魚眾不同酸菜魚 (天一商場)

營業中

休息中

上週中午去食酸菜魚，未食過，諗住試下，中伏！第一，舉咗4次手 先有人回應你，有一個明明見到都扮見唔到。 第二，佢D魚唔新鲜，一看鱼的色澤及表面已知唔新鲜。天水圍銀座商場 青x椒 D酸菜鱼新鲜又好食，同樣$70+ 元，質素相差很遠。

經過天一商場，見到呢一間舖頭成日都好多人，但係我又唔鍾意食酸菜魚，所以一直都冇試過去食，有一日個朋友話俾我知，佢除咗酸菜魚仲有其他嘢食，介紹我食一個蕃茄湯嘅米線，所以今次我就去叫咗個蕃茄湯肥牛豆卜生菜蘿蔔米線+凍檸茶=$86，呢個價錢真係覺得好貴，仲要啲餸好少，加餸仲要最低每樣加$10，蘿蔔根本食唔到，好老好多渣，生菜又好老，蕃茄湯底係好食嘅，但當我以為個蕃茄湯係廚師新鮮親自煲嘅時候，就有人送貨嚟，店員打開一包包嘅湯底，我就有啲失望喇，呢個價錢就更加唔值喇！蕃茄湯肥牛豆卜生菜米線$70 +蘿蔔$10 +凍飲 $6 =$86

突然好想食酸魚菜，就近近地去天水圍分店魚眾不同，可能11點幾剛開舖人流唔多即刻有位，一坐底急不及待攞起餐牌，之前人手落單而家改為QR code落單非常方便，如果唔識自己用電話落單都可以搵職員幫手。一人份酸菜魚好啱一個人幾時黎食都得唔會太大份食唔哂，價錢又好親民唔算好貴，每份魚餐免費送兩款蔬菜再送一個飯、米線或薯粉，加埋凍飲都唔駛$90。今次揀左青花椒酸菜湯生魚片配萵荀同娃娃菜，雖然一隻半辣椒既辣度以為唔會太辣，但食落都幾辣配埋凍飲非常過癮，辣得黎又好開胃，魚片份量都好多連埋好索汁既娃娃菜同萵荀一齊食真係好送飯，簡值一流。

住喺附近，想食酸菜魚就食，鍾意堂食外賣都可以，味道都沒有失準過，幾款魚可以選，豐儉由人，以前淨係得魚柳，宜家多左選擇。飯又得米線又得，一個星期最少幫襯一次，金湯湯底都幾刺激😅

我的家人都好鐘意食酸菜魚同水煮類既食物，所以會食有關既唔同既餐廳，之前自己都黎食過幾次，但無寫食評，但我太鐘意食個蕃茄濃湯配牛肉飯既關係（真係做得好出色）真係忍唔住去食下食評，因為見到個餐牌都即將會出好多新既款式，期待期待好啦，先講下店外環境，係商場一樓，人流唔多而且係極寬敞，對我要求環境質素都滿意😛店內都好光猛，店員都有禮貌同積極服務人多時見佢都唔會淋檔因為請夠人手好啦食物系要點我點左老壇酸菜魚配米線，聞到香噴噴，仲可以揀幾辣，魚片都唔好太薄一夾起就烂又夠滑，大大碗，其實細食既女朋友仔都可以同老公share 甜蜜蜜一碗😂餐牌我影埋大家睇，黎緊仲有好多飯類煲仔飯都有🥰仲出好多飲料同酒都有得飲埋，但我見價錢又可以接受，我實會去試下，等我再試完再話比你知呀下、原來初初以為一個人食個飯成60好心痛呀，但其實我想講你聽，食完我就成日想返轉頭，加上大大碗都好性價比架，哈哈😄

天水圍｜魚眾不同🐟～～～～～～～～～～～外賣～～～～～～～～～～～已經食過好多次，亦有試過堂食，質素唔差。雖然食得出係用海底撈嘅湯底，但配料好足👍🏻，加上平民價錢👍🏻外賣會分湯上❤️選一項：白飯 / 米線 / 薯粉選兩項：配菜————————————————————————🔸(唔辣)老壇酸菜魚 $56 ⭐️⭐️⭐️🔸麻辣牛🌶 $66 ⭐️⭐️⭐️⭐️🔸蕃茄魚 $56 ⭐️⭐️⭐️🔸老壇酸菜魚🌶 $56 ⭐️⭐️⭐️⭐️🐟煮得太耐，易散，冇咩口感🥲🐮肥牛唔會好肥👍🏻，重牛味，但略嫌少咗啲～🔺建議：辣嘅湯底比較惹味🤤整體而言▪️味道 3.7 / 5▪️環境 3 / 5▪️抵食 4 / 5📍天水圍天秀路8號天一商城2樓2060號舖

