馬泰

營業中

休息中

經過銅鑼灣 駱克道 見到這間星、泰餐廳，感覺好新，就連餐牌都冇睇就衝入去。餐廳有別於一般泰式餐廳裝潢，這𥚃色彩繽紛，充滿歡愉的氣氛，加上些有趣擺設，感覺很年輕化。餐牌可反映出餐廳名字，主要是馬拉菜、泰菜為主，六點前晚飯，又可以食了下午茶，變相慳咗錢。泰式無骨海南雞飯$66我很喜歡這個擺盤，以木餐盤配同系碗碟。付上蒜蓉和黑甜豉油。「海南雞」雞皮漲卜卜，有點厚度的鷄皮相當Q彈，無骨鷄肉油潤、嫩滑，肉香一般。鮮黃色鷄油香茅飯，油潤棉密，陣陣香茅芳香， 份量都吾少，CP 值不俗。清雞湯，清甜。泰式鮮蝦米紙卷，套餐加 $20 以蔬菜及鮮蝦卷成，蔬菜爽口，清新，加小小醋令味道豐富啲。泰式青咖喱雞飯$62好鍾意這個富地方色彩既窩，一打開蓋飄出熱烘烘的咖喱香。青咖喱一般比黃咖喱稀一點，椰香味夠出，辣度的後勁凌厲，都係嗰句，送飯一流；好少食到會加燒鷄，有誠意，鷄肉十分香口，有嚼勁。套餐特色飲品，兩杯都係滋補養生熱飲熱西洋菜蜜杞子紅棗茶 加$8

難得有個空閒既星期三🤣黎銅鑼灣行陣街同朋友仔嘆下泰國菜先啦☺️秘製馬來肉骨茶配飯以滿滿配料慢火燉煮既馬來肉骨茶🍲啖啖濃郁藥材香之餘🍲加入半肥瘦排肉等肉料🤤肉質鮮甜帶出更多肉香鮮味之餘🤤🐷配合枸杞子等藥材飲落更有鮮味☺️泰式無骨海南雞飯呢度招牌既無骨海南雞😆無骨食得更為方便之餘🤩🐔肉質更為嫩滑鮮味😆😋而雞油飯亦煮得均勻入味🤤🍚散發出啖啖黃油香且油而不膩☺️除左海南雞及雞油飯之外醬汁亦值得一提😆醬油味道較平時食開既更為濃郁甜香😋配合泰式辣汁食落更為開胃🤤海南雞之推薦🐔😆芭堤雅炭燒豬頸肉豬頸肉經醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷黎到必食🤤🐷👍🏻泰式鮮蝦米紙卷大大件配合著清新生菜蘿蔔絲餡料😆🥬以及檬粉口感爽脆既米紙卷🤤🌯更帶出蝦肉餡料既鮮香🦐🤤

駱克道一帶都充斥住各式各樣既食肆,咁啱見到呢間新開張既東南亞餐廳就入去試下佢地既下午茶.馬來無骨海南雞喇沙喇沙湯底相當濃郁惹味,湯頭帶淡淡蝦香味配上椰味十足既香滑椰奶醬.面層有匙辣醬混入湯底後滲出陣陣辣勁及鹹香.雖然加上椰漿但喇沙入口唔會太heavy,唔會食2-3啖就好膩.加左椰漿令湯底入口更滑,配上摻劫米粉吸湯力強及油麵入口彈牙,同時帶出2種唔同既口感.海南雞經去骨後啖啖肉而且肉質滑嫩,雞皮及雞肉中間帶一層薄薄啫喱,入口香滑帶淡淡雞湯香.海南雞味道較淡配上醬料後風味更佳泰式青咖哩雞肉配飯青咖哩內既雞肉係將煎香後既雞扒加入青咖哩內.經醃過及煎過後雞扒味道更香,配上青咖哩一齊食更香濃.青咖哩入口帶一陣陣香茅及檸檬香葉味,帶出一種清爽既香辣感.當中亦加入椰漿減輕辣度及為咖哩增添椰香.馬來杏仁蝦餅蝦餅夠爽彈,入口粉唔會過夠,帶蝦滑香.外層加上一片片杏仁增加脆口感,令蝦餅口感唔會咁單調.泰國豆奶紅豆冰用上泰國v字豆奶倒掛式插入杯內,呢一款豆奶既甜度相比其他牌子低而且豆香味出之餘亦帶一陣麥芽香.馬來特色手拉咖啡咖哩經過連翻拉倒後,咖啡及奶變得更加順滑.同時亦為咖啡注入空氣,令面層帶一層咖啡泡沫,

