鮨心 ，旬節 (已結業)

初之使用Openrice的PAY和BOOK這間餐廳，餐廳很快便致電確認了。能坐到吧枱位，像看表演一樣。頭盤非常美觀，能吃的其實只有三樣。螢光魷魚，漬鴨胸，山藥海帶。其後刺身五點盛，竟然有原隻紫海膽，味道鮮甜，牡丹蝦蓉魚子醬比較特別，花也可食用，中拖羅海膽岩鹽片入口即溶非常肥美，加上海膽剛好中和油膩感。壽司上場，鮑魚+鮑魚肝汁分開食真係第一次見😂海膽壽司真係極度多，有1.5x2吋的立方體的海膽，入口全口都是鮮甜的海膽味，左口魚清爽，右口魚肥美金，目鯛加上自家調味象麻辣的醬味道獨特。最特別是金鯛蒸炸煮物，連魚鱗也能吃，鱗炸得香口，肉也不會老，雙重口感，甜品也有心思，打卡一流。整體無論食物，服務，環境，衛生全部都屬於上級，價錢都是一千多/位，性價比高

晚市最平的壽司拼盤（十件壽司）差不多要$400，有吞拿魚腩壽司、火炙魚背壽司、海膽軍艦、元貝壽司等等。每件壽司的大細係一般壽司的一半左右，食完完全唔夠飽🤧而且味道十分一般，同連鎖壽司店冇分別😢十分唔抵食💸💸💸熱食反而不錯。牛舌同銀雪魚都係中上質素，性價比比壽司高好多。環境亦冇乜特別。餐枱較細，而且因為地方細所以感覺都幾迫。整體來講晚市同樣價位有好多其他好味好多嘅選擇。要食呢個水平嘅壽司其實倒不如去連鎖壽司店食平嘢，仲多啲不同款式添。

今日同老公預祝生日，知佢想食廚師發辦好耐，所以就特登揀咗間經濟實惠的omakase食過午餐！竹•$298(另加一)前菜：煙肉沙律有三片煙肉，上面有麵包糠脆脆和沙律醬，味道ok驚喜送鱈魚乾超級脆口！有九款壽司🍣新鮮、美味，完全高質！1)帆立貝配柚子皮、青檸汁~開胃、青新2)鯛魚配蕃茄醬~鯛魚爽口，蕃茄醬開胃3)深海池魚配魚肝～魚肝令魚味更濃4)松葉蟹配海膽～啖啖蟹肉加埋海膽，掂！3rd5)Sawala 膠魚(春魚)配芝麻~魚味重，較冧身6)東京灣鯖魚配浸醋昆布，再夾超脆紫菜～好香魚油，要一啖食先有油而不膩的味道2nd7)雪花拖羅配拖羅蓉wasabi~拖羅唔算好油，不過都好正！8)火炙左口魚配黑松露~入口即溶1st9)海膽軍艦~大大啖海膽，超鮮！魚籽手卷入面有大量魚籽、香香魚油漬飯、拖羅蓉、天婦羅脆脆，從未食過咁豐富嘅手卷！蒸蛋:多料滑口！有菇、蟹柳、三文魚，所以好夠味！追加左即叫即開的皇后生蠔($120)重海水味，蠔質爽口，大大隻！豆腐雪糕結束！唔太甜！大滿足！

復活節假期的第一天，我們再次來到這間位於旺角的Omakase。上一次來光顧已是上年的7月，那次吃的是Dinner Omakase，還記得食物的份量及質素都非常不錯。整餐是性價比極高，所以要再一次來試試他們的Lunch Omakase。今天，我們選擇了比較便宜的松set，只需$298便可品嚐一個Lunch Omakase，價錢上真的非常便宜。吃過8件壽司及1件手卷，整體表現也很好。炙燒壽司的魚油令人難忘，刺身上的調味也恰到好處。三文魚子手卷內放了天婦羅的脆脆及吞拿魚茸，這個配搭確實有新鮮感，只是手卷內的醬油調味略鹹。吃過壽司及手卷後，也有蒸蛋及熱湯奉上。最後的甜品是豆腐味雪糕，每吃一口也散發出淡淡的豆腐味，感覺清新。品嚐過這間的晚餐及午餐Omakase，我認為性價比也很高，確實值得一試。

