馥軒 (已結業)

晨早趕時間，衝左入去搵速食，之前聽聞好味又抵食，點知中伏，這個所謂的滑蛋熱狗餐，其實都唔算叫餐，熱飲另加左$8, 揀左個滑蛋熱狗+咖啡，攞餐時見到個蛋已覺唔對路，完全跟餐牌唔一樣，蛋係煎乾求其"pet"上面，咖啡淺色至好立克一樣，無咖啡味，好淡，勁難飲，腸仔味道還可以，但你係sell滑蛋嘛，煮成咁，實在好失望囉…查看更多

朋友見舖頭裝修幾吸引！提議去試下！外面係賣麵包，裡面有少許坐位，幾光猛，幾舒服:)。不過係要自己買野食，自己攞！藉得一讚，就係佢哋既畫幾靚好似係海洋咁！講起隻熱狗賣相吸引！但係爐到！麵包味道麻麻，只係條熱狗腸可以！醬汁都係麻麻，係一般既蕃茄醬同芥辣！那杯熱香芋珍珠奶茶不冷不熱！！？？？:(但係藉得一讚就係藍莓芝士蛋糕，12蚊，味道唔錯！雖然係藍莓醬，芝士味濃郁，有口感！…查看更多

係呢邊返工 日日lunch 都唔知食咩同唔想行得遠 仲有唔想等位我好多時都黎呢度食呢個卡邦尼意粉 配凍奶茶 佢個卡邦尼汁好好味 味道一啲都唔漏唔過份濃  可能佢加左好多洋蔥粒落去 味道有啲似白汁 不過得出黎好好味 （利申：我不是一個真食家 所以可能調亂左忌廉同白汁😂😂因為我平時唔食忌廉的）減少左平日去到其他餐廳食到果種好似芝士溝忌廉果種漏咁意粉入面足料 有洋蔥 煙肉 磨姑 火腿心心眼 見到都流口水 食完都想食埋碟邊啲汁😂😂（誇張法）跟著落黎要講杯奶茶 我少飲奶茶 因為個胃唔太好不過以前去親太興都會叫佢個冰鎮奶茶見佢呢度都有得飲 所以⋯我就叫左喇😋😋嘩 原來唔洗額外加錢 只係當普通凍飲味道唔太苦 奶同茶既分配好均衡奶唔會過多茶亦唔會有陣苦澀味總括：值得推薦的小店 下次我要試佢個 all day breakfast🙆🙆…查看更多

由於今晚要一支公食飯, 所以去左屋企附近搵食行左去最近開左好多新鋪的元洲商場見到有間出面賣麵包，入面有堂食既鋪頭入到去原來係類似Cafe的西餐廳坐位不算多，但勝在坐得舒服，因為大部份都係sofa位，又有wifi用，不錯首先叫左個小食咖哩角，黎到既時候，第一個感覺係size好迷你，雖然賣相麻麻，不過食落入面餡料都好飽滿，咖哩薯仔味道好香，咖哩帶甜亦好夠味，最重要係即叫炸，所以外皮脆卜卜， 好脆口到左主菜卡邦尼意粉，份量都大大碟，但食第一啖真係有D失望，完全無味道:(， 意粉又硬身，洋葱好生， 食落有些澀口，所以我覺得仍有好大進步空間檸檬柑桔梳打，檸檬味清香，口感飲落清新，而且柑桔蓉酸酸甜甜，好開胃呀如果只係諗住填飽個肚，從價錢方面睇都食得過…查看更多

在這店翻新後第一次光顧，是日午餐時間進內，位置頗舒適的！本日點了一個all day breakfast,即牛角酥全日餐配熱奶茶。個人十分喜歡這個牛角酥，味道和口感也是十分不錯的！加上價錢相宜，all day breakfast來說確是不錯的！不過，這店的熱奶茶真的很差，很苦丫！！！…查看更多

