影片
港鐵上環站 A2 出口, 步行約1分鐘
繼續閱讀
電話號碼
91753990
營業時間
今日營業
12:00 - 15:00
18:30 - 23:00
星期一至二
12:00 - 15:00
18:30 - 23:00
星期三
全日休息
星期四至日
12:00 - 15:00
18:30 - 23:00
以上資料只供參考, 請與餐廳確認詳情
影片
相片
+438
位於上環永樂街，低調但型爆！八人吧枱設計夠晒潮，坐低即刻有種置身日本街頭 vibe，晚市套餐一上場就hit中。昆布醃海膽夠晒creamy，中拖羅同赤貝刺身新鮮到飛起，壽司米彈牙帶甜，燒鰤魚外脆內嫩，油香爆棚。和牛壽喜燒係亮點，肉質嫩滑，湯汁濃到誇張，甜品柚子雪葩清新解膩！不過有啲位未夠perfect。刺身款式少咗啲，潮人期待更多花款。湯品偏鹹，飲完有啲口渴。吧枱位窄，坐得有啲逼，影相chill唔夠chill。服務快靚正，七分畀佢鮮味同氣氛，四分扣畀細節同空間，下次再約兄弟來試，仲係潮人必踩點！
繼續閱讀
朋友慶生，揀了這間上環的小店，隱於永樂街，推門而入，木質吧枱與昏黃燈光交織出日式靜謐，八人座位圍繞師傅，彷彿一場私密的味覺儀式。午市套餐揭開序幕，前菜昆布醃海膽清新入魂，壽司米溫潤帶米香，搭配中拖羅入口即化，鮮甜在舌尖綻放。燒物鰤魚輕炙至皮脆肉嫩，油脂與醬汁和諧共舞，主菜和牛壽喜燒濃郁溫暖。刺身份量略少，期待更豐富的季節性海鮮驚喜。湯品略鹹，蓋過了食材原味，稍顯失衡。座位緊湊，與鄰客肩並肩，私密感略減。但整體而言，讚其用心與鮮味，挺有心的小店。
繼續閱讀
又搵到一間我好鐘意食既餐廳💜睇到佢有個omakase 係食蟹貝，岩哂我！因為我唔食生既魚，今日專登去一試。今晚個大閘蟹飯係世一🥇🏆第一次食到呢個味既飯，大閘蟹就食得多，咁樣煮個飯真係味蕾享受😋仲有個縞蝦同埋蟹春卷我都好喜歡。第一次食海膽係用puff既方式，都唔錯，有啲新意，呢間餐廳一定會再去食👍🏻🦀🦑蟹蝦貝宴🦐🐙刺身：龍蝦縞蝦香箱蟹蠑螺象拔蚌海膽包毛蟹鱈長蟹蟹春卷海膽壽司：赤貝北寄貝石垣貝花咲蟹甘海老白海膽牡丹海老大閘蟹釜飯$1888 + 10%
繼續閱讀
唔知點解仲係好多人覺得日本師父做嘅omakase 先至好食，但我覺得好唔好食都係原自食材同對食物嘅態度，香港師父都可以做得好出色。今次第一次嚟鮨定山，裝修唔算特別，但感覺舒適，有兩張Sushi bar 枱，一張可以坐8位，另一張坐6位，佢哋晚餐價格係$1788位，出品對得起呢個價格，佢哋嘅Sake 杯係非常靚的，唔係一般嘅sake 杯而本人係非常喜歡同師父傾計的，搵到個啱傾嘅師父，即刻覺得成個晚餐係物超所值，飲飽食醉，食埋個焙茶雪糕，真係好滿足
繼續閱讀
😱 近期工作瞎忙, 返 6am 放零晨12am, 第二日又返 6am, 仲有一晚 2am 離開公司, 6am 返到公司, 剩抵半條人命, 與老友 “意大利長介” 約定嘅 “廚師發板” 由復活節改到中秋節, 又由中秋節改到聖誕節.🥰 忙完, 就緊係病, 同埋還飯債, 今日帶病上陣, “長介” 選址 “鮨定山”.🥢 餐廳位於上環商廈一樓, 主館設一張正L型十人壽司吧枱, 裝修格調和諧舒適, 另設一間細房. 