見到大家嘅食評寫得幾好， 睇相環境又幾靚， 於是訂咗位，諗住兩個人去食omakase lunch. 但是去到因為唔係好肚餓嘅關係， 所以臨時改變主要， 食set lunch 就算數。 叫咗2 個唔同嘅魚生飯， 試一試佢嘅質素， 如果好食嘅， 就再book 位下次再來食過omakase. 點好餐就好快咁來咗個salad 同湯， 呢d 嘢不過不失，如果咁都難食就真是無下次啦。之後再來魚生飯， 各樣都好新鮮， 由其係海膽， 雖然份糧唔多， 但是鮮味十足， 好味道食完個飯諗住賣單， 點知原來仲有茶碗蒸同雪糕未食， 真是有d 過飽。 呢間餐廳用料新鮮， 值得再來試試其他嘢👍👍👍

特別紀念日配特別的食物，Omakase無特定餐牌，不時不食，永遠都令人期待。今次選擇位於旺角鮨心旬節，對上一次１２月黎的時候已經試過一次，評價好高，今次要encore 再黎，既然紀念日就要食好啲，我地叫左最貴的梅（ＵＭＥ）set，　一齊睇下我食左啲咩啦 Ø 前菜： 螢光魷魚(生/熟食)+黑豆煮第一次食螢光魷魚,原來都幾爽口同好juicy,生食的味道我比較喜歡黑豆煮應該係用糖水煮,超甜,超好味刺身　７款：Ø 真鯛刺身配汁煮白子.真子剌身味道較淡, 加左柚子汁我好似只食到柚子味,感覺少少OVER,我本身真唔好白子,但煮完感覺又OK,幾入味,唔會有白子噁心感Ø 象拔蚌刺身+菠蘿啫喱象拔蚌比較腥,但配埋甜甜酸酸的菠蘿啫喱又好似可以cover到個腥味,幾好Ø 赤牡丹蝦配蝦子/蝦膏/魚子醬蝦子/蝦膏/魚子醬非常夾,入口即溶的感覺真好…..yum yumØ 櫻花木煙燻深海池魚呢個超推介,佢配埋個鵪鶉蛋汁,超好味Ø 沙甸魚卷配自家製蘋果醬沙甸魚卷我就覺得普通Ø 赤睦魚刺身第一次食呢個, 真心好食,油香超重,加埋少少蒜蓉,燒一燒D 魚油,加埋入口超正!!!!Ø 拖羅魚子海

下星期係我同小黃子拍拖十周年正日大家都要返工早點慶祝吧☺️早一個月訂了lunch好期待好期待☺️來到餐廳，職員問我地揀邊個餐有咩唔食我地叫左2個「竹」餐本來擔心份量小小會唔飽點知每樣小小 食完超級飽尤其欣賞煙燻池魚😱😱😱超好食就這樣吃了個快樂午餐🥰祝我們十周年快樂，長長久久❤️

新年想請屋企人食飯，食咗咁多餐中菜，想食返d冇咁heavy 既野食，所以就揀咗omakase 😋甚少食omakase 既我記得兩年前食過$298好抵，所以搵返呢間又抵又好食嘅，點知佢真係兩年冇加個價！呢個價錢有九貫壽司一件卷物仲有茶碗蒸，餐前小食(脆卜卜鱈魚乾)，沙律，仲有一碗湯！真係超抵！質素來講我覺得對得住個價錢。

食材高質 調味出色 回頭率100%-A great deal of Omakase Lunch in Hong Kong! It costs only $300 per head while all the food are gorgeous!! The set comes with a salad, snacks, 9 pieces of sushi, 1 sushi roll, soup, steam egg and ice cream! A very full meal with all fresh ingredient and wonderful taste of sushi! The set ends with the hot soup and steam egg. It is just perfect to warmth your body after those sushi and at last the tofu ice cream is right on point to complete the whole meal set experience. To be ho

第一次食omakase之前想食好耐，但一直見到價格唔平，所以有啲卻步。但今次竟然比我搵到午餐只係$298，所以嗱嗱臨Book位去食😂今次佢book咗平日12:30 ，去到嗰時人流唔多，職員主動帶我哋去吧枱位，餐廳亦有唔係吧枱位選擇。午市得兩個餐選擇，第一次食揀咗平啲個餐，另外再加一隻蠔（$68）。師傅會喺雪櫃攞隻蠔出嚟即場開，再喺上面加少少汁，個汁幾清新都唔錯，而且蠔好大隻。去到主菜部份一共有九件壽司，包括有甜蝦，鯛魚，帶子，鮑魚，海膽，吞拿魚等等。壽司配搭得好好，食得出海鮮好鮮味，師傅會喺海鮮上面加唔同嘅配料或者汁令到鮮味更加突出。而且有啲壽司會用火炙嘅方法，魚肉入口即溶，超級好味。😋海膽鮮甜，冇腥臭味。食到第八件壽司本身覺得唔係好夠飽，但原來最後嗰個係手卷嚟。手卷大大嚿好足料，所以食完即刻飽咗。食物水準屬於上等。👍🏻之後仲有茶碗蒸，同埋蕃茄湯，甜品仲有個雪糕🍦呢幾樣野就冇咩特別坐吧枱嘅好處係師傅會望住你食嘢嘅速度嚟整下一件壽司， 而且可以望住師傅整壽司，師傅整完會講解壽司係乜嘢嚟並建議最佳食法。一開始去到上菜速度正常，但當過咗一排之後人流開始多，上菜速度就會等好耐😖但整體來講第一次

