，覺得有驚喜壽司飯唔係白醋飯，幾好食啲卷類都幾新鮮好食第二次去馬鞍山分店食，覺得呢間尖沙咀分店好食啲服務都可以，有個別男士職員比較有禮貌環境方面 都OK舒服

去尖沙咀得半個鐘食lunch, 首選一定有位嘅鮨樂…lunch有定食，8貫壽司$150幾，有湯、沙律、雪糕，另加左一份油甘魚刺身…魚肉好鮮味，壽司飯已溝好醬油，包埋wasabi, 味道好balance…埋單先知有88折，$180幾走得20分鐘食完😂

又到牛媽去覓食嘅時間啦！今次牛媽去咗食壽司同埋刺身，壽司刺身非常之新鮮，性價比亦都非常之高！刺身種類，亦都非常之多，同埋亦都有不同種類嘅當季推介牛媽就最鍾意食佢哋嘅生蠔，非常鮮味！

唔知點解很多壽司店只要開咗分店，就會越嚟越差，而依間係少有我仲覺得保持到水準價錢中規中矩，而可以選擇的款式都不少，就算唔想叫set都好，都可以單點壽司，不過就一定冇食set咁抵食江戶前丼(雜錦海鮮丼）$118 推薦指數🗯️：🌟🌟🌟份量唔算好多，總共有6款刺身，每款剌身就只有一片，不過每片都有一定厚度，唔會好薄身，而咁樣嘅價錢，都算正常；而且食落都係新鮮，而且唔係啲唔要嘅頭頭尾尾切俾你就算，雖然未止於食完好飽，但都唔會食完好似冇食過嘢咁10貫壽司 $188 推薦指數🗯️：🌟🌟🌟🌟雖然係set好咗邊十件，但基本上每一件都算多人鐘意，而且有蝦有貝，唔會全部都係魚，食落冇咁悶；另外，他們用的是赤醋飯，所以食落酸味會比較重，配上中拖羅這些高油分的魚，簡直一絕，因為赤醋中和油膩感，食多幾件都唔怕他們的set還會有沙律和湯附送，雖然他們的沙律汁是好少見的黑色😂😂但食落味道上和其他冇咩分別，不過我幾鍾意他們的湯會有很多海菜，飲落冇咁單調到最後仲有雪糕，分別有朱古力和雲呢拿味可以選擇🤔️味道有啲似平時食嘅維記雪糕，而且雪糕好似只有尖沙咀分店先有提供以上均是我個人觀感，每個人嘅口味各有不同，所以末必同每個人嘅用

一年前食過呢間日本菜一年後再食保持水準環境闊落，服務員服務周到，椅下會有收納箱放袋。叫左一d壽司🍣同一個海膽刺身丼鰻魚壽司魚肉厚實，入口軟軟Q彈又帶炭燒味，表面少脆但當然比不上日本最原始既炭燒鰻魚質地，刺身新鮮，三文魚味道濃厚， 鮮嫩軟軟。午巿仲送雪糕一球， 味道上可，起碼唔係平價假古古力味。價錢只係貴元氣少少，但質素比元氣好好多環境都係高級好多，尖沙咀日本菜黎講 性價比高會再食 完全係我既尖沙咀日本菜美食list入面

依間日式餐廳真係好正！我已經第二次嚟，今次記得影相🙈啲地方好明亮，好闊落，三個人坐到好舒服，又唔會話覺得嘈。清潔得好乾淨。服務員都好友善同熱情，服務周到到位，會不停幫手加茶。佢哋嘅壽司好好味，而且好新鮮。啲海膽同生蠔都有驚喜，好大隻，料都好豐富。特別推介啲岩蠔，朋友都講真係好抵食。拖羅都好好食，好肥美，我好鍾意。其他有啲唔知係乜魚，都好味，有啲調味（例如有加柚子）都做得好好。總括黎講，呢間餐廳係一個非常唔錯嘅用餐選擇，值得一試！