髀家Chill

營業中

休息中

買咗一份炸雞髀加磨菇飯外賣，一路行一路聞到好香嘅炸雞髀味。返到屋企打開嚟食，雞髀好香仲暖，皮依然香脆，完全無燶邊，髀肉嫩滑，一啲都唔似外賣，真係好正雞髀仲有竹籤插住，可以拎住竹籤咬雞髀，好體貼。磨菇飯汁濃多飯，正好抵食，只係48蚊

位置同舖頭，望落都好似好伏，但啲食物質素竟然超高質，老闆同老闆娘有在用心經營個仔仲要喺門口張枱度做功課，一家三口超溫馨嘅平民小食店！餐牌多款食物，飯、公仔麵、意粉、小食，全部價錢都相當相宜。亦會食得出啲嘢食都係自家製，同出邊街食到嘅味道完全唔同// 炸雞髀Best!!!呢一個係超驚艷！佢竟然唔係傳統茶餐廳嘅炸髀，而係將雞髀沾滿麵包糠攞去炸！除咗炸得好靚之外，啲麵包糠好香，所以佢冇落太多調味粉都好夠味！好送蘑菇飯食啲雞髀肉咬落仲要超嫩滑// 瑞士雞髀呢個雞髀好入味，齋食嘅話可能會覺得少少鹹，所以一定要配個蘑菇飯食。佢嘅瑞士汁，亦都唔係我認知嘅瑞士汁你見佢嘅汁都算稀，比一般瑞士汁淺色。佢較少甜味、豉油嘅鹹香較重，但都好食，好送蘑菇飯！同樣啲雞髀肉咬落仲要超嫩滑// 秘製蘑菇飯最初仲以為佢係KFC黑椒汁蘑菇飯味道，可惜並沒有。佢啲黑椒蘑菇汁冇咁濃、冇咁辣，明顯係自家製，設計去配佢啲雞髀食！調味較重嘅雞髀，配冇咁濃烈搶味嘅蘑菇飯，配搭十分平衡！唯一雞蛋裏挑骨頭，需要改進係啲米飯，可以粒粒分明啲，咬落唔會太軟爛~不過整體雞髀配蘑菇飯呢個配搭滿分！

話說有日，喺social media群組見到有人推介葵涌超大蘑菇雞髀飯，已經即刻Mark低，諗住搵日黎試。叫得髀家，顧名思義應該雞髀飯最出名掛🤣🤣小店嚟講整潔上都幾好，老闆都幾好人，呢度似乎係做學生/外賣多。位置都有少許難搵，建議大家睇定地圖呀🤣佢哋嘅蘑菇飯，相等於KFC嘅蘑菇飯特大大版🙈如果本身都鍾意食呢浸味嘅朋友仔都值得一試，好似下。炸雞髀同滷水雞髀都好食，炸雞髀唔會好乾，脆得來裏面都好滑，大大隻🥳🥳