鮨悠 (已結業)

今次係堅食完忍唔住即刻要寫食評！無諗過咁好食同咁抵食🥰OpenRice 訂枱仲要再有折！唔係誇張，香港食過咁多次omakase，都唔會好似今次咁覺得咁抵食！佢最有誠意個位係每一道菜所用嘅食材除左新鮮，仲要有不同調味，令你食每一啖都有驚喜！前菜 3小碟，好清新開胃-木耳菇配紹菜 加芝麻提升香味-蟹肉 配秋葵同香醋水雲-日本蝦夷鮑魚以昆布慢煮2.5-3小時 入味彈牙食完前菜，師傅就好有耐性咁介紹今日主菜，Leon師傅細心，經驗豐富，一絲不苟亦有一種令人安心嘅感覺😌先上刺身，深海大池魚薄切同厚切兩種切法，薄切配淡淡紫蘇鹽，厚切就包住日本京丸蘭蔥，味道十分特別。再黎到貝類，新鮮活北寄貝及帆立貝刺身，食落有柚子香 ，非常之夾，配埋雞冠草，非常爽口，而且含豐富膠原蛋白，十分養顏。繼續去返刺身，日本間八（Kanpachi）被認為是最高級壽司食材中的前三名之一，魚腩部位非常肥美，簡單柚子胡椒，配自家三星漬炙燒一下，魚油香滲出晒黎🤭先黎赤身吞拿魚以醬油漬醃製並配山葵莖，再黎到拖羅，其實本身都好怕食太油，平時都唔太好拖羅，但今次真係大開眼界，用最矜貴嘅大多部份經過深度煙燻，配日式野菜同櫻花蝦，減輕拖羅嘅油膩，帶出香味並提升到另一個層次。和食係鹽燒鯖魚，個擺盤真係滿滿嘅儀式感，係日本嘅味道🥰🍣 手握壽司真係好期待😌 選用精米45% 夢美人米，配自家調製醋，所製成嘅米飯唔會蓋過魚本身鮮味，而家唔洗點醬油都好食🤭真鯛壽司- 天然真鯛真係非常鮮味，肉質緊實漿口活赤貝- 非常鮮甜爽脆日本伊佐木壽司- 第一次食，香港比較少見，魚味濃同埋肉質有彈性日本北海道牡丹蝦- 食開都知牡丹蝦絕對係蝦刺身王者！加少許竹炭鹽，更添層次最後兩款野生魚- 地金目鯛同銀雪魚bb，油脂豐潤，醋麵豉及紫蘇減輕油膩感去到呢度已經飽左9成，以為唔再有驚喜，一黎兩道海膽，師傅即場開北海道小川馬糞海膽，然後好似唔使錢咁起勢咁畢，同場仲試埋剛開季嘅白海膽配秘製蝦夷鮑魚，最後以舞茸鰹魚湯底作結😌…查看更多

這次我來體驗日本的Omakase，餐廳的師傅都會很詳細地介紹每一道菜！希望客人能夠品嘗美食之餘都對該食材有所了解。餐廳的前菜是清湯蟹肉，春野菜，配上白麵士豆腐。清湯蟹肉整成果凍模樣味道清甜配上一梳梳鮮甜的蟹肉令人胃口大增，日本的沙律菜清甜開胃更可以清清口腔預備刺身環節。刺身包括有深海池魚，赤貝和北寄貝和獅魚和等，每一款我都非常滿意，首先深海池魚肉質鮮厚，魚片透明色澤潤口感爽口鮮甜，赤貝和北寄貝味道甜美，而北寄貝就更為爽口煙韌！獅魚的肉质细腻，口感非常鲜嫩。熱食是銀雪魚BB，煎香過的銀雪魚脂肪更為豐富一上菜已經聞到很香的魚油味道。銀雪魚魚肉雪白，油份適中，肉質很幼嫩不知不覺就吃完了。接下來的壽司有金目鯛，梳子魚，吞拿魚，北海道帶子和海膽，金目鯛魚肉非常鮮甜可口，魚肉紮實，味道香甜。梳子魚比较清淡爽口，帶子厚身又細密，味道濃郁鮮甜永遠不會令人失望。吞拿魚豐腴甘美香味濃郁。海膽手卷師傅給很多海膽！！海膽幾乎入口即溶鮮甜無比。最後還有汁煮鮑魚配海膽，鮑魚煮過後加上醬汁味道更為濃郁，配上海膽一齊吃鮮甜的味道提升了不少，仿佛整個口腔都是海水鮮甜的味道。最後更有餐湯及甜品，總而言這次廚師精心準備的美食給我留下了深刻印象。刺身、壽司各種都展現出了日本料理獨特而精湛的技巧。如果你想要品嚐正宗的日本料理，這絕對是一個值得推薦的地方。…查看更多

