香港粉麵

星期四大約下午五點五十分到餐廳，仍然有下午茶（直到六點），就是食任何麵送汽水。不用等位。麻辣雞米線（$40)問東主可否揀辣度，他建議將麻辣醬油另上，再上一個金華火腿湯底雞米線。沒有味精的湯好入口，雞件有些是嫩也有些是過熟，但因為那啖湯彌補了。有雞毛飄在湯上所有店員都非常有禮貌，非常讚！…查看更多

友人大大力推介既小麵館，選址亦不算方面，不過對我休閑既生活黎講，簡直是好選擇。下午3點半，正是麵館下場時間，老闆好親切話做埋我先。因為我一早已經諗好要食碗牛肚米，好耐無食啦。侍應補充原來下午茶送野飲，太好啦。叫左支可樂，侍應還風趣地問：classic or zero? 之後我先欣賞下間店，其實個鋪名就比較簡單，似乎無花多心思就改左。correct me if I get it wrong! 可能都放哂心思係麵入面。餐牌上強調無味精湯底，咁我好放心咁大大啖飲個湯。一飲真係唔簡單，香味俱全，牛肚亦處理得好，軟硬適中。加兩滴辣椒油，把香氣再升華，不過下次要問下老闆，辣椒油係咪佢既作品先得。我花了5分鐘就完成整個麵了。十分滿意。…查看更多

牛腩非常入味，有少許牛筋，牛筋與牛腩比例岩岩好，不會令人有油膩感，牛腩份量非常多，食量少的人應該可以分兩餐，飯及牛腩分上，加埋碗湯，十分滿足，加上後生仔店員十分好客，強烈建議多點幫襯。…查看更多

在灣仔區工作都一段時間，真係無留意，原來這邊有間粉麵店。初次發現，都只感是一間唔顯眼的小店，見無太多人就入去一試。一走近，門前就以有位好有禮貌的店員同你打招呼，店內地方唔算大，一見餐牌才發現，原來品種都唔少，例牌都係雲吞水餃牛腩⋯⋯，眼見有種叫『牛沙瓜』，一般都比較小有，就叫來試吓，原來係牛的第四個胃。肉質鬆軟，有咬口，味道剛剛好，感到師傅的用心製作👍。又叫了個雲吞，唔係好大粒，但滿滿的蝦仁，唔會腌到鬆泡泡，好新鮮。這裡有個一定要試的就是蘿蔔，一碟4舊，大大舊$20，完全清甜，無根，非常出色！食完，完全令你有滿足感。其他食品，因為太飽，就算想試，都只得留代下次！一間用心的店，現今香港真係買小見小，絕對的要推介，大力的支持！正！…查看更多

5，6年前喺附近上堂，所以經常嚟醫肚。呢幾年疫情極少出街甚至過海，因為去會展睇展覽又順道嚟懷緬下。一入門口，有位哥仔好有禮貌招呼，又介紹食品，已經好加分，因為香港小店有時啲服務態度真係😅，大家明啦。之後點咗填店牛沙瓜河，腩汁蘿蔔，依然好味，湯頭無味精。因為食下午茶送支裝汽水，感覺好正，食完走嗰陣，忘記去會展方向，另一位叔叔店員又好熱誠問想去邊，令人覺得好warm,因為近幾年嗰香港，真係好難過，難得嘅人情味，會再多啲去幫襯。…查看更多

行過灣仔既小巷經過依間唔係幾起眼既小店🤔就見到店員非常親切有禮咁介紹菜式😸仲有粉麵店少見既原隻切雞髀🤣吸引左入去😆🍴麻辣雞湯河 （麻辣另上）$40 雞係成隻雞髀上😍雞肉好滑👍因為店員話餐點冇用味精，所以叫咗麻辣汁另上試下個湯底😳湯用金華火腿熬製🤤清清地配埋青瓜絲同河粉好夾😋呢個價錢真係好抵食🥰🍴招牌添哥三寶 $59三寶係有鯪魚球✨鳳城水餃✨鮮蝦雲吞✨睇相就知每樣都勁大粒🤣超真材實料😋全部人手每日新鮮製造😍個人最鍾意食鳳城水餃好有口感而且好飽滿👍🍴腩汁蘿蔔 $15依款係食完會令你返轉頭嘅驚喜🤣🤣蘿蔔清甜冇喳勁入味🤤唔使5分鐘已經清晒😆…查看更多

第一次幫襯，叫左一個牛沙瓜可，魚鱻可，湯底味濃郁，冇味精，添哥話係用金華火腿，原隻雞煲既，真係幾好飲。鯪魚球喺自家製，入口完全冇粉狀嘅感覺。臨走嘅時候，添哥仲親自問我地對食物嘅意見，教我地點樣分牛沙瓜既部位，對煮食，十分有heart!一定會再去幫襯…查看更多