今次係第三次幫襯呢度食平價Omakase，上一次來應該係幾個月前，但今次係最impressive一次。我哋前一日係OpenRice訂咗枱，留言寫想坐吧枱，來到又真係安排到。師傅亞恆（專登問佢叫咩名）禮貌認真，由頭到尾到好細心，食物處理亦好OK，以呢個價錢來講性價比高。喺疫情下可以好好享受一餐，而招呼今次真係好唔錯。我好少喺呢度寫食評，但今次食完真係好想幫佢哋寫。另外亦想寫兩句幫嗰位帶眼鏡侍應姐姐平反一下，上兩次來可能真係好多人，所以會覺得佢態度同服務都麻麻，但今次又有禮貌又體貼，係睇到好有進步。我相信好快下一次會再來的！（只係記得影一部份食物相，本來我老公話好肚餓要諗住再叫多幾件壽司，但最後食埋個手卷我同老公都食得飽。$298一個人好OK)

即日打電話黎Book位，講明係無bar桌坐✅壽司🍣幾件上碟，賣相係吾錯既。不過吾知係間餐廳想玩新意思定d魚生本身吾夠新鮮(要係Top上加d濃味野🥲??!!)，搞到根本食吾到d魚本身既味。 。。。最尾食呢個卷係有驚喜既，因為三文魚子同d(炸嘢脆脆?!)幾match。如果無book位，而想即日食到omakase又想試新嘢，係可以試試。不過本人都係鍾意傳統既omakase同食到魚原味

刺身部分係幾特別, 有好多gimmick。 又煙燻，又caviar 配牡丹蝦。但到sushi部分, 就唔係好得。馬糞海膽有藥水味，鵝肝有好大陣騷味。我地有人仲食完肚痛。 可一不可再。幾好好一般鵝肝 好唔掂馬糞海膽 有藥水味

味道一般，沒有Omakase所追求的鮮同時令，似食緊普通食材但加好多調味的壽司而已環境很擠迫，係病毒肆虐的環境下在此用餐需要承擔一定風險侍應態度非常惡劣（戴眼鏡女侍應），介紹壽司語速超快，完全聽唔到佢講咩。水杯長空，叫加水只係拋低一句「陣間幫你」但之後要催2-3次先加水。最後埋單時把單據隨便拋低，跌落地下要客人執坦白講香港Omakase餐廳都幾多，平靚正ga選擇都唔少，實在唔需要貼錢買難受絕對唔會推介此餐廳比任何人。

🎶又到聖誕🎄又到聖誕🎄🎅🎵聖誕節一定唔少得食聖誕大餐，可惜受疫情影響政府禁晚市堂食，我哋唯有將聖誕大餐改為「聖誕午餐」😂今日，我哋初次嚟到位於旺角嘅「鮨心·旬節」日式餐廳試試佢哋嘅omakase（廚師發板）🍣🥢，我哋訂檯時已向職員提到希望預留可以睇到師傅做壽司嘅吧檯座位😚一邊可以睇住師傅切魚生🔪、一邊食住師傅做完即刻放係我哋面前嘅壽司🍣咁樣先至係食omakase嘅精髓👏🏻「鮨心·旬節」午餐嘅omakase套餐有3款，價錢分別係$298/$688/$1080，3款套餐之中主要分別係最平嘅$298 omakase套餐係以壽司🍣為主，相比另外兩個較貴嘅套餐少了刺身和料理。我哋一行四人（限聚令之下，每兩個人需要用一塊透明板隔開適當距離）決定叫四份中間價錢$688「竹」套餐試試😋落單後，職員先送上前菜燒魚乾和有少許魚粒刺身嘅沙律🥗 薄身嘅魚乾燒得香脆，唔錯！沙律就用咗酸酸地嘅沙律汁加上切得細細粒嘅魚刺身，清新開胃。之後，係吧檯前嘅師傅為我哋陸續送上一件件即時手握嘅壽司🍣🥢呢個omakase套餐嘅壽司，大部分都會由師傅精心挑選咗合適嘅醬油或配料加係壽司上面，所以師傅建議壽司唔需要額外再點豉油。（由