天水圍站📍魚眾不同酸菜魚-之前都講過，酸菜魚係我all time favourite。今晚又去食🐟一人份：青花椒酸菜魚（$70）其實魚都有好多款簡，今次就簡左新鮮鱸魚片。配菜附送兩款，我就簡左薯仔片同豆腐皮，再配埋白飯。鱸魚都幾嫩滑，不過有時一夾就散，薯仔片同豆腐皮好入味😋不過湯底個青花椒味唔出，亦都唔太辣，同埋鹹左少少，但就送飯一流！一人份：酸菜金湯魚（$78）呢個簡左新鮮鯛魚片試試佢，肉質相對冇咁鮮嫩，不過就比較彈牙爽口。配菜就簡左薯仔片、豆腐皮同娃娃菜，多一款配料加多$8，同樣係十分入味，吸晒湯嘅精華😻兩個飯桶都係要跟白飯先覺得有滿足感😹最中意將d湯加落白飯度🤤呢個湯會比青花椒酸菜湯辣少少、酸少少。$70幾蚊貨仔黎講都算唔錯，份量夠多，如果晏就食完一定飽到瞌眼瞓😹湯底唔算有層次，兩個湯嘅味分別不大，但味道都ok。環境方面，餐廳唔算大，座位之間都幾迫，坐得唔舒服，有時行過其他台都要好小心，甚至有姐姐執台都唔小心撞到其他台😩建議外賣返屋企食仲舒服。

仲記得第一次叫foodpanda食青花椒酸菜魚小辣 結果係辣到流晒鼻水完全食唔到（自問都食到譚仔麻辣2小辣的人）今日見天氣凍凍地突然又想食酸菜魚，決定俾多次機會！印象中第一次食嘅時候除咗太辣之外配菜、魚塊都係比較少。一個套餐完全食唔飽。今日就揀咗老壇酸菜魚（小辣）Foodpanda套餐包兩個配菜，我揀咗腐皮同萵筍，怕唔夠飽再加$10揀咗金針菇。今次嘅辣度滿意！小辣剛剛好，湯底濃郁夠酸味夠辣夠開胃。配菜份量都充足。唯獨魚塊份量略嫌太小，得幾塊，而且不新鮮，咬落好‘霉’的口感，就好似最平嘅龍利柳的口感。

今日突然之間想食下辣野，咁就行到呢見到呢間嘢！咁之前都有幫襯過嘅！都係好普通！今日見冇人又係早就來幫襯啦！主菜不過不失啦！都幾夠辣嘅！亦唔會太辣！酸菜魚就係龍利魚！佢哋聲稱係雪藏魚所以對佢嘅要求都唔可以話太高，至少冇骨！叫咗個豆腐同埋芽菜仔做配菜，都過得去。尚算入到味！但個湯底真係多咗啲味精，食完真係好口渴！酸菜味道就真係唔係好夠！白飯太爛！應該落多咗水去煲飯！呢個喺要改善！服務態度亦都唔係太理想！對客人欠缺啲基本禮貌！

初開業嘅時候吃過一次，但忘記了是好吃還是...?🤔其實都已經開業多年，門外經常都擠著人群等位或外賣，今次經過見不用等位就再次幫襯，先在收銀處購票付款，食物稍後送上，落單時問過"老壇酸菜魚"是什麼魚？收銀員稱"魚"是用雪藏龍利柳，但可加錢改新鮮生魚片...🤔最终都冇改，想試下原味材料先😄湯底味道濃沃極惹味，但食材有待改善🤨主食份量太少😒個碗很大湯水多，魚只得四至五小件？🤔咬下去散開...很水嘅感覺? 又碎濕濕，吃不出什麼，另外包兩款自選配菜還可以👌🏻選了生菜及豆腐皮😌但冇乜驚喜😅番茄牛肉都係湯底濃，但牛肉黐埋一舊吃不開😑散開的牛肉很薄片又係碎濕濕？🙄自選配菜就揀咗萵筍及娃娃菜👍🏻兩款菜配搭蕃茄濃湯原來極之夾😬很入味...😋推介萵筍爽脆好味😃其實主食(魚和牛)就冇乜得吃，吃不出真味道🤭每款主菜係會配(大大碗)飯、米線或木薯粉(任揀一款)，有兩款配菜加埋大大碗飯或米線撈濃湯都總會吃得飽的...😣😓今次試過便算...但要好好記住🧐冇下次🤣

