高麗韓國餐廳

二人相約於北角晚聚; 訂了高麗苑韓國餐館。以前食過是自助餐任食、人蔘雞湯任飲……今時今日疫情; 已變套餐形式……我們叫了2人餐……三肉類: 牛肉、牛 舌、豬腩肉。有5小碟前菜、海鮮湯、飯！只需$288 +1 0%……另加飲品 菊花茶一大瓶$23 。因晚市只有二至三枱、姐姐服務非常好！味道……正、料……不錯; 雖然雪'藏肉、但燒烤後味道相當好！…查看更多

黎到北角想食韓燒，就試下呢間開左好耐既韓國餐廳。地點都唔算易揾，入到去好有舊式韓國風味，好香燒肉味!2個人叫左4人餐，因為有6款肉揀，揀左青口，羊肉，雞肉，牛肋骨，豬腩肉，魚，每位跟1碟芝麻油鹽醬，韓式甜醬油，有6款前菜小食，跟4個飯4個湯，可以後上或免上。韓國真露燒酒，配燒肉最正，但因為有湯，1個人飲唔哂1樽。6款前菜小食，全部凍盤，韓國泡菜唔錯唔太辣，甜醬薯仔好軟熟香甜，甜魚仔乾好味，芽菜好香芝麻油香味。上羊肉時，服務員講左係牛，然後食落都似牛，服務員話因為用左韓式醬所以冇左羊so味，青口幾鮮甜好味，雞肉燒出黎好多汁嫩滑，羊肉真係冇乜so味，不過好多肉碎，魚好香滑多汁，有機會再黎試下其他菜式。…查看更多

昨晚同老公到高麗食生日飯韓🔥是我至愛2人套餐＄288可選三款肉(羊肉、豬肉、五花腩）連湯、飯、配菜另加生菜盤、酸梅湯1 Jug羊肉夠騷味五花腩厚度切得啱啱好肉🔥至燶燶哋脆脆地包生菜食又去油膩感覺正👍🏻👍🏻👍🏻😋😋😋我和老公都食到舔舔脷好滋味😉…查看更多

今晚收工同友人途經北角城市花園 。看到這間高麗韓國餐廳 便進這餐廳來試試行上商場一樓看見餐廳裝修得像韓國的燒烤店，環境衛生舒適令你置身在韓國一樣 我們點了一個二人餐 HK$288元 另外加了一渣菊花茶亨用二人餐可選有三款肉類包兩碗白飯，兩碗牛骨湯 及韓國一些配菜小食及生果 值得一讚這餐廳的燒烤抽氣做得好好卡位環境又舒適 食物味道正常及分量合理足夠二人吃得飽飽值得一試五花腩 另外燒烤抽煙系統做得好好用餐完身上都唔會有一陣燒烤味…查看更多

高麗韓國餐廳位於大廈嘅一樓，非常隱蔽！如果唔係北角地膽，都未必知呢間餐廳。🤨呢間餐廳價位相當平民，超抵食！我已經嚟食過幾次晚餐，每位都係$110起，試問呢個價錢食韓燒合理咩？太抵食啦！😝今次一於試下喺度食lunch set，lunch set有幾款，我哋就揀咗最平嘅$59燒烤套餐（有加一）。呢個set可以揀一款肉嚟燒(份量有一碟)，另外有包埋前菜、餐湯、白飯、飲品一杯同甜品！係咪好豐富呢，包你可以飽住咁離開間餐廳。😋❤️(上)牛肉 & (下)豬肉一上到枱兩碟都係滿滿嘅肉，而且啲肉都大大塊，同埋都新鮮嘅，唔係比啲碎濕濕嘅肉。牛肉同豬肉都有醃過，醃得好入味，就算唔加枱上面嘅燒烤醬都好有味。牛肉醃醬偏甜，豬肉就偏少辣。我建議燒耐少少，燒到表面有少少焦脆仲好食！好食度：⭐️⭐️⭐️✨(3.5/5)✅份量啱啱好❤️餐湯+白飯+飲品個湯好足料，可惜唔係特別好飲，但可以幫你解下油膩感嘅。飲品方面有得揀菊花茶同酸梅湯，我哋就揀咗菊花茶，味道甜咗少少。不過可以下下火。好食度：⭐️⭐️✨(2.5/5)❤️前菜有四小碟，分別係小白菜、泡菜、薯仔同芽菜。食得出係用新鮮材料醃，泡菜新鮮爽口；薯仔甜甜地煮得軟熟入味；芽菜同小白菜有麻油味。好食度：⭐️⭐️⭐️(3/5)❤️甜品對甜品無乜期望，有得送已經好好😂 啫喱係似羅拔臣啫喱，上面加咗少少花奶，我覺得花奶可以唔加！🤨好食度：⭐️⭐️✨(2.5/5)餐廳推薦度：⭐️⭐️⭐️✨(3.5/5)可能因為太耐無食韓燒，我食完覺得好滿足！份量啱啱好！咁平嘅價錢，食物質素又唔馬虎，性價比真係超高！星期一至五午市學生優惠套餐都係$50咋（有加一）！…查看更多

