馥軒

咁啱經過見到糯米糍好吸引所以即刻衝入去睇吓仲有咩好嘢食$20.4粒超級抵呀我買咗黑芝麻同花生味超級正個皮好煙靭而且爆曬餡呢個下次必定要回購佢個雞批超級特別唔係普通嘅忌廉雞批係加咗黑松露嘅雞批仲要同普通雞批差唔多佢黑松露係超級足料首先個曲奇皮已經好正黑松露味仲超香超級大條腸而且佢嘅調味好好食個麵包一啲都唔乾仲有啲一袋袋特價嘅包唔好以為特價就唔好食絕對可以一試食過返尋味小朋友最愛呢個餅餅價錢唔貴但係可以食好耐買單平到嚇親你好多嘢都有優惠…查看更多

今日聽聞糯米糍好食，諗住買嚟試吓，入去問佢有冇糯米糍？有個四眼曲髮女員工，唔出聲，只係揮一揮手，示意叫我自己睇，我問佢即係點，佢話自己睇啦，請問這叫什麼服務態度？本人聽聞這間店舖已經多次俾人投訴，都是這位四眼曲髮女員工，已經唔會再幫襯，體驗10分差！劣評…查看更多

一早開門嘅早餐麵包舖，為於粉嶺火車站附近，由出口一行入粉嶺名都商場，已見到麵包店嘅存在。舖面似舊式麵包店，但似乎較擅長焗皮嘅麵包，牛角包、丹麥條等，亦有一啲夾餡嘅包，例如忌廉包等，門外仲有三文治賣。趕住返工，無再仔細查看。蒜蓉肉鬆包$10外型超大，大概係一部IPhone 8 Plus嘅大細。個包鬆軟，但因為夠大個，朝早8點食完，到中午都唔會肚餓👍🏽作為箍牙妹，最like佢唔似其他肉鬆包會硬到成個法包咁，雖然有肉鬆嘅位置依然會硬啲，但起碼唔會咬到牙痛😬…查看更多

今日中午12點半諗住買半磅麥包$8，去到收銀處畀錢，由於無帶八達通，於是拎出一個十蚊銀找數。當時短曲髮四眼員工接過錢後，即反問：「有無第二個銀，你d 錢污糟，銀行都唔收！」嘩，阿姐你呢啲態度真係世界級喎。當時我即刻決定唔會幫襯，亦唔會同你嘈，選擇親手將麵包交回給你。1. 當時鋪面得我同另一個客，未至於忙中有所怠慢；2. 你覺得輔幣污糟而唔收係根據公司政策定你自行決定？3. 銀行都唔收，請問我啲錢係黑錢咩，你憑咩咁講？員工語氣完全帶有冒犯性，呢間鋪我決定永不幫襯，員工咁既態度，簡直趕客，我唔寄望你公司會睇到而作跟進。p.s. 該十蚊最後改去隔離7仔幫襯，寧願買貴啲既麵包，至少食完唔駛背脊骨落！…查看更多

14:20我去買了兩個包，一個雞尾飽，一個雷沙飽，俾錢時，收銀員同我講放埋一齊，我話兩個味係甜同鹹溝埋？跟住佢用透明袋分咗兩個幫我袋，當時我去完超市，有兩大袋購物，但佢俾個兩個透明袋無手玩的，搞到我要放入我兩大袋購物入面，返到屋企，變咗扁左，唉！買個時立體有好睇好食嘅包，依家變咗扁平嘅包😢…查看更多

下午茶時間，大隊長請食小食，買了30個花生糯米糍返來！一大個膠袋滿糯米糍好誇張，每兩個糯米糍仲有一個細薄膠袋套住，方便大家分享又衛生！包裝上幾好！呢間近火車站商場麵包店，我都試過佢嘅麵包，水準只屬一般花生糯米糍🥜：正常糯米糍尺寸，白雪雪外皮真係要讚，又薄又軟，好似棉花糖咁，灑上糯米粉唔黏手，入面滿滿嘅花生椰絲夾芝麻，又鬆又香，味道唔太甜！真係好驚喜好味道！估唔到麵包水準一般，糯米糍做得咁好味👍🏼…查看更多

粉嶺火車站旁麵包店選擇唔多，只有山崎麵包店同埋呢一間，翻工想快快手買個包食定早餐，見呢間平過山崎就黎買個包。馥軒望落去都幾乾淨，仲有自設廚房，香噴噴有時候麵包出爐都好想買，而且有好多傳統中式包點，都幾吸引。今次買左兩個包，一個係芝士腸仔包，另一個係雞尾包。冇計喇！雞尾包最平。芝士腸仔包 $7.5 食得太急冇影相，不過賣相係幾靚！ 但係上面就無啦啦多咗啲怪味肉鬆味道有啲怪雞尾包$5 就係for我翻工放break食嘅，賣相都靚架！本身咬落去包都還可以，再咬多幾啖發現個包啲餡過少！完全偷雞！…查看更多

一早開工，好多店都未開！因為怕即刻要出去做嘢！都係打定底先！選擇唔多！只有兩間麵包店！呢間款式多，傳統式比較多，一入店就見個紫薯包，即刻夾一個比錢，有八達通比錢好方便，店員好爽手咁袋包，一出店就行住食，包面有朱古力粉，令賣相高級了好多，但又令食起上來要好小心，令朱古力粉沾染到嘴邊，咬落麵包較乾，唔鬆軟，食到中央，只有小部分紫薯，份量唔多，紫薯蓉唔甜，似係一團紫色粉團，無乜蕃薯味，呢個包味道唔好！…查看更多

火車站附近有好多麵包店，自己鍾愛有自設廚房嘅，因為即焗味道好好多，今日比呢個麵包外型吸引，睇落好鬆軟，雖然叫芝士物語但無乜芝士味，但麵包就好鬆軟！但唔係空氣包！依然好有份量！夠飽肚！店員超快手，帶八達通比錢！好方便！…查看更多