餐廳裝潢明亮活潑，主調是綠色和橙色，充滿活力。牆上的黑板上彩繪了各種菜式，並介紹了這些菜式的歷史和特色，很有心思。下午茶餐主菜配飲品只要數十元，還可以特價加小菜。⭐️馬來無骨海南雞喇沙$62海南雞足足有一大碟，非常足料。雞肉入口嫩滑，肉質不會過份鬆軟。湯頭順口，不過不失。喇沙一半是粗麵，一半是米粉，還有幾塊豆卜，豆卜吸滿了醬汁，味道不俗。⭐️蒜茸牛油雞翼$20雞翼外脆內熱，不錯。⭐️馬泰香芒糯米飯$28芒果十分香甜，配上軟綿綿的糯米飯，全盤都給我吃光。⭐️馬來雞絲喇沙雞絲$56裏面是雞絲、大蝦、豆卜喇沙，同樣是一半粗麵一半粉絲，同時滿足你兩個願望。有兩隻大蝦，入口爽脆好味道。⭐️鹹柑桔水鹹柑桔水可以解油膩。⭐️熱檸水

喺銅鑼灣行完街搵lunch食嘅時候，見到呢間全日免收+1😳嘅泰國餐廳，當然即刻入去試一試啦。入到去環境都非常乾淨企理，店內空間足夠大，如果無限聚令就可以一大班人一齊嚟食🙆🏻‍♀️。我哋兩個人，一共揀咗四樣嘢食+2杯嘢飲，都係$300左右 ☺️！ 仲要好貼心咁提供口罩袋同埋濕紙巾😉（5粒⭐️最高）1. 青咖喱雜菜⭐️⭐️⭐️呢個一定要大贊！佢有得揀雞丶牛或者雜菜。因為我哋之後都有點其他肉，所以我哋就揀咗雜菜。而且個青咖喱完全唔辣，適合一啲唔食辣嘅人！🤤裏面包括有啲秋葵、生菜丶西蘭花等等嘅菜，而且份量非常足夠🙆🏻‍♀️ 10分推介試。泰式軟殼蟹米卷⭐️⭐️米卷有兩種可以選擇，而我哋最後選擇軟殼蟹夠晒特別😆 一共有四件，大約有手掌一半嘅高度， 兩個人分兩件啱啱足夠！ 而且點埋佢嗰醬簡直係yummy yummy☺️泰式豬頸肉⭐️⭐️⭐️⭐️我覺得去泰國餐廳呢一個就一定要點㗎啦！ 首先味道十分之香，而且肉嘅份量都比較多！ 佢仲會特登每塊肉都會切少少邊，方便夾起同埋咬😉 而最後一道餸就係金邊粉啦⭐️⭐️⭐️⭐️呢個金邊粉首先賣相已經好吸引，佢橙色嘅外表同埋隻蝦見到都流口水！佢仲好貼心張炸蒜同埋辣椒粉放埋一邊，咁樣客人就可以自己選擇

今日打完泰拳同媽味食lunch，銅鑼灣不嬲多餐廳，行行下見到間新開既餐廳，主打馬來西亞同泰國菜，見到都幾多野揀就入去試試 可能因為下午2點幾過左lunch time，餐廳唔算多人，坐落都幾寬敞 餐廳設計同整體裝飾一樣小清新 泰式炒金邊粉($82)可以話係我最愛既泰國菜之一，每次去泰國餐廳都必點，呢度既金邊粉都唔錯，唔算辣，酸酸甜甜非常開胃，金邊粉Q彈，配料又豐富，份量適中！唔想食咁多澱粉質食物所以冇再點到粥粉麵飯，反而試左另一小食：蒜茸牛油焗青口($72)青口肉味鮮美，蒜蓉及牛油香濃！椰青($35)好新鮮，配東南亞菜一流 

如果想用非常抵既價錢食馬來西亞、泰國菜，我非常推薦黎馬泰食！而家都仲回味緊！😋😋😋我地4點黎到，可以食下午茶，價錢平d之餘，份量依然大份！😬😬馬來無骨海南雞喇沙：喇沙味道正宗，麵底係參參！😋 海南雞肉好滑，完全無骨！雞皮下仲有啫喱（即係膠原蛋白）！😋😋😋餐飲點左一杯熱柑桔水，足味！😋泰式軟殼蟹撈檬粉：呢個價錢竟然有一大隻軟殼蟹，仲有花生、足料配菜，我地倒左好多汁撈檬粉，檬粉都好爽口，好味！餐飲加錢叫左杯特飲泰式豆奶紫米冰，豆奶好飲！加埋紫米香仲正！😬我地仲加錢叫小食泰式酸辣鳳爪沙律同泰式鮮蝦米紙卷😋最後甜品我地叫左份馬泰香芒糯米飯，好特別，係壽司造型的！😬😬😬咁樣食法埋單都只係$208咋！😝😝😝另外，餐廳環境好光猛，亦都好乾淨！呢間餐廳絕對可以encore!!!