每次食omakase都會令我我對日本料理有了更深的認識，因為每次師傅都會詳細地介紹每一道菜。令食客了解每一口食物背後的緣故和故事。前菜：清湯蟹肉，春野菜，配上白麵士豆腐。蟹肉鮮甜，豆腐滑溜溜但充滿豆香，加上至日本的沙律菜清甜可口。接下來就是刺身環節，餐廳的刺身選材非常新鮮加上廚師和精湛的切割技巧使每一片刺身的厚度就非常平均，刺身包括有深海池魚，獅魚，赤貝和北寄貝等等，深海池魚厚肉脂肪比例適中入口質感爽口鮮甜獅魚口感幼滑細膩帶有有油脂的香味，赤貝和北寄貝爽甜彈牙。7品壽司有梳子魚，金目鯛，北海道帶子，吞拿魚和海膽等，梳子魚比较清淡爽口，金目鯛肉質細嫩甘甜是我很喜歡的一種魚類，帶子非常鮮甜，吞拿魚味道偏清爽，鱼肉细腻丝滑，香味濃郁，海膽海膽味道甘甜，質感細膩，幾乎入口即溶。最後的和食是汁煮鮑魚配海膽飯，煮過的鮑魚完全不韌而且味道濃郁，配上馬糞海膽額外的鮮甜，是一道會令人不斷回味的菜式。最後師傅都送上餐湯暖暖胃，再送上甜品結束今晚的美食之旅，整體餐廳的食物質素非常高質，值得再次光顧。…查看更多

Lunch Set C $768，超滿足，份量好多，比平時食既都多，勁飽，先付三品，茶碗蒸，刺身3款，和食，7貫壽司，鮑魚海膽飯，牛肉壽喜燒，湯+甜品，所以如果食量細就叫師父少飯，nice，會再去…查看更多

同事介紹，話呢間廚師發辦好抵食，今日特登同同事過嚟幫襯，睇下性價比有幾高，鋪頭裝修得幾靚，好有日本風，簡單整潔，同朋友一齊揀咗OMAKASE C，$768，先付三品 - 核桃小女子&金箔糖漬日本黑豆&水雲醋，師傅會提醒我們要順次序食，核桃小女子＞金箔糖漬日本黑豆＞水雲醋，核桃小女子同金箔糖漬日本黑豆都係甜嘅，水雲就係日本髮菜，酸甜酸甜，是一道很好的開胃菜，茶碗蒸茶碗蒸好熱，口感非常滑溜，不會過鹹，鹿兒島間八魚擺盤勁靚，配有酸汁，在間八魚上面的是紫蘇花，入口肥而不膩，北海道石垣貝&活赤貝石垣貝和活赤貝肉質鮮甜，爽脆彈牙，燒大拖羅師傅用火槍燒大拖羅，好香，吞拿魚腩的魚油湧出嚟，紫菜很脆，上面配有日本野菜和櫻花蝦，口感和味道都多重豐富，燒真鯖魚上面附有蘿蔔蓉，表面的魚皮帶點焦香，魚肉惹味得嚟又不會過鹹，日本伊佐木&北海道帆立貝伊佐木上的配料帶少少辣，帆立貝就超鮮甜深海大池魚&北海道牡丹蝦大池魚上面有少少柚子胡椒，少許辛口 ，牡丹蝦口感彈牙，味道鮮美 ，野生銀鱈魚&地金目鯛火槍燒過銀鱈魚表面，好香，魚油豐富，上面配有紫蘇花，地金目鯛脂肪最豐厚，魚皮煙韌彈牙，魚肉嫩滑綿軟，赤身醬油漬&蝦夷鮑魚&北海道根室產白海膽赤身上面有山葵，有少少辣，有咬口，日本蝦夷鮑魚用咗昆布同煮酒煮咗三個半鐘，好入味，口感亦很彈牙，北海道根室產白海膽入口即融，味道甘香濃郁，回味無窮，一品料理 -  和牛壽喜燒鍋壽喜燒鍋份量好多，兩人一鍋，除了有主角和牛外，還有菇、豆腐、菜、粉和粟米，每人分別有一碗日本蛋汁蘸著吃，令到口感更加滑溜，又帶有蛋香，食完呢鍋其實已經好飽，味噌湯，內有油揚和豆腐，最後的甜品是綠茶雪糕和朱古力蛋糕，為今晚這頓晚餐畫上一個完美的句號。總結：裝修同服務都令人感覺舒服自在，銅鑼灣廚師發辦這個價錢真係好抵，計埋食物質素，性價比真係好高，正！…查看更多

