馬哥孛羅咖啡廳

今日食咗9點到10點時段嘅早餐，好少食酒店自助餐係剛剛夠飽，因為食物refill得非常慢，令到選擇好少，可能係最後一節早餐啦。出咗去3次都唔見大家講嘅燒賣同煙三文魚，幾失望。食物味道就唔差嘅。薯餅好脆，唔係放咗好耐個種。腸仔同煙肉都唔算太咸。估唔到有壽司類食物，份量剛剛好，外型可愛，不過係屋企都做到嘅味道。干燒伊麵乾身，味道唔錯。比較驚喜係呢度粉麵可以揀炸醬麵，辣辣地嘅炸醬配幼麵，麵質軟硬口感好好，加左湯令個炸醬冇咁辣，拯救咗仲未夠飽嘅我。牛肉粥冇咩牛肉，不過都夠味。餐廳環境都寬敞。不過遲起身嘅人就唔太推薦係度食早餐，如果唔係好快又會肚餓。

係尖沙咀Marco Polo staycation，今朝去左Cafe嘆個靚早餐早餐喺一樓Cafe Marco，位置係一樓，地方好大坐得好舒服。食物方面有煮奄烈，炒蛋區域。亦都有人即煮粉面，另外有煙三文魚，點心，粥炒粉麵。果汁水果當然唔少得，所以種類都齊備，算係一個唔錯嘅自助早餐。

本身見呢間知名度咁高五星級酒店抱左好大期望， 見網上有訂座優惠就同屋企人試下， 點知極大失望感😢我地book左19:45 諗住都係黃金時間， 點知一入去已經無咩野食 ， 所有都好似水尾食剩咁， 牛排位置/ 刺身位置， 好多位置都無員工， 想食都求助無門， 岩岩見到一個廚師行過已經拉住佢切羊架先有， 同埋食品款式有啲少 ，無乜邊樣野食比較出眾同特別 ， 竟然有叉燒同咕嚕肉真係有點搞笑 ， 到甜品， 竟然啲cake 都無好特別同好味🤔同埋如果呢個價錢， 其實真係有點點失望

上網見到酒店推出個用芝士蛋糕做主題的下午茶自勝餐，立即打電話去book一到餐廳就立即去睇有咩芝士蛋糕，點知行了一圈，連一個芝士蛋糕都見唔到。後來一問原來有兩個，一個叫柚子芝士，一個叫朱古力咖啡芝士，食完柚子芝士就得個酸，食如朱古力咖啡就得個苦，完全冇芝士味。本身是個下午茶自助餐，咁心諗冇蛋糕食，可以食吓其他野啦雞肉粥，似米加水咖哩牛，冇咖哩味刺身，冇鮮味燒雞翼，似瑞士雞翼豆腐花，唔夠滑，冇豆味紅豆沙，糖味太重，染蓋了紅豆嘅味全場有一半嘅都唔是正常自助餐時間係由下午3點3至5點3，但去到下午4點半，熟食就冇人refill，去到4點9，甜品都冇埋。食過咁多間酒店下午茶自助餐中最初的一間，絕對唔會再幫襯

酒店可能稍舊，環境乾淨，食物質素OK,冷盤海鮮種類不多，熱食味道不錯，種類都算多，飲品任飲，甜品也可以，服務員態度親切，整體都值90分，如果冷盤種類能增加，性價比更高

啱啱昨晚去完dinner buffet,伏到不能再伏。~ 生蠔：細過尾指甲，有蠔味， 但咁ge size 唔想再食~ 所有剌身完全冇味，食左一轉冇再去食~ 凍海鮮：除龍蝦外完全冇味~ 凍龍蝦：等左幾轉都比人搶哂，終於拎到嘞，唔係擦子膠，係好食嘅。但等到8:30才拎到~ 片皮鴨，其實係食緊燒鴨+ 皮。佢冇片皮，只係片肉出黎，又係等了又等才有。~ 甜品：見到個樣都唔開胃，冇拎過，朋友們都話食完有糖尿病~ 鵝？鴨肝多士。又係全場最好食之一，不過一人限一舊only, 同埋塊多士淋哂。總括而言，得龍蝦同鵝肝好食😑其實唔好食都唔係最好恐怖，而家你人有三急時，餐廳喺1/F ，但廁所喺6/F😑。如果你突然肚痾保証你會瀨出黎😑。

見啲人成日話馬哥孛羅咖啡廳buffet吾係太好？😅甘好好彩買左平package包左自助早餐，心諗包既都無太大期望！點知⋯⋯今次食Breakfast Buffet都幾surprise 🥰🥰🥰 雖然種類比較少，但起碼叫應有盡有，有中式、有西式、有Cold cut、有egg station、有粥粉麵飯同亮點當然係即蒸點心等等等😍飽到等食多幾次！其實當食個普普通通的自助早餐真係算吾錯！可能我無期望所以無失望？😂😂😂

不要期望山珍海錯，OpenRice 訂有7折服務非常好，收碟快，食物質素正常，選擇多。不要忘記，折完平日午餐都係300左右，任你，任你坐，重要坐得舒服，你想點？這裏適合一班朋友慢慢傾慢慢坐， 300蚊左右我覺得可以接受

馬哥孛羅中午自助餐竟然咩蟹都冇得食，職員話近排冇貨供應，應該出面大部份自助餐都冇蟹食，而且冇龍蝦又冇生蠔，馬哥孛羅只得d普通飯菜供應，在香港的酒店食自助餐這麽多次，從未試過會同時冇蟹食或生蠔或龍蝦食，這次真喺大開眼界，這令我想起澳門換泥碼的自助餐卷時所可享用的大鑊飯.......如果仍是這樣，真的唔會再幫襯。就算訂咗位，下次到步後都必定要睇睇有咩食先，雖然這樣晒時間又浪費，但起碼自己唔會食得唔開心。

