魚一壽司 (教育路)

營業中

休息中

約左同事錦上路交收, 再入左錦田同呀仔放風箏🪁玩左一陣, 因為睇完祖堯節目,想食泰國香蕉🍌pancake!所以入元朗一轉!聽過下同事話魚一好食, 所以去朝聖下先! 好彩6點幾無咩人, 5分鐘就入得! 自己scan QR code 下單方便!呀仔至愛粟米🌽壽司, 應該好食, 因為食曬日式炒雜菜: 呢個堅好食! 好難形容比你地聽點好食法, 雖然係簡單一碟菜, 就算食到最後, 好飽都拍埋入口!⭐️好fresh 好甜燒多春魚,:燒得一D 都唔乾, 無燶, 好脆得黎又juice.西京燒銀雪魚: 呢個都係呀仔至愛, 唔貴! 好好食!個味岩岩好!芝士燒生蠔: ok 既, 有鮮味焦糖鵝肝壽司: 呢個超好食!!!!!!!!表面係脆脆既焦糖同鵝肝係甘夾架!encore 左2次😋芒果蟹籽沙律: 好味, 芒果好甜, match 曬, 勁多蟹籽蕃茄豬軟骨烏冬: 好重蕃茄味, 豬軟骨好味份量都多,  烏冬爽彈!三文魚刺身: 老公話好食，佢係食左三文魚壽司🍣先叫埋個刺身軟殼蟹天婦羅: 炸得鬆脆, 脆到有聲, 但略嫌無肉, 食左隻BB蟹tim 汁燒白鱔:老公話正👍燒牛舌: 唔得, 好un...全餐都好滿意既, 呀仔有欽

終於又食到魚一啦我最愛既鵝肝壽司，今次無時間入去食，唯有叫外賣啦，外賣一樣咁好食，第一次食火焰左口魚邊壽司，嘩！入口即溶正之後辣辣冷面都係我既致愛今次辣汁重手左（我平時食開微微辣），雖然要係噤飲水，但都無阻我繼續食丫，因為實在太好味，仲有大拖羅帶子，甜蝦，仲有仔仔鐘意食既喬麥面好想快d到下下星期，可以去堂食

元朗·魚一壽司依間岩岩裝修完冇幾耐食過兩次都覺得抵食第一次係7點幾去 要排隊今次9點去 就唔洗排👍🏻👍🏻👍🏻⭕️蟹籽沙律蟹籽控既朋友可以試一試勁多蟹籽 多到成座山甘😍😍⭕️吉列炸蝦卷食落依然係脆口👍🏻👍🏻⭕️灸燒右口魚裙邊壽司好抵食👍🏻燒完有油香味好食過唔燒⭕️叉燒拉麵個人鐘意濃湯底 依個湯底唔夠濃 中意清淡既朋友可以食

明明知道元朗有好多好嘢食 但係今次偏偏想食日本嘢 就嚟到魚一壽司😇下午茶時間嚟到 剛好冇晒套餐 只可以散嗌自己鍾情於火炙壽司 所以張餐牌上大部份嘅火炙壽司都嗌左 最鍾意嘅都係火炙三文魚同比目魚背 魚嘅油香 透過火炙迫晒出嚟😍😍😍比隔離枱吸引到 叫咗件炸蝦壽司 蝦係新鮮炸出嚟 肉質爽口彈牙最有驚喜嘅係佢見軍艦壽司 上碟時紫菜仲脆 推介海膽花枝😙😙叫咗一個三色丼 帶子厚肉鮮甜 三文魚片片超厚切 仲有海膽好濃味 超正👍🏻店員服務態度好好 只係上菜時間比較耐 可能係因為佢哋要做外賣嘅原因 不過都值得等嘅❤️

一向多人去嘅魚一壽司日前遭受人撞爛大閘，就算已經好多人識都好都要出post推🍣大家要再去支持佢地！.1️⃣竹 Chiku （火炙壽司）（$98）🍣三文魚x2🍣穴子x1🍣珍寶壽司蝦x1🍣皇帝蟹肉棒x1🍣左口魚裙邊x1🍣帶子x1🍣牛肉他他x1🍣加洲卷x2🍣茶碗蒸x1呢個set係火炙控必點！三文魚唔算係最新鮮嗰種，但火炙下加埋沙律醬又香又肥，正。蟹棒正常味道。珍寶蝦就咬落爽口唔會太實肉，火炙完仲食到鮮味🍤帶子就有少少本身嘅甜味，醬油再吊一吊味。而左口魚邊一向都多油脂香，係全碟最好食😋加洲卷就發揮咗佢填飽個肚嘅作用啦🤣