早排同朋友慶祝生日🎂喺銅鑼灣搵咗呢間日本餐廳食Omakase 環境幾清靜 師傅同店員服務都好好 而且好有效率 每道菜之間嘅等候時間都唔會太長食物當然有質素💓由前菜 刺身 壽司到甜品都一流 樣樣都好新鮮又精緻 基本上都唔洗點豉油同Wasabi都好夠味呀晚市有幾款套餐揀 今次揀呢個$1180再加一 已經有十幾廿碟🤭都算好抵食 前菜✨蟹肉秋葵果凍、仙人掌、冷菜刺身✨鯊鰈魚、北寄貝+赤貝、鰤魚、拖羅和食✨西京燒銀鱈魚壽司✨依佐木、北海道帆立貝、深海大池魚、金扇鯛、金目鯛、野生銀鱈魚海膽✨馬糞海膽盛、赤鮑魚伴海膽壽司湯✨麵豉湯甜品✨紅豆雪糕刺身特別鍾意爽脆嘅活赤貝、充滿脂油香嘅肥美拖羅 鮮甜到爆唯一嘅熱食係燒銀鱈魚🐟外皮燒得超級香 但內裡就好鮮嫩 醬燒食落鹹鹹甜甜 好入味壽司最難忘當然係海膽🍣兩款各來自日本唔同嘅地區 味道甘甜 口感順滑軟身 齒頰留香呀最後個紅豆雪糕🫘都好好味 陣甜味好自然 好軟滑…查看更多

位於銅鑼灣呢間餐廳環境有好多江戶時代feel ，有和風繪畫🎨而主廚有超過 20年經驗，坐落鬧市但人均唔洗過千，真係性價比好高😛晚市 omakase 有HKD398/HKD598/HKD768 三個選擇，我哋揀咗後者嘅SetC~ 有先付、茶碗蒸、3種刺身、和食、7種壽司、鮑魚、雲丹盛、一品料理、湯同埋甜品🍮🤌🏻OMAKASE C 前菜冷菜賣相精美，有冬菇金針菇、核桃小女子、水雲醋物、日本秋葵，全部好開胃😛🤌🏻CWANMUSIlI好滑嘅茶碗蒸，入面有少少柚子，配菜有菇、蝦、白果等🤌🏻SASHIMI 3 KIND來自鹿兒島間八魚刺身😛好鮮甜，口感較黏口，仲有啲食用花花做裝飾好靚🥰另外有石垣貝同粒具，好新鮮而石垣貝仲識郁😛粒貝好重海水味，加少少Wasabi食一流燒過嘅吞拿魚腩有油脂好肥美😎燒過之後魚油味更加強，上面有野菜可以包住紫菜食🤌🏻Hot Dish燒鯖魚啖啖肉，仲有蘿蔔蓉調味🤌🏻SUSHI 7 KINDS日本伊佐目壽司 🍣厚實魚肉好正，賣相亦好靚☺️北海道帆立貝壽司，大大粒好新鮮日本梭子魚壽司🍣 口感柔軟北海道牡丹蝦😎壽司超鮮甜鯖魚壽司食到鮮味用上自家製白板昆布 ，味道帶少少酸酸甜甜今日本深海大池魚壽司配日本柚子胡椒仲有比較名貴嘅喜知次魚壽司 🍣燒香過超級好食🤤🤌🏻ABALONE SEA URCHIN SUSHI北海道根室馬糞海膽，煮咗三個半鐘頭加上蝦萬夷鮑魚，非常甜美海膽，配鮑魚一齊食大滿足🤌🏻Hot Dish已經食到好飽🤣仲有壽喜燒牛肉好surprise，廚師發板好少有壽喜燒，牛肉油脂分布好平均，加上蛋黃汁一齊食，粉絲同蔬菜🥬滿滿汁好好食！🤌🏻Soup & Dessert麵豉湯，而甜品係曲奇雲呢拿雪糕 🍦香蕉朱古力🍫蛋糕 🍰甜品都好出色🚩 鮨悠 (銅鑼灣)銅鑼灣渣甸街50號渣甸中心6樓…查看更多

