馬得里 (荃新天地2)

天氣轉涼 最好就食返啲熱辣辣，懷舊經典鐵板餐開頭上網見評語好壞參半，但一場黎到，試下佢2個小食都係跟餐加錢叫埋，份量一啲都唔小🤪田園芝麻醬沙律🥗個沙律佢有埋提子乾，對於一個鐘意食提子乾既人表示好開心 因為食落無咁dry😀法式薯蓉焗田螺🧆一黎俾佢薯蓉既份量嚇親，但好彩入面都搵到有田螺既蹤跡😌黎到主菜 諗左好耐 都係揀返平時食開先😛鐵板牛柳🥩份量取勝 而且厚度都好足夠😍見到咁厚 都擔心會好靭好難切，但食落都唔錯，肉汁都好夠。鐵板牛舌拼肉眼扒🥩上面塊牛舌好大塊 而且唔乾。肉眼扒都係份量十足，但食落就無牛柳咁淋。勝在份量大同重肉味。仲有送既甜品-懷舊啫喱😇仲要配合埋花奶！完全好好咁完成晚餐😗…查看更多

早餐選擇多，符合大眾要求；環境乾淨舒適，沒有壓迫感；店員服務很好👍我當日不小心打翻了飲品，她們立刻幫忙抹乾淨，還給我另一杯（因我還沒有飲呢 🥲），這份細心很值得加許🏆，令我頓時覺得有温暖嘅感覺💖…查看更多

於「馬德里」餐廳的用餐體驗令人深感遺憾。當日點選的牛扒因烹調程度未如預期，遂向服務人員反映，希望能調整熟度。然而，令人意外的是，廚房僅在極短時間內將同一份牛扒重新加熱後送回。更為遺憾的是，經過二次處理的牛扒，其內部熟度仍與初次送上時相去不遠，未能達到期望的烹調狀態。作為一間重視顧客體驗的餐廳，如此處理方式實在難以令人認同。消費者提出合理調整需求時，本應獲得妥善且用心的對待，而非簡單回收再加熱了事。這不僅關乎餐點品質，更反映了對食客尊重與專業態度的缺失。此次經歷讓我感到相當失望，也對餐廳的服務流程與品質管理產生疑慮。衷心希望「馬德里」餐廳能正視此一問題，加強員工培訓與廚房管理，未來能真正重視顧客意見，提供符合標準的用餐體驗。目前而言，此次經歷確實影響了對餐廳的整體印象，暫時無法推薦給其他尋求完善用餐體驗的食客。…查看更多

見好多人係度食早餐我咪又去食下，今朝26/10 11:20左右去，叫個男侍應俾杯清水我冇反應，再叫個女侍應「應」左後又冇俾，再叫另一個女侍應又冇俾，終於忍唔住起身自己去拎又沒有放清水出嚟可以俾人拎。我鬧個女侍應我問左4次都俾唔到杯水我！乜拎杯水咁困難㗎😤另早餐叫左沙嗲牛肉麵及英式早餐，牛肉麵好淋唔好食，英式早餐就正常味道。咁差服務態度真係搵鬼幫親🧐…查看更多

今日大雨 就喺附近食飯，咁啱經過見到間食鐵板肉，見有好多人嚟食，而且又坐滿咁就去試。叫咗鐵板牛柳，法式焗田螺，配羅宋湯同麵包。麵包係熱嘅，仲有牛油，麵包係好食。湯就好鹹，而且完全冇羅宋湯嘅味道。法式焗田螺，我以為會係有啲法式螺連埋嗰啲薯蓉，點知剩係得嗰啲肉，而且賣相一般。螺肉冇味道唔好食。牛柳叫咗五成，肉質嫩滑應該係用咗鬆肉粉，食落口就唔會覺得難咬，但係冇牛肉味。嗰度樓底唔算矮，但係都好嘈。價錢$208係合理嘅。…查看更多

老婆話新開張，所以試下！星期六 6:40pm入座, 唔駛等位, 入坐後開始有少量人排隊。餐廳環境和清潔, 都正常ok.白湯渣到暈, 又咸, 又唔好飲.叫咗三個鐵板餐, $557埋單.兩個五成熟, 一個七成熟, 結果嚟咗全部七成熟以上. 個樣係ok，大大份，但就係得個樣，以上全部都係冇乜所謂, 最弊係D牛扒畀啲鬆肉粉乸到梅曬. 都唔知食咗乜落口。有杯啫哩做甜品！價錢又唔平，都唔明點解有人排隊, 食大家樂都冇咁嬲！店員都多人, 所以行動極快，你一擺低啲嘢，佢哋就會執走曬！老板應該有明確指令.…查看更多

1. 要排隊冇得攞飛已經。。。。。。2. 啲扒餐啲牛扒全部用唔知啲咩粉搞到完全冇肉質同口感 合埋對眼你唔知自己食緊啲咩3. 食完第二日柯咗十次都嚟4. 希望老闆見到 雖然唔會幫襯第二次5. 真係好難食 希望快啲執 唔好害人6. 唔係同行踩你 係真係難食 未試過寫食評 估唔到自己會download個app彈啲嘢食…查看更多

