影片
港鐵中環站 D2 出口, 步行約2分鐘
繼續閱讀
電話號碼
25216271
開飯介紹
Chariot Club is a restaurant inside The Chariot Club in Central. This restaurant serves both Western and Asian delicacies.
繼續閱讀
特色
同客食飯
慶祝紀念日
附加資料
只招待會員
VIP房租借費視乎人數和個別房間大小而訂定
以上資料只供參考, 請與餐廳確認詳情
食評 (39)
我記得當年在中環返工時曾幫襯過這裏幾次，今次得好友相邀，又再來這裏聚餐唱k一樂也 。今次選了四樓的西餐廳 ，一行四人，主人家特意點了一個烤三黃雞， 說是季節限定必食之選。 來到便唱k 🎤，這裏的服務非常週到， 先奉上一藍烤熱的麵包，🥖🫓🍞🥐牛油是標准凍的， 不是融的。😘 麵包新鮮香脆有水準， 跟住就是沙律， 有牛油果無花果車厘茄紫椰菜，🥑🍅🥬 份量雖然不多， 但味道很好。 大蝦蒜片意粉 ，🦞🐙🥔🥔大蝦很新鮮 ，每人都分到一個大蝦，主人家說這裏的價錢相宜， 食物都有一定水準， 跟住又有炸魚薯條炸墨魚配沙律醬，🦞 都是很新鮮的食材。 一邊唱歌一邊食， 烤雞已經默默地準備好上枱了， 一隻好大的雞，🐔 烤得金黃香香的 ，我們分別都打了卡 。侍應就將 雞拿去起肉切好再上枱給我們吃， 服務真真週到。 雞肉好鮮嫩 ，皮脆， 皮下脂肪少， 就算胸肉也不覺得柴， 雞髀就更是很嫩滑。 四個人很快把一隻雞解決了， 吃得很滿足。 窩心的主人家最後還點了芝士拼盤 ，作為尾聲小食 ，幾款芝士都是香濃順滑 ，配烤脆的梳打餅吃， 美味之至。餐廳還有戶外部分 ，方便喜歡室外環境或吸煙的人客，友善的服務和環境是最能留住客人的心。
繼續閱讀
年老親戚好鐘意嚟馬車會食飯，話貪佢地點方便，又夠晒私隱但老實講，佢啲食物真係越做越普通，疫情後嘅服務更加係差上星期日我哋book咗個包廂，房內電視直播緊TBB嘅香港小姐負責我哋房嘅部長(?)以為自己好風趣又扮晒熟，竟然大模斯樣喺度同顧客一齊睇港姐大大聲對每位佳麗評頭品足，如果有嘢做就呼喝另一位年輕侍應去處理唔講我真係以為自己去咗廟街大排檔！呢位部長令我全餐飯都非常唔舒服食物方面，乜都唔使講，剩係睇下當晚有幾多人要嗌可樂就知道啲食物有幾咸唯一可取係最後嘅薑汁糕呢啲所謂老牌私人會所，早已同時代脫節外面嘅高級餐廳越開越多，無論食物定服務質素，什至整個餐飲體驗都做到足正如當晚有一位第一次食馬車會嘅年輕親戚細細聲講：「呢度似係members only嘅富臨稻香囉」
繼續閱讀
我最鍾意的「新鮮木瓜加檸檬汁」,清新爽口的開胃飲品。木瓜肉質細緻多汁,搭配酸甜適中的檸檬汁,清涼解渴,為大餐做了完美的總結。。。「秋葵炒帶子」,新鮮肥美，帶子與嫩嫩的秋葵完美融合,香氣四溢。秋葵保留了應有的脆口感,而帶子則入口即化,口感層次豐富。另一道精彩菜式是「蜜汁叉燒」,叉燒肉質鮮嫩多汁,表層燒到微焦,散發出誘人的香氣,肥瘦適中，搭配甜蜜的蜜汁醬料,令人齒頰留香。點心拼盤中的三款小點也是亮點,包括鮮嫩多汁的「蝦餃」、酥脆可口的「炸雲吞」，濃郁醇厚的「燒賣」,口感各異,盡顯粵式點心的精髓😋😋最後,配上香滑細膩的「紅豆沙」,是完美的餐後甜點。
繼續閱讀
老同學將離開香港，大家依依不捨只想懷緬舊日日子，要點舊日的菜，馬車會是不二之選，老菜味道現在出邊其他菜館很難比🥢酸薑皮蛋：溏心皮蛋加爽口酸薑，非常開胃😄🥢蝦多士：個蝦多士真係脆到無論👍🏻🥢豬腳仔：雖然係冷盤，啲豬腳仔都炆到一咬就甩骨，仲非常入味🦢燒鵝：隻鵝燒到皮脆肉滑，唔算肥，半隻剛剛好🥣杏汁白肺湯：中國人最緊要果啖湯，未飲已經聞到好香杏汁味，你睇吓啲湯渣，啲肺多到呢一人食幾嚿啊，正呀👍🏻🥢花菇鵝掌生筋煲：花菇大大隻，又淋又香；鵝掌一咬就甩骨；生筋入哂味，最緊要一啲都唔肥膩🥢龍蝦🦞炒蛋白：好清，龍蝦肉拆得太細，當炒蛋白冇問題呀😅🥢豉汁蒸蟠龍鱔：呢個精彩，條線好粗、好肥、好大，食兩件已經有飽嘅感覺，但係啲鱔肉好爽、好香豉汁味、好想食多兩件😋😋🥢菠蘿咕嚕肉：呢個餸由學生時代就開始食，唔好睇佢好簡單，其實好考師傅手工，呢個好好食，個脆漿唔厚，無炸到過火，最怕出邊打到個汁好杰，這個剛剛好，酸汁啱啱好掛在排骨上👍🏻🥢荔芋香酥鴨：這個老菜真係買少見少，要食就要預訂，而且係要全隻，冇半隻訂。真係唔識講，芋頭覆蓋煮鴨肉，有炸到蘇蘇軟軟，師傅好有功夫炸到一啲都唔油，不過都係食兩件就好飽😅，但好想好想食多兩件🥢甜品有「蓮蓉煎堆仔」和「陳皮紅豆沙」：唔使估喇，都係風的速度清檯😅今餐完全係三高餐，不過真係好好食。可能價錢睇落會貴咗啲，但係冇+1喎，拉上補下其實都抵食㗎👏🏻👏🏻👏🏻
繼續閱讀
最近朋友相約在馬車會所聚餐，由一位朋友發辦的套餐：欖角骨拼芋角~欖角骨香脆可口，芋角鬆軟；原隻肘子大排翅~足料只欠温度；北菇扣鵝掌~北菇爽口，鵝掌軟冧；清蒸金虎班~全場最觸目，新鮮可口，夠熱；金華玉樹雞~啖啖肉有嚼勁；蟹肉扒豆苗~時菜夠嫩滑；生炒糯米飯~味道可以卻少了嚼感；蛋白杏仁茶~夠滋潤；鮮果拼盤~新鮮多汁。平時聚餐只得五、六人但今晚各人也帶同配偶，很熱鬧呀！
繼續閱讀