最近同男朋友去咗呢間係銅鑼灣嘅鮨悠 餐廳有好多江戶時代嘅和風繪畫好有feel🤍 主廚有超過20年豐富經驗 晚巿人均唔過千 而且估唔到一品料理係壽喜燒！好飽好滿足～～呢間可以話係我食過性價比最高嘅一間！😆晚巿omakase 有三個價錢 分別係HKD398/HKD598/HKD768我哋揀咗最貴嘅Set C～ 但都已經平過其他餐廳嘅omakase好多😳 佢包咗先付、 茶碗蒸、3種刺身、和食、7種壽司、鮑魚雲丹盛、一品料理、湯同埋甜品🥰 就算最平嘅都已經包咗先付、 茶碗蒸、 12種壽司、手卷、湯同埋甜品！！晚巿omakase性價比會唔會太高🤣💗 𝑶𝑴𝑨𝑲𝑨𝑺𝑬 𝑪 𝑯𝑲𝑫𝟕𝟔𝟖/𝑷𝑷𝗔𝗣𝗣𝗘𝗧𝗜𝗭𝗘𝗥 𝟯 𝗞𝗜𝗡𝗗✦冷菜賣相精美 有冬菇金針菇 核桃小女子 配水雲醋物 同埋日本秋葵 好開胃～𝗖𝗪𝗔𝗡𝗠𝗨𝗦𝗜𝗜𝗜✦好滑嘅茶碗蒸 有少少柚子味道 另外仲有菇 、蝦、同白果等等口感豐富！𝗦𝗔𝗦𝗛𝗜𝗠𝗜 𝟯 𝗞𝗜𝗡𝗗✦鹿兒島間八魚刺身 好鮮甜口感較腍身～ 上面仲有啲食用花花做裝飾🌸✦石垣貝同粒貝 兩款貝類都好新鮮 石垣貝仲識郁😳 粒貝好重海水味配Wasabi食一流✨✦ 燒過嘅吞拿魚腩 好肥美～而且燒過之後魚油味更加出 上面有啲野菜仲可以包住紫菜食❣️𝗛𝗼𝘁 𝗗𝗶𝘀𝗵✦燒鯖魚啖啖肉 上面仲有蘿蔔蓉調味✦壽喜燒牛肉 好surprise第一次食廚師發板有壽喜燒🤣 牛肉油脂分布好平均～點蛋黃汁一齊食入口即溶好正😋 連啲粉絲同蔬菜都好好食！𝗦𝗨𝗦𝗛𝗜 𝟳 𝗞𝗜𝗡𝗗𝗦✦日本伊佐目壽司 厚實魚肉好正～✦北海道帆立貝壽司 大大粒好新鮮！✦日本梭子魚壽司 口感柔軟 ✦北海道牡丹蝦壽司 超鮮甜 ✦關鯖魚壽司食到鮮味 自家製白板昆布 味道酸酸甜甜✦日本深海大池魚壽司配日本柚子胡椒👍🏻✦估唔到仲有比較名貴嘅喜知次魚壽司 燒香過超級好食🤤𝗔𝗕𝗔𝗟𝗢𝗡𝗘 𝗦𝗘𝗔 𝗨𝗥𝗖𝗛𝗜𝗡 𝗦𝗨𝗦𝗛𝗜✦北海道根室馬糞海膽 煮咗三個半鐘頭 蝦萬夷鮑魚 重點中嘅重點！非常甜美嘅海膽配埋鮑魚一齊食超級滿足～𝗦𝗼𝘂𝗽 & 𝗗𝗲𝘀𝘀𝗲𝗿𝘁✦麵豉湯✦曲奇雲呢拿雪糕 香蕉朱古力蛋糕 甜品都好出色呢😛個蛋糕仔好好食～…查看更多