🇭🇰平時大排長龍 我建議你哋如果係街坊想試嘅話 可以試吓佢外賣先🤣可以打電話嗌左外賣先 到佢差唔多整完嘅時候先出發去餐廳拎😆平價壽司入面佢算係幾好😍啲壽司飯唔會太淋身‼️d刺身高質～不會令你失望的日式料理😋海膽鮮甜 刺身好新鮮 壽司中規中矩🍣熟食上枱都仲係熱辣辣👍🏻服務員態度好 唯一唔好嘅就係真係要撞手神 堂食長期大排長龍🥲性價比高 嗌到成枱都係 好多都食唔晒要打包番去🤣埋單$450內落樓😉平時冇咁瘋狂的話 大概人均$200左右😆🌟推介分數（3.5/5）📍魚一壽司 (元朗)元朗教育路68號兆豐樓地下7號舖☎️24852121如果有興趣可以follow我Instagram ：comeeatwithme__絕對真實食評 非專業 純粹分享個人感受❤️謝謝支持🙏🏻#hkfoodie #foodiehk #comeeatwithme_yuenlong

今次係細妹幫手book，佢食過，話抵食好在佢book咗，門口勁多人排隊裏面原來好大間，仲有樓上一層我哋都係坐樓上勁勁勁豐盛刺身好抵食，三文魚係$48有六件都係厚身嘅仲要估唔到佢刺身都會另外跟幾舊飯俾你同埋紫菜即係你都可以當壽司食不過壽司嗰塊三文魚一定冇呢度咁厚身老竇話啲刺身都好漏咁真係冇偷工減料三文魚油脂滿溢另外仲一人一件軟殼蟹手卷搵啲飯填飽自己個肚芝士年糕必吃！海膽唔算搶手，屋企人唔係太鍾意食細佬就覺得有少少腥 我就覺得有少少苦澀味希靈魚係我父母介紹我食先嘅粒粒極爽口感 清酒煮蜆，細佬覺得個湯好甜我覺得唔夠入味，蜆肉有啲啲淡多春魚 因為之前試過有個工人煮多骨魚俾我，我望落去以為多春魚，中招後，就成日想食返真正嘅多春魚嚟彌補其實我哋都叫咗好多刺身、壽司、炸物、手卷⋯⋯$1000 左右 for 6人，冇就住嗌，都真係抵食

咁晚上見到咁多人排隊 就抬起頭望望叫咩名啦 原來就係魚一咁就等左半個鐘左右入到座 咁入面空間真係比較窄少少。 咁睇d 裝橫都已經充滿日式風格。咁就點左刺生食一食。咁既價錢食到咁新鮮既魚生都已經好開心咁最抵食記係蟹膏蟹肉壽司 你地睇d 料已經係咁大舊又多。食落口已經淡淡既蟹膏浮晒出黎咁都點左大拖咁師傅已經改左刀。都把根位都切開。咁劍魚/油金魚 都係好新鮮另外個人最愛火炙左口魚裙邊 因為放入口 經過火燒把魚油燒出黎 十分香口下次會再早少少去排隊再食 再分享比大家

前陣子，和家人一起到元朗「魚一」食午餐。剛到達，見餐廳🍴門口有很多人，我們拿了枱票後，大約三十分鐘後便入去餐廳用膳。我們四人，每人叫左各自一份定食和一些壽司🍣。總括而言，壽司🍣嘅質素不錯，米都有飯香味，而且醋嘅份量都恰到好處；魚生亦頗新鮮，三文魚亦有油脂。定食嘅豬排炸得不錯，魚生很新鮮而且油脂亦足夠，令人食了滿口油脂味。定食嘅麵豉湯味道很好且夠濃，比其他日本🇯🇵料理嘅湯做得有誠意。如果去元朗玩，可以到此食個飯。

呢間係好親民又用料新鮮既日式小店食串燒炸物 刺身 壽司都非常大件又抵食三文魚刺身厚切又嫩又肥美 甜蝦大大隻 肉質鮮甜壽司有分炙燒同一般壽司 連和牛 鰻魚 鵝肝都食得到 三文魚燒過之後個魚油味更濃香和牛壽司口感又嫩又香, 鵝肝更加係一口脂香口感豐富軍艦系列選擇超多 沙律醬八爪魚 蟹肉蟹膏 沙律魚籽 三文魚籽 仲有海膽每一件軍艦都填滿食材,口感滿足 食材又新鮮 元朗教育路68號兆豐樓地下7號舖平均消費$300評分8/10魚一壽司