喺灣仔行展覽，係附近搵嘢食，見到有間粉面舖， 灣仔算唔貴， 又再入去食之後，點知好友驚喜。店員有禮貌，湯底係奶白色，又無味精，值得一試。 我食的是鯪魚球河粉，鯪魚球粒粒都一樣大。 …查看更多

晚上經過謝斐道，晏就食太飽，唔係太想食飯，平平地食碗麵，眼見有位年輕人係店外招來，一於試試餐牌選擇同一般潮式粉麵無異，不過年輕店員話佢地係無味精，真係新鮮豬骨去煮個湯底牛沙瓜亦係佢推介，全灣仔得佢地有賣，係牛第四個胃，味道會好濃郁食落係夠味，未到好濃郁，而口感似豬肚，一摺摺咁樣，麵底靚，冇鹼水味，而且湯底真係堅無味精，仲好香，飲左半碗湯底都無口渴水餃唔記得有幾隻，但足料，有蝦肉同木耳絲，兩樣都好爽脆，水餃皮又薄，真係好野佢見我地生面口，話我地應該第一次黎幫襯，請我地試左個湯底，果然係奶白色，清甜香滑，推介大家…查看更多

👍🏻添哥三寶 $59果然係招牌菜，個上湯湯底超正😛！用左金華火腿同雞熬製而成無落味精都好夠味，飲哂都唔頸渴🤤🤤三寶係鳳城水餃、雲吞、鯪魚球各三粒全部都係老闆兼大廚人手一粒一粒手作水餃皮薄餡多，竟然包住兩隻蝦，蝦肉鮮甜😋仲有筍同木耳絲，咬落好爽口雲吞同水餃味道差唔多，一樣咁足料😜！蝦肉比例多啲，蝦味比豬肉香更突出鯪魚球有魚味但唔腥，唔算好彈牙但啲肉一啲都唔霉最正係完全無魚骨碎，真心讚👍🏻👍🏻！味道：9/10性價比：7/10-👍🏻麻辣手撕雞撈麵 $43手撕雞肉質嫩滑又夠入味，連埋少少雞皮食到有雞味😛麻辣醬係老闆自家調配，個麻辣超香！夠麻又唔會辣到熗喉，好過癮👹麵質彈牙，唔會太重鹼水味不過食到落底啲麵都幾多辣油，要隔一隔起黎食夾埋有青瓜絲食就冇咁油膩😎味道：8/10性價比：7/10-👍🏻牛沙瓜(例牌) $48醃得勁入味好香，唔係得個鹹字🤤🤤炆得好軟腍，但又唔會太腍到無哂彈性口感好正，食落亦唔會有內臟臭味雖然牛沙瓜外形好樣衰但原來超好食🤣值得一試，推薦呀😋👍🏻👍🏻！味道：9/10性價比：8/10-👍🏻南乳豬手(例牌) $48豬手皮炆得好腍身，食到成口骨膠原咁🤣南乳味好香濃，甜甜地但唔會好鹹豬手肉一樣咁腍咁入味😙例牌有四大嚿，豬皮同肉都好多，唔會剩係得舊骨😌味道：8/10性價比：8/10-👍🏻京都炸醬撈麵 $43炸醬好濃味，食落辣辣地😛炸醬同肉絲份量都好多，足料幼麵口感彈牙，唔會太重鹼水味😙味道：8/10性價比：7/10-📍#香港粉麵灣仔謝斐道138-146號建利大廈地下2號舖…查看更多

現時流行「打卡」，傳統的東西卻漸漸容易被遺忘‼️❣️ 香港粉麵是一間傳統粉麵店，老闆兼主廚添哥堅持手作食品，保存著傳統的味道‼️▫️❥手打雲吞、水餃、鯪魚球🥟 上湯用金華火腿熬製而成，不添加調味料、味道夠鮮‼️ 👅 大大顆的手打雲吞、水餃、鯪魚球全為老闆人手包製，粒粒新鮮、爽口彈牙‼️😗▫️❥秘制崩沙腩🍴牛的橫膈膜，筋膜連肉，肥瘦剛剛好，極為矜貴‼️👅 崩沙腩爽軟不硬，加上老闆秘製醬汁，很美味‼️🤤▫️❥十三香牛沙瓜🥢 牛沙瓜即牛胃，同樣極為矜貴‼️ 滷好的牛沙瓜口感跟豬肚相似，口感很嫩帶點嚼勁👅 中間有一層薄薄的脂肪層，很香很滋味‼️😻▫️❥走地手撕雞撈麵🍜 麵條非常爽口，鋪上手撕雞到淋上老闆獨家調配的麻辣醬🌶️ 一上桌就聞到麻香味，很吸引人‼️😍 麻辣醬麻香出眾，不消片刻時間整碗麵就吃光了‼️👅…查看更多