又試下一間未試過的omakase，位於銅鑼灣渣甸街，高櫈都坐得舒服，壽司枱前有一壺蟹仔，看著眾蟹爬了一整晚🤣。Omakase | $768晚餐Omakase 價錢算好平，份量十足，絕對超值。先付三品合桃小女子味味偏甜，合桃有嚼口；黑豆有金箔，味甜適中；水雲藻帶點醋酸，開始準備好食正餐喇！茶碗蒸第一次食茶碗蒸加上柚子，味道清中帶澀，夠熱。三選鹿兒島的間八魚，薄刺魚身上面有紫蘇花，配上酸汁，魚肉帶些油脂香，有芽蔥味道更香。貝類兩種，有北海道石垣貝及活赤貝，石垣貝清甜，活赤貝要趁快食，以免肉質變軟。燒過的大吞拿魚腩上有野菜及櫻花蝦，包住紫菜食，不算太油。和食燒真鯖魚加少許漬物，魚皮燒得脆脆。手握由淡味的伊左目壽司開始，上有蔥粒，微辣的。北海道帆立貝鮮甜無比，加上柚子皮香。深海大池魚上有柚子胡椒，帶點辛口，魚油味開始濃。關鯖魚帶點甜味。燒野生銀鱈魚配上麵豉醬及紫蘇，一燒已經聞到好香，而且油份高味道好香。地金目鯛上有三星漬，吃起來油份感不重，肉質爽。赤身醬油漬上有生葵，味道帶點辛口，醬油味較重，油份感覺較正常的赤身多。雲丹鮑魚海膽丼，北海道根室產白海膽味道清甜，用昆布酒煮三個鐘的鮑魚入味又甜。一品料理和牛牛肉壽喜燒鍋，想不到份量這般多，二人分享一鍋，有菇、豆腐、菜、粉，和牛大片，加上日本蛋汁更加滑溜，食完已經十分飽。湯味㬝湯內有豆腐、油揚，朋友覺得味道鹹一點，但我感覺鹹味適中。甜品是正常發揮的抹茶雪糕、朱古力蛋糕。…查看更多

放工同朋友在銅鑼灣食晚飯，由於近排工作比較繁忙，所以我們選了Omakase廚師發辦來滿足自己。一入到餐廳環境很舒服，整體設計展現出日本文化的精髓，很引人入勝。我們點了$768 Omakase C餐！1. 先付三品 2. 茶碗蒸 3. 鹿兒島間白魚 4. 和食-活粒貝同赤貝、燒拖羅、燒金青魚 5. 七貫手握壽司 6. 鮑魚馬糞海膽迷你丼 7. 一品料理 8. 湯 9.甜品鹿兒島間白魚：間白魚肉質細嫩，入口即化，帶著微妙的甜味，而師傅巧妙地擺盤，將間白魚片散布在碟中，猶如一幅藝術畫作。燒拖羅: 表面燒成一層脆皮，上面放了野菜及烘脆櫻花蝦，再用紫菜包來食。紫菜的脆薄和海味，與燒拖羅的酥脆和肉香相融合，入口時口感外酥內嫩，帶來一種極具對比的口感享受。石垣貝壽司：這道壽司是琉球料理中的瑰寶。以新鮮的石垣貝為主角，其肉質鮮美、脆嫩。將鮮貝切成薄片，輕輕醃製，保留了海洋的原始鮮甜，是難得食到的壽司。最後，抹茶雪糕配香蕉朱古力蛋糕，完成了豐富的一餐，很滿足。…查看更多