未試過喺元朗食日本嘢，收工同朋友一齊出去食飯，聽其他朋友介紹魚一好出名於是，我就book咗試下。叫咗都算多嘢食，嘢食都好驚喜，分量都幾大，特別係刺身三文魚同帶子好肥美！三文魚切得勁厚，真係好抵食！！未試過食咁厚嘅三文魚🍣！雖然個味道冇話好鮮甜，但係真係對得住佢價錢除此之外，佢嘅燒物都好好食，冬菇、菠蘿、雞肉京蔥串燒全部都要等一等，我諗係即刻燒所以都要啲時間，好食，值得一試。佢嘅卷物都唔錯特別係蘆筍牛肉卷，蘆筍好清新同牛肉一齊食好夾，雖然最尾食到好飽但係都覺得好好食🤩呢間餐廳值得推介，因為真係抵食超值啊！

今次揀咗lunch time嚟食，都幾full，一點半左右到，要等大概一兩張檯先入得，但都唔算等好耐！order咗兩個三色魚生丼飯，份量充足，三文魚有四片，有海膽同埋兩片帶子，魚生都好新鮮，本身我都唔太經常食魚生，但呢間可以encore，魚生冇唔新鮮嘅感覺！menu都有好多其他選擇，但兩個人就食唔到咁多，兩個飯已經十分飽！仲order多咗個小食同飲品，埋單都係$198！食物上菜速度算快，唔會等好耐！值得一提嘅係，佢餐前嘅味噌湯好好味！

好耐冇去過元朗，今晚特登揸車入嚟元朗國食日本野，除咗高檔嘅廚師發板之外，都有好多價錢親民嘅日式小店。今次就揀咗呢間長龍日本餐廳試吓。刺身船刺身係我哋散嗌嘅… 廚師好有心機咁將佢切成一盤，成隻刺身船咁牡丹蝦勁抵$68有兩隻，刀背勁爽脆夠新鮮，海膽我哋就嗌左半版$118，配埋紫菜同埋飯仲有青瓜，yummy yummy軍艦辣味三文魚、黃金魷魚、海膽螢光魷魚分量比平時出邊食多一倍性價比勁高總括來講，服務幾好，雖然門口有好多人等位，佢哋仍然好細心咁慢慢上菜，食材夠新鮮！兩個人埋單五百幾蚊，除咗有影相嘅刺身壽司之外，我哋仲嗌左啲小食，一共食咗二十幾樣嘢，下次可以再嚟encore

上網睇下元朗有咩食 睇到都多人推介，性價比高門口見到好多人，禁左飛都即刻有位原來仲有上一層上到去有位侍應問幾多位，我地話2個佢安排左4人位比我地，心諗甘好既比我地放野，坐得舒服啲，點知一分鐘後，有另一位侍應話唔可以坐依到，安排我地去2人位，甘算啦佢都比張凳我放野，所以我覺得服務係ok嫁落單係用QR Code，但無detail 我地就問左女侍應個餐會唔會包餐飲個啲，佢專登拎個餐牌同我地解釋，話係包前菜同湯，所以服務係唔錯甘叫左兩個丼飯，就想用豉油碟，入面有橙橙地既野，好似有人用過甘，杯都係有一粒粒黑黑地，比我地既匙羹係個收碗車都拎，都唔知洗左未，仲要一拎比我地就放入碗，連比我清洗既機會都無😅到走個陣，發現收銀個到都要整野食，整飲品，無人有時間收錢女侍應話唔好意思要等等，之後同我地閒聊，所以佢地既侍應服務係唔錯嫁食評：三文魚無咩味 質感偏軟身吞拿魚加埋蔥一齊食係不錯

🍴🍽🍴🍽🍴🍽🍣🍣🍣🍣🍣🍴🍽🍴🍽🍴🍽-上網見到唔少人都介紹元朗呢間壽司所以專程搵日入嚟元朗玩順便試下當日lunch去到好彩仲早唔使等位如果晏少少去嘅朋友記得打電話book定位好啲🧐因為我哋食完買單走嘅時候出面已經排緊隊-佢地午市有唔同嘅set lunch提供不過我哋都係鍾意食咩就嗌咩😆所以都係決定單嗌想食嘅壽司嚟食個人覺得壽司比較好食嘅係蔥吞拿魚腩同埋芝士蟹籽軍艦🥰另外火炙三文魚同埋左口魚邊都好香口其餘嘅壽司都相對普通，始終一分錢一分貨唔太建議order $10兩件個款吞拿魚🥶感覺同爭鮮個款成塊鮮紅色嘅吞拿魚一樣🤧-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 6.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10整體 𝗢𝘃𝗲𝗿𝗮𝗹𝗹 6.9/10-📌 我哋total食咗23件壽司🤓買單好似都唔使$200🤩性價比夠哂高👍🏻-🍽🍴🍽🍴🍽🍣🍣🍣🍣🍣🍴🍽🍴🍽🍴🍽