　　元州商場大翻新，近排陸續有新進駐嘅舖頭開張，亦有舊店轉個舖位換個靚裝從新開張，其中馥軒就係後者嘅其中一間。　　新馥軒除咗保留麵包店嗰part之外，更係店內加多咗café。好幾次行過門口，都俾佢門口號menu吸引到我。　　今日中午，我終於去會一會新馥軒的café (應該叫「CafE.Bakery」至啱)。　　我中午一點幾去到元州商場，一去到E.B就有位，唔使等。店舖位於人流頗多嘅地方，唔使等位令我有D喜出望外。可能係星期日嘅關係，D人無咁早出門搵食？又或者，呢度一個餐嘅價錢唔算平，稍高於大眾茶餐廳嘅常餐價錢，所以唔多人光顧？　　Anyway，店內café一角地方唔算好大，只有二十個位左右，佈置簡約，坐得都舒服嘅。因為新開張無耐，服務都好殷勤，一坐低就端水上檯。　　睇完成份menu (solly，我無影到份menu嘅相＝＿＝)，我order咗全日餐B，飲熱奶茶。　　餐飲等咗一陣就上檯，嗰杯幾靚～但我本人唔識品評奶茶，所以覺得OK(卦)，無特別comment。　　野食就……因為即叫即整嘅關係，都等咗頗耐至上檯。但一上檯，我心裡面就「嘩」咗出黎，成碟野同menu上嘅相片一樣ga！好感動～　　我先食包底嘅脆豬包。嗯～真係外脆內軟，外面脆到呢，唔好意思，我呢排熱氣，牙肉有D痛，一啖咬落去，脆親我D牙肉，痛……(＞＿＜) 但我唔會怪佢嘅。而入邊就，軟到好似棉花糖咁～好耐無食過咁正嘅脆豬包啦～不過大家真係要趁熱食咗個脆豬包先，另一邊脆豬包我係餐末攤凍曬至食，就搞到成個包連入邊都硬埋，食到我個口好痛……(返屋企煲D涼茶飲下先)　　跟住食雞扒，切一大塊擺入口(嗯，我無乜儀態，失禮曬XD)，好～入～味～呀～我鍾意～跟住食埋D拌碟嘅沙律菜，即刻覺得成個餐健康曬～再食埋薯蓉撈茄汁豆，又係唔錯，薯蓉整得好creamy，入口即溶。　　試埋份炒蛋，整體OK，因為份蛋做得比較厚(方便叉&切)，所以只有表面係濕滑，底部及中間都比較實，不過我又無乜所謂，我接受能力高。　　我食呢個餐(叫All-day Combo)跟熱飲(我忘了凍飲要加幾錢，印象係more than HK$2)，cost me HK$40。可能大家第一印象會覺得，貴咗D喎……但其實佢都只係比大眾茶餐多五六蚊，不過成份野嘅portion都好大，我自問係女生當中都算大食(碟頭飯可以成碟清曬XD)，食完成碟都好鬼飽，單計份量都值40蚊ga。而且唔好忘記，佢係一間café，以café黎講，40蚊係算平添。　　再講服務，雖然地方細細，但員工都算多，裡裡外外都有成差不多十個人，其中有好幾個唔係著制服疑似老闆嘅人物，做野勁親力親為，唔單止帶客人埋位、落單、執檯，仲入埋廚房洗碗添！(我坐係對住廚房嘅2人小圓檯，所以睇得一清二楚)　　疑似老闆仲會係無咁忙嘅時候，同客人傾下食物如何如何。我仲見佢哋出完菜後，會返埋廚房，同廚房講頭先出嗰份食物，水準爭D，望落點點點，要做成點點點至啱，云云。嘩～嗰份做事嘅要求&熱誠，已經值得俾100分啦！40零蚊一個餐咋，人哋付出好多心意ga，即刻覺得抵返曬。　　不過我都有D擔心，要一直keep住咁高水準，唔容易囉，希望E.B加油，keep it up！　　最後，我見menu仲有厚toast、waffle、ice-cream之類嘅野食，都好吸引咁樣，等我下次tea time再黎試下先～　　=^__^=…查看更多