住左大西北咁奈傳說依間魚眾不同好正但一直好少經過個邊今日終於有機會試啦😍證實左佢唔係傳說根據我成日周圍食既感想天水圍/元朗啲川菜 麻辣野真心特別出色可能我重口味 出面食比較多都係淡味啲同唔夠麻佢依間有幾款唔同口味既魚 今次叫左麻辣同蕃茄湯味每個餐都可以跟兩款配菜金菇、窩荀、豆卜、芽菜之類仲可以跟薯粉/飯 但佢既薯粉係勁幼身個種 我唔太鐘意🧚🏻‍♀️麻辣味魚 $56落單個陣姨姨叫我洗唔洗少辣 驚太勁可能佢唔知我係重口味之王 好彩我話唔洗因為真係唔夠辣佢係好足味 都夠麻籽 好正啲魚肉就比較雪味 下次可以奢侈啲轉生魚片但個湯底真係一流 可以飲用🤣仲要碗薯粉大兜到我都食唔哂 🧚🏻‍♀️蕃茄味魚 $56蕃茄湯底唔會太杰 而且無好重味精味感覺都係新鮮煲既而且食完都唔會有好口乾既感覺但始終都係麻更勝一層朋友推薦金湯魚味 下次我要試哂全部味先😍抵食指數：🌕🌕🌕🌕🌕🌕🌕🌑🌑好食指數：🌕🌕🌕🌕🌕🌕🌕🌕🌑

近期都幾鍾意酸菜魚😊雖然我唔鍾意辣，但都幾重口味💁‍♀️呢度可以揀生魚片或者魚柳🥰生魚片就比較鮮，又比較高蛋白質魚柳比較香，同埋如果平時怕淡水魚有泥味嘅話，呢隻就啱你啦😝老壇酸菜魚😋呢個可以揀唔辣🥰湯底充滿蒜香同鹹酸菜嘅味，隔幾條街都聞到🤓薯粉好索湯😝另外可以揀2樣餸，我通常都會加錢叫3餸：娃娃菜、豆腐、大豆芽💁‍♀️呢啲索湯野真心正，不過如果比多幾舊就好啦😝一般嚟講，得2片豆腐（不過好完整好滑）、3-4條菜、少量大豆芽。店員比較粗獷，不過都唔至於態度差💁‍♀️堂食就比較多人，lunch都要等位，因為食辣會有啲鼻水，所以好驚同人搭枱🤣🤣

由開業到而家食到而家，水準一路都好好 不過覺得開業嘅時候魚多啲配料多啲，依家唔知係咪換咗老闆，又或者換咗啲員工，覺得份量好似冇咁多，不過水準依然係好高 麵來講相對比較淋身，我就覺得飯比較出色 湯底來講我就推介，金湯，老壇同青花椒

入來天水圍，搵到呢間酸菜魚，有分新鮮魚同雪藏魚柳，當然新鮮魚係貴少少，新鮮魚都只係加13蚊，我個人覺得值得。出面好多酸菜魚都冇得走辣，呢間有辣度揀，有大，中，小辣，仲可以走辣呢吓正。價錢大眾化，幾十蚊一大碗有2個蔬菜，仲有魚片，味道都唔錯，仲要份量十足，佢個米線／紅薯粉／飯，係另一個碗上，分開2大碗野咁。一個女仔係食唔哂。性價比高，可以再試! 可惜佢分店少，得天水圍，元朗，同九龍灣有，下次要特登去，先有得再食。

🌶麻辣魚 (魚柳) {可轉魚片} $56超大碗 超大份 除咗麻辣魚 仲可加2個配料 我就加咗豆卜同豆腐〰️☺️配料都好多 舖滿成個碗🤣另外 配薯粉 薯粉好林身 又係好大份 其實2個人啱啱好🤣可惜佢有每人最低消費$56〰️🤐超級超級重口味 我同屋企人都算食得重口味 但都覺得好咸 而且好夠辣 佢餐牌係話呢款係🌶🌶🌶 但個人覺得無乜花椒味 唔夠香♨️食完之後 個肚都幾唔舒服 我哋成家都突然好想食甜野 中和下🤣之後衝咗落去買雪糕食 一日一杯🍦價錢係好平 但唔建議成日食 好似好唔健康咁🤔〰️