每人唔駛一千蚊就食到廚師發辦，可以欣賞師傅嘅精湛刀工之餘仲可以食到好新鮮嘅日本食材，好滿足🥢先付三品1️⃣ 日本核桃小女子即係核桃同小魚乾，佈滿芝麻同昆布醬油嘅香味2️⃣水雲醋漬物配秋葵片水雲即係海髮菜，係藻類嘅一種，味道酸酸開胃3️⃣日本黑豆好甜又營養豐富🥚茶碗蒸水同蛋嘅比例適中，好滑溜🐟刺身三選1️⃣鹿兒島間八魚配上柚子醋汁味道比較清新，配柚子醋汁，微酸好開胃2️⃣北海道粒貝&活赤貝爽口彈牙3️⃣燒大間吞拿魚腩燒完油脂味好香，加上炸脆櫻花蝦，再用紫菜包住食，口感豐富和食🦞伊勢海老龍蝦配大根、粟米仔同秋葵，龍蝦肉質彈牙，個汁都好鮮甜，可以飲哂手握壽司七貫1️⃣深海大池魚魚味濃郁，配柚子胡椒食2️⃣北海道帆立貝帶子鮮甜，配生柚子皮食3️⃣梭子魚配生磨胡麻，味道好香4️⃣北海道牡丹蝦大隻鮮甜，配青檸汁，味道清新5️⃣銀鱈魚bb魚質軟嫩肥美，醋麵豉醬食6️⃣地金目鯛魚味濃郁，油脂味豐富7️⃣赤身睇色澤就知高質，配特製醬油漬食鮑と雲丹盛日本蝦夷鮑魚加北海道根室白海膽迷你丼，雙重滋味一品料理🍲牛肉壽喜燒牛肉係靚牛，肉質軟嫩，一大鍋好飽肚湯🥣麵豉湯甜品🍵綠茶雪糕配朱古力味小卷蛋Omakase-C $768 …查看更多

和朋友去一間日式餐廳「鮨悠」食晚飯，叫了Omakase - 套餐 C包括：1️⃣ 先付三品🥢 黑糖黑豆、水雲醋漬物配秋葵片、合桃小女子魚乾一個前菜可以品嘗三款不同嘅食材，配搭方面相當不錯2️⃣ 茶碗蒸🥢 茶碗蒸 又熱又滑，健康又好吃3️⃣ 刺身三點🥢 間八魚 鮮味十足🥢 活赤貝、粒貝 十分爽脆又彈牙4️⃣ 和食🥢 火炙吞拿魚 油脂豐富🥢 燒鯖魚 燒得啱啱好5️⃣ 壽司七貫🥢 深海池魚壽司，肉質鮮嫩肥美，脂厚油香🥢 北海道帆立貝壽司，肉質細嫩，鮮甜爽滑🥢 牡丹蝦壽司，蝦肉肥碩，極富彈性🥢 鯖魚壽司，上面加上一層白板昆布，外面加上紫菜，口感變得更加豐富🥢 石垣貝壽司，厚肉鮮甜🥢 喜之次壽司，魚油豐盈，魚肉爽滑🥢 銀鱈魚，肉質鮮滑6️⃣ 鮑魚雲丹盛🥢 鮑魚配上北海道根室白海膽，口感極佳7️⃣ 一品料理🥢 牛肉壽喜燒 牛肉配上濃濃的湯汁，正8️⃣ 湯🥢 麵豉湯9️⃣ 甜品🥢 抺茶雪糕配小卷蛋…查看更多

