鮨叄 (順利商場)

營業中

休息中

想食好野，但無力出去行咁遠，於是在open rice,搵順利邨餐廳，見到有日本餐廳，即刻黎試吓，嘩，湯有2件大魚，令到湯好鮮味，三文魚腩手卷味道和出面調味唔同，好正，拖羅丼味道亦係出色之作，連普通既加州卷味道同入面既魚差唔外一百完一隻就有啲貴，們食物質素真係亦同出面既唔同，睇得出廚師用心之處和出色手藝，魚好新鮮，本來想叫日本生蠔，但食物質素真係好高，以後成為我既飯堂

上到觀塘順利邨覓食，搵到呢間特色日本小店，炎炎夏日特別想食魚生飯，於是就決定試下鋪面唔大，但環境整潔，坐得舒服，仲可以電話落單叫咗個外賣$70 嘅三文魚三色丼飯$70 嘅丼飯嚟講性價比算高刺身各款有三片，雖然刺身食落唔係超級新鮮，但刺身食落冇雪氣，而且切得厚身值得欣賞，加上大半碗飯，一定食得飽！屋村商場大部份都係連鎖商店有特色小店一定要支持除咗丼飯，我見餐牌仲有刺身等其他食品如果難得去到順利邨，可以一試

Mschichi- 性價比超高的日式小店之前我哋去佐敦谷公園諗住買啲日本野野餐， 搵到呢間位於山上屋村嘅日本小店。但係礙於嗰日門口實在太多人排隊，所以我哋都未親身試過。今日去行山之前，我哋專程來試一試。適逢午餐之後大約2:00嘅時間，唔係好多人，所以我哋一到就已經可以入座。 我哋叫咗兩個丼飯同埋幾件壽司🥰🥰 都係$200 左右乍！ 仲有埋茶同三文魚骨湯。 🌈北海道海鮮丼飯$108 （ 三文魚。油甘魚。八爪魚。甜蝦。帶子。海膽。三文魚子） 一黎到全碗都係滿滿嘅刺身。我哋嘅劍魚仲升級左做劍魚腩！ 真係有成吋厚！ 甜蝦又係肥肥脹卜卜嘅。海膽份量都唔細， 有兩𠝹架。屬於苦苦甜甜嘅系列。帶子就有一粒， 如果原粒上唔切片就可以增加口感啦！ 🌈火灸丼飯$98（ 鰻魚。三文魚。左口魚。帶子。玉子） 又係全部都係厚切厚切。鰻魚一咬落去啲魚又香爆出嚟。三文魚香噴噴， 玉子超級甜。火灸必有嘅item就係左口魚啦！ 因為左口魚嘅油脂燒左之後啲油又係一滴一滴咁樣滴出嚟㗎 😍😍🌈蟹肉蟹膏軍艦 $16濃濃嘅蟹膏味道配上爽口嘅蟹肉真係一個絕配，不過可惜， 可能放耐左， 所以紫菜有啲淋左少少🌈 鹽燒赤蝦 $12呢隻尺碼

開心大發現，舊屋邨商場竟然有壽司店，已經幫襯過好多次，壽司有水準夠新鮮，價錢係中等可以接受既價位，今日同平時差唔多叫咗鐵火卷、花之戀、大拖羅、劍魚腩等等，當然係大拖羅最好味，非常肥美，同貴價壽司店嗰啲差唔多；花之戀嘅三文魚都好肥，非常之厚身，蟹子都好多，總括而言佢d壽司都係好味的！今日見到佢個餐牌寫話有廚師發板，下次去要試吓先，百幾蚊有得食廚師發板令人好有興趣睇吓有咩食！另外店主同埋職員都好有善，有溫馨小店嘅感覺，會繼續幫襯！

未試過差到要寫食評 試過啲壽司已經唔好食今次再試 $22舊嘅芝士蟹柳手卷唔好意思 我真係完全唔知食緊啲乜😅😅😅一條蟹柳一條芝士 舊飯仲要少到兩三啖食完 $22買返黎食紫菜 無咩真係唔好幫襯😅😅😅7-11 $10飯團仲多飯過佢 陰功

北海丼包括有八爪魚、炙燒油甘魚、甜蝦、帶子、三文魚，分量都好大碗😋油甘魚好厚切😍好食！呢碗係性價比高！咩都有得食😋😋牛肉烏冬佢個湯底好飲😍鮮甜😍差唔多都忽我飲晒，牛肉好食！份量都多！烏冬煙韌😋鰻魚卷呢個就麻麻地。帶子群邊好食😋爽口！醬汁調到有啲酸酸地，係幾開胃😋😋炙燒蝦壽司炙燒三文魚腩壽司炙燒三文魚壽司炙燒左口魚壽司馬刀貝壽司壽司質素都唔錯，佢刺身係整得好，係啲飯整得差，當日啲飯好黏又多🥹口感不太好，無咩醋味。

估唔到順利開左間日式食店太肚餓返去即食唔記得影相味道唔錯，份量算多，價錢合理有三大片火炙三文魚，三大片三文魚同幾粒角切三文魚全都大大片，厚身，醋飯調味幾啱我心水，可惜係暖飯，我鍾意食凍既醋飯多d，下次外賣我會放入雪櫃冷下再食因為我同媽媽都唔算大食，食唔晒d飯，不次可能會叫少飯避免浪費絕對有下次，等疫情緩和，仲想試下堂食壽司類，一定更好味希望四順居民多多支持，上次見間店冇食客，外賣得兩袋，覺得好可惜希望小店多d人幫襯，可以繼續營業落去