晚餐一款 $1,788+10%, 包括 6款刺身, 11貫壽司, 卷物, 湯, 甜品. 另加清酒 $680+10%. 今晚 Bxx 師傅一打四.🐟 刺身秋刀魚海鰻魚香箱蟹鮟鱇魚肝生蠔剝皮魚剝皮魚肝🍣 壽司石鯛金目鯛赤貝中拖羅車海老鰤魚海膽O-toro喜之次鯖魚太卷玉子燒🦀 大閘蟹焗飯🐟 魚湯☕️ 咖啡🍪 鱈魚乾. 佐酒小食, 夠乾夠脆, 配屈機醬, 食唒!🐟 秋刀魚. 非常肥味, 魚味濃郁, 以細切蔥粒調味, 絕配秋刀魚, 又冇薑蓉版本咁搶味, 有今生冇來世, 出色!🐟 海鰻魚. 魚皮燒脆, 肉質唔夠爽彈, “長介” 解釋: 海鰻係咁㗎喎! 🦀 香箱蟹. 賣相攪笑, 蟹肉蟹籽冇乜味, 要撈埋蟹膏一齊食, 調味偏弱, 相對失色.📖 翻查資料: 香箱蟹即係松葉蟹乸, 主要食內子同埋外子, 內子即係蟹膏, 外子即係蟹籽. 傳統懷石料理中, 師傅先取下內子外子, 再連同蟹腳蟹身嘅肉一併釀回蟹殻供客人享用. 由於貌似寶石箱, 取名香箱蟹.🤗 鮟鱇魚肝. 忌廉口感, 味道濃郁, 配酸醋啫喱, 冇咁腬, 結合芥茉, 加咗層次同埋複雜性, 驚喜之一.🦪 生蠔. 中度蠔味, 冇乜海水金屬味, 唔係大隻, 但夠厚肉, 一咬落去, 嘩! 非常清爽, 口感細緻, 十個讚!🐟 剝皮魚剝皮魚肝. 據師傅介紹, 剝皮魚即係沙鯭, 本身冇乜味. 剝皮魚滑捋捋, 黐唒魚肝, 味道豐郁, 一流.🍣 石鯛. 少少膠口, 煙煙韌韌.🍣 金目鯛. 油香油脂非常豐富, 咀嚼時慢慢滲出, 十分精采.🐚 赤貝. 大隻厚肉, 口感澎湃, 一陣海水鮮味, 不俗.🍣 中拖羅. 柔潤肥美, 醬油甘香, 魚味濃郁, 我鍾意!🦐 車海老. 半生熟, 火候啱啱好, 表面係生蝦滑捋捋嘅口感, 咬落爽身彈牙, 一啖入口, 非常澎湃, 蝦味湧出, 贏晒!🍣 鰤魚. 微微炭燒, 香味撲鼻, 油脂滿溢, 入口略帶酸味, 有趣喎! 係我食過最好食嘅鰤魚版本. 師傅介紹: 食鰤魚就係要食呢種酸味.🐚 海膽, 北海道黃馬冀. 份量慷慨, 忌廉口感, 冇怪味, 哈.🍣 O-toro. 野生拖羅, 熟成處理. 出奇地, 雖然脂肪多, 魚味唔弱, 又唔肥膩, 十個讚!🐟 喜之次. 師傅話喜之次冇乜魚味, 主要食油脂. 係喎, 經過炭燒, 魚油豐富, 肉質嫩滑, 真係一件夠了, 多件搞唔掂.🍣 鯖魚. 超級厚肉, 魚多過飯, 唔玩醋漬, 玩炙燒, 逼出油香, 魚味突出, 原來鯖魚可以咁肥美.🦀 大閘蟹焗飯. 大閘蟹季節, 以公蟹膏肉焗飯, 誠意之作. 一路食一路懷念 “成隆行” 嘅 “禿黃油撈飯”, 鮨定山嘅大閘蟹焗飯調味簡單, 有飯香冇膏香, 比下去了.🍙 太卷. 鮨定山招牌太卷, 材料多樣豐富, 京蔥味道跑出. 🍮 玉子燒. 口感軟綿, 正常發揮.🐟 魚湯. 遠距離已經聞到魚湯味, 少少渴身, 呈奶白色, 熱辣辣, 飲落超強魚味, 掂!☕️ 咖啡. 完美的結束!🤗 總結: 今晚兩枱客, 服務貼心到位, 感受到誠意同埋溫度. 魚料食材新鮮高質, 調味烹功一流, 某幾道菜唔識欣賞, 但多款驚喜菜式, 包括 鮟鱇魚肝, 剝皮魚, 中拖羅, 車海老, 鰤魚, O-toro, 鯖魚. 上菜節奏舒適, 師傅有問必答, 用餐體驗愉快.
繼續閱讀
您可能會有興趣的...