香港地 (裝修中)

【中西區】【香港地】開工之前喺金鐘覆診，覆完診就周圍搵吓嘢食。但係好可惜，一係就食過，一係就冇乜興趣，揀唔落手。到最後行遠少少見到呢間「香港地」，見佢個景 okay 就入去啦，再唔揀就真係冇嘢食。由於仲係下午茶時段，我就食佢哋嘅「經典下午茶」睇吓點。唔係成日見到下午茶有得食牛脷，所以叫咗 $44 嘅「牛脷滑蛋多士·薯條」，唔大份，亦都冇特別。而加 $18 嘅「瑞士雞翼」都好麻麻，似滷水汁多過似瑞士汁。跟餐杯嘢飲「熱奶茶」反而過得去，起碼有返茶餐廳質素。唔夠食就叫多份，寫返畀大家睇。另一份我叫 $35 嘅「煎雞尾包·蔥花炒蛋」，將個平平無奇嘅雞尾包煎香佢再切四份，綽頭十足但對味道冇幫助，反而個炒蛋生生哋，幾好。加 $18 嘅「長洲咖哩魚蛋」又係唔掂，冇魚味嘅。餐飲今次揀「鴦走」，正常質素夠穩陣。埋單 $115，早知食第二間。。。（地址：金鐘夏慤道16號遠東金融中心UG樓A6-2號舖）

最近我去咗一間位於香港甲級寫字樓附近的餐廳，試咗佢哋嘅黑椒汁牛肉漢堡滑蛋飯。講真，呢度嘅食物份量真係讓我失望。首先，雖然我明白香港的物價普遍昂貴，加上餐廳位置定位，但我對於80幾蚊的漢堡飯，期望的份量應該有一定嘅水準。可惜，漢堡扒細得驚人，三四啖就可以食得冇晒。我心諗，咁細塊漢堡扒，真係唔夠過癮。對於我嚟講其實同偷工減料冇乜分別。而且，雖然黑椒醬味道尚可，但如果漢堡再大塊啲，搭配上滑蛋飯，肯定會更加美味。現時的份量，令我感到有些不值。對於這個價位，我覺得應該提供更具滿足感的食物。不過，餐廳的服務質素還算不錯。當我去的時候正值新年附近，所以客人不算多，服務員都能很快提供服務，態度友善。聽說平日這裡經常排隊，我不禁想問，咁多人排隊的原因是什麼？如果平日的質素都係咁，再加上要排得耐，我實在無法理解。總結來講，這間餐廳的食物雖然有潛力，但在份量上實在讓人失望。如果能夠改善漢堡扒的大小，我想我會對呢個價錢更有接受度。不過，現時的狀況，真係唔滿意。簡單啲嚟講我唔會覺得值。

同熱愛這片土地～大家刻骨銘記～好食既香港地～🤣夠貼地，係金鐘地理位置方便～好適合打工仔上班族早餐或lunch～腸仔煎蛋，蕃茄通心粉，例牌間間茶記既最愛叫法👍🏻👍🏻減肥所以飲齋啡～不過真係間間茶餐廳嘅特色都唔同嘅，有啲就沙嗲牛肉麵好食🤤有啲呢就係雪菜肉絲米粉好食就沙嗲牛就唔好食🤣我好鍾意食好多唔同嘅餐喺同一間咁呢間香港地係全部餐都好好食嘅水準好穩定！所以先至令我諗起首歌，愁或喜生與死也是香港地！🤟🏻

食晏，唔洗等位。雞扒煎蛋飯，雞扒炸得幾好唔錯，味道正常，唔會話太乾，煎雞蛋飯，比左少少豉油，味道正常。沙嗲牛肉公仔麵，味道正常，沙嗲牛肉凍左些少，唔太好食。餐飲水準正常。

味道：鴛走味道一流無得輸（P.S.卡路里低過鴛鴦)賣相：上碟食物顏色本身靚，不花肖但細緻價錢：幾十元包有飲品有碗麵，絕對抵食（可轉米粉，丁等（部分要加錢））環境：坐得舒服自在，職員亦好nice