去朋友屋企拎野，大家肚餓懶得出街，求其落留下食野，朋友話有間食日本野幾好食，就帶我去食。天氣咁凍見門口介绍鍋物，有海鮮鍋，泡菜鍋同埋壽喜燒😍就食壽喜燒啦。另外叫咗自家製關東煮，仲有鰻魚飯。關東煮個汁都鮮甜，牛腩蘿蔔都好腍，豆腐，仲有蛋，福袋年糕。壽喜燒都大鍋，有豆腐，菇類，菜，牛肉都多。但個鰻魚飯有d失望，米飯比較硬，鳗魚普普通通啦。

APM食嘢真係比較貴，小編就選擇係觀塘市中心 、APM往北行走到山上，有條順利邨，原來有間細細間嘅居酒屋！雖然係條老邨到，但舖頭裝修一啲都唔老！以為會好多人，入到嚟人流並唔係太多！舖頭比我想像中細！但坐得都舒服嘅，服務態度都良好！今日叫咗四件軍艦同埋一個小卷！紫菜就好夠脆，整體食材都新鮮！八爪魚唔太腥，蟹子都新鮮，唔似雪左好耐！龍蝦沙律亦都唔差！都好食嘅！蟹膏雖然比較普通，但係價錢都好合理！亦有蟹味！可以合格！仲有叫咗個三文魚卷，三文魚就都算新鮮！配咗少少酸薑！酸薑就真係唔係好夠酸！佢只係一個配角，冇所謂啦！跟住送咗個麵豉湯，放咗三文魚骨落去煲，飲嗰時要小心啲，有時會有啲碎骨出咗嚟！雖然比較清淡，但係都對健康有益！估唔到會係呢啲屋邨搵到呢啲小店！今次用餐愉快，有機會可以再上嚟食多次！

係順利邨附近做完野，諗住求其食埋野，行過平台3樓， 都係茶餐廳小食店, 同連鎖快餐店。竟然角落位置發現間日本餐廳，正呀😂最鐘意食壽司,就入去幫襯下。 雖然小店但款式都多選擇 有定食、小食、壽司、壽喜燒、海鮮鍋、泡菜鍋等……。小店 裝修簡單，座位唔多，但都多街坊幫襯外賣，哩度用QR code點餐好方便。雖然屋邨，但價錢都唔算好平，我order了 新香卷、🐙芥辣八爪魚🍣帶子壽司、油甘魚壽司、 辣味三文魚、火炙芝士三文魚、火炙拖羅選材都算新鮮，不過壽司飯太细舊😂大少少就更加好

終於有機會一試呢一間壽司魚生日本餐廳🤩🤩。食材新鮮，開係屋村裏面當然係做街坊生意，但係佢嘅sashimi 一啲都唔馬虎, 可媲美尖沙咀黃金地段嘅壽司魚生店，正如我標題所講屋村嘅價錢尖沙咀嘅食材👍🏻👍🏻。原來老闆之一兼大廚之前係主理高級魚生壽司店，難怪有大店的風凡。魚生非常新鮮！shabu shabu用個細爐煲住咁食，冬天一流😃下次會試吓佢嘅魚生飯同叫多几件壽司，今日個shabu shabu非常美味，個魚肝同生蠔好食到立刻要叫返支saki佩佢先至食得開心痛快😄😄

咁啱今日喺附近體育館做完運動有啲肚餓，諗住過嚟順利求其搵餐廳填下肚就算，因為屋邨多數都係啲頹頹地嘅餐廳，點知發現呢度有間食壽司嘅餐廳！佢個位置有啲隱蔽，都係睇openrice先知道有間咁嘅餐廳🤓。餐牌有握壽司、軍艦、刺身、魚生丼同埋丼飯，同fd坐低叫啲三文魚腩壽司🍣同辣味三文魚軍艦🐟🌶都估唔到好味！我哋仲叫咗個蔥花牛肉飯，幾好味，好味過某牛肉飯連鎖店，$58嚟講性價比幾高👍食飽之後呢，店員仲送咗個麵豉湯🍲，諗住都係嗰啲普通麵豉湯，但飲落都好味，似係自己煲嘅，飲飲下竟然飲到有三文魚😂，好有心機同物盡其用，將貼近骨頭部分嘅三文魚攞埋去煲湯，食得唔好晒～好欣賞呢種做法👍

老屋邨新開壽司店，作為街坊當然要去支持下。店舖座位唔多，所以我地外賣。壽司和卷物的款式都唔少，賣相幾精緻～魚生好新鮮，舊飯大小適中，唔硬總括黎講好有驚喜，性價比高👍🏻希望小店繼續努力，街坊就有口福喇

個日無意中經過，見到有一間新開嘅舖頭，見到個價錢好平，唸住應該同咩鮮差唔多啦，但係都本住一是無妨嘅心態試吓，估唔到有間咁高汁既壽司店係呢度遇到，誠意之作,食材新鮮，重要係用fresh wasabi 😍,平時無返咁上下嘅餐廳都唔會用，正

順利邨終於有壽司刺身店 幫襯過兩次 個人認為好新鮮 即叫即做 品質十分不錯 特別係三文魚 拖羅都好正入口即溶 不過繁忙時間真係會等耐少少 所以第二次食提早一個鐘whatapps落oder 靚品質價錢我覺得一d都唔貴 keep住會繼續幫襯