鮨勺

兩日前啱啱喺金鐘食完Shiro, 今日嚟到子鮨勺真係冇得輸！今日午餐叫咗角切魚生丼同埋北海丼，魚生處理得非常之好新鮮冇腥味，同埋佢嘅飯調味得啱啱好，再加埋芝麻粒又香又又咬口！呢個飯真係超級推介！佢嘅前菜漬物亦都煮到好腍，好入味！仲要送埋麵豉湯，麵豉湯入邊有蜆，應該係一個海鮮麵豉湯！兩個午餐加埋$170，起之前Shiro一個人已經$250, 呢度性價比，真係超級高！可能地點比較僻靜，但係如果住附近真係可以日日嚟食！…查看更多

早幾日同成班朋友去咗一間私人經營嘅小型居酒屋，雖然地處舊區，但環境好舒服，氣氛輕鬆，坐低就好似去到日本街角嘅小店咁自在。地方唔算大，不過枱與枱之間唔覺得逼，傾計都幾放鬆。人均消費大約三百蚊，以食物質素同酒款選擇嚟講，價錢合理。當晚最令人印象深刻嘅係醬油鵝肝，入口滑溜，油香同醬油味融合得啱啱好，配清酒真係幾夾；燒牛舌芯亦係心水之選，厚切但口感軟嫩，外層微焦，咬落有肉香。仲有一個小插曲令成晚更難忘——我哋當中有人生日，店主知道之後，即刻叫師傅幫我哋整咗一個魚生蛋糕，賣相精緻又有心思，大家都好驚喜，氣氛即刻升溫。雖然係舊區小店，但佢有獨立廁所，而且非常乾淨整齊，呢點真係要讚，令整體用餐體驗加分不少。酒款方面選擇相當多，由清爽到濃郁都有，店主仲會根據客人喜好作推介，感覺貼心又專業。總括嚟講，呢度氣氛親切，食物有水準，酒款選擇多，服務又有人情味，無論係朋友聚會定係想靜靜飲兩杯，都係一個值得一試嘅地方。…查看更多

土瓜灣係我好鍾意嘅社區，小店林立。好多時候，去多幾次同一間餐廳食飯，老闆/老闆娘都會認得你，有時同你吹下水，有時關心下你最近過成點，更多嘅係默默努力，希望客人食得滿足。甚至一句由衷嘅「好好味啊」會有機會換嚟老闆們加餸😆 (呃飲呃食🤣)鮨勺就係其中一間啦🍙。暖笠笠嘅茶、酸酸甜甜嘅醋飯、肥美嘅魚生、熱辣辣嘅串燒，配幾啖清酒，聽住音樂，同朋友傾下計，為自己忙碌嘅日子充充電。當我嗰日想食好啲，我就會去鮨勺🍵。如果你想搵間小店chill下、抖下、聚下、滿足下，不妨過去試一試🤘🏼PS: 燒芝士年糕拌紅豆超好味！外脆內軟、鹹甜交織，係滿足感嘅味道🥞🫘 唔小心食曬就無影相了～…查看更多

今日做野經過土瓜灣人生路不熟誤打誤撞左依間日本餐廳一直我都鍾情滑蛋豬扒飯嘅我當然要點落完單出餐麵好快手一放底我面前見到賣相好唔錯豬扒雖然麵包糠一般但好新鮮炸起仲好熱蛋都幾好仲半熟嘅滑蛋我朋友就點左個角切魚生飯有三文魚 吞拿 青瓜 蟹籽魚生望落都唔錯食落好鮮甜大小岩岩好每粒食落口都好有口感我朋友話如果三文魚再肥美d就更開心🤭🤭雖然整體碗飯唔算太大份但食飽飲埋個麵豉湯好驚喜裡面有蝦有蜆好足料搞到好想問個店員想refill🙈平民餐廳黎講無9分麵有8分🫶…查看更多

晏晝經過見到幾個人排隊心諗排得隊一定有個人之處之後我就排隊排了大概20多分鐘左右入到去坐低一坐低就上茶前枱帶位的人好有禮貌一定要讚一讚服務方面好好之後我就Order一碗極上魚生丼$148落單15分鐘都無就到餐個飯一嚟到我當然相機食先啦魚生都非常新鮮色澤鮮豔口感細膩有海膽有赤蝦有拖羅擺盤精緻視覺效果佳整體而言值得推薦$148仲要五洗加一我見到我旁邊幾枱都叫酒下次我都一定要試吓因為仲要帶朋友來碰杯這間店我一定會再來…查看更多