今早行經元洲街,見到此店門口放了一個個盒庒的"至專手撕包". 買了一個回公司作早餐。打開盒蓋，便有一陣陣的牛油味傳來。由於麵包是繞圈式製作，直徑約為6吋，為保持它的外觀，於是放棄一向搣飽方式吃它，而是以手撕方式慢慢品嘗，也許此原因，覺得此飽份量足，吃了3圈已很飽了，剩下大半個還可留下來作下午茶。此飽的甜度足，牛油味濃，不怕肥的話可作一試。:)…查看更多

早上來此店買左個朱古力包作早點單單睇個包好豐滿好吸引, 表面亦有少量既朱古力粉食落都算對板, 麵包夠鬆軟美味, 不過縑朱古力醬餡料唔算多.對於我係朱古力迷來講, 有點兒不夠喉整體上個包都算唔錯.…查看更多

31/Mar/2012 早上8:40 於元州商場地下馥軒餅店 購買麵包作早餐, 買了一個hk$5.5波羅叉燒包, hk4.5吞拿魚包 , hk$7一袋8塊的麥味方包,一共是hk$17,但付款時店員收我23.3, 因為此店不是第一次收多我錢,所以我每次在此店購物定必會自行計算一下買了多少錢,所以當他說收我hk$23.3時我便向他提出,他才重新計,原來他將之前客戶的那6.3 (因次前那個是長者購物故折完是hk$6.3)價格沒取消直接加在我購買的價格上。今次是第3次收多我錢,故我決定在此分享我的經歷,希望各位顧客留意在購物時自己購買的東西,如果不留心或沒自己計便會付多了錢而不知道, 否則給些無良商店收多錢以招損失。這篇是真人真事,而不是胡亂控訴, 當天我是用八達通付款,有八達通交易記錯,而且這店不是第一次這樣收多錢,所以今次才借此刊登,希望各位於任何地方購物時更加要留意以防給店舖多收費用。…查看更多

口痕友口痕, 就買點點心塞住佢把口黑天鵝頸 $6, 乜咁應景????今期分享食評有機會被賞睇「黑天鵝」電影喎 講番呢條頸, 黑芝蔴味道重, 外層黑芝蔴黏得貼服, 而且炒香了才與粉團黏上, 咬開後內裏粉團也是芝蔴味的, 甜度適中, 裏裏外外黑芝蔴.....一d油益味都無:)南乳餅 $7.50/3件 雖然無葵涌廣場賣嗰間咁重南乳味, 不過那些煮濃縮過的冬瓜蓉料, 又真係煙煙韌韌到; 好食到停唔到口 甜得嚟清, 清得嚟韌, 口感大交亂！…查看更多

1/DEC妹子報讀了4堂的進修課程，於長沙灣元州邨那邊上課，合巧經過這間餅店~容許妹子才疏學淺，不曉得讀那個馥字，所以好奇心下走入去看看有甚麼好買的？見到蛋糕櫃有芝士蛋糕買喎~便決定下課後再來買~原來那3小時的課堂真的悶到妹子抽筋，那些電腦知識連小學生都曉得，妹子真想中途一走了之！正處於遊魂狀態下行回餅店~其實內裡的麵包只是普普通通，不買也罷！妹子只想買蛋糕食~見到收銀處旁有中式餅買，少見有的花生酥，滿佈一粒粒的，很是吸引，就來多件花生酥和合桃酥回家吃~本想回到去才吃蛋糕的，但又驚會變溶，於是乘巴士沒事好幹的時候吃了！咬一口，貨不對版！吃落去勁似超級市場買的一舊裝芝士味，真的沒說話好說！吃了一半真的啃不下去~下車時順道掉進垃圾桶至於那個花生酥和合桃酥呢~妹子回到家裡才吃~花生酥簡直像吃花生似的，花生又脆口，挺不錯！反而合桃酥咬下比較淋~2塊面餅似的酥餅，分了幾次吃才吃完，且只售$2.3/塊，超值！…查看更多