今日試咗呢間新開嘅泰國餐廳，決定推薦下俾大家☺️🔖招牌無骨海南雞喇沙🌟💰76​海南雞油脂分佈均勻，而且肉質夠嫩滑🥰喇沙入面有豆卜同蛋，湯底味道都幾香濃☺️油麵同米粉嘅配合令口感變得豐富😋💫推薦指數: 8.5/10​🔖曼谷辣豬肉碎生菜包🌟💰72​呢款辣豬肉碎比想像中辣，不過都可以接受🤣幾惹味😌同埋有時喺出面食到嘅豬肉碎會比較油膩或者會有啲肥豬肉，但係呢到嘅會比較乾身同無咩肥豬肉😇💫推薦指數: 7.5/10​🔖馬拉盞炒通菜💰62基乎​每次食泰國菜都一定會嗌嘅菜式😙味道帶有少少鹹香，唔錯😄💫推薦指數: 7/10​🔖馬來特色手拉菜(熱)🌟💰28​入口香滑，甜度適中🥰嚟到可以試一試😛💫推薦指數: 8/10​

今日又係堂食既最後一日真係多得個政府唔少希望聖誕可以開番堂食啦所以要捉住最後堂食的尾巴，出街食下野先～因為想過去睇下燈飾，甘岩經過呢到見涼涼地，食泰國菜岩哂。點知佢仲要泰國菜同馬拉菜都有！叫左3樣野，海南雞飯（$78）仲包左碗湯同油飯，仲要雞既份量都唔少，幾抵食馬拉盞炒通菜（$62），叫左小辣但最後俾左蒜蓉炒通菜俾我炭燒魷魚配秘制辣汁（$72），個汁好惹味，如果無汁dry食就麻麻地😅😅價錢方便其實好抵食，而且份量都大！但其實我食既時候好少客人，但已經上錯餸同個魷魚等到食哂另外個兩野都未有，要催就即刻有😅但性價比的確算唔錯！👍🏽👍🏽

唔使再山長水遠去九龍城啦如標題所述，係銅鑼灣都有好好味嘅泰菜，唔使再山長水遠去九龍城啦 😆地理位置方便，係銅鑼灣c出口，向灣仔方向行大約5分鐘就到 👌餐廳佈置舒服，比起好多同類型中低價位泰菜餐廳的裝修，呢間明顯有擺心機，色彩繽紛，坐得舒服。我哋2個女仔食晚飯，只叫左3個菜式都已經食到要打包 🤣 埋單$240豬肉碎生菜包：勁惹味，比想像中辣，但對於譚仔10小辣嘅我仍可handle ✌️炭燒豬頸肉：大份好嫩滑，醬汁好夾 🤤 直頭想叫碗白飯送呢2個菜式菠蘿海鮮炒飯：好食足料，夠火候 🔥有大蝦同蠔，絕無欺場，夠2個成人食三個菜式都十分滿意，同朋友異口同聲話再黎過，覺得可能仲未係好多人推介呢間餐廳，值得一推再推！

今日黎左銅鑼灣 見到開左間新餐廳最鍾意試新嘢架啦我 就試下佢個泰式下午茶下午茶黎講價錢算好優惠大件夾抵食一定夠晒飽呀🤪🤩最鍾意食喇沙架啦我 去到邊都會試叫左無骨海南雞喇沙比較特別 其他餐廳通常都會係海鮮為主無骨海南雞喇沙一上台有驚喜 份量好多 又好香 碗麵有豆卜 半隻蛋湯底椰子味唔算好濃 仲有pat辣椒醬係面啖啖肉既海南雞都算滑 最緊要無骨😍另外跟餐叫左份小食鳳爪沙律 一上枱睇得出唔止一人份 抵呀酸酸辣辣既鳳爪開一開個胃 仲有大量配菜食完個口充滿洋蔥味道 正🤭飲品叫左豆奶紅豆冰好掛住泰國所以頂住先 哩隻牌子既豆奶係泰國成日飲夠晒香 加埋紅豆飽到呢🤣下午茶黎講真係好豐富 性價比高呀 銅鑼灣地區黎講真係好唔錯👍🏻👍🏻