尋日咁岩去開荃灣 見到有馬得里 諗住平時荔枝角果間lunch好多人排 咁就試下佢啦食物方面普普通通 正常發揮 但搞笑既係個西冷食左一半 諗坐坐下先食 又唔係趕時間 有個侍應就行埋黎收左 好似想趕人走咁..其實如果出面有人排緊隊既話 我都理解 但當時係完全無食扒食到快餐咁 真係不了 …查看更多

同朋友去餐廳食夜晚飯，叫左兩個麵（一個龍蝦、一個白汁鵝肝）。餐牌外表幾吸引，而且當時我地聽講佢新開，所以去左試一次，原來得個樣。警世！前菜麵包算不過不失，餐湯明顯太咸，已經覺得一般般，不過我自己果分正餐真係難食到XX，從來都無見過白汁整得咁差，好濃但係又食唔到味道。簡單比喻，好似有落鹽、芝士粉既粥，但係又一patpat咁，食到一半想🤮。最後半個麵都無食，浪費曬。餐飲冬OT公道講算大杯，不過都係太甜，坐又坐得唔舒服，最後盛惠$300+，肉痛！…查看更多

馬德里呢間餐廳，第一間應該係以前深水埗美而廉嗰個位，即刻recall唔少回憶入到去裝修環境非常之好，座位寬闊而且樓底高，招呼都唔錯，可能因為荃灣少新餐廳，去到都好多人排隊，唔緊要啦，佢仲派支水驚我哋顧客覺得熱，都好細心叫咗個鐵板雜扒餐，同埋卡邦尼意粉，豬扒雞扒好大塊，份量比之前分店大好多，絕對抵食夾大件，味道中上嘅，價錢都合理，由於掛住食，唔記得咗影相，總體來講都值得推介最後都要講，可能冷氣夠勁，鐵板餐冷卻速度都比較快，呢間食肆都應該要注意吓（不過我冇乜好建議提供,純粹齋噏)…查看更多

最近開咗間新餐廳去試吓，喺深水埗同公司嘅，質素都係一般冇大期望。裝修環境舒適美觀，價錢比一般茶餐廳貴，賣相一流，吸引，但質素真是和茶餐廳不遑多讓，牛角包係脆，但沒有鬆軟，奶茶只有甜沒有茶香和奶茶滑，全程阿姐行嚟行去等住收我嘅食具，凍飲要加$4 ，茄汁豆份量多也沒有變壞，一試無妨。…查看更多

與友人係樓上睇完戲大約9點左右先到店進食叫左兩個套餐1.T骨扒2.西冷牛扒首先 套餐兩個湯係完全無期望一碗比粥更稀既忌廉湯紅湯就正常茶餐廳水平（好飲過銀龍）到沙律🥗 可能係成餐飯最好食既野（但都只係芝麻醬撈菜）跟住到扒喇 兩個都係叫左五成跟薯菜但黎到兩個都變左全熟咁兩塊扒入邊都見唔到有任何紅色仲要個T骨扒 勁大浸銀龍茶餐廳嘅鬆肉粉味下面啲薯條又咸到有腎病極度難食！！！！我嗰日應該新開張咗一個禮拜希望佢快啲執笠唔好禍害人間…查看更多

今日突然想食牛扒，喺荃新天地見到呢間餐廳，門外都多人排隊，即管試試。落單時，我話要5成熟，職員話冇得指定，一般都有7成熟，咁冇辦法啦！都入咗嚟坐低，冇理由呢刻走咁怪，唯有接受。到個扒上枱，越食越唔對路。竟然嚟咗5成，但唔係我食開嘅5成，係一半生，一半熟。睇相你就知，有啲位置熟到嚡口實的的，有啲位就生到根本冇煮過咁，好恐怖。呢度環境ok嘅！但就成日要執枱趕人走咁款，見隔離枱果pair公公婆婆係咁俾侍應執走枱面啲嘢就知。我食剩咗好多，應該冇下次喇！大x樂都應該整得好過佢，起碼全熟先丫！失望的一餐。…查看更多

新開張無耐，同事請食生日飯，未到1點己經高朋滿座，但餐廳竟然唔係攞飛，要大熱天企街曬住排隊，都咪話唔攞命（前身門口响商場入面）。星期一至日都有午餐，價錢$70-98無加一，試得過，鐵板大煙但抽風唔錯，係座位比較迫，至於服務，上菜快，執枱快，都唔錯。 🍴鐵板肉眼牛扒拼牛舌配薯菜 $98 (配餐湯及餐菜)⭐️⭐️⭐️餐包要加 $1，不過如果唔係大食人仕或太肚餓我都唔建議加，因為個餐份量都幾大，兩塊牛扒＋兩塊牛舌＋頗多粗薯條响底，兩塊牛扒嘅質素都幾差異，眼見到果塊係幾好味，肉汁豐富之餘仲好軟腍 (無得揀幾成熟)，而下面果塊就死 硬 乾 (同事兩塊牛扒都係一樣咁嘅結果)，牛舌就不過不失，可以再腍啲同埋唔夠熱，而薯條就好ＯＫ，粗薯條外脆內軟又夠熱，所以我寧願食晒所有薯條都想放棄條死咗嘅扒。 一人共消費：$98 …查看更多