夜晚6:30去到，已經開始有食客已經食緊。可能疫情關係，自助放題取消左，得返套餐 or 散叫。套餐有一人餐(110蚊/170蚊)，二人餐(288蚊起)，四人餐。我影底左個餐牌，有興趣可以自己click 黎睇。我地3個人，叫左4個110蚊餐。有牛肉，羊肉，五花腩(都厚身)，牛脷。1人套餐包，前菜(包3小碟)，湯，飯，肉，甜品(係一片橙黎)注意：茶係免費任refill. 如果前菜唔夠，可以比錢單點購買。不貴，都係12蚊碟食熱氣野，無理由唔叫凍飲既 叫左38蚊Jar 菊花蜜飲。夜晚套餐碟肉比下午大一倍。可能係週末，都多人黎食，7點幾已經好旺，所以最好記得訂位。我一直都有幫襯呢間餐廳，因為呢度韓燒價位真心佛心價，出面食韓燒，下下一碟肉都2,3百蚊了。喺呢度食多2碟，都仲得。 .我覺得牛脷，五花腩，羊肉都好食，反而牛肉就較普通。d 職員姐姐同哥哥幾忙都好，都保持禮貌。 希望呢間鋪，可以捱得住啦…查看更多

北角站做嘢今次路過韓國燒烤、好似好耐歷史，點了自己燒烤，牛仔骨夠厚，石頭鍋飯好食食物不錯，環境舒服，服務員態度非常好經常主動加茶價錢都係唔貴!下次有機會再來幫襯正呀…查看更多

同朋友放工時間搵野食， 佢哋話好似好耐冇食韓燒， 所以一於係open rice上面搵下有冇正野！ 結果，發現北角有一間高麗韓國燒烤好似幾有特色， 就揸車去試下！地點：位於北角和富道， 附近都多地方可以泊下車都算方便， 咁啱我哋泊車對面就係餐廳，fit 哂。餐廳係一個舊商場二樓，上到去已經比佢嘅裝修吸引，好有特色！等候：可能係星期四晚嘅關係， 唔使等位，有卡位坐。環境：裝修好有特色，好似返左八十年代咁，坐位多數係卡位，好舒服，正！食物：我哋三個人叫左個二人餐加一個一人餐，總共有三碟肉，兩牛一豬，加上一個豬石頭鍋飯同一人餐跟餐白飯，仲有韓國菜例牌嘅八小碟，夠曬飽。牛小排：老闆大力推介，真係冇介紹錯，好有牛味同埋肉質夠淋，肥瘦均勻，燒起來好香好正！牛肉：牛肉片有牛味，而且唔會太韌， 燒起上來幾好食，算係高質之選。豬肉：味道唔差，切得幾薄所以燒上手好快熟同夠香脆，不過整體覺得呢度嘅牛比較出色。結論：估唔到北角有一間幾有驚喜嘅韓燒，食物同埋環境裝修都喜出望外，鍾意食韓國野嘅朋友一定唔可以錯過！…查看更多

相约家人一起食韓燒！平日不限時段$198加一任食！飲料另計:酸梅湯一渣$38、汽水一罐$15、鲜炸橙汁一渣$12o……颇貴！食物尚算OK:牛、羊、蝦都好味、雞翼勁雪味、魚塊…散的！係人参雞湯参味重！最令人不滿係只有免费換盆兩次……其餘收取$1o！未見過咁冇品、只顧收錢的食館…查看更多

開咗好耐嘅韓國餐廳，記得以前成日嚟食，今日嚟試吓睇下質素有冇變🤔鍾意呢度嘅前菜，唔啱食嘅可以叫佢幫你換☺️我哋換咗白菜仔😋白飯都好大碗👍🏻仲有送餐湯：胡椒蘿蔔湯韓式紅炆牛尾（$68）有好多舊肉😮全部都好腍👍🏻😋汁嘅味道幾濃，唔係紅酒汁嗰種。海鮮豆腐辣湯（$68）食唔到辣嘅我，叫咗佢小辣，係我接受到嘅辣度😁海鮮唔算多，有一隻蝦，幾粒蜆肉同埋幾多豆腐。有好多娃娃菜🥰仲有甜品送：今日喺綠豆沙👍🏻侍應好忙，冇乜招呼我哋。呢度午餐仲有燒烤😮，仲有學生價幾抵食。但係我哋叫嗰啲就一啲都唔平，好似普通出面嘅餐廳咁。…查看更多