我食左好多小食呀響呢間鋪!!XD今次實肥死喇~~~XD其實尋日已經去食左個薯蓉批(焗既)同埋鮮果泡芙..不過唔記得影相.但系尋日既感覺就麻麻地....因為兩樣野食刀凍左同埋有d乾..........但系今日我食既3樣野又覺得好食喎!!我估系因為今日果d系要凍食喇.........首先講迷你小蛋糕..其實有朱古力同埋什果...什果蛋糕出面系d cream痴住花生碎..我揀左朱古力味..幾好食!!個size好細好細...岩晒一個人食: )d cream唔多唔少....食左刀冇乜負擔~~XD仲有好多什果...幾好味: )而且好足料.之後呢綠茶紅豆巻刀好好味!!!我覺得我食過既野最好味系呢樣xdd真系有一粒粒紅豆...有口感....夾埋上面d糖霜更好食: )最後系藍莓撻...刀好味!!上面D藍莓醬好稠...好夠味好好味: )最SUPRISE系!!!!!個藍莓撻下面有蛋!!!!即系蛋撻藍莓撻...XDD好好味呀!!!間鋪頭都幾闊落,,幾大幾乾淨咁既樣.......比起一般面包店大......服務就一般喇....有笑容, 不停聽到"歡迎光臨馥軒面包店".我冇乜特別感覺: )但系價錢系超平!!!個蛋糕$12蛋巻好似系$6藍莓撻$4左右~~切餅刀系10蚊以下.所以就算D野食唔系特別好食..呢個價錢有咁既品質已經抵到爛!!: )呢排某D甜品仲有8折添!!!: )我遲D想試下D面包到時再po食記喇!!: )…查看更多

每次路過此店，總會受不住誘惑鑽進去看看有沒有新鮮出爐麵包，沒有什麼特別喜歡的口味，只要看到哪款剛好新鮮出爐的就會挑來買。記得第一次光顧是被其美式焗芝士餅吸引，一看其賣相已知是「好嘢」，再一看價錢竟然難以置信地只售$11，需知道一件像樣的焗芝士餅正常來說二十大洋以下難有交易，當即買了一件試試，果然沒有「睇錯餅」，芝士味濃，餅身厚實，餅底亦夠鬆化，此件芝士餅可謂超值中的超值。但其後卻更常光顧其新鮮出爐麵包，此店的麵包比坊間大部份港式麵包店出品食落更輕身和鬆軟，不會有實或膩口的感覺，而且此店的麵包經常不停新鮮出爐，我經常在下午五、六點路過，都仍會同時有達兩、三款麵包出爐，起初一心想買芝士餅的我也因此被出爐麵包香吸引到自此「中招」，當然最重要是價錢超值，一個吞拿魚包賣$4，一條蒜蓉麵包條賣$2.8，質素就遠勝什麼「美X」、「聖X娜」等閒閒地收貴近一倍，但永遠又凍又硬的同類型出品，別處真的吃不到如此好吃之餘又超值的麵包，可惜此店對我來說實在不太「就腳」。…查看更多

買過炸燒賣，看見對面有一間新餅店，門面不錯，我當然立即上前逛一下。店子售賣多款飽點，南乳大餅至神戶豬柳飽也有。不過第一次嘗新店子，還是穩陣一點好。我選了兩大塊中式餅，花生酥及芝麻餅(各$2)。不知是隔了一夜還是本來就是這樣子，餅早已又硬又帶點濕氣，吃下去完全漿口，幸而有略香口的花生才勉強吃掉。芝麻餅由於賣相及質感差，被家人放棄了。…查看更多