馬六

今日同幾個老友一齊去食嘢，當時未齊人，著黑色冷衫嗰個四眼仔哥哥好有禮貌咁叫我喺門口等一等先，繁忙時間都可以理解，始終租貴、人工都係高成本。人齊入座之後，我哋嗌咗好多嘢食，個人特別鍾意海南雞😋又滑又嫩，唔明點解有啲人評論話唔好食？豬扒帶少少油脂，又唔會太肥。仲有d串燒都好好味,馬拉手工拉茶都係一個唔錯嘅體驗👍唯一少少瑕疵係炸鮮奶，可能未複炸第二次，殘留嘅油比較多。價錢都唔算貴，以後會再幫襯😊😊…查看更多

最近在灣仔的馬六食堂用餐，讓我感到非常失望。之前對他們的食物品質一直抱有期待，但這次的經驗卻大打折現扣。餐點的味道平淡無奇，似乎缺乏了以往的用心，尤其是海南雞飯，讓人懷疑食材的新鮮度。此外，餐廳的座位政策也令人困惑，必須要等齊人才能入座，這讓我感到莫名其妙，如果我和老人家前往，豈不是要老人家在門外呆企？。明明想和親友們好好享受一頓飯，卻因為這樣的限制而感到不快，餐廳經理還理直氣壯表示已免除加一及附加費，故有此安排，試想在這樣的市道和服務態度下還收附加費，還有客人敢來嗎？總之，馬六的食物和服務都未能達到預期，未來一定不會再選擇和推薦朋友這裡用餐。…查看更多

lunchtime去食，係出面見到佢至少有3張吉嘅二人枱，同門口嗰個職員講兩位，然後另一個職員帶位，坐低之後門口嗰個職員問我人齊未，我話另外嗰個就到，佢即刻叫我出翻去等，但明明間店係有位+我已經坐低咗+出面根本冇人等位，佢都係要叫我出去等😅大佬就算你當我一個人食，都係坐呢度㗎啦😅洗唔洗有位都趕人出去等，除咗我都冇人等😂Ok咁我行去門口嗰邊等，晏晝太陽好猛，入面又有位我咪企入面等，又即刻叫我出出面排隊😂搞到我成肚氣😡😡最不解係佢都冇人食😂仲要咁囂張係咩事😂真係趕客，以後都唔會幫襯，等睇佢執😂…查看更多

今次去咗間主打正宗馬來西亞美食嘅「馬六」，餐廳裝修充滿南洋風情，牆上嘅植物壁畫同木質吊燈，一入去就好似穿越到馬六甲街頭。 先講講個咖喱雞，咖喱汁濃稠香郁，有明顯嘅椰奶香同香料味，雞肉燜得好腍滑，但同我喺吉隆坡街邊小食檔食過嘅相比，呢度嘅咖喱少咗嗰種野性嘅香料爆發感，好似含蓄咗啲。 叻沙麵真係有驚喜，湯底味道層次豐富，蝦嘅鮮甜、香料嘅辛辣同豆卜嘅軟糯完美融合，個溏心蛋都煮得好出色，蛋黃軟綿流心。比起旺角某間以叻沙聞名嘅餐廳，呢度嘅叻沙湯底更醇厚，而且配料更足。 雞肉沙嗲串就烤得剛剛好，外皮微焦，肉質嫩滑，沙嗲醬味道香濃，但份量有啲少，唔過癮。 拉茶茶味同奶味平衡得唔錯，口感絲滑，比起一般茶餐廳嘅奶茶，多咗份異國風情嘅香料香。 牛肉金針菇煲，牛肉鮮嫩，金針菇吸收晒醬汁精華，味道濃郁，但同韓國餐廳嗰種辣炒牛肉煲相比，欠缺嗰種刺激味蕾嘅辣勁。 人均百幾蚊嘅消費，性價比算可以啦。 每次食異國美食，都好似展開一場味覺旅行。呢間餐廳嘅食物，雖然唔係百分百還原馬來西亞當地味道，但都算有個七八成。佢帶畀我嘅，唔單止係味覺上嘅享受，仲有對唔同文化嘅探索。就好似喺香港呢個美食大熔爐入面，發現一塊屬於馬來西亞嘅美味拼圖，就算有啲小瑕疵，都無阻我去嘗試更多唔同嘅菜式，期待下次再嚟發掘新驚喜。…查看更多

新裝修完第一次食～裝修完門面光猛咗，以東南亞風路線，座位舒適寬敞～下午茶時段價錢好經濟～叫咗豬頸肉喇沙摻摻🍜湯底椰香，少少辣，好惹味！豬頸肉大概有8舊左右～配菜有豆角，豆卜，仲有半隻溏心蛋😻食完好飽肚✨跟餐✨馬拉手工拉茶（走甜）♨️☕️茶味都幾香，夠熱💯飲完暖笠笠～加分！！雖然係連鎖式餐廳，食物質素同服務都不錯❣️下午茶真係低食之選，所以會keep住幫襯～📍馬六 (灣仔)灣仔巴路士街12號地舖…查看更多