忽然想食Kimchi, 又去Openrice碌碌吓，碌到呢間餐廳, 北角區唔難揾就即管試吓入到餐廳果然清優, 可能早(6點半)得一兩枱客但餐廳本身都幾大, 應該客量唔多時只開一部分, 但都覺得舒服!行埋去食物區, 雖然款式唔係特別多, 但睇落去食物顏色有光澤同新鮮! 最吸引我當然係Kimchi區啦！Kimchi同蔬菜款式種類又多又吸引! 每款試少少都會飽我都試咗一半種類! 味道不太濃烈, Like!另外佢啲肉類擺放得好整, 同埋都醃得好好味, 一啲都無雪味!尤其是啲雞翼咁大隻, 無雪味兼好嫩滑試過出面其他類似形式嘅韓燒, 啲肉好多時都雪得好實同有雪味 呢度真係做得唔錯啲蝦都算新鮮有蝦味兼肉質結實! 多春魚算大條兼有好多魚春, 真好味! 重點係一啲都冇腥味!因為係星期四, 所以有兩小時任食, 可以食得輕鬆又自在!(星期五同假日就只有個半鐘)下次都會揀平日再嚟…查看更多

老牌韓燒自助餐 🍴 地點唔算方便 炮台山地鐵站都要行大概10分鐘 🚇 勝在無咩人 🔊🔊價錢又唔貴 重點 ‼️‼️食到妳唔食先走都得無限時 $198呢個價錢抵啦⚠️⚠️仲要d肉唔系差牛脷牛肋骨豬腩肉全部都齊😋😋系抽風差少少 😂😂😂仲有得免費換板兩次…查看更多

一早聽過依間韓燒lunch set抵食，雖然位置有啲偏僻，但都不阻我既決心lol正正因為位置唔太方便，平日lunch黎食都真係甚少客人👀望一望menu，諗都唔洗諗就揀左午巿特價烤餐 ($59)四味前菜都各有特色，一啲都唔hea!青瓜夠清淡，青豆夠入味，青椒夠辣(真係好辣...)，泡菜夠開胃🥰跟餐有白飯仲有碗湯🤣 雖然碗湯都幾有味精味，但勝在足料🤪白蘿蔔蜆肉都有！我地兩個人叫左牛肉同牛舌。牛肉方面略嫌肉有啲散，好易就分做一條條🤔 要一整塊咁食真係有少少難道，而且無咩味，要靠點醬油。好推薦牛舌！ 😝 有咬口之剩又夠香。而且由圖都睇到份量真係好夠！我地差啲食唔曬😏甜品係青檸jelly+花奶我都唔係好明點解要加花奶，但都match既🤔埋單都係$65/1🥰…查看更多

如果大家未嘗試過燒曱甴可以過嚟食一食，在明火燒烤嘅情況之下一隻無比生猛身長超過一吋嘅大曱甴，輕鬆自如行入火爐慢慢烤熟—-地道韓式殘忍燒。經理佢既然話：隻曱甴唔係喺啲食物嗰度，你都未食落肚，所以冇問題，因為唔係食物有問題啊！只可以講一句大開眼界！相信呢間餐廳嘅經理或者侍應們其實都見慣大場面，每日可能每日都有不同嘅殘忍燒，今次係曱甴下次可能係老鼠。係呢個情況之下居然完全冇歉意面不改容。北角高麗韓國燒烤其實除咗衛生問題，食物味道亦都一般，所以視乎各位如果唔介意有曱甴或者老鼠，甚至乎唔知道㗎細菌或者其他污糟野，可以去挑戰一下自己嘅身體抵抗力，但本人一定唔會再去。🤢🤢🤢🤢😡😡😡😡…查看更多

很久也沒有吃過韓國菜了，一時興起便跟着男友來到這間餐廳食韓燒。踏進餐廳，裏頭的水晶吊燈、木製舊傢俱以及復古擺設等，都令食客好像回到了20年前一樣。播音機中還傳來那首膾炙人口的江南style，心想潮流實在跑得太快，現在的青年人都嫌這首歌老土了。侍應都是上了年紀的叔伯嬸嬸，燒烤前先給我們送來四小碟前菜，有泡菜、年糕和其他腌製蔬菜。泡菜微辣，年糕口感煙韌，腌菜則麻油味比較重。跟餐還附送餐湯和一杯飲品，非常豐富。主角終於出場了。想不到午市韓燒套餐的豬頸肉和牛舌份量都蠻多，看起來顏色不錯，而且事先都經過調味，跟餐配有一碗白飯。豬頸肉切得厚身所以燒好後的肉質相對堅韌，肥肉佔的比例比較多。牛舌雖然切得薄，但卻不容易咬開，質素平平。餐廳的抽風系統算是不錯，燒烤過後衣服都沒沾上濃烈的油煙味。最後，甜品是我在孩童時期經常吃的花奶啫喱，數一數應該都有十多年沒吃過了，想不到居然會在韓國餐廳重遇它。午市燒烤套餐埋單都是50多60元，雖然肉類質素平平，但勝在份量多而且價錢亦較其他韓燒餐廳便宜。…查看更多