呢間下午茶到6點，我地5:55入到仲叫得切。鋪頭寬闊整潔叫左兩個tea set 1) T3 馬來無骨海南喇沙-雞又多又夠滑仲要多花生，全統喇沙湯底，ok2)T6 泰式軟殻蟹撈檬粉，-見到呢個几特别，個賣相又ok ，炸蟹新鮮炸無油益味，個麵底好多3）細招泰式冬陰公湯- 呢個普通，淡味左少少，菇太多追加+ 2個小食，都大份架馬來素菜春卷 $22 -有兩條，熱辣辣脆卜卜，入面素菜都調左d味，唔點點泰式辣醬都可以。芭堤雅炭燒豬頸肉 $28-炭燒可以鎖住肉汁，又帶香口唔乾 不過要快食，好快凍。下午茶份量好大份，好似食緊晚餐咁，免加一，絕對值得一試。

叫咗個馬拉盞炒椰菜苗，喺香港來講比較少見😎成個菜都幾好食炒得好香✨叫咗個地道串燒有兩雞兩牛，配嘅沙嗲汁比較甜😆但係啱啱燒出嚟熱辣辣都幾好食，肉質唔會燒到太乾👌啲汁用嚟點麵包其實真係好正（本人喜甜）呢份炭燒豬頸肉就真係有啲失望啦,上菜嘅時候都係暖暖地，外皮無焦香味同埋無香脆嘅口感，唯一可以讚嘅就係味道唔差，配埋辣汁都OK👌飲品方面叫咗兩杯，第一杯叫咗奶茶覺得真係唔錯雖然有啲甜但係可以接受茶香奶香都幾正🤩然後就放心帶咗第二杯咖啡😂因為第一杯奶茶真係幾甜嘅關係所以第二杯嗌咗少甜，出到嚟個味就真係一般般😂😂😂建議大家都係飲奶茶算啦😆

嗰日突然個口好想食海南雞飯，於是乎上網search吓屋企附近邊度有得食╮(╯▽╰)╭結果就試咗呢間算係新開嘅海南雞。結果我淨係叫咗一個海南雞飯，佢送咗個湯。其實本來我都想叫一個肉骨茶，但問過佢之後，發覺原來個肉骨茶都幾大，可以有兩碗喎(as per 店員)，我一個人食唔到咁多╮(￣▽￣"")╭，唯有放棄。下一次先至去試啦！海南雞飯啲油飯其實唔係好香，但係就熱辣辣。個雞我唔記得叫走亦，不過佢俾咗雞胸肉我(一開盒，當時心感不妙)。點知啲雞胸都好滑，好淋。完全唔似雞胸擦紙膠！正！個湯就完全唔使提，咸到阿媽都唔認得。鋪裏面冇乜客，得一枱。希望佢哋捱得住！

今日約咗去銅鑼灣做 Body Check，攪完已經接近 5pm，反正都出咗街，今晚就一於偷懶唔煮飯，嚟呢間主打馬來西亞同泰國菜嘅餐廳吃晚飯。店舖門面好 Sharp 醒，青綠色嘅中文字招牌再配以一隻紅辣椒，色澤搶眼，惹人注目。至於室內裝潢亦很有特色，充滿東南亞風情。先睇下店員遞上的餐牌，原來仲有下午茶套餐供應。至於主餐牌，選項就包括有：廚師推介、馬泰街頭小食、特色燒烤、沙律、湯品、菜類、地道咖哩、喇沙、湯粉、飯、娘惹糕點、甜品及飲品等。揀咗一客無骨海南雞飯下午茶餐、馬拉盞炒通菜、咖央多士，另外再加咗一件班蘭蛋糕做甜品。泰式無骨海南雞飯 ($66)  率先送上，雞件分量十足，大大碟，肉質非常嫩滑，食落皮爽肉彈，加上一早已經去咗骨，入口啖啖肉，蘸點旁邊稠而不鹹的黑醬油吃，甚是滋味！油飯水準亦唔錯，吸滿了雞湯精華，入口煙韌軟糯，粒粒分明。食完再飲埋碗湯，非常滿足，湯內有薯仔同雞絲。跟餐飲品點咗滋潤的黑糖薑母茶 (+$8)，成品不大，味道頗薑，很適合冬天飲用！馬拉盞炒通菜 ($62)  一向很喜愛吃通菜，質感滑滑的，非常可口，而今次呢碟就用咗馬拉盞嚟炒，入口鹹香微辣，夠曬惹味。馬來咖央多士 ($