香港地退步啦以前食過香港地，今日行山系金鐘食完早餐至起步，早餐基本都系chain,咁咪搵間好d嘍裝修—哩間裝修似茶記，唯一好似系無餐牌一定QR code點餐。—裝修比大記舒服。服務— 一個年輕高瘦waiter無乜禮貌，系咁"bear"住你想你走— 另一個waitress就OK，要熱水同筷子都好快比味道—比大記好d,選擇比較適合口味，譬如有豬趴，番茄。番茄豬趴米粉($44)—番茄90%肯定系罐頭貨色，一Pat 野同比較酸，比譚仔差，—豬趴系帶骨，表面煎過，吾覺得大炸過，系細塊d,都醃得幾入味—米粉好幼好滑。豬趴蛋米粉($44)—哩個餐覺得抵好多—豬趴大過上面個餐起碼1/4,仲有隻太陽蛋咖啡—同大記差不多，比大部分茶記好。

等七點去太古廣場睇戲，唯有四圍蕩下同搵野食，行下行下，就見到呢間睇黎幾乾淨嘅香港地。仲有下午茶，我就叫個菠蘿雞粒炒飯，見到啲炒野都係50蚊左右，好似好抵，點知真係中伏！！碟飯唔夠三分鐘就想到檯，一啲熱氣鑊氣都冇架！！我唔係食家，但食慣即食野，第一啖已經覺得同我平時屋企叮果啲急凍飯係一樣味！啲飯雖然熱，但雞粒係凍架，超恐怖！真係誠意欠奉！至於杯奶茶，都真係好唔得！我叫少奶，應該都係即沖，但係唔辣口！即係唔夠熱！！金鐘黎講，50蚊真係算平，但冇諗過咁hea！唯一好處係個景掛！反映出香港地真係好多車！

今日放假，專登去金鐘搵老婆食晏，12點左右就喺金鐘搵餐廳，點知間間餐廳都好多人，最後唯有去咗食美心香港地，睇Menu嘅時候見到茄汁焗系列嘅圖片好吸引，於是決定叫一個茄汁焗豬扒意粉食，服務員上菜嘅速度都好快，平時焗飯應該要等15至20分鐘嘅，今次10分鐘左右就已經可以有得食，味道都唔錯，下次喺金鐘食飯都會再嚟返呢間美心香港地食。茄汁焗豬扒意粉茄汁味恰到好處，金黃嘅芝士香噴噴，食落有拉絲嘅感覺，熱呼呼嘅豬扒香脆爽口，意粉軟硬適中，咬落去爽口彈牙

星期六朝早要去金鐘上堂，快快手搵間茶餐廳食早餐☀️環境OK乾淨，仲有落地玻璃，比普通茶餐廳Good👍🏻QR code落單，等大概10分鐘有嘢食～✴️雪菜肉絲米 沙嗲牛肉麵✴️味道同份量都係中規中矩，呢啲早餐唔會有幾好食，但都唔會入唔到口🙈✴️煎雙蛋 厚多士✴️可揀炒蛋、太陽蛋或雙面煎蛋，太陽蛋可以再煎香少少就會更開心～厚多士同快餐店嘅來貨一樣，都係嗰啲無咩麵粉香嘅多士～✴️凍鴛鴦 凍阿華田✴️凍飲加$4，味道較淡同薄，麻麻地👎🏻

望到條魚柳勁幼，真係咁幼，真係得一條，仲要厚炸粉，個魚柳可能只有一隻外賣膠匙羹咁大🫠，而且魚柳口感都有d乾，又細又乾，味道係咸，雖然都預咗係雪藏魚，但有d炸魚柳係可以好juicy，但係我覺得自己食緊厚粉炸鹹魚粟米汁好多嘅，好似食緊粟米羹送飯咁，入面除咗粟米粒就只有大概三嚿紫洋蔥粒，陳皮魚蛋咁大粒，可能焗唔熟，又冇預先煮過，咬落去又硬，仲好辣，即刻吐出嚟條魚柳大概食咗三啖到左右，之後就覺得好空虛，我一定唔會再食呢個焗飯😩