—【龍蝦阿拉斯加蟹肉海鮮美酒盛宴】快閃住宿優惠($1460)可於客房內享用3道菜晚餐「龍蝦阿拉斯加蟹肉海鮮盛宴」煙蘇格蘭三文魚配辣根忌廉伴魚子醬阿拉斯加蟹肉 莧菜意大利雲吞配香檳香草汁法式芝士焗波士頓龍蝦及蝦肉伴松露馬鈴薯及時令蔬菜Tiramisu 橙汁晚餐可以用有驚喜嚟形容 餐包軟熟 可以蘸菜式嘅忌廉汁晏晝食咗tea set 其實幾飽肚同有膩意 但主菜色香味俱全 頓時胃口大開好彩預設份量兩個人share啱啱好本身有甜品跟 然後又有個藍莓芝士餅嘅生日蛋糕 睇住奧運食好滿足Cafe marco 自助早餐07:00 - 10:00 於貴賓樓層雅座享用雙人自助早餐第二朝要返工 所以食最早個輪0700～0800之前提過要拎早餐飛入去嘅中西日韓樣樣都有d但係太早同前一日食得太多 唔係好食到嘢🤣🤣係咁飲嘢———————————————Marco Polo Hongkong hotel九龍尖沙咀海港城廣東道3號

星期一至五自助餐 $348 用一小時空檔吃了個自助餐幾趕，但還是選擇去了海鮮同魚生都好一般甜品有啲好食有啲難食個南瓜湯好鹹啊，我飲咗啖飲唔到落去總結呢間洒店自助食物質素好一般有好多嘢食出完一次無再出填飽肚就一定沒問題要享受食物，就別來這裡本身趕時間，重要酒店職員係人哋食嘢時間行埋sell我做會員，重要講咗幾耐下，我已經同職員講我要食咗嘢先，要唔要俾錢join 會員我遲啲諗下見職員都有行去唔同枱去sell客來到感覺一點兒都不像五星級酒店

今次去Marco Polo Staycation慶祝周年紀念日❤之前都未試過係酒店入面叫Room Service, 難得今次Package包埋，有下午茶同晚餐既Room Service餐飲服務，一於試一試佢!🤣下午茶比想像中飽，數量岩岩set好每人一件，可以每款都試晒d味，唔駛同男朋友爭食xD 咸點既吞拿魚撻同埋煙三文魚卷最出色!甜點比較普通，係普通既甜品冇乜特別～唯一一個檸檬Macaron我比較鐘意，因為我鐘意食完甜野再食酸野中和下d甜味(・`ω´・) (但男朋友唔太欣賞個檸檬Macaron,佢話對佢黎講太酸-v-)晚餐叫做「龍蝦阿拉斯加蟹肉海鮮盛宴」，酒店知道我地慶祝周年紀念日，送多個藍莓芝士蛋糕同埋紅酒比我地 so sweet😘言歸正傳講返個晚餐，個服務員送入黎既時候，睇得出主菜們都係熱既 會出煙既，似乎係岩岩整好就送入黎啦!讚! 頭盤係煙三文魚沙律，男朋友食得津津有味大讚好味道，我本身對煙工文魚普通，所以我覺得「咪又係普通煙三文魚」🤣龍蝦個味道唔錯 食得出有鮮味但係個肉質有d軔，煮既火侯多左dd，所以牙骹要花多d時間嚼(~皿~) 龍蝦頭有幾隻彈牙既蝦，味道都唔錯! 龍蝦頭勁多膏

Melody和朋友不想早起身，於是選了九點至10點這個早餐時段。自助早餐設於1樓，食物選擇不太多，來到最後一輪，食物幾乎不會再出新鮮的。最好食嘅當然係煎蛋區，專人新鮮即製各種蛋製品，太陽蛋、各式奄列、水波蛋、炒蛋、雙面煎蛋等等，這區大排長龍。由於係新鮮即製，味道和賣相都非常值得欣賞。另一個即製區就是中式麵，朋友點了一客，水準較差不值得推薦。其餘可取嘅食物有薯餅，新鮮即炸。其他食物不過不失，有韓式炒年糕、煎餃子壽司、中式點心、牛奶燕麥脆、各種芝士，食物質素一般。另設飲品區。‼️座位數量不多，自助餐時段只有三個，早上七點至十點，每個時段1小時

酒店食物質素基本還不錯，中西菜式搭配比例平均。本人傾向中式菜，所以大部份選擇了炒粉，粥品，蝦等海鮮。因為是下午茶時段，反而可以填飽個肚。推薦豆腐花及燒火腿，肉汁充足，肉質鮮美唔鞋。 價錢合理又超值。食品款式比較少多一點就好啦

其實酒店如果要做staycation，所以唔捨得refill食物或用d無味既海鮮黎招呼客人，就唔好做散客啦，比完錢要同人搶食物都係第一次，扒類完全唔熱，麵包硬到食唔到，蛋糕好似吸左水咁濕立立，食物質素真係有待改善；水吧的員工企埋一邊㩒手機，其他員工對眼只會望向前，唔識望檯，最後直頭唔收碟，最搞笑，去到八點，多個取碟區已經無放碟，可能唔預大家會再拎食物掛。以前經常幫趁太子酒店Add的，諗住同一集團，應該水準差不多，點知真係差囉