成日都食西餐 或者其他地方嘅菜 有時都會想食翻d地道野🥰其實除左茶餐廳之外 粉麵店都好有香港特色架😍仲有最重要一點 就係 人情味 🥳呢間小店聽講係疫市開張 見到老細 添哥唔單止熱情好客🤩重要樣樣野都親力親為 誠意十足☺️👧🏻 #feiching_foodie港式美食👦🏻👧🏻 #feiching_foodie粉面👦🏻🌟麻辣手撕雞撈幼麵 $43原來辣醬係添哥自製嘅 食落比較麻多過辣😋加上雞肉都算幾滑 個麵就偏辣左少少飲埋上湯都仲覺得辣😆👧🏻忍唔住都叫左兩罐可樂🥵 食唔到辣嘅朋友仔記住要叫少辣啊😗🌟招牌三寶 $59三寶有手工製鯪魚球 水餃 雲吞大概有兩三粒水餃 雲吞 仲要全部都大大粒 好足料架🥳雲吞最重要係皮薄餡靚 蝦仁同豬肉嘅比例大概1:1水餃加埋木耳等材料 食落都幾香口 🤩食鯪魚球最怕就係有腥味 呢間就唔會啦😉感覺都幾新鮮 食落去就偏淋身出街食野有時都好怕食得太多味精🥺個湯底原來係老細親自用金華火腿熬嘅亦都無加味精 有驚喜👍🌟牛沙瓜大家可能之前就未聽過牛沙瓜 佢個樣有d似豬肚魚肚咁 其實係牛嘅第四個胃 平時好少見有得食牛沙瓜味道濃郁 非常入味 而且肉質好淋 肥瘦適中🥰🌟淨牛腩 $80牛腩同牛沙瓜其實食落非常類似 但就偏軟身d 😍食材用左崩沙腩 味道適中 食飽之後可以食埋墊底生菜咁樣感覺就無咁肥膩 同埋生菜真係吸曬d味 唔錯唔錯😂📌香港粉麵灣仔謝斐道138-146號建利大廈地下2號舖🚇 港鐵灣仔站 A1 出口, 步行約3分鐘等候時間🕰 0 mins📍#灣仔…查看更多

最近返工去食，第一次真係食完啲出街嘢完全唔口渴！ 老闆勁好人，想加多啲湯同埋蔥都肯比。 湯底濃郁嘅雞味，雲吞爽口彈牙、牛腩入味， 如果係附近返工，我應該日日都會去食，極度推薦😍…查看更多

Lunchtime係灣仔想搵間抵食嘅餐廳真係選擇唔多下下埋單都6/70蚊一餐有時想簡單食少少野依間香港粉麵就岩曬 午餐時段我叫咗麻辣手撕雞撈麵醬汁非常惹味 份量適中唔會太over太咸我鐘意佢地嘅麵唔落鹼水 食落都係爽口彈牙手撕雞嘅份量都好多 配埋青瓜絲食落清新開胃不過個人覺得份量偏少如果想食飽飽就要加配其他野喇依度仲有手打雲吞 水餃等等小食又或者可以加碟菜滿足又健康嘅一餐整體黎講 依到既食物質素同價錢都好親民抵食值得一試再試呀…查看更多

-{灣仔港式粉麵店🍜}依間粉麵店睇落好傳統 主打冇味精嘅港式粉麵😆🤤麻辣手撕雞撈麵🤤 ($43)辣得來好惹味🤩啲麵冇鹼水味😉味道夠麻🥰雞味都好足 不過雞皮偏多~但對我唔食得辣嘅人黎講 食多兩啖就頂唔順😂👖褲評: 7.8/10🤤崩沙腩🤤 ($80)炆得夠入味又好淋🤩好夠牛香 個牛腩醬濃度幾好😆而份量會比相多啲嘅😉👖褲評: 8/10🤤添哥三寶🤤 ($59)三寶係包括鯪魚球 雲吞 水餃 鯪魚球好多魚滑🥰食落幾彈 另外個雲吞好大粒蝦😍食水餃大大粒落好足料😚👖褲評: 7.6/10性價比唔錯☺️環境幾乾淨而且店員服務態度好好😙間唔中想食下粉麵店都可以黎依間😆性價比: 8/10服務: 8.8/10環境: 7.8/10🚩香港粉麵🚩地址: 灣仔謝斐道138-146號建利大廈地下2號舖…查看更多