昨晚在一間快餐店但又蘊藏着小菜館格局的餐廳用膳，品嚐了幾道菜式，真的令我回味無窮、令人食指大動。首先，「荔芋脂味排骨煲」這道菜的外觀非常誘人，煲裡的排骨細小易入口且肥瘦條理明，配有少許芹菜丶冬菇絲丶美心臘腸及臘肉等，還有這道菜的靈魂…荔芋。煲仔菜除咗外觀吸引，整體色澤誘人，入口口感豐富，排骨鮮嫩多汁，荔芋的軟糯和排骨的鮮味融合在一起，讓人回味無窮。此外，荔芋脂的香味也非常濃郁，令人難以忘懷。整道菜的調味也非常恰到好處，可讓食客胃口大開，而且煲子保溫得也很好，讓食材的溫度一直保持得宜，這絕對是一道值得一試的佳餚。餐脉肉石鍋飯

返工前嚟食早餐，都要排一陣先入到座，位密得嚟唔算逼，叫咗沙嗲牛肉通粉配多士烚蛋，飲茶走份量多嘅，味道正常，牛肉薄啲同沙嗲汁多啲會好啲，蛋烚到僅僅熟，再烚耐啲會易剝殼啲，多士烘得夠脆，但食得出擺耐咗先上碟，有啲硬，牛油多啲會好啲，杯茶走就普通，香滑濃都一般

晚上6點去買外賣，首先職員明明見我企收銀位打算落單叫外賣，都可以無反應，完全無人理，到我講唔該，先有一個人施施然行過嚟，因為有兩張卷，所以要分兩張單落，嗰職員落落下單又走左去叫另一個人嚟落單。其實晚上目測都無乜客，職員係咪可以俾返少少禮貌呢！🙈到拎餐時，職員又唔叫號碼叫人拎，就咁放喺度，我走過去另一個阿姐走過來好無禮貌問我拎單，拎完單我發覺無俾到薑蔥同沙薑汁我(因為我叫一個沙薑雞，一個蔥油雞），我就問返阿姐拎，阿姐勁無禮貌睇都唔睇清楚就話我叫蔥油雞係無薑蔥同沙薑汁，我就嬲嬲地話我叫左兩份，其中一份係沙薑雞，阿姐依然好無禮貌，話唔係自己執所以唔知，其實單佢又收左，係咪可以睇返張單我點左咩，而唔係咁無禮貌話嗰客呢？😑

店鋪係公司附近經常幫襯，order左個番茄通粉餐，已經係第五，六次畀凍多士，腸，煎蛋。肯定有人話做乜唔叫店員換，肯定係嘗試協調過，有次我同個經理反映，佢都好好禮貌話幫我換，仲專登同廚房講指定幫我整件靚多士，等件多士都等左15分鐘，有個靚女同我講廚房唔小心整燶，問要唔要再整喔。再整又要15分鐘?我趕住返工就算了。我可唔可以理解成廚房員工唔滿意我提出問題，導致佢要重新整件多士畀我，所以等我食d'靚燶'多士呢。唸唔到連鎖店的店鋪廚房食物質素可以搞到咁唔穩定，店鋪樓面服務都幾好，但次次出問題都系廚房問題。

The past few times we've eaten at Hong Kong Day, it's always been not too good. But these were other locations. And as we were in Admiralty and I was super hungry, we just decided to eat here as the other choices weren't interesting at all.Hong Kong Day is a chain of fast food restaurants serving cha chaan teng type food. Menu is in English and Chinese. There is no 10% service charge and ordering is done by QR code ordering system that is in English and Chinese and was smooth to use. We were her