近排好鍾意食omakase,無論食物質素伴碟，環境，服務都話顯示出餐廳值錢地方，今日去嗰間位於銅鑼灣渣甸中心。 鮨悠（sushi yuu) Omakase C $1536(二人前） 前菜三部曲： 鏗魚汁配木魚，酸酸地夠開胃。 香口合挑，用芝麻做一個點綴，合桃爽脆 茶碗蒸： 蛋味好濃厚，好夠熱，入邊有帶子好鮮甜 深海大池魚配酸汁： 一片一片好鮮甜，好有魚味，帶點酸，開胃。 北海道赤貝配wasabi: 又索又甜，加埋wasabi，絕配。 櫻花木既大拖羅配上櫻花乾： 第一次食煙燻左嘅拖羅，有新鮮感，魚質地都好結實。 壽司貫： 日本既煙草目配上wasabi 較清甜，帶爽口。 北海道帆立貝 －口直吞，即溶 野生銀雪魚bb 比平時煎更加甜美 北寄貝 脆口，爽甜 青魚配白板昆布 飽肚，魚質好結實。 牛肉壽喜燒喎： 牛肉好有牛味，配埋其他配菜，好夾，日本豉油湯底。 甜品： 黒芝麻雪糕，甜己不膩…查看更多

今日媽媽生日，帶她去食最愛既日本餐，店舖裝修時尚及擁有日式風格，感覺置身在日本。內裏寛敞華麗，感覺舒適和豪華。核桃小女子，甜中帶鹹不膩口。海蘊含有豐富營養價值，非常爽口。而香濃既鏗魚汁配軟綿綿既木魚，味道乜幾夾喎。茶碗蒸烹調火候剛剛好，蛋又嫩又滑，令人停不了口。深海大池魚配酸汁屬於腩位部位，比較肥美多脂肪，咬入口油脂感十足。北海道赤貝配醬汁wasabi肉質柔軟、口感豐富、味道鮮美，是日本料理中常見的刺身食材之一。 粒貝肉質纖細幼嫩，味道爽口清甜，帶淡淡海水味，最適合作刺身料理櫻花木既大煙燻拖羅配上櫻花乾厚切既大煙燻拖羅，肉質鮮嫰，油脂分佈均勻，唔會好膩。燒鯖魚配酸汁，皮香脆口，煎成金黃色，再配上適量既酸汁，簡直係胃口大開。額外有6種唔同既壽司，分別係日本既煙草目配上wasabi，北海道帆立貝，野生銀雪魚bb，日本北寄貝，鰓鮨魚和吞拿魚赤身醬油漬，食完呢6件壽司都覺得好滿足同飽飽地。鯖魚配白板昆布，外表特別帶口感。鮑魚煙韌彈牙，海膽鮮甜美味，簡直係我既大愛。和牛雜錦鍋和牛香甜有驚喜，肉質鮮嫩大片帶口感，仲好滑添，真係估你唔到，出奇地好味同有特色。芝麻雪糕配日式香蕉蛋糕最後食埋比雪糕和蛋糕，真係非常滿足，呢個套餐價值真係幾抵下，cp值高。…查看更多

近排好鍾意食omakase,無論食物質素伴碟，環境，服務都話顯示出餐廳值錢地方，今日去嗰間位於銅鑼灣渣甸中心。鮨悠（sushi yuu)Omakase C $1536(二人前）前菜三部曲：鏗魚汁配木魚，酸酸地夠開胃。香口合挑，用芝麻做一個點綴，合桃爽脆茶碗蒸：蛋味好濃厚，好夠熱，入邊有帶子好鮮甜深海大池魚配酸汁：一片一片好鮮甜，好有魚味，帶點酸，開胃。北海道赤貝配wasabi:又索又甜，加埋wasabi，絕配。櫻花木既大拖羅配上櫻花乾：第一次食煙燻左嘅拖羅，有新鮮感，魚質地都好結實。壽司貫：日本既煙草目配上wasabi較清甜，帶爽口。北海道帆立貝－口直吞，即溶野生銀雪魚bb比平時煎更加甜美北寄貝脆口，爽甜青魚配白板昆布飽肚，魚質好結實。牛肉壽喜燒喎：牛肉好有牛味，配埋其他配菜，好夾，日本豉油湯底。甜品：黒芝麻雪糕，甜己不膩…查看更多