同事介紹呢間食新加坡/馬拉菜嘅餐廳，12:30pm就嚟到餐廳門口，已經排長龍，差唔多1pm先有位 。繁忙時間，員工安排你坐邊就坐邊，都好合理 。🔺香葉烤雞扒喇沙摻摻雞扒好大份，烤得唔錯，外皮脆，肉質嫩滑，啖啖肉 。喇沙湯底椰香味重，甜甜地 。油麵+米粉兩溝，幾好食 。 但份量真係比想像中多，啲米粉食極都食唔晒，雞扒都食剩2舊 。好鬼飽😂🔺斑斕咖央多士多士夾住一塊牛油同少少斑斕醬，味道唔錯 ，好彩有得share食，食一舊已經好夠飽🙈整體嚟講，食物質素都ok，不過趕時間就自己衡量同預時間去食。…查看更多

番工忙到無得食晏！😭 放工諗住慰勞下，點知一啲都唔療癒，我都知圖只能參考，但過分左… 如果我知情我仲會揀咩，個客無比$咩？ 咁價錢係米都參考下就得？ 作為肚餓既i人，😳 鼓起勇氣問份量真係得咁多呀？ 大大聲問廚房，然後同我講再三確認係咁… 我錯？ 我番去住面唔好？😅 食完又肚餓又灰，我都係想食正常厚度既豬頸肉啫😞 …查看更多

差唔多每日下午茶都要唸喺灣仔食乜嘢😂呢間呢我都嚟過幾次，平時呢食開海南雞飯，今次就食海南雞清雞湯米粉，湯底清清地幾好，配料仲有豆腐卜，豆角，溏心蛋，仲有蔥蒜更加入味！雞件好嫩滑，米粉塑晒啲湯好入味！斑斕咖央多士：呢個差唔多每次都必食，多士烘到好脆，中間夾住咖央醬和厚牛油，食落去充滿椰香同甜味飲品揀咗熱吉仔話梅水，呢個不用加錢，潤喉又好飲環境幾舒服，店員親切有禮，店員就會歡迎光臨，通常一個人不用搭枱😜…查看更多

呢碗唔熱又硬身既湯米粉食完個肚仔有少少感覺！一來湯底無味又唔熱起晒油！豆卜生到乜咁，食落口同去街市買返來生食無分別！米粉無煮熟，硬到飛起仲有啲豆青味，完全無熟透難食到呢，好唔值呀！雖然話係下午茶，得個$48，但食完個身體唔係好接受到！仲嘰哩咕嚕！仲有明明叫左香茅紅茶但俾左奶茶坐既位置又有滴水…查看更多

開咗咁耐,都係第一次食😆係呢排想食得健康啲,就會諗起海南雞飯☺️今次就試吓佢個無骨海南雞飯,個樣望落都幾討好,啲肉食落都唔孩,啲皮下面都冇乜肥膏☺️啲飯係我中意嘅質感,係突然有兩三啖特別淋之外,我覺得個飯幾好食,湯味道剛好不咸不淡加咗蟲草花,我又連飯一齊食,很對我胃口叫咗杯熱桂圓紅棗茶,清甜好味道,食完飯飲仍然熱呼呼😆飯腳的海南雞清湯米啲雞肉感覺上就比較孩同份量少啲🤔…查看更多

如題，我仲要第二次叫，俾多次機會佢地，叫俾多啲湯同辣粉，黎到乜都無，打返去淨係話：喔，可能佢地5記得左！大佬，你餐其實唔平架，可以做好啲？百幾蚊食垃圾！真心嬲！…查看更多

啲飯硬到咬唔到，食多兩啖都哽胃。紫菜湯都OK，有少少沙。雞就普普通通冇特別，醬汁偏鹹。職員服務尚可。上網search先知原來呢間舖頭有分店，唔知係咪因為啱啱開舖，所以啲飯搞成咁。…查看更多

平日Lunch時間經過打算幫襯，見仲有吉位，問店員有冇檯。店員俾張飛我，我見都仲有位，問佢要等幾耐。佢勁串嘴話：「有人坐起身咪有囉」其實答唔到唔緊要，咪講一句「有位通知你/麻煩等多一陣」點解要咁嘅態度？我一直好有禮貌，佢答唔到我我都有耐心等候，亦冇再問佢/作任何催促。但隔咗幾秒佢竟然趕我出門，叫我唔好喺餐廳入面等，話：「小姐你出返去啦，你咁樣都無補於事。」如果店員禮貌請客人喺店外等嗌飛，我完全唔介意，但入面同出面都冇其他人等位，餐廳亦冇貼告示寫喺邊度等，出面仲落緊雨，係咪要咁樣趕人出去？店員個態度真係差到離晒大譜，我即刻嬲到擺低張飛就走人。以後唔會幫襯。…查看更多

5:55入到去 已經即刻用電話用QR code 自己落單 5:59個戴眼鏡似係男經理即刻收走下午茶餐牌 咁我仲差一個餐未落到 （個陣啱啱6:00）同佢講 佢就勁唔耐 講話幫我哋落埋 😡服務態度唔好 好差😠😠😠…查看更多

今日和家姐去吃钣，入了一間湾仔的餐室，他們主打吃海南雞飯和新加坡喇沙賣相幾正，食到喇沙超正，好有椰香味，辣味適中，味道濃郁，足料，但海南雞味道一般，白咖啡味普通，兩拼92元，贵了一點，如果下次會單叫喇沙。另外叫咗茶燻鴨飯好普通下次來，最